2 ಹೆಣ್ಣು ಮಕ್ಕಳ ತಂದೆ ಫರ್ಹಾನ್ ಅಖ್ತರ್ ಮೊದಲ ಮದುವೆ ಮುರಿದ್ದೇಕೆ?

ಫರ್ಹಾನ್ ಅಖ್ತರ್  (Farhan Akhtar) ತನ್ನ ಬಹುಕಾಲದ ಗೆಳತಿ ಶಿಬಾನಿ ದಾಂಡೇಕರ್ (Shibani Dandekar)  ಅವರನ್ನು ಫೆಬ್ರವರಿ 19 ರಂದು  ಮದುವೆಯಾಗುತ್ತಿದ್ದಾರೆ. ಫರ್ಹಾನ್ ಅಖ್ತರ್ ಅವರು ಶಿಬಾನಿ ದಾಂಡೇಕರ್  ಅವರನ್ನು ಶನಿವಾರ ಖಂಡಾಲಾದ ಫಾರ್ಮ್‌ಹೌಸ್‌ನಲ್ಲಿ ವಿವಾಹವಾಗಲಿದ್ದಾರೆ. ಶಿಬಾನಿಗಿಂತ ಮೊದಲು, ಫರ್ಹಾನ್ ಅಖ್ತರ್ ಕೇಶ ವಿನ್ಯಾಸಕಿ ಅಧುನಾ ಭಬಾನಿ (Adhuna Bhabani) ಅವರನ್ನು ವಿವಾಹವಾದರು. ಆದರೆ ಈ ಮದುವೆಯು 16 ವರ್ಷಗಳ ನಂತರ ಮುರಿದುಬಿತ್ತು. ಫರ್ಹಾನ್ ಅವರ ಮೊದಲ ಮದುವೆ ಕೂಡ ಪ್ರೇಮ ವಿವಾಹವಾಗಿದ್ದು, ಇದರೊಂದಿಗೆ ಅವರಿಗೆ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಅಷ್ಟಕ್ಕೂ ಫರ್ಹಾನ್ ಅಖ್ತರ್ ಅವರ ಪ್ರೇಮ ಜೀವನ ಹೇಗಿತ್ತು ಮತ್ತು ಅವರ ಮೊದಲ ಮದುವೆ ಏಕೆ ಮುರಿದುಬಿತ್ತು ಎಂಬ ವಿವರ ಇಲ್ಲಿದೆ.

ಫರ್ಹಾನ್ ಅಖ್ತರ್ ಅವರೊಂದಿಗೆ ಅಧುನಾ ಅವರ ಮೊದಲ ಭೇಟಿಯಾದದ್ದು 'ದಿಲ್ ಚಾಹ್ತಾ ಹೈ' ಚಿತ್ರದ ಸೆಟ್‌ನಲ್ಲಿ. ಇದಾದ ನಂತರ ಇಬ್ಬರೂ ಜುಹುವಿನ ನೈಟ್‌ಕ್ಲಬ್‌ನಲ್ಲಿ ಭೇಟಿಯಾದರು. ಅಧುನಾ ಫರ್ಹಾನ್‌ಗಿಂತ 6 ವರ್ಷ ದೊಡ್ಡವರು. 

ಮೂರು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ 2000 ರಲ್ಲಿ ಇಬ್ಬರೂ ವಿವಾಹವಾದರು. ಫರ್ಹಾನ್ ಅಖ್ತರ್ ಅಧುನಾ ಭಬಾನಿ ದಂಪತಿಗೆ ಶಾಕ್ಯ ಮತ್ತು ಅಕಿರಾ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಪ್ರಸ್ತುತ ಶಾಕ್ಯಾಗೆ 20 ವರ್ಷ ಮತ್ತು ಅಕಿರಾಗೆ 12 ವರ್ಷ.

ಫರ್ಹಾನ್ ಅಖ್ತರ್ ಮತ್ತು ಅಧುನಾ ವಿಚ್ಛೇದನಕ್ಕೆ ಕಾರಣ ಪರಸ್ಪರ ವೈಮನಸ್ಯ ಎಂದು ನಂಬಲಾಗಿದೆ. ವಿಚ್ಛೇದನಕ್ಕೆ ಸ್ವಲ್ಪ ಮೊದಲು, ಇಬ್ಬರ ನಡುವೆ ಜಗಳದ ವರದಿಗಳು ಬಂದವು. ಫರ್ಹಾನ್ ಅಭಿನಯದ 'ವಜೀರ್' ಚಿತ್ರದ ಪ್ರದರ್ಶನಕ್ಕೂ ಅಧುನಾ ಹಾಜರಾಗದಿದ್ದಾಗ ವದಂತಿಗಳು ಬಲಗೊಂಡವು.

ಇದಾದ ನಂತರ ಛಾಯಾಗ್ರಾಹಕ ದಬ್ಬೂ ರತ್ನಾನಿ ಅವರ ಕ್ಯಾಲೆಂಡರ್ ಬಿಡುಗಡೆ ಸಮಾರಂಭದಲ್ಲಿ ಅಧುನಾ ಕಾಣಿಸಿಕೊಂಡಿರಲಿಲ್ಲ. ಆದರೆ ಫರ್ಹಾನ್ ಅಖ್ತರ್ ಅದರಲ್ಲಿ ಫೋಟೋಶೂಟ್ ಕೂಡ ಮಾಡಿದ್ದಾರೆ. ಆದರೆ, ವಿಚ್ಛೇದನದ ನಂತರ, ಫರ್ಹಾನ್-ಅಧುನಾ, ವರ್ಷದಿಂದ ವರ್ಷಕ್ಕೆ ಇಬ್ಬರ ನಡುವೆ ಅಂತರವು ಬರಲು ಪ್ರಾರಂಭಿಸಿತು ಎಂದು ಮಾತ್ರ ಹೇಳಿದ್ದರು. ಆದರೆ ಸಹನಟಿಯೊಂದಿನ  ಫರ್ಹಾನ್ ನಿಕಟತೆ ಹೆಚ್ಚಾಗಿದೆ ಎಂಬ ವರದಿಗಳೂ ಬಂದಿದ್ದವು. 

2016 ರಲ್ಲಿ, ಫರ್ಹಾನ್ ಅಖ್ತರ್ ಮತ್ತು ಅಧುನಾ ಬೇರೆಯಾಗಲು ನಿರ್ಧರಿಸಿದರು. ಇದಾದ ಬಳಿಕ 2017ರ ಜನವರಿಯಲ್ಲಿ ಇಬ್ಬರೂ ವಿಚ್ಛೇದನ ಪಡೆದರು. ಅಧುನಾ   ಅವರು ವೃತ್ತಿಯಲ್ಲಿ ಪ್ರಸಿದ್ಧ ಕೇಶ ವಿನ್ಯಾಸಕಿ.ಅಧುನಾ ಅವರು 'ಬಿ ಬ್ಲಂಟ್' ಹೆಸರಿನ ಸಲೂನ್ ಫ್ರಾಂಚೈಸ್ ಅನ್ನು ನಡೆಸುತ್ತಿದ್ದಾರೆ. ಕೇಶ ವಿನ್ಯಾಸಕಿಯಾಗುವ ಮೊದಲು, ಅವರು TLC ಯ ಕಾರ್ಯಕ್ರಮ ಬಿ-ಬ್ಲಂಟ್‌ನ ನಿರೂಪಕಿಯಾಗಿದ್ದರು.

ನಾನು (ಫರ್ಹಾನ್) ಮತ್ತು ಅಧುನಾ ಪರಸ್ಪರ ಒಪ್ಪಿಗೆಯೊಂದಿಗೆ ಬೇರ್ಪಡುತ್ತಿದ್ದೇವೆ. ನಮ್ಮ ಮಕ್ಕಳು ನಮ್ಮ ಆದ್ಯತೆಯಾಗಿರುತ್ತಾರೆ. ನಾವು ಅವರ ಆರೈಕೆಯನ್ನು ಮುಂದುವರಿಸುತ್ತೇವೆ. ಅವರನ್ನು ಅನಗತ್ಯ ಊಹಾಪೋಹಗಳಿಗೆ ಎಳೆಯುವುದು ನನಗೆ ಇಷ್ಟವಿಲ್ಲ. ಈ ಸಮಯದಲ್ಲಿ ನಾವು ಸಂಪೂರ್ಣ ಗೌಪ್ಯತೆಯನ್ನು ನೀಡಲು ಬಯಸುತ್ತೇವೆ' ಎಂದು ಫರ್ಹಾನ್ ಅಖ್ತರ್ ಮತ್ತು ಅಧುನಾ ತಮ್ಮ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದ್ದರು. 

ಅಧುನಾಗೆ ವಿಚ್ಛೇದನ ನೀಡಿದ ನಂತರ, ಫರ್ಹಾನ್ ಅಖ್ತರ್ ನಟಿ ಮತ್ತು ವಿಜೆ ಶಿಬಾನಿ ದಾಂಡೇಕರ್ ಅವರೊಂದಿಗೆ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. ಶಿಬಾನಿ ಮತ್ತು ಫರ್ಹಾನ್ ಕಳೆದ 7 ವರ್ಷಗಳಿಂದ ಪರಸ್ಪರ ಪರಿಚಿತರು.

 ವಾಸ್ತವವಾಗಿ, ಅವರು 2015 ರಲ್ಲಿ 'ಐ ಕ್ಯಾನ್ ಡು ದಟ್' ಕಾರ್ಯಕ್ರಮದ ಸಮಯದಲ್ಲಿ ಭೇಟಿಯಾದರು. ಫರ್ಹಾನ್ ಆ ಕಾರ್ಯಕ್ರಮವನ್ನು ಆಯೋಜಿಸುತ್ತಿದ್ದರು ಮತ್ತು ಶಿಬಾನಿ ಕೂಡ ಅದೇ ಕಾರ್ಯಕ್ರಮದ ಭಾಗವಾಗಿದ್ದರು.

ಫರ್ಹಾನ್-ಶಿಬಾನಿ ಸುಮಾರು 4 ವರ್ಷಗಳಿಂದ ಸಂಬಂಧದಲ್ಲಿದ್ದಾರೆ ಮತ್ತು ಜೊತೆಯಾಗಿ ವಾಸಿಸುತ್ತಿದ್ದಾರೆ ಇಬ್ಬರೂ ಕೂಡ ಸಾಕು ಪ್ರಾಣಿಗಳನ್ನು ದತ್ತು ಪಡೆದಿದ್ದಾರೆ. ಫರ್ಹಾನ್ ಮತ್ತು ಶಿಬಾನಿ ತಮ್ಮ ಸಂಬಂಧವನ್ನು ಸ್ವಲ್ಪ ಸಮಯದವರೆಗೆ ಮರೆಮಾಡಿದರು. ಆದರೆ 2018 ರಲ್ಲಿ ತಮ್ಮ ಸಂಬಂಧವನ್ನು ಅಧಿಕೃತಗೊಳಿಸಿದರು.

ಶಿಬಾನಿ ಪ್ರಸಿದ್ಧ ಎಂಟಿವಿ ವಿಜೆ ನಟಿ ಮತ್ತು ಗಾಯಕಿ ಅನುಷಾ ದಾಂಡೇಕರ್ ಅವರ ಸಹೋದರಿ. ಅನುಷಾ ಕೂಡ ಹಲವು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಶಿಬಾನಿ ದಾಂಡೇಕರ್ ಅವರ ವೃತ್ತಿಜೀವನವನ್ನು  2014 ರ ಮರಾಠಿ ಚಲನಚಿತ್ರ ಟೈಂಪಾಸ್‌ನಲ್ಲಿ ಐಟಂ ನಂಬರ್‌ನೊಂದಿಗೆ ಪ್ರಾರಂಭಿಸಿದರು.