ಐಶ್ವರ್ಯಾರಿಗೆ ಪರೋಟಾ ಮಾಡುವುದು ಗೊತ್ತಾ? ಅಭಿಷೇಕ್‌ಗಾಗಿ ಪರೋಟಾ ಮಾಡಿದ್ದರಾ ನಟಿ?
ಬಾಲಿವುಡ್ ನಟರಾದ ಐಶ್ವರ್ಯಾ ರೈ (Aishwarya Rai) ಮತ್ತು ಅಭಿಷೇಕ್ ಬಚ್ಚನ್ (Abhishek Bachchan) ಮದುವೆಯಾಗಿ 14 ವರ್ಷಗಳಾಗಿವೆ ಮತ್ತು ಎಲ್ಲಾ ಯುವ ಜೋಡಿಗಳಿಗೆ ಪರ್ಫೇಕ್ಟ್‌ ರಿಲೆಷನ್‌ಶಿಪ್‌ ಗೋಲ್‌ ನೀಡುವ ಈ ಕಪಲ್‌ ಸಕತ್‌ ಫೇಮಸ್‌. ಅವರು ಭಾರತದಲ್ಲಿ ಮಾತ್ರವಲ್ಲದೇ ಇಡೀ ವಿಶ್ವದಲ್ಲೇ ಪ್ರಸಿದ್ಧ ವಿವಾಹಿತ ಜೋಡಿಗಳಾಗಿದ್ದಾರೆ. ಹಿಂದೊಮ್ಮೆ ಚಾಟ್ ಶೋನಲ್ಲಿ ಐಶ್ವರ್ಯಾ ರೈಗೆ ಪರೋಟಾ ಮಾಡುವುದು ಹೇಗೆ ಎಂದು ತಿಳಿದಿದೆಯಾ? ಮತ್ತು ಅಭಿಷೇಕ್ ಬಚ್ಚನ್‌ಗಾಗಿ ಅವರು ಪರೋಟಾಗಳನ್ನು ಮಾಡಿದ್ದೀರಾ ಎಂದು ಕೇಳಲಾಯಿತು. ಇದಕ್ಕೆ ನಟಿ ನೀಡಿದ ಉತ್ತರವೇನು ಗೊತ್ತಾ? ಇಲ್ಲಿದೆ ನೋಡಿ ವಿವರ.
)
Followಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ಬಾಲಿವುಡ್ (Bollywood)ನ ಫೇಮಸ್‌ ಹಾಗೂ ಪವರ್‌ಫುಲ್‌ ಕಪಲ್‌ಗಳಲ್ಲಿ ಒಬ್ಬರು. ಈ ದಂಪತಿಗಳು ತಮ್ಮ ವೈಯಕ್ತಿಕ ಜೀವನದ (Personal Life) ಬಗ್ಗೆ ಸಾರ್ವಜನಿಕವಾಗಿ ಮಾತನಾಡುವುದು ತುಂಬಾ ಕಡಿಮೆ. ಅಪರೂಪವಾಗಿ ಅವರು ತಮ್ಮ ಅಭಿಮಾನಿಗಳಿಗೆ ಚಾಟ್ ಶೋ (Chat Show) ಅಥವಾ ನೇರ ಸಂದರ್ಶನಗಳಲ್ಲಿ ತಮ್ಮ ಪರ್ಸನಲ್‌ ಲೈಫ್‌ನ ಕೆಲವು ಮಾಹಿತಿ ನೀಡುತ್ತಾರೆ.
)
ಐಶ್ವರ್ಯಾ ಮತ್ತು ದಿವಂಗತ ಸಹನಟ ಇರ್ಫಾನ್ ಖಾನ್ ತಮ್ಮ ಚಲನಚಿತ್ರ ಜಸ್ಬಾದ ಪ್ರಚಾರಕ್ಕಾಗಿ ಕಾಮಿಡಿ ನೈಟ್ಸ್ ವಿಥ್ ಕಪಿಲ್ ಶೋಗೆ ಆಗಮಿಸಿದ್ದರು. ಈ ಸಮಯದ ವಿಡಿಯೋವೊಂದು ಈಗ ಮತ್ತೆ ವೈರಲ್ ಆಗಿದೆ.
ಈ ವಿಡಿಯೋ ಕ್ಲಿಪ್‌ನಲ್ಲಿ, ಐಶ್ವರ್ಯಾ ಹಸಿರು ಉಡುಪಿನಲ್ಲಿ ಸುಂದರವಾಗಿ ಕಾಣುತ್ತಿದ್ದರು. ಮತ್ತೊಂದೆಡೆ, ಇರ್ಫಾನ್ ಬೂದು ಬಣ್ಣದ ಸೂಟ್‌ನಲ್ಲಿ ಕಾಣಿಸಿಕೊಂಡಿದ್ದರು. ಶೋ ಹೋಸ್ಟ್‌ ಕಪಿಲ್ ಶರ್ಮಾ ಅವರು ಐಶ್ವರ್ಯಾಗೆ ಅಭಿಷೇಕ್ ಬಚ್ಚನ್‌ಗಾಗಿ ನೀವು ಪರೋಟಾ ಮಾಡಿದ್ದೀರಾ ಎಂದು ಕೇಳಿದರು.
ಈ ಪ್ರಶ್ನೆಗೆ ಐಶ್ವರ್ಯಾ ನೀಡಿದ ಉತ್ತರವು ಪ್ರೇಕ್ಷಕರ ಮನ ಗೆದ್ದಿತು, 'ಹೌದು, ಅಭಿಷೇಕ್‌ಗೆ ಮಾತ್ರವಲ್ಲ, ಆರಾಧ್ಯಳಿಗೂ ಸಹ, ನಾನು ಇಬ್ಬರೂ ಮಕ್ಕಳಿಗಾಗಿ ಪರೋಟ ಮಾಡಿದ್ದೇನೆ ಎಂದು ಅವರು ಉತ್ತರ ನೀಡಿದ್ದರು.
ವೋಗ್ ಜೊತೆಗಿನ ಇನ್ನೊಂದು ಸಂದರ್ಶನದಲ್ಲಿ, ಐಶ್ವರ್ಯಾ ಮತ್ತು ಅಭಿಷೇಕ್ ಪರಸ್ಪರ ಜಗಳವಾಡಿದ್ದಾರೆಯೇ ಎಂದು ಕೇಳಲಾಯಿತು. ನಟಿ ಪ್ರಾಮಾಣಿಕವಾಗಿ, 'ಪ್ರತಿದಿನ' ಎಂದು ಹೇಳಿದರು. 'ಆದರೆ ಅದು ಭಿನ್ನಾಭಿಪ್ರಾಯಗಳು, ಜಗಳಗಳಲ್ಲ. ಅವು ಗಂಭೀರವಾಗಿರುವುದಿಲ್ಲ, ಆರೋಗ್ಯಕರವಾಗಿರುತ್ತದೆ, ಇಲ್ಲದಿದ್ದರೆ ಬೋರ್‌ ಆಗುತ್ತದೆ' ಎಂದು ನಂತರ ಅಭಿಷೇಕ್ ಸ್ಪಷ್ಟಪಡಿಸಿದ್ದರು.
ಜಗಳದ ನಂತರ ಮೊದಲು ಸಮಾಧಾನವಾಗುವುದು ಐಶ್ವರ್ಯಾ ಅಲ್ಲ ನಾನು ಎಂದು ಅಭಿಷೇಕ್ ಹೇಳಿದರು. 'ಮಹಿಳೆಯರು ಸೋಲುವುದಿಲ್ಲ, ಆದರೆ ನಮ್ಮಲ್ಲಿ ಒಂದು ನಿಯಮವಿದೆ -ನಾವು ಜಗಳ ಮಾಡಿ ಸರಿಯಾಗದೇ ಮಲಗುವುದಿಲ್ಲ,' ಎಂದು ನಟ ಹೇಳಿದರು.
ಮುಂದಿನ ದಿನಗಳಲ್ಲಿ ಐಶ್ವರ್ಯಾ ರೈ ಮಣಿರತ್ನಂ ಅವರ ಪೊನ್ನಿನ್ ಸೆಲ್ವನ್ ತಮಿಳು ಸಿನಿಮಾದಲ್ಲಿ ರಾಣಿ ನಂದಿನಿ ಮತ್ತು ಮಂದಾಕಿನಿ ದೇವಿಯ ಅವಳಿ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಕಾಲಿವುಡ್ ಸ್ಟಾರ್ ಚಿಯಾನ್ ವಿಕ್ರಮ್ ಈ ಚಿತ್ರದಲ್ಲಿ ಆದಿತ್ಯ ಕರಿಕಾಳನ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಪೊನ್ನಿಯಿನ್ ಸೆಲ್ವನ್ ಸಿನಿಮಾ ತ್ರಿಷಾ, ಜಯಮ್ ರವಿ, ಕಾರ್ತಿ, ಪ್ರಕಾಶ್ ರಾಜ್, ಜಯರಾಮ್, ಪ್ರಭು, ಐಶ್ವರ್ಯ ಲಕ್ಷ್ಮಿ, ಸೊಭಿತಾ ಧೂಳಿಪಾಲ, ಲಾಲ್ ಮತ್ತು ಹಲವಾರು ಇತರ ನಟರನ್ನು ಒಳಗೊಂಡಿದೆ.
