ಬಾಲಿವುಡ್‌ಲ್ಲಿ ಹೈಯೆಸ್ಟ್ 100 ಕೋಟಿ ಗಳಿಕೆಯ ಸಿನ್ಮಾ ಮಾಡಿದ ನಟ ಇವ್ರೇ; ಶಾರೂಕ್‌, ಅಮೀರ್‌ ಖಾನ್, ಅಕ್ಷಯ್ ಅಲ್ಲ!

ಸಿನಿಮಾರಂಗದಲ್ಲಿ ಏಳು-ಬೀಳುಗಳು ಸಾಮಾನ್ಯ. ಆದರೂ ತಾವು ನಟಿಸಿದ ಸಿನಿಮಾ ಸಕ್ಸಸ್ ಆಗಬೇಕೆಂಬು ಪ್ರತಿಯೊಬ್ಬ ನಟ-ನಟಿಯರೂ ಅಂದುಕೊಳ್ಳುತ್ತಾರೆ. ಯಾವುದೇ ಚಿತ್ರದ ಯಶಸ್ಸನ್ನು ಗಲ್ಲಾಪೆಟ್ಟಿಗೆಯಲ್ಲಿ ಗಳಿಸಿದ ಗಳಿಕೆಯಿಂದ ಅಳೆಯಲಾಗುತ್ತದೆ. ಅದರಲ್ಲೂ 100 ಕೋಟಿ ಕ್ಲಬ್‌ಗೆ ಸಿನಿಮಾ ಸೇರ್ಪಡೆಯಾಗುವುದು ಯಶಸ್ಸಿನ ಹೆಗ್ಗುರುತೆಂದೇ ಪರಿಗಣಿಸಲಾಗುತ್ತದೆ.

ಭಾರತದಲ್ಲಿ ಪ್ರತಿಯೊಬ್ಬ ನಟನು ತನ್ನ ಚಲನಚಿತ್ರವು ಬಿಡುಗಡೆಯಾದ ನಂತರ 100 ಕೋಟಿ ಕ್ಲಬ್‌ಗೆ ಸೇರಬೇಕೆಂದು ಬಯಸುತ್ತಾನೆ. ಬಾಲಿವುಡ್ ಸೂಪರ್‌ಸ್ಟಾರ್‌ಗಳಾದ ಅಮೀರ್ ಖಾನ್, ಶಾರೂಕ್‌ ಖಾನ್, ಸಲ್ಮಾನ್ ಖಾನ್ ಮತ್ತು ಅಕ್ಷಯ್ ಕುಮಾರ್ ಅವರ ಅನೇಕ ಚಿತ್ರಗಳು 100 ಕೋಟಿ ರೂ ಕ್ಲಬ್‌ನಲ್ಲಿ ಸೇರಿವೆ.

ಆದರೆ ಭಾರತದಲ್ಲಿ ಗರಿಷ್ಠ 100 ಕೋಟಿ ಚಿತ್ರಗಳನ್ನು ನೀಡಿದ ನಟ ಯಾರು ಗೊತ್ತಾ? ಅದು ಅಮೀರ್, ಶಾರೂಕ್‌ ಖಾನ್ ಅಥವಾ ಅಕ್ಷಯ್ ಕುಮಾರ್ ಅಲ್ಲ. ಮತ್ಯಾರು?

ಕಳೆದ 13 ವರ್ಷಗಳಲ್ಲಿ ಎಲ್ಲಾ ಚಿತ್ರಗಳು 100 ಕೋಟಿ ರೂ. ಕ್ಲಬ್‌ಗೆ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿರುವ ಒಬ್ಬ ನಟ ಮಾತ್ರ ಇದ್ದಾರೆ ಮತ್ತು ಆ ನಟ ಬೇರೆ ಯಾರೂ ಅಲ್ಲ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್.

ಸಲ್ಮಾನ್ ಖಾನ್ ಅಭಿನಯದ ದಬಾಂಗ್, ರೆಡಿ, ಬಾಡಿಗಾರ್ಡ್, ಏಕ್ ಥಾ ಟೈಗರ್, ದಬಾಂಗ್ 2, ಜೈ ಹೋ, ಕಿಕ್, ಬಜರಂಗಿ ಭಾಯಿಜಾನ್, ಪ್ರೇಮ್ ರತ್ನ ಧನ್ ಪಾಯೋ, ಸುಲ್ತಾನ್, ಟ್ಯೂಬ್‌ಲೈಟ್, ಟೈಗರ್ ಜಿಂದಾ ಹೈ ಸೇರಿದಂತೆ ಸಲ್ಮಾನ್ ಖಾನ್ ಅವರ ಒಟ್ಟು 16 ಚಿತ್ರಗಳು 100 ಕೋಟಿ ಕ್ಲಬ್‌ನಲ್ಲಿವೆ. 

ರೇಸ್- 3, ಭಾರತ್, ದಬಾಂಗ್ 3, ಕಿಸಿ ಕಾ ಭಾಯಿ ಕಿಸಿ ಕಿ ಜಾನ್. ಆದಾಗ್ಯೂ, ಅವರ ಕೊನೆಯ ಎರಡು ಚಿತ್ರಗಳಾದ 'ರಾಧೆ' ಮತ್ತು 'ಅಂಟಿಮ್' ಈ ಕ್ಲಬ್‌ಗೆ ಸೇರಲು ಸಾಧ್ಯವಾಗಲಿಲ್ಲ.

ವಾಸ್ತವವಾಗಿ, ಎರಡೂ ಚಿತ್ರಗಳು ಕೋವಿಡ್ -19 ಸಮಯದಲ್ಲಿ ನಷ್ಟವನ್ನು ಅನುಭವಿಸಬೇಕಾಯಿತು. 'ರಾಧೆ' ಸಿನಿಮಾ ಒಟಿಟಿಯಲ್ಲಿ ರಿಲೀಸ್ ಆಯಿತು.

ಶಾರೂಕ್‌ ಖಾನ್‌ರನ್ನು ಬಾಲಿವುಡ್ ಬಾದ್ ಷಾ ಎಂದು ಕರೆಯುತ್ತಾರಾದರೂ 100 ಕೋಟಿ ಕ್ಲಬ್ ವಿಷಯಕ್ಕೆ ಬಂದರೆ ಕಿಂಗ್‌ಖಾನ್‌, ಅಕ್ಷಯ್ ಕುಮಾರ್ ಅವರಿಗಿಂತ ನಂತರದ ಸ್ಥಾನದಲ್ಲಿದ್ದಾರೆ. ಇಲ್ಲಿಯವರೆಗೆ ಅಕ್ಷಯ್ ಕುಮಾರ್ ಅವರ 15 ಚಿತ್ರಗಳು 100 ಕೋಟಿ ಗಡಿ ದಾಟಿವೆ. 

ಶಾರೂಕ್ ಅಭಿನಯದ ಕೇವಲ 8 ಚಿತ್ರಗಳು ಮಾತ್ರ ಬಾಕ್ಸ್ ಆಫೀಸ್‌ನಲ್ಲಿ 100 ಕೋಟಿ ಅಥವಾ ಅದಕ್ಕಿಂತ ಹೆಚ್ಚು ಗಳಿಸಿದೆ. ಅಜಯ್ ದೇವಗನ್ 100 ಕೋಟಿ ಕಲೆಕ್ಷನ್‌ ದಾಟಿದ 12 ಚಿತ್ರಗಳನ್ನು ಹೊಂದಿದ್ದರೆ, ಹೃತಿಕ್ ರೋಷನ್ ಆರು ಚಿತ್ರಗಳನ್ನು ಹೊಂದಿದ್ದಾರೆ.