ಅಂಬಾನಿ ಮನೆಯಲ್ಲಿ ರೊಟ್ಟಿ ಮಾಡಿದ್ರೆ ಸಿಗತ್ತೆ 24 ಲಕ್ಷ ರೂ. ಸಂಬಳ: ಇದೊಂದು ಕ್ವಾಲಿಫಿಕೇಷನ್​ ಇದ್ರೆ ಸಾಕು ನೋಡಿ

ಮುಖೇಶ್ ಅಂಬಾನಿ ಮನೆಯಲ್ಲಿ ರೊಟ್ಟಿ ಮಾಡುವ ಬಾಣಸಿಗನಿಗೆ ತಿಂಗಳಿಗೆ 2 ಲಕ್ಷ ರೂಪಾಯಿ ಸಂಬಳವಿದೆ. 600ಕ್ಕೂ ಹೆಚ್ಚು ಸಿಬ್ಬಂದಿ ಮತ್ತು ಅತಿಥಿಗಳಿಗಾಗಿ ದಿನಕ್ಕೆ ಸುಮಾರು 4,000 ರೊಟ್ಟಿಗಳನ್ನು ತಯಾರಿಸುವುದೇ ಈ ಭಾರೀ ಸಂಬಳಕ್ಕೆ ಕಾರಣವಾಗಿದೆ.

Image Credit : google

ಕಟ್ಟುನಿಟ್ಟಾದ ಆಹಾರ

ಮುಖೇಶ್ ಅಂಬಾನಿ (Mukesh Ambani) ಮತ್ತು ನೀತಾ ಅಂಬಾನಿ (Nita Ambani) ಅವರು ಐಷಾರಾಮಿ ಜೀವನಶೈಲಿಗೆ ಹೆಸರುವಾಸಿ. ಸಸ್ಯಾಹಾರಿಗಳಾಗಿರುವ ಅಂಬಾನಿಯವರು ಸದಾ ಮನೆಯಲ್ಲಿಯೇ ಊಟ ಮಾಡುತ್ತಾರೆ. ಡಯೆಟ್​ ಫುಡ್​ ಸೇವನೆ ಮಾಡುತ್ತಾರೆ. ಆಹಾರದ ವಿಷಯದಲ್ಲಿ ಅಂಬಾನಿ ಕುಟುಂಬ ಸಕತ್​ ಚ್ಯೂಸಿ. ಕಟ್ಟುನಿಟ್ಟಾದ ಆಹಾರಕ್ರಮವನ್ನು ಅನುಸರಿಸುತ್ತಾರೆ. ಮುಕೇಶ್​ ಅಂಬಾನಿ ಅವರು ಹಿಂದೊಮ್ಮೆ ತಮಗೆ ದಾಲ್, ರೊಟ್ಟಿ ಮತ್ತು ಅನ್ನ ಇಷ್ಟ ಎಂದಿದ್ದರು. ಥಾಯ್ ಪಾಕಪದ್ಧತಿಯನ್ನು ಸಹ ಇಷ್ಟ ಎಂದಿದ್ದರು. ಆದರೆ ಅವರು ಪ್ರತಿ ಭಾನುವಾರ ಮಾತ್ರ ಇಡ್ಲಿ-ಸಾಂಬಾರ್ ತಿನ್ನುತ್ತಾರಂತೆ.

Image Credit : ANI

ಇದು ರೊಟ್ಟಿ ವಿಷ್ಯ

ಅವರ ಮಾತು ಬಿಡಿ. ಇದೀಗ ಇಂಟರೆಸ್ಟಿಂಗ್​ ವಿಷ್ಯ ಕೇಳಿ. ಇದು ಅಂಬಾನಿ ಮನೆಯಲ್ಲಿ ರೊಟ್ಟಿ ಮಾಡುವವರ ಸ್ಟೋರಿ. ಇಲ್ಲಿ ರೊಟ್ಟಿ ಮಾಡುವವರಿಗೆ ಎರಡು ಲಕ್ಷ ರೂಪಾಯಿ ಸಂಬಳವಿದೆ. ಇಷ್ಟು ಹೇಳುತ್ತಿದ್ದಂತೆಯೇ ಬರೀ ರೀಲ್​ ಬಿಡಬೇಡಿ, ಇವೆಲ್ಲಾ ಸುಳ್ಳು, ವಾಟ್ಸ್​ಆ್ಯಪ್​ ಯೂನಿವರ್ಸಿಟಿ ಎಂದೆಲ್ಲಾ ಮಾತನಾಡುವುದು ಇದೆ. ಆದ್ರೆ, ಎರಡು ಲಕ್ಷ ರೂಪಾಯಿ ಸಂಬಳ ಇರೋದು ನಿಜ. ಇದು ಕಳೆದ ವರ್ಷದ ಸ್ಯಾಲರಿ. ಈ ವರ್ಷ ಇನ್ನೂ ಹೆಚ್ಚಾಗಿರಲಿಕ್ಕೆ ಸಾಕು. ಅಷ್ಟಕ್ಕೂ ಯಾಕೆ ಇಷ್ಟೊಂದು ಸಂಬಳ ಕೊಡ್ತಾರೆ ಎನ್ನೋದನ್ನು ಮೊದಲು ನೋಡಿ.

Image Credit : stockPhoto

ಹೋಟೆಲ್ ಮ್ಯಾನೇಜ್‌ಮೆಂಟ್ ಬೇಕು

ಹೋಟೆಲ್ ಮ್ಯಾನೇಜ್‌ಮೆಂಟ್ ಪೂರ್ಣಗೊಳಿಸಿದವರಿಗಷ್ಟೇ ಇಲ್ಲಿ ಕೆಲಸ ಮಾಡುವ ಅವಕಾಶ ಇದ್ದು, ಮಾಧ್ಯಮ ವರದಿಗಳ ಪ್ರಕಾರ, ರೊಟ್ಟಿ ತಯಾರಕರಿಗೆ ಕೂಡಾ ತಿಂಗಳಿಗೆ 2 ಲಕ್ಷ ರೂಪಾಯಿ ವೇತನವಿದೆ. ಅಂದರೆ ವರ್ಷಕ್ಕೆ 24 ಲಕ್ಷ ರೂ. ಅಷ್ಟಕ್ಕೂ 3 ಹೆಲಿಪ್ಯಾಡ್, 168 ಕಾರುಗಳನ್ನ ಏಕಕಾಲದಲ್ಲಿ ಪಾರ್ಕ್ ಮಾಡಬಲ್ಲ ಪಾರ್ಕಿಂಗ್, ಲಕ್ಸುರಿಯ, ಥರಾವರಿ ಸೌಲಭ್ಯ ಇರುವ ಅಂಬಾನಿ ಮನೆಯಲ್ಲಿ 600ಕ್ಕೂ ಹೆಚ್ಚು ನೌಕರರು ದುಡಿಯುತ್ತಿದ್ದಾರೆ. ಇವರಿಗೆ ಅಡುಗೆ ಮಾಡಿ ಹಾಕಲು ಪ್ರತ್ಯೇಕ ಶೆಫ್ ತಂಡವೇ ಇದೆ. ಇದರ ಅರ್ಥ ಸಾಮಾನ್ಯ ಜನರು ಒಂದು ಫಂಕ್ಷನ್​ ಮಾಡಿದ್ರೆ ಎಷ್ಟು ಮಂದಿ ಬರಬಹುದೋ ಅಷ್ಟೇ ದಿನವೂ ಇಲ್ಲಿ ಅಡುಗೆ ಮಾಡಬೇಕು.

Image Credit : stockPhoto

ನಾಲ್ಕು ಸಾವಿರ ರೋಟಿ

ಇವರೆಲ್ಲರಿಗೂ ರೋಟಿ ಮಾಡಲಾಗುತ್ತದೆ. ಏನಿಲ್ಲವೆಂದರೂ ದಿನಕ್ಕೆ ನಾಲ್ಕು ಸಾವಿರ ರೋಟಿ ಮಾಡಬೇಕು. ಅಂಬಾನಿಯವರು ತಮ್ಮ ಸಿಬ್ಬಂದಿಗೆ ಒಂದು ಮಹಡಿಯನ್ನೇ ಮೀಸಲಿಟ್ಟಿದ್ದು, 27 ಅಂತಸ್ತುಗಳಾದ ಈ ಮನೆ ಮೌಲ್ಯ ಸುಮಾರು 15 ಸಾವಿರ ಕೋಟಿ ಇದೆ. 4,000 ರೊಟ್ಟಿಗಳನ್ನು ತಯಾರಿಸಿ, ನೌಕರರಿಗೆ ಮತ್ತು ಅತಿಥಿಗಳಿಗೆ ಸಮಾನ ವಿತರಣೆ ಮಾಡಲಾಗುತ್ತದೆ. ಅದಕ್ಕಾಗಿ ರೋಟಿ ಮಾಡುವವರಿಗೆ ಈ ಪರಿಯ ಸಂಬಳವಿದೆ!

Image Credit : Getty

ಮುಖ್ಯಸ್ಥನಿಗೆ 2 ಲಕ್ಷ ಸಂಬಳ

ಹಾಗೆಂದು ಈ ರೋಟಿ ಕೇವಲ ಬೆಳಗಿನ ಉಪಾಹಾರಕ್ಕೆ ಮಾತ್ರ. ಅಲ್ಲಿರುವ 600 ಸಿಬ್ಬಂದಿ ಜೊತೆ ಬರುವ ಅತಿಥಿಗಳಿಗೂ ಇದೇ ಆಹಾರ ನೀಡಲಾಗುತ್ತದೆ. ಅಂಬಾನಿ ಕುಟುಂಬಕ್ಕೆ, ಅಂಬಾನಿ ಮನೆಯ ಸಿಬ್ಬಂದಿಗಳಿಗೆ ಅಡುಗೆ ಮಾಡಲು ಅತೀ ದೊಡ್ಡ ಕುಕಿಂಗ್ ತಂಡವಿದೆ. ರೋಟಿ ಮಾಡುವ ಷೆಫ್ ಈ ವಿಭಾಗದ ಹೆಡ್. ಇನ್ನುಳಿದ ಸಿಬ್ಬಂದಿಗಳು ಈ ಚೆಫ್ ಕೈಕೆಳಗೆ ಕೆಲಸ ಮಾಡುತ್ತಾರೆ. ಈ ಬಾಣಸಿಗನಿಗೆ 2 ಲಕ್ಷ ರೂ ಸಂಬಳ. ಈತನ ಕೆಳಗೆ ಕೆಲಸ ಮಾಡುವ ಸಿಬ್ಬಂದಿಗಳಿಗೂ ಅವರ ಜವಾಬ್ದಾರಿ ಹಾಗೂ ಅನುಭವಕ್ಕೆ ತಕ್ಕಂತೆ ವೇತನ ನೀಡಲಾಗುತ್ತಿದೆ.

Image Credit : X/@RIL_Updates

ಮಷಿನ್​ನಲ್ಲಿ ರೋಟಿ

ಹಾಗೆಂದು ಅವರೇನೂ ನಮ್ಮ ಹಾಗೆ ಕೈಯಿಂದ ರೋಟಿ ಮಾಡಲ್ವಂತೆ. ಬದಲಿಗೆ, ಅವರ ಮನೆ ಆ್ಯಂಟಿಲಿಯಾದಲ್ಲಿ ಅತ್ಯಾಧುನಿಕ ತಂತ್ರಜ್ಞಾನದ ರೋಟಿ ಮಷಿನ್​ ಇದೆ. ಹಲವು ಮಷಿನ್ ಬಳಸಿ ಇಷ್ಟೊಂದು ರೋಟಿ ಮಾಡ್ತಾರೆ. ಮಷಿನ್​ ಇದ್ರೆ ನಾವೂ ಮಾಡ್ಬೋದಲ್ವಾ ಎಂದು ಹಲವರಿಗೆ ಅನ್ನಿಸಿರಲೂಬಹುದು ಎನ್ನಿ.