ಮೌಲ್ಯಗಳಿಗಾಗಿಯಾದರೂ ದೀಪಿಕಾ ಪಡುಕೋಣೆ ಬೇಗ ಅಮ್ಮನಾಗಬೇಕಂತೆ!

ದೀಪಿಕಾ ಪಡುಕೋಣೆ (Deepika Padukone) ಮತ್ತು ರಣವೀರ್ ಸಿಂಗ್ (Ranveer Singh) ಬಾಲಿವುಡ್‌ನ ಮೋಸ್ಟ್‌ ಅಡರೋಬಲ್‌ ಕಪಲ್‌.  ಮದುವೆಯಾಗಿ 5 ವರ್ಷಗಳು ಕಳೆದಿದ್ದು ಸಹಜವಾಗಿ ಅಭಿಮಾನಿಗಳು ಅವರ ಮಗುವಿನ ಬಗ್ಗೆ ಕಾತುರರಾಗಿದ್ದಾರೆ. ಈಗ ದೀಪಿಕಾ ರಣವೀರ್‌ ಅವರೊಂದಿಗೆ ಮಕ್ಕಳನ್ನು ಹೊಂದಲು ಎದುರು ನೋಡುತ್ತಿರುವುದಾಗಿ ರಿವೀಲ್ ಮಾಡಿದ್ದಾರೆ.

2012 ರಲ್ಲಿ ಡೇಟಿಂಗ್ ಪ್ರಾರಂಭಿಸಿದ ದೀಪಿಕಾ ರಣವೀರ್‌ ಜೋಡಿ  ಮದುವೆಯಾಗಿ ಐದು ವರ್ಷಗಳು ಕಳೆದಿವೆ ಮತ್ತು ನಾನು ಮತ್ತು ತನ್ನ ಪತಿ ನಟ ರಣವೀರ್ ಸಿಂಗ್ ಮಕ್ಕಳನ್ನು ಪ್ರೀತಿಸುತ್ತಾರೆ ಎಂದು ಯಾವಾಗಲೂ ದೀಪಿಕಾ ಪಡುಕೋಣೆ ಹೇಳುತ್ತಿದ್ದರು.

ಹೊಸ ಸಂದರ್ಶನವೊಂದರಲ್ಲಿ, ರಣವೀರ್ ಸಿಂಗ್ ಅವರೊಂದಿಗೆ ಒಂದು ದಿನ ಮಗುವನ್ನು ಹೊಂದಲು ಎದುರು ನೋಡುತ್ತಿದ್ದೇನೆ ಎಂದು ದೀಪಿಕಾ ಪಡುಕೋಣೆ ಹಂಚಿಕೊಂಡಿದ್ದಾರೆ. ದೀಪಿಕಾ, ರಣವೀರ್ ದೀಪಿಕಾ ಪಡುಕೋಣೆ ಅವರು ಮಕ್ಕಳು ತಮ್ಮಿಂದ ಪಡೆಯ ಬಯಸುವ ಮೌಲ್ಯಗಳ ಬಗ್ಗೆ ಮಾತನಾಡಿದರು. 

'ರಣವೀರ್ ಮತ್ತು ನಾನು ಮಕ್ಕಳನ್ನು ಪ್ರೀತಿಸುತ್ತೇವೆ. ನಾವು ನಮ್ಮ ಸ್ವಂತ ಕುಟುಂಬವನ್ನು ಪ್ರಾರಂಭಿಸುವ ದಿನಕ್ಕಾಗಿ ನಾವು ಎದುರು ನೋಡುತ್ತಿದ್ದೇವೆ' ಎಂದು ವೋಗ್ ಸಿಂಗಾಪುರದೊಂದಿಗಿನ ಚಾಟ್‌ನಲ್ಲಿ ದೀಪಿಕಾ ಹಂಚಿಕೊಂಡಿದ್ದಾರೆ.

'ನನ್ನ ಚಿಕ್ಕಮ್ಮ, ಚಿಕ್ಕಪ್ಪ, ಕುಟುಂಬ ಸ್ನೇಹಿತರು ಹೀಗೆ ಜೊತೆಯಾಗಿ ಬೆಳೆದ ಜನರನ್ನು ನಾನು  ಭೇಟಿಯಾದಾಗ, ಅವರು ಯಾವಾಗಲೂ ನಾನು ಹೇಗೆ ಬದಲಾಗಿಲ್ಲ ಎಂದು ಉಲ್ಲೇಖಿಸುತ್ತಾರೆ. ಇದು ನಮ್ಮ ಪಾಲನೆಯ ಬಗ್ಗೆ ಬಹಳಷ್ಟು ಹೇಳುತ್ತದೆ' ದೀಪಿಕಾ ಹಂಚಿಕೊಂಡಿದ್ದಾರೆ

'ಈ ಉದ್ಯಮದಲ್ಲಿ, ಖ್ಯಾತಿ ಮತ್ತು ಹಣದಿಂದ ಮೌಲ್ಯಗಳು ಬದಲಾಗುವುದು ತುಂಬಾ ಸುಲಭ. ಆದರೆ ಮನೆಯಲ್ಲಿ ಯಾರೂ ನನ್ನನ್ನು ಸೆಲೆಬ್ರಿಟಿಯಂತೆ ನಡೆಸಿಕೊಳ್ಳುವುದಿಲ್ಲ.ನಾನು ಮೊದಲು ಮಗಳು ಮತ್ತು ಸಹೋದರಿ. ನಾನು ಅದನ್ನು ಬದಲಾಯಿಸಲು ಬಯಸುವುದಿಲ್ಲ.ನನ್ನ ಕುಟುಂಬವೇ ನಂಗೆ ಫೌಂಡೇಷನ್. ನಾನು ರಣವೀರ್ ಆ ಮೌಲ್ಯಗಳನ್ನು ಮಕ್ಕಳಲ್ಲಿ ಬೆಳೆಸಲು ಆಶಿಸುತ್ತೇನೆ' ಎಂದು  ದೀಪಿಕಾ  ಹೇಳಿದರು.

2019 ರಲ್ಲಿ ದೀಪಿಕಾ ಪಡುಕೋಣೆ ಅವರು ತನಗೆ ಮತ್ತು ರಣವೀರ್‌ಗೆ ಮಕ್ಕಳು ಬೇಕು. ಅವರು ಅದರ ಬಗ್ಗೆ ಸಕ್ರಿಯವಾಗಿ ಯೋಚಿಸುತ್ತಿಲ್ಲ ಎಂದು ಸ್ಪಷ್ಟಪಡಿಸಿದರು ಮತ್ತು  ದಂಪತಿಗಳಿಂದ ಸಾಮಾಜಿಕ ನಿರೀಕ್ಷೆಗಳ ಬಗ್ಗೆ ಅವರು ಬೇಸರ ವ್ಯಕ್ತಪಡಿಸಿದ್ದರು.

'ನೀವು ಇಷ್ಟು ದಿನ ಡೇಟಿಂಗ್ ಮಾಡುತ್ತಿದ್ದೀರಿ ಮದುವೆ ಯಾವಾಗ, ಮದುವೆಯ ನಂತರ ಮಕ್ಕಳು ನಂತರ ಮೊಮ್ಮಕ್ಕಳು ಎಂದು ಸಮಾಜವು ತನ್ನನ್ನು ಮತ್ತು ಜನರನ್ನು ಈ ಹಾದಿಯಲ್ಲಿ ಇರಿಸಿರುವುದು ದುಃಖಕರವಾಗಿದೆ ಎಂದು ನಾನು ಭಾವಿಸುತ್ತೇನೆ ಎಂದು ದೀಪಿಕಾ  ಮಾತನಾಡುವಾಗ ಹಂಚಿಕೊಂಡಿದ್ದರು.

ನಮಗೆ ಮಕ್ಕಳು ಬೇಕಾ? ಖಂಡಿತಾ  ನಾವಿಬ್ಬರೂ ಮಕ್ಕಳನ್ನು ಪ್ರೀತಿಸುತ್ತೇವೆ. ಆದರೆ ನಾವು ಶೀಘ್ರದಲ್ಲೇ ಮಕ್ಕಳನ್ನು ಹೊಂದುವ ಉದ್ದೇಶವನ್ನು ಹೊಂದಿದ್ದೇವೆಯೇ? ಖಂಡಿತವಾಗಿಯೂ ಇಲ್ಲ. ಈ ಹಂತದಲ್ಲಿ ನಾವು ತುಂಬಾ ಸ್ವಾರ್ಥಿಗಳಾಗಿದ್ದೇವೆ. ನಮ್ಮ ವೃತ್ತಿಜೀವನದ ಮೇಲೆ ಕೇಂದ್ರೀಕರಿಸಿದ್ದೇವೆ. ಈ ಹಂತದಲ್ಲಿ ಮಕ್ಕಳನ್ನು ಹೊಂದಲು ರೈಟ್ ಟೈಮೆ ಎಂದೆನಿಸುತ್ತಿಲ್ಲ. ಈಗಲೇ ಮಕ್ಕಳ ಬಗ್ಗೆ ಯೋಚಿಸುವುದು ಕಷ್ಟವೆಂದೂ ಇದೇ ಸಂದರ್ಶನದಲ್ಲಿ ಹೇಳಿದ್ದಾರೆ. 

ಕೆಲಸದ ವಿಷಯಕ್ಕೆ ಬಂದರೆ, ದೀಪಿಕಾ ಅವರ ಸಿದ್ಧಾರ್ಥ್ ಆನಂದ್ ಚಿತ್ರ ಫೈಟರ್ ಬಿಡುಗಡೆಗಾಗಿ ಕಾಯುತ್ತಿದ್ದಾರೆ. ಈ ಸಿನಿಮಾದಲ್ಲಿ ಹೃತಿಕ್ ರೋಷನ್ ಜೊತೆ ದೀಪಿಕಾ ತೆರೆ ಹಂಚಿಕೊಳ್ಳಲಿದ್ದಾರೆ. ಚಿತ್ರವು ಜನವರಿ 25 ರಂದು ಬಿಡುಗಡೆಯಾಗಲಿದೆ. ದೀಪಿಕಾ 2023 ರ ಎರಡು ದೊಡ್ಡ ಬ್ಲಾಕ್‌ಬಸ್ಟರ್‌ಗಳಾದ ಪಠಾನ್ ಮತ್ತು ಜವಾನ್‌ನ ಭಾಗವಾಗಿದ್ದರು.