Farhan Akhtar Birthday: ಮನೆಯಿಂದ ಹೊರಹಾಕುವುದಾಗಿ ಬೆದರಿಕೆ ಹಾಕಿದ್ರು ಈ ನಟನ ಅಮ್ಮ..!

ಕಾಲೇಜು ಮುಗಿದ ನಂತರ  ನಾನು ಯಾವುದೇ ಕೆಲಸ ಮಾಡದೆ ಮನೆಯಲ್ಲಿ ಸಿನಿಮಾ ನೋಡುತ್ತಿದ್ದೆ. ಇದರಿಂದ ಕೋಪಗೊಂಡ ತಾಯಿ ಮನೆಯಿಂದ ಹೊರಹಾಕುವುದಾಗಿ ಬೆದರಿಕೆ ಹಾಕಿದ್ದರು. ಹಾಗಾಗಿ ನಾನು 'ದಿಲ್ ಚಾಹ್ತಾ ಹೈ' ಸಿನಿಮಾವನ್ನು ನಿರ್ದೇಶಿಸಿದೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ  ಫರ್ಹಾನ್ ಅಖ್ತರ್‌.

ಅವರ ಮೊದಲ ಸಿನಿಮಾ ಸೂಪರ್ ಹಿಟ್ ಆಗಿದ್ದು, ಆ ಚಿತ್ರಕ್ಕೆ ರಾಷ್ಟ್ರ ಪ್ರಶಸ್ತಿ ಕೂಡ ಬಂದಿತ್ತು. ಇದರ ನಂತರ ಫರ್ಹಾನ್ ಅಖ್ತರ್ ಅನೇಕ ಚಲನಚಿತ್ರಗಳನ್ನು ಮಾಡಿದರು ಮತ್ತು ಅವರ ನಿರ್ದೇಶನದ ಪ್ರಯಾಣವು ಯಶಸ್ವಿಯಾಯಿತು.
 

2008 ರಲ್ಲಿ ರಾಕ್ ಆನ್ ಚಿತ್ರದ ಮೂಲಕ ತಮ್ಮ ನಟನಾ ವೃತ್ತಿಯನ್ನು ಪ್ರಾರಂಭಿಸಿದ ಫರ್ಹಾನ್ ಅವರು  ಭಾಗ್ ಮಿಲ್ಕಾ ಭಾಗ್, ಕಾರ್ತಿಕ್ ಕಾಲಿಂಗ್ ಕಾಲಿಂಗ್, ಲಕ್ ಬೈ ಚಾನ್ಸ್ ಮತ್ತು ಸ್ಕೈ ಈಸ್ ಪಿಂಕ್ ಸಿನಿಮಾಗಳಲ್ಲಿ  ಕೆಲಸ ಮಾಡಿದ್ದಾರೆ. 

ಫರ್ಹಾನ್ 2000 ರಲ್ಲಿ ಅಧುನಾ ಭಭಾನಿ ಅವರನ್ನು ವಿವಾಹವಾದರು. ಫರ್ಹಾನ್ ಮತ್ತು ಅಧುನಾ ಅವರಿಗೆ ಶಾಕ್ಯ ಮತ್ತು ಅಕಿರಾ ಎಂಬ ಇಬ್ಬರು ಮಕ್ಕಳಿದ್ದಾರೆ. ಆದರೆ 2017 ರಲ್ಲಿ, ಫರ್ಹಾನ್ ಮತ್ತು ಅಧುನಾ ದಂಪತಿಗಳು ವಿಚ್ಛೇದನ ಪಡೆಯುವ ಮೂಲಕ ಬೇರೆಯಾದರು.

ಫರ್ಹಾನ್ ತಂದೆ ಜಾವೇದ್ ಅಖ್ತರ್ 1978 ರಲ್ಲಿ ಶಬಾನಾ ಅಜ್ಮಿಗೆ ಹತ್ತಿರವಾದ ನಂತರ ಹನಿ ಇರಾನಿಯಿಂದ ದೂರವಾದರು. ಜಾವೇದ್ ಅಖ್ತರ್ 1984 ರಲ್ಲಿ ನಟಿ ಶಬಾನಾ ಅಜ್ಮಿ ಅವರನ್ನು ಎರಡನೇ ಬಾರಿಗೆ ವಿವಾಹವಾದರು.

ಅದೇ ರೀತಿ ನಟಿ ಶ್ರದ್ಧಾ ಕಪೂರ್ ಜೊತೆ ಫರ್ಹಾನ್ ಅಫೇರ್ ಇತ್ತು. ಈ ಕಾರಣದಿಂದಾಗಿ ಅವರ ಮತ್ತು ಅಧುನ ನಡುವೆ ಮನಸ್ತಾಪವಾಗಿ ಇಬ್ಬರೂ ವಿಚ್ಛೇದನ ಪಡೆದರು. ಈ ಸಂಬಂಧ ಶ್ರದ್ಧಾ ಕಪೂರ್ ತಂದೆ ಶಕ್ತಿ ಕಪೂರ್ ಅವರಿಗೆ ಇಷ್ಟವಿರಲಿಲ್ಲ. ಈ ವಿಚಾರವಾಗಿ ಫರ್ಹಾನ್ ಮತ್ತು ಶಕ್ತಿ ನಡುವೆ ಜಗಳವೂ ನಡೆದಿದೆ.

ಈ ದಿನಗಳಲ್ಲಿ ಫರ್ಹಾನ್ ಮಾಡೆಲ್ ಮತ್ತು ನಟಿ ಶಿಬಾನಿ ದಾಂಡೇಕರ್ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ. ಇಬ್ಬರೂ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ. ಕೋವಿಡ್‌ ಕಾರಣದಿಂದ  ಮದುವೆ ಸಮಾರಂಭಕ್ಕೆ ಆಪ್ತ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರನ್ನು ಮಾತ್ರ ಆಹ್ವಾನಿಸಲಾಗುತ್ತದೆ ಎಂದು ಹೇಳಲಾಗುತ್ತಿದೆ.

ಮಾಧ್ಯಮ ವರದಿಗಳ ಪ್ರಕಾರ, ಫರ್ಹಾನ್ 148 ಕೋಟಿ ಮೌಲ್ಯದ ಆಸ್ತಿಯ ಒಡೆಯ.ನಟನ ವಾರ್ಷಿಕ ಆದಾಯ ಸುಮಾರು 22 ಕೋಟಿ. ಫರ್ಹಾನ್‌ ಸಿನಿಮಾವೊಂದಕ್ಕೆ  3ರಿಂದ 4 ಕೋಟಿ ಸಂಭಾವನೆ ತೆಗೆದುಕೊಳ್ಳುತ್ತಾರೆ ಹಾಗೂ ಅವರು ಜಾಹೀರಾತಿಗಾಗಿ ಭಾರಿ ಮೊತ್ತವನ್ನು ವಿಧಿಸುತ್ತಾರೆ.