ಭಾರತದ ಸಿರಿವಂತ ಉದ್ಯಮಿ ಅಂಬಾನಿ ಮಗ ಅನಿಲ್ ಟೀನಾಗೆ ಬೋಲ್ಡ್ ಆಗಿದ್ದು ಹೇಗೆ?

ಅನಿಲ್ ಅಂಬಾನಿ 1986 ರಲ್ಲಿ  ಟೀನಾರನ್ನು ಮೊದಲು ಒಂದು ಮದುವೆಯಲ್ಲಿ ನೋಡಿದರು. ವಾಸ್ತವವಾಗಿ, ಆ ಮದುವೆಯಲ್ಲಿ ಅನಿಲ್ ಕಣ್ಣು ಟೀನಾರ ಮೇಲೆ ಬಿದ್ದಿತು ಏಕೆಂದರೆ ಟೀನಾ ಇಡೀ ಪಾರ್ಟಿಯಲ್ಲಿ ಕಪ್ಪು ಸೀರೆಯಲ್ಲಿ ಕಾಣಿಸಿಕೊಂಡ ಏಕೈಕ ಮಹಿಳೆ. 

ಕಪ್ಪು ಸೀರೆಯಲ್ಲಿದ್ದ ಟೀನಾ ಅಂಬಾನಿಗೆ ಆಕರ್ಷಕವಾಗಿ ಕಂಡರು. ಅವರನ್ನು ಬಹಳ ಹೊತ್ತು ನೋಡುತ್ತಿದ್ದರು. ಆದರೆ ಅವರ ನಡುವೆ ಯಾವುದೇ ಮಾತು ಸಾಧ್ಯವಾಗಿರಲಿಲ್ಲ. ಟೀನಾ ಮುನಿಮ್ ನೋಡಿ ಅನಿಲ್ ಅಂಬಾನಿ ಆಗಲೇ ಬೌಲ್ಡ್ ಆಗಿದ್ದರು.

ಟೀನಾ ಅವರ ಸೋದರಳಿಯ ಕರಣ್ ಅವರು ಅನಿಲ್ ಅಂಬಾನಿಯೊಂದಿಗೆ ಟೀನಾ ಮುನಿಮ್ ಅವರ ಈ ಭೇಟಿಯ ಮಧ್ಯವರ್ತಿಯಾದರೂ. ಆ ಕಾಲದಲ್ಲಿ ಟೀನಾ ಬಾಲಿವುಡ್‌ನ ದೊಡ್ಡ ತಾರೆ. ಅನಿಲ್ ಜೊತೆಗಿನ ಮೊದಲ ಭೇಟಿಯವರೆಗೂ ಟೀನಾ ರಿಲಯನ್ಸ್ ಬಗ್ಗೆ ಏನನ್ನೂ ಕೇಳಿರಲಿಲ್ಲ. ಆದರೆ, ಮೊದಲ ಭೇಟಿಯಲ್ಲಿಯೇ ಅನಿಲ್ ಅಂಬಾನಿ ತನ್ನನ್ನು ಪ್ರೀತಿಸುತ್ತಿದ್ದರು ಎಂದು ಟೀನಾ ಹೇಳುತ್ತಾರೆ.

ಅನಿಲ್ ಮತ್ತು ಟೀನಾ ಮುನಿಮ್ ಅವರ ಎರಡನೇ ಭೇಟಿ ಅಮೆರಿಕದಲ್ಲಿ ನಡೆದಿತ್ತು. ಆದರೆ ಟೀನಾ ಮುನಿಮ್ ನಿರಂತರವಾಗಿ ಅನಿಲ್ ಅವರನ್ನು ಆವಾಯಿಡ್‌ ಮಾಡುತ್ತಿದ್ದರು. ಅವರನ್ನು ಭೇಟಿಯಾಗಲು ಬಯಸಲಿಲ್ಲ. ಅನಿಲ್ ಅಂಬಾನಿಯವರ ಒತ್ತಾಯದ ಮೇರೆಗೆ ಅವರನ್ನು ಭೇಟಿಯಾದಾಗ ಅವರ ಸರಳತೆಗೆ ಮನಸೋತರು.

ಟೀನಾ ಮುನಿಮ್ ಅವರಿಗೆ ಅನಿಲ್ ಅಂಬಾನಿ ತುಂಬಾ ಹತ್ತಿರವಾದರು. ಮತ್ತೊಂದೆಡೆ, ಅನಿಲ್ ಅಂಬಾನಿ ಟೀನಾರನ್ನು ಈಗಾಗಲೇ ಇಷ್ಟಪಡಲು ಪ್ರಾರಂಭಿಸಿದರು. ಇದಾದ ನಂತರ ಇಬ್ಬರೂ ಹಲವು ತಿಂಗಳು ಡೇಟಿಂಗ್ (Dating) ಮಾಡುತ್ತಿದ್ದರು. ಈ ವೇಳೆ ಟೀನಾ ಮುನಿಮ್ ಬಾಲಿವುಡ್‌ನಿಂದ ದೂರ ಸರಿದಿದ್ದರು.
 

ಟೀನಾ ಮುನಿಮ್ ಬಗ್ಗೆ ಅನಿಲ್ ಅಂಬಾನಿ ತಮ್ಮ ಕುಟುಂಬಕ್ಕೆ ಹೇಳಿದಾಗ, ಅವರು ಈ ಸಂಬಂಧವನ್ನು ವಿರೋಧಿಸಿದರು. ಯಾವ ನಟಿಯೂ ತಮ್ಮ ಮನೆಯ ಸೊಸೆಯಾಗುವುದು ಅವರಿಗೆ ಇಷ್ಟವಿರಲಿಲ್ಲ. ಕುಟುಂಬದ ಒತ್ತಡದಿಂದಾಗಿ ಅನಿಲ್ ಅಂಬಾನಿ ಕೂಡ ಟೀನಾ ಅವರಿಂದ ದೂರ ಉಳಿಯಲು ನಿರ್ಧರಿಸಿದ್ದರು.

ಮಾಧ್ಯಮ ವರದಿಗಳ ಪ್ರಕಾರ, ಅನಿಲ್ ಅಂಬಾನಿ ಈ ನಿರ್ಧಾರವನ್ನು ಟೀನಾ ಮುನಿಮ್‌ಗೆ ತಿಳಿಸಿದಾಗ ಅವರು ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ. ಆದರೆ, ಇದರಿಂದ ಟೀನಾ ತೀವ್ರ ಆಘಾತಕ್ಕೊಳಗಾಗಿದ್ದರು. ಈ ನಡುವೆ ಟೀನಾ ಬಾಲಿವುಡ್ ತೊರೆದು ಇಂಟೀರಿಯರ್ ಡಿಸೈನಿಂಗ್ ಕೋರ್ಸ್ ಮಾಡಲು ಅಮೆರಿಕಕ್ಕೆ ತೆರಳಿದ್ದರು.

ಇದರ ನಂತರ 1989 ರಲ್ಲಿ USA ನ ಲಾಸ್ ಏಂಜಲೀಸ್‌ನಲ್ಲಿ ದೊಡ್ಡ ಭೂಕಂಪ ಸಂಭವಿಸಿತು. ಆ ಸಮಯದಲ್ಲಿ ಟೀನಾ ಅಲ್ಲಿದ್ದರು. ಅನಿಲ್ ಹೇಗೋ ನಂಬರ್ ಕಂಡು ಹಿಡಿದು ಟೀನಾ ಮುನಿಮ್‌ಗೆ ಕಾಲ್‌ ಮಾಡಿದರು. ಫೋನಿನಲ್ಲಿ  ನೀನು ಚೆನ್ನಾಗಿದ್ದೀಯಾ? ಎಂದು ಕೇಳಿ ಟೀನಾರಿಂದ ಉತ್ತರ ಬಂದ ತಕ್ಷಣ ಅನಿಲ್ ಅಂಬಾನಿ ಏನೂ ಮಾತನಾಡದೆ ಫೋನ್ ಕಟ್ ಮಾಡಿದರು.

ಅನಿಲ್ ಅಂಬಾನಿಯವರ ಈ ವರ್ತನೆಯಿಂದ ಟೀನಾ ಮುನಿಮ್ ಅಚ್ಚರಿಗೊಂಡಿದ್ದರು. ಇಬ್ಬರ ನಡುವೆ ಸಂಭಾಷಣೆಯ ಮತ್ತೊಮ್ಮೆ ಪ್ರಾರಂಭವಾಯಿತು. ಸಾಕಷ್ಟು ಚರ್ಚೆಯ ನಂತರ, ಅನಿಲ್ ತನ್ನ ಕುಟುಂಬಕ್ಕೆ ಟೀನಾ ಮುನಿಮ್ ಅವರನ್ನು ಮಾತ್ರ ಮದುವೆಯಾಗುವುದಾಗಿ ಹೇಳಿದರು ಮತ್ತು ಬಳಿಕ ಮನೆಯವರಿಗೆ ಮನವರಿಕೆ ಮಾಡಿಕೊಡುವಲ್ಲಿ ಯಶಸ್ವಿಯಾದರು.

ಇದಾದ ಬಳಿಕ ಇಬ್ಬರ ಮನೆಯವರು ಪರಸ್ಪರ ಭೇಟಿಯಾಗಿ, ಮದುವೆಗೆ ಸಿದ್ಧತೆ ನಡೆಸಿದ್ದರು. ಹೀಗೆ 1991ರ ಫೆಬ್ರವರಿಯಲ್ಲಿ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಅನಿಲ್ ಮತ್ತು ಟೀನಾ ದಂಪತಿಗೆ ಮುನಿಮ್ ಜೈ ಅನ್ಮೋಲ್ ಮತ್ತು ಜೈ ಅನ್ಶುಲ್ ಎಂಬ ಇಬ್ಬರು ಮಕ್ಕಳಿದ್ದಾರೆ. 

ಟೀನಾ 1978 ರಲ್ಲಿ ದೇಶ್ ಪರದೇಶ್ ಸಿನಿಮಾದ ಮೂಲಕ ಪಾದಾರ್ಪಣೆ ಮಾಡಿದರು. ಅವರು ಬಾತೋ ಬಾತ್ ಮೇ, ಕರ್ಜ್, ಆಪ್ಕೆ ದೀವಾನೆ, ಖುದಾ ಕಸಮ್, ಯೇ ವಾದ ರಹಾ, ರಜಪೂತ್, ಕ್ಲೂ, ಬಡೇ ದಿಲ್ ವಾಲಾ, ಪುಕಾರ್, ಅಲಗ್ ಡಿಫರೆಂಟ್, ವಾರ್, ಅಧಿಕಾರ್ ಮುಂತಾದ ಚಲನಚಿತ್ರಗಳಲ್ಲಿ ಕೆಲಸ ಮಾಡಿದರು. ಅವರು ಕೊನೆಯದಾಗಿ 1991 ರ ಜಿಗರ್ವಾಲಾ ಸಿನಿಮಾದಲ್ಲಿ ಕಾಣಿಸಿಕೊಂಡರು.