ಭಾರತದ ಮೊದಲ ಮಿಸೆಸ್ ವರ್ಲ್ಡ್ ವಿಜೇತೆ, ಬಾಲಿವುಡ್‌ ಮೊದಲ ವೈದ್ಯ ನಟಿ, ಪ್ರಸೂತಿ ತಜ್ಞೆ ಬಗ್ಗೆ ನಿಮಗೆ ಗೊತ್ತೇ

ಬಾಲಿವುಡ್‌ನಲ್ಲಿ ಸಾಕಷ್ಟು ವಿದ್ಯಾವಂತ ನಟಿಯರಿದ್ದಾರೆ. ಬಾಹ್ಯ ಸೌಂದರ್ಯದ ಜೊತೆಗೆ ಬುದ್ದಿಯ ಸೌಂದರ್ಯದಲ್ಲೂ ಪ್ರಸಿದ್ಧಿಯಾಗಿರುವ ಜೀವಂತ ಉದಾಹರಣೆ ತುಂಬಾ ಇದೆ. ಅಂತಹ ಒಬ್ಬ ಬಾಲಿವುಡ್‌ ನಟಿ ಎಂಬಿಬಿಎಸ್‌ ಪದವೀಧರೆ, ಭಾರತದ ಪ್ರಪ್ರಥಮ ಮಿಸೆಸ್‌ ವಲ್ಡ್‌ ವಿಜೇತೆ, ಪ್ರಸಿದ್ಧ ಪ್ರಸೂತಿ ತಜ್ಞೆ,  ಮಾತ್ರವಲ್ಲ ಬಾಲಿವುಡ್ ಮತ್ತು ಟಿವಿ ಉದ್ಯಮದ ಪ್ರಸಿದ್ಧ ವ್ಯಕ್ತಿ.  ಈ ಸೂಪರ್‌  ಮಾಡೆಲ್ ಯಾರು ಇಲ್ಲಿದೆ ಮಾಹಿತಿ.

ಅದಿತಿ ಗೋವಿತ್ರಿಕರ್, ಭಾರತದ ಮೊದಲ ಮಿಸೆಸ್ ವರ್ಲ್ಡ್. ಅವರು ಬಾಲಿವುಡ್‌ನ ಮೊದಲ MBBS ನಟಿ ಕೂಡ. ಅದಿತಿ ಗೋವಿತ್ರಿಕರ್ ಅವರು ಮೇ 21, 1976 ರಂದು ಮಹಾರಾಷ್ಟ್ರದ ಪನ್ವೇಲ್‌ನಲ್ಲಿ ಜನಿಸಿದರು ಮತ್ತು ಅವರು 1997 ರಲ್ಲಿ ಮುಂಬೈನ ಗ್ರಾಂಟ್ ಮೆಡಿಕಲ್ ಕಾಲೇಜಿನಲ್ಲಿ ತಮ್ಮ MBBS ಅನ್ನು ಪೂರ್ಣಗೊಳಿಸಿದರು. ಗೋವಿತ್ರಿಕರ್ ಅವರು ಪ್ರಸೂತಿ ಮತ್ತು ಸ್ತ್ರೀರೋಗ ಶಾಸ್ತ್ರದಲ್ಲಿ MS ಮುಗಿಸಿದ ನಂತರ ಮಾಡೆಲಿಂಗ್ ಪ್ರಾರಂಭಿಸಿದರು.

ಅದಿತಿ 1996 ರಲ್ಲಿ ಗ್ಲಾಡ್ರಾಗ್ಸ್ ಮೆಗಾಮಾಡೆಲ್ ಸ್ಪರ್ಧೆಯನ್ನು ಗೆದ್ದರು ಮತ್ತು ಇದು ಗ್ಲಾಮರ್ ಜಗತ್ತಿನಲ್ಲಿ ಅವರ ಪ್ರವೇಶವನ್ನು ಗುರುತಿಸಿತು. ಅದಿತಿ ,  ಹೃತಿಕ್ ರೋಷನ್ ಅವರೊಂದಿಗೆ ಪಾಂಡ್ಸ್, ಕಾಯಾ ಸ್ಕಿನ್ ಕ್ಲಿನಿಕ್ ಮತ್ತು ಕೋಕಾ-ಕೋಲಾದಂತಹ ಬ್ರಾಂಡ್‌ಗಳ ಜಾಹೀರಾತುಗಳಲ್ಲಿ ನಟಿಸಿದ್ದಾರೆ.

ಅದಿತಿ ಗೋವಿತ್ರಿಕರ್ ಅವರು 2001 ರಲ್ಲಿ ಮಿಸೆಸ್ ವರ್ಲ್ಡ್ ಪ್ರಶಸ್ತಿಯನ್ನು ಗೆದ್ದರು. ಭಾರತಕ್ಕೆ ಲಭಿಸಿದ ಮೊದಲ ವಿಶ್ವ ಸುಂದರಿ ಕಿರೀಟ ಇದಾಗಿದೆ. ಇದಾದ ಬಳಿಕ 2002 ರಲ್ಲಿ ಸೋಚ್‌ನೊಂದಿಗೆ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಇವರ ನಟನೆಯು ಮೊದಲು '16 ಡಿಸೆಂಬರ್' ನಲ್ಲಿ ಗಮನ ಸೆಳೆಯಿತು.

ಇದಲ್ಲದೆ, ಅದಿತಿ ಗೋವಿತ್ರಿಕರ್ ಅವರು ಬಾಜ್, ಪಹೇಲಿ, ಭೇಜಾ ಫ್ರೈ, ದೇ ದನಾದನ್ ಮತ್ತು ಹಮ್ ತುಮ್ ಔರ್ ಶಬಾನಾ ಚಿತ್ರಗಳ ಭಾಗವಾಗಿದ್ದಾರೆ. ಆದಾಗ್ಯೂ, ಈ ಎಲ್ಲಾ ಚಿತ್ರಗಳಲ್ಲಿ ಅವರು ಪೋಷಕ ಪಾತ್ರಗಳಲ್ಲಿ ಮಾತ್ರ ಕಾಣಿಸಿಕೊಂಡರು ಮತ್ತು ಅದಿತಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡ ಚಿತ್ರಗಳು ಬಹಳ ಕಡಿಮೆ. 

ಅದಿತಿ ಅವರು ರಿಯಾಲಿಟಿ ಶೋ ಬಿಗ್ ಬಾಸ್ ಸೀಸನ್ 3 ರ ಭಾಗವಾಗಿದ್ದಾರೆ. ಇದಲ್ಲದೆ, ಅವರು ಖತ್ರೋನ್ ಕೆ ಕಿಲಾಡಿಯಲ್ಲಿ ಕಾಣಿಸಿಕೊಂಡಿದ್ದಾರೆ ಮತ್ತು ಅನೇಕ ಟಿವಿ ಧಾರಾವಾಹಿಗಳಲ್ಲಿ ಕೆಲಸ ಮಾಡಿದ್ದಾರೆ. ಅದಿತಿ ಮುಫಜಲ್ ಲಕ್ಡಾವಾಲಾ ಅವರನ್ನು ವಿವಾಹವಾದರು. ಇದಕ್ಕೂ ಮುನ್ನ  ಇಬ್ಬರೂ ಏಳು ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ಮಾಡಿದರು ಮತ್ತು ನಂತರ ವಿವಾಹವಾದರು.

ಅದಿತಿ ಗೋವಿತ್ರಿಕರ್ ತನ್ನ ವೈದ್ಯಕೀಯ ಶಾಲೆಯ ಹಿರಿಯ ಸಹಪಾಠಿ ಮುಫಝಲ್ ಲಕ್ಡಾವಾಲಾ ಅವರನ್ನು 7 ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ 1998 ರಲ್ಲಿ ವಿವಾಹವಾದರು. ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಅದಿತಿ ಈಗ ಮುಫಜಲ್  ಅವರಿಂದ ವಿಚ್ಛೇದನ ಪಡೆದಿದ್ದಾರೆ.