Kangana Ranaut ಚಿತ್ರ ಧಾಕಡ್ ಪ್ರೀಮಿಯರ್‌ಗೆ ಬಾಲಿವುಡ್‌ನ ಯಾವುದೇ ದೊಡ್ಡ ಸ್ಟಾರ್‌ಗಳಿಲ್ಲ

ಕಂಗನಾ ರಣಾವತ್  (Kangana Ranaut) ಅಭಿನಯದ 'ಧಾಕಡ್' (Dhaakad) ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಮೊನ್ನೆ ಗುರುವಾರ ರಾತ್ರಿ ಮುಂಬೈನಲ್ಲಿ ಚಿತ್ರದ ವಿಶೇಷ ಪ್ರೀಮಿಯರ್ ಕಾರ್ಯಕ್ರಮ ನಡೆದಿದ್ದು, ಚಿತ್ರದ ನಿರ್ದೇಶಕ ರಜನೀಶ್ ಘಾಯ್, ನಾಯಕ ನಟಿ ಕಂಗನಾ ರನೌತ್, ಸಹನಟರಾದ ಅರ್ಜುನ್ ರಾಂಪಾಲ್, ದಿವ್ಯಾ ದತ್ತಾ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು. ಬಾಲಿವುಡ್‌ನ ಯಾವುದೇ ದೊಡ್ಡ ಸ್ಟಾರ್‌ಗಳು ಈ ಸನಿಮಾದ ಪ್ರೀಮಿಯರ್‌ ಶೋನಲ್ಲಿ ಕಾಣಿಸಿಕೊಂಡಿಲ್ಲ.  ಅರ್ಜುನ್ ರಾಂಪಾಲ್, ಅವರ ಗೆಳತಿ ಗೇಬ್ರಿಯೆಲಾ ಡಿಮೆಟ್ರಿಯಾಡ್ಸ್ ಮತ್ತು ಪುತ್ರಿಯರಾದ ಮಿಹಿಕಾ ಮತ್ತು ಮೇರಾ ಸೇರಿದಂತೆ ಎಲ್ಲರೂ ಚಲನಚಿತ್ರವನ್ನು ವೀಕ್ಷಿಸಲು ಬಂದರು.

ಪ್ರೀಮಿಯರ್ ಸಮಯದಲ್ಲಿ ಕಂಗನಾ ರಣಾವತ್ ಅವರ ಕೂಲ್ ಸ್ಟೈಲ್ ಕಂಡುಬಂದಿದೆ. ಧಾಕಡ್‌ ಸಿನಿಮಾದಲ್ಲಿ ಕಂಗನಾ , ಅವರು ಏಜೆಂಟ್ ಅಗ್ನಿ ಪಾತ್ರವನ್ನು ನಿರ್ವಹಿಸುತ್ತಾರೆ, ಅವರು ಅಂತರರಾಷ್ಟ್ರೀಯ ಮಾನವ ಮತ್ತು ಶಸ್ತ್ರಾಸ್ತ್ರ ಕಳ್ಳಸಾಗಣೆ ಗ್ಯಾಂಗ್ ಅನ್ನು ನಿರ್ಮೂಲನೆ ಮಾಡಲು ಹೊರಟಿದ್ದಾರೆ.

ಚಿತ್ರದಲ್ಲಿ ಸ್ಮಗ್ಲಿಂಗ್ ಗ್ಯಾಂಗ್ ಲೀಡರ್ ರುದ್ರವೀರ್ ಪಾತ್ರದಲ್ಲಿ ಅರ್ಜುನ್ ರಾಂಪಾಲ್ ನಟಿಸಿದ್ದಾರೆ. ಅರ್ಜುನ್ ರಾಂಪಾಲ್ ಅವರ ಗರ್ಲ್‌ಫ್ರೆಂಡ್‌ ಗೇಬ್ರಿಯೆಲಾ ಡಿಮೆಟ್ರಿಯಾಡ್ಸ್ ಅವರೊಂದಿಗೆ 'ಧಕಡ್' ವಿಶೇಷ ಪ್ರೀಮಿಯರ್‌ಗೆ ಹಾಜರಾಗಿದ್ದರು.

ಇಬ್ಬರು ಪುತ್ರಿಯರಾದ ಮಿಹೀಕಾ ಮತ್ತು ಮೈರಾ  ಕೂಡ ಅರ್ಜುನ್ ರಾಮ್ ಜೊತೆಗೆ 'ಧಕಡ್' ಪ್ರಥಮ ಪ್ರದರ್ಶನದಲ್ಲಿ ಕಾಣಿಸಿಕೊಂಡರು. ಇಬ್ಬರೂ ಅರ್ಜುನ್ ಮತ್ತು ಅವರ ಮೊದಲ ಪತ್ನಿ ಮೆಹರ್ ಜೆಸಿಯಾ ಅವರ ಪುತ್ರಿಯರು.

ಪ್ರೀಮಿಯರ್ ಸಮಯದಲ್ಲಿ, ಕಂಗನಾ ಅರ್ಜುನ್ ಗೆಳತಿ ಗೇಬ್ರಿಯೆಲಾ ಡಿಮೆಟ್ರಿಯಾಡ್ಸ್ ಅವರನ್ನು ಭೇಟಿಯಾದಾಗ, ಇಬ್ಬರೂ ಮಾತಿನಲ್ಲಿ ಮುಳುಗಿದ್ದರು. ಬಾಕ್ಸ್ ಆಫೀಸ್ ನಲ್ಲಿ ಚಿತ್ರಕ್ಕೆ ವಿಮರ್ಶಕರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ನಟಿ ಮತ್ತು ರೂಪದರ್ಶಿ ಪೂನಂ ಪಾಂಡೆ ಪ್ರೀಮಿಯರ್‌ಗೆ ಆಗಮಿಸಿ ಕಂಗನಾ ರಣಾವತ್‌ ಅವರ 'ಧಕಡ್' ಚಿತ್ರವನ್ನು ವೀಕ್ಷಿಸಿದರು. ಈ ಸಮಯದಲ್ಲಿ, ಅವರು ತುಂಬಾ ಕೂಲ್‌ ಸ್ಟೈಲ್‌ನಲ್ಲಿ ಕಾಣಿಸಿಕೊಂಡರು.

ಹಿರಿಯ ಗಾಯಕಿ ಮತ್ತು ನಟಿ ಇಲಾ ಅರುಣ್ ಕಂಗನಾ ಅವರ  'ಧಕಡ್' ಚಿತ್ರವನ್ನು ಪ್ರೀಮಿಯರ್‌ ಶೋನಲ್ಲಿ ನೋಡಿದರು. ಅವರೊಂದಿಗೆ ಪೂನಂ ಪಾಂಡೆ ಮತ್ತಿತರರು ಕಾಣಿಸಿಕೊಂಡಿದ್ದರು.

ಗುರುವಾರ ರಾತ್ರಿ ಮುಂಬೈನಲ್ಲಿ ನಡೆದ ಧಾಕಡ್‌ ಸಿನಿಮಾದ ಪ್ರಥಮ ಪ್ರದರ್ಶನದಲ್ಲಿ  ಹಿರಿಯ ಸಿನಿಮಾ  ಮತ್ತು ಕಿರುತೆರೆ ನಟ ರಜಿತ್ ಕಪೂರ್ ಮತ್ತು ಇತರರು ಕಂಡು ಬಂದರು.

ನಟ ಚೇತನ್ ಹಂಸರಾಜ್ ಅವರು ಪತ್ನಿ ಲವಿನಾ ಪಟೇರಿಯಾ ಅವರೊಂದಿಗೆ ಪ್ರಥಮ ಪ್ರದರ್ಶನಕ್ಕೆ ಆಗಮಿಸಿ ಕಂಗನಾ ರಣಾವತ್ ಅವರ 'ಧಕಡ್' ಚಲನಚಿತ್ರವನ್ನು ವೀಕ್ಷಿಸಿದರು.

ಕಂಗನಾ ರಣಾವತ್ ಅವರ ಅಗ್ನಿ ಅವತಾರವನ್ನು ವೀಕ್ಷಿಸಲು ಜನಪ್ರಿಯ ಟಿವಿ ನಟ ಕರಣ್ವೀರ್ ಬೋಹ್ರಾ ಅವರು 'ಧಾಕಡ್' ನ ಪ್ರಥಮ ಪ್ರದರ್ಶನಕ್ಕೆ ಹಾಜರಾಗಿದ್ದರು.

'ಧಾಕಡ್' ಚಿತ್ರದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತಿರುವ ಷರೀಬ್ ಹಶ್ಮಿ ಮತ್ತು ದಿವ್ಯಾ ದತ್ತಾ ಪ್ರೀಮಿಯರ್ ಸಮಯದಲ್ಲಿ ಪಾಪರಾಜಿಗಳಿಗೆ ಈ ಸ್ಟೈಲಾಗಿ ಪೋಸ್ ನೀಡಿದ್ದಾರೆ.

ಬಾಲಿವುಡ್‌ನಲ್ಲಿ ನೆಗೆಟಿವ್‌ ಪಾತ್ರದಲ್ಲಿ ಜನಪ್ರಿಯರಾಗಿರುವ ನಟ ಅರುಣೋದಯ್ ಸಿಂಗ್ ಪ್ರೀಮಿಯರ್‌ಗೆ ಹಾಜರಾಗಿದ್ದರು. ಈ ಸಿನಿಮಾವನ್ನು ರಜನೀಶ್ ಘಾಯ್ ನಿರ್ದೇಶನ ಮಾಡಿದ್ದಾರೆ.

ನಟಿ ಮತ್ತು ರೂಪದರ್ಶಿ ಪಾಯಲ್ ರೋಹಟಗಿ ಅವರು ಕಂಗನಾ ರಣಾವತ್ ಅಭಿನಯದ 'ಧಕಡ್' ಚಲನಚಿತ್ರವನ್ನು ವೀಕ್ಷಿಸಲು ವಿಶೇಷ ಪ್ರದರ್ಶನಕ್ಕೆ ಹಾಜರಾಗಿದ್ದರು. ಈ ಸಮಯದಲ್ಲಿ ಅವಳು ತುಂಬಾ ಸಂತೋಷದಿಂದ ಕಾಣುತ್ತಿದ್ದರು.

ಕಂಗನಾ ರಣಾವತ್ ಮತ್ತು ಅರ್ಜುನ್ ರಾಂಪಾಲ್ ಅವರಲ್ಲದೆ, ನಿರ್ದೇಶಕ ರಜನೀಶ್ ಘಾಯ್, ನಟಿ ದಿವ್ಯಾ ದತ್ತಾ ಸೇರಿದಂತೆ 'ಧಕಡ್' ತಂಡದ ಅನೇಕ ಸದಸ್ಯರು ಪ್ರಥಮ ಪ್ರದರ್ಶನದಲ್ಲಿ ಉಪಸ್ಥಿತರಿದ್ದರು.

ಇತ್ತೀಚಿಗೆ ಮುಕ್ತಾಯಗೊಂಡ  ಕಂಗನಾ ರಣಾವತ್ ಅವರ 'ಲಾಕಪ್' ಕಾರ್ಯಕ್ರಮದ ವಿಜೇತರಾದ ಮುನವ್ವರ್ ಫಾರೂಕಿ, ಗೆಳತಿ ನಾಜಿಲಾ ಅವರ ಜೊತೆ 'ಧಕಡ್' ನ ಪ್ರೀಮಿಯರ್‌ಗೆ ಹಾಜರಾಗಿದ್ದರು.