ಮೊದಲ ವಿವಾಹ ವಾರ್ಷಿಕೋತ್ಸವ: ರಣಬೀರ್ ಜೊತೆಯ ಅಪರೂಪದ ಫೋಟೋ ಹಂಚಿಕೊಂಡ ಆಲಿಯಾ!
ಆಲಿಯಾ ಭಟ್ ( ಮತ್ತು ರಣಬೀರ್ ಕಪೂರ್ ಇಂದು ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದಾರೆ. ಕಳೆದ ವರ್ಷ ಏಪ್ರಿಲ್ 14 ರಂದು ಆತ್ಮೀಯ ಸಮಾರಂಭದಲ್ಲಿ ದಂಪತಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಅವರು ಬಯಸಿದಂತೆಯೇ ಅವರ ತಮ್ಮ ಸ್ವಂತ ಮನೆಯಲ್ಲಿ ಮದುವೆಯಾದರು. ಮದುವೆಯಲ್ಲಿ ಅವರ ಆಪ್ತರು ಮತ್ತು ಕುಟುಂಬದವರು ಮಾತ್ರ ಭಾಗವಹಿಸಿದ್ದರು. ಈಗ ಈ ಜೋಡಿಯ ಮದುವೆಗೆ ಒಂದು ವರ್ಷ ಕಳೆದಿದ್ದು, ಆಲಿಯಾ ಕೆಲವು ಅಪರೂಪದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
)
Followಆಲಿಯಾ-ರಣಬೀರ್ ದಂಪತಿ ಇಂದು ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸುತ್ತಿರುವ ಸಮಯದಲ್ಲಿ ಆಲಿಯಾ ರಣಬೀರ್ ಕಪೂರ್ ಜೊತೆಗಿನ ಕೆಲವು ಅಪರೂಪದ ಫೋಟೋಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.
)
ತಮ್ಮ ಫಸ್ಟ್‌ ವೆಡ್ಡಿಂಗ್‌ ಆನಿವರ್ಸರಿಗಾಗಿ ಆಲಿಯಾ ಭಟ್ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಪತಿ ರಣಬೀರ್ ಜೊತೆ ಇರುವ ಮೂರು ಫೋಟೋಗಳನ್ನು ಶೇರ್‌ ಮಾಡಿಕೊಂಡು ಹ್ಯಾಪಿ ಡೇ ಎಂದು ಕ್ಯಾಪ್ಷನ್‌ ನೀಡಿದ್ದಾರೆ.
ಮೊದಲ ಫೋಟೋ ಅವರ ಮದುವೆಯ ಹಲ್ದಿ ಸಮಾರಂಭದ್ದಾಗಿದೆ, ಎರಡನೇ ಫೋಟೋವು ರಣಬೀರ್ ಆಲಿಯಾಗೆ ಪ್ರಪೋಸ್ ಮಾಡಿದ ಕ್ಷಣವಾಗಿದೆ. ಮೂರನೇ ಚಿತ್ರವು ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ನಿಶ್ಚಿತಾರ್ಥದ ಪಾರ್ಟಿಯ ಸಮಯದ್ದು.
ಬಾಲಿವುಡ್‌ನ ಹಲವಾರು ಸ್ನೇಹಿತರು ಈ ಪೋಸ್ಟ್‌ಗೆ ಕಾಮೆಂಟ್ ಮಾಡಿದ್ದಾರೆ. ಕರಣ್ ಜೋಹರ್ ಮತ್ತು ಜೋಯಾ ಅಖ್ತರ್ ಜೊತೆ ಮೌನಿ ರಾಯ್ ಮುಂತಾದವರು ದಂಪತಿಗೆ ವಾರ್ಷಿಕೋತ್ಸವದ ಶುಭಾಶಯಗಳನ್ನು ಕೋರಿದರು.
ರಣಬೀರ್ ಮತ್ತು ಆಲಿಯಾ ಈಗ ಹೆಣ್ಣು ಮಗು ರಾಹಾಳ ಹೆಮ್ಮೆಯ ಪೋಷಕರಾಗಿದ್ದಾರೆ. ಕಳದೆ ವರ್ಷ ಜೂನ್‌ನಲ್ಲಿ ಗರ್ಭಧಾರಣೆಯನ್ನು ಘೋಷಿಸಿದ್ದ ಜೋಡಿ ನವೆಂಬರ್ 2022 ರಲ್ಲಿ ಮಗಳನ್ನು ಸ್ವಾಗತಿದರು.
ಕೆಲಸದ ಮುಂಭಾಗದಲ್ಲಿ, ರಣಬೀರ್ ಪ್ರಸ್ತುತ 'ಅನಿಮಲ್' ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ. ಅದೇ ಸಮಯದಲ್ಲಿ ಜುಲೈನಲ್ಲಿ ಬಿಡುಗಡೆಯಾಗಲಿರುವ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಚಿತ್ರದಲ್ಲಿ ಆಲಿಯಾ ಕಾಣಿಸಿಕೊಳ್ಳಲಿದ್ದಾರೆ.
