Food Tips: ಮೊಸರು ಮತ್ತು ಯೋಗರ್ಟ್ ಒಂದೇನಾ ? ಬೇರೆ ಬೇರೆನಾ ?
ಸಂಡೇ. ರಜಾ ದಿನ ಬೇರೆ. ಸಖತ್ತಾಗಿ ಏನಾದ್ರೂ ಸ್ಪೆಷಲ್ ಮಾಡಿ ಬಾರ್ಸೋಣ ಅಂತ ಪ್ಲಾನ್ ಮಾಡಿ ಯೂಟ್ಯೂಬ್ ರೆಸಿಪಿ ನೋಡ್ತೀರಾ. ಆದ್ರೆ ಎಲ್ಲಾ ರೆಸೀಪಿಲೂ 1 ಕಪ್ ಯೋಗರ್ಟ್ (Yogurt) ಬಳಸಿ ಅನ್ನೋ ಲೈನ್. ಅರೆ ಇದೇನಪ್ಪಾ ಮೊಸರಿನ ಹಾಗೇ ಇದೆ. ಇವ್ರೇನೋ ಯೋಗರ್ಟ್ ಅಂತಿದ್ದಾರೆ ಇದೊಳ್ಳೆ ಕಥೆ ಆಯ್ತುಲ್ಲಾ ಅಂತ ತಲೆಚಚ್ಚಿಕೊಳ್ಬೇಡಿ. ಮೊಸರು (Curd) ಮತ್ತು ಯೋಗರ್ಟ್ ಅಂದ್ರೇನು. ಎರಡರ ಮಧ್ಯೆ ಏನಾದ್ರೂ ವ್ಯತ್ಯಾಸ ಇದ್ಯಾ ನಾವ್ ಹೇಳ್ತೀವಿ.
Followಭಾರತದ ಪ್ರತಿ ಅಡುಗೆ ಮನೆಯಲ್ಲಿಯೂ ಹಾಲಿನ ಉತ್ಪನ್ನಗಳನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಬೆಳಗ್ಗಿನ ಚಹಾಗೆ ಹಾಲು, ಊಟಕ್ಕೆ ಮಜ್ಜಿಗೆ, ಮೊಸರು (Curd), ಸ್ನ್ಯಾಕ್ಸ್ ತಯಾರಿಸಲು ಬೆಣ್ಣೆ, ಸಿಹಿತಿಂಡಿ ತಯಾರಿಸಲು ತುಪ್ಪ ಹೀಗೆ ಹಾಲಿನ ಎಲ್ಲಾ ಉತ್ಪನ್ನಗಳು ಸಂಪೂರ್ಣವಾಗಿ ಬಳಕೆಯಾಗುತ್ತದೆ. ಅದರಲ್ಲೂ ಮೊಸರು ಪ್ರತಿಹೊತ್ತಿನ ಊಟದ ಜತೆಗೆ ಇರಲೇಬೇಕು. ಖುಷಿಯ ಸಂದರ್ಭಗಳಲ್ಲಿ ಮೊಸರು, ಸಕ್ಕರೆ ತಿನ್ನುವುದು ಭಾರತೀಯರ ಸಾಮಾನ್ಯವಾದ ಅಭ್ಯಾಸ. ಹಾಗೆಯೇ ಯೋಗರ್ಟ್ (Yogurt)ನ್ನು ಹಲವು ಆಹಾರಗಳನ್ನು ತಯಾರಿಸುವ ಸಂದರ್ಭದಲ್ಲಿ ಬಳಸಲಾಗುತ್ತದೆ.
ಡೈರಿ ಆಧಾರಿತ ಪದಾರ್ಥಗಳ ನಡುವಿನ ವ್ಯತ್ಯಾಸ ಸಾಮಾನ್ಯವಾಗಿ ಹಲವರನ್ನು ಗೊಂದಲಗೊಳಿಸುತ್ತದೆ. ಅದರಲ್ಲೂ ಮೊಸರು ಮತ್ತು ಯೋಗರ್ಟ್ ಬಗ್ಗೆ ಹೆಚ್ಚು ಕನ್ ಫ್ಯೂಷನ್. ಹಾಗಿದ್ರೆ ಮೊಸರು ಮತ್ತು ಯೋಗರ್ಟ್ ನಡುವೆ ನಿಜವಾದ ವ್ಯತ್ಯಾಸವಿದೆಯೇ ಅಥವಾ ಎರಡೂ ಒಂದೇ ಆಗಿವೆಯೇ ?
Curd For Health: ಪ್ರತಿದಿನ ಮೊಸರು ಸೇವಿಸಿ, ಹೃದಯಾಘಾತ ಅಪಾಯದಿಂದ ದೂರವಿರಿ..
ಮೊಸರು ಮತ್ತು ಯೋಗರ್ಟ್ ತಯಾರಿಸುವ ರೀತಿ ವಿಭಿನ್ನ
ಮೊಸರು ಮತ್ತು ಯೋಗರ್ಟ್ ನೋಡಲು ಒಂದೇ ರೀತಿ ಕಂಡರೂ ಇವುಗಳನ್ನು ತಯಾರಿಸುವ ರೀತಿ, ಅವುಗಳ ರುಚಿ (Taste), ವಿನ್ಯಾಸದಲ್ಲಿ ವ್ಯತ್ಯಾಸವಿದೆ. ಅದರಲ್ಲೂ ಮುಖ್ಯವಾಗಿ ತಯಾರಿಕೆಯ ರೀತಿಯಿಂದ ಎರಡರ ಮಧ್ಯೆಯಿರುವ ವ್ಯತ್ಯಾಸ ಸ್ಪಷ್ಟವಾಗುತ್ತದೆ. ಬೆಚ್ಚಗಿನ ಹಾಲಿಗೆ ಹಳೆಯ ಮೊಸರು ಅಥವಾ ನಿಂಬೆ (Lemon) ರಸವನ್ನು ಸೇರಿಸಿ ಮೊಸರನ್ನು ತಯಾರಿಸಲಾಗುತ್ತದೆ. ಸಾಮಾನ್ಯವಾಗಿ ಮೊಸರನ್ನು ಮನೆಯಲ್ಲಿ ತಯಾರಿಸಬಹುದಾಗಿದೆ. ಆದರೆ, ಯೋಗರ್ಟ್‌ನ್ನು ಕೃತಕ ಆಮ್ಲಗಳೊಂದಿಗೆ ಹಾಲನ್ನು ಹುದುಗಿಸುವ ಮೂಲಕ ತಯಾರಿಸಲಾಗುತ್ತದೆ, ಇದನ್ನು ಸಾಮಾನ್ಯವಾಗಿ ವಾಣಿಜ್ಯಿಕವಾಗಿ ತಯಾರಿಸಲಾಗುತ್ತದೆ. ಯೋಗರ್ಟ್ ಪರಿಪೂರ್ಣ ರುಚಿ ಮತ್ತು ಮೃದುವಾದ ವಿನ್ಯಾಸವನ್ನು ಪಡೆಯಲು ಸೂಕ್ತವಾದ ತಾಪಮಾನದ ಅಗತ್ಯವಿರುತ್ತದೆ.
ಮೊಸರು ಮತ್ತು ಯೋಗರ್ಟ್ ಎರಡೂ ಪ್ರೋಬಯಾಟಿಕ್ ಬ್ಯಾಕ್ಟೀರಿಯಾ (Bacteria)ಗಳನ್ನು ಹೊಂದಿವೆ. ಆದರೆ, ಮೊಸರಿಗೆ ಹೋಲಿಸಿದರೆ ಯೋಗರ್ಟ್ನಲ್ಲಿರುವ ಬ್ಯಾಕ್ಟೀರಿಯಾದ ಪ್ರಮಾಣವು ಹೆಚ್ಚು. ಮೊಸರು ತುಲನಾತ್ಮಕವಾಗಿ ಕಡಿಮೆ ಪ್ರಮಾಣದ ಬ್ಯಾಕ್ಟೀರಿಯಾವನ್ನು ಹೊಂದಿದೆ.
Health Tips: ಹಾಲಿನ ಜತೆ ಈ ಆಹಾರಗಳನ್ನು ಸೇವಿಸಿದರೆ ಜೀವಕ್ಕೇ ಅಪಾಯ..!
ಮೊಸರು ಮತ್ತು ಯೋಗರ್ಟ್ ನಡುವಿನ ವ್ಯತ್ಯಾಸವೇನು ?
ಮೊಸರನ್ನು ನಿಂಬೆ ಅಥವಾ ಮೊಸರಿನೊಂದಿಗೆ ಹಾಲನ್ನು ಬೆರೆಸಿ ತಯಾರಿಸಲಾಗುತ್ತದೆ, ಇದು ಲ್ಯಾಕ್ಟೋಬಾಸಿಲಸ್ ಎಂದೂ ಕರೆಯಲ್ಪಡುವ ಹಲವಾರು ರೀತಿಯ ಲ್ಯಾಕ್ಟಿಕ್ ಆಮ್ಲ ಬ್ಯಾಕ್ಟೀರಿಯಾವನ್ನು ನೀಡುತ್ತದೆ. ಆದರೆ, ಮೊಸರು ನಿರ್ದಿಷ್ಟ ರೀತಿಯ ಬ್ಯಾಕ್ಟೀರಿಯಾದ ಸ್ಟ್ರೈನ್ ಅನ್ನು ಸೇವಿಸುವ ಮೂಲಕ ಹಾಲಿನ ವಾಣಿಜ್ಯ ಹುದುಗುವಿಕೆಯಿಂದ ತಯಾರಿಸಲಾಗುತ್ತದೆ.
ಲ್ಯಾಕ್ಟೋಸ್ ಅಸಹಿಷ್ಣುತೆ ಎಂಬುದು ಒಂದು ಸಾಮಾನ್ಯ ಸಮಸ್ಯೆಯಾಗಿದ್ದು, ಇದರಲ್ಲಿ ಜನರು ಡೈರಿ ಆಧಾರಿತ ಉತ್ಪನ್ನಗಳಿಗೆ ಅಲರ್ಜಿಯನ್ನು ಹೊಂದಿರುತ್ತಾರೆ. ಮೊಸರಿಗೆ ಹೋಲಿಸಿದರೆ, ತಾಜಾ ಹಾಲು ಕಡಿಮೆ ಪ್ರಮಾಣದ ಲ್ಯಾಕ್ಟೋಸ್ ಅನ್ನು ಹೊಂದಿರುತ್ತದೆ. ಹೀಗಿದ್ದೂ, ಲ್ಯಾಕ್ಟೋಸ್ ಅಸಹಿಷ್ಣುತೆಯ ಮಟ್ಟವು ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗಬಹುದು. ಹೀಗಾಗಿ, ಅಸಹಿಷ್ಣುತೆಯಿಂದ ಬಳಲುತ್ತಿರುವವರು ಹೆಚ್ಚು ಮೊಸರನ್ನು ಸೇವಿಸುವಂತಿಲ್ಲ. ಆದರೆ, ಯೋಗರ್ಟ್‌ನ್ನು ಸೇವಿಸುವುದರಿಂದ ಯಾವುದೇ ತೊಂದರೆಯಿಲ್ಲ.
ಯಾವುದು ಆರೋಗ್ಯಕರ ?
ದೇಹವನ್ನು ತಂಪಾಗಿಸುವುದರಿಂದ ಹಿಡಿದು ಜೀರ್ಣಕ್ರಿಯೆ ಮತ್ತು ಕರುಳಿನ ಆರೋಗ್ಯವನ್ನು ಸುಧಾರಿಸುವವರೆಗೆ ಮಸಾಲೆಗಳ ಪರಿಣಾಮವನ್ನು ತಟಸ್ಥಗೊಳಿಸುವವರೆಗೆ, ಮೊಸರು ಭಾರತೀಯ ಪಾಕಪದ್ಧತಿಯ ಅತ್ಯಗತ್ಯ ಭಾಗವಾಗಿದೆ. ಇದು ಸರಿಯಾದ ಪ್ರಮಾಣದ ಹಾಲಿನ ಕೊಬ್ಬುಗಳು, ಪ್ರೋಟೀನ್, ಕ್ಯಾಲ್ಸಿಯಂ ಮತ್ತು ರಂಜಕವನ್ನು ಹೊಂದಿದ್ದು ಅದು ಮೂಳೆಗಳು, ಹಲ್ಲುಗಳು ಮತ್ತು ಒಟ್ಟಾರೆ ರೋಗನಿರೋಧಕ ಶಕ್ತಿ (Immunity Power)ಯನ್ನು ಬಲಪಡಿಸುತ್ತದೆ.
ಮತ್ತೊಂದೆಡೆ, ಯೋಗರ್ಟ್ ಆರೋಗ್ಯಕರ ಪ್ರೋಟೀನ್ (Protein), ಜೀವಸತ್ವಗಳು ಮತ್ತು ಖನಿಜಗಳಿಂದ ತುಂಬಿರುತ್ತದೆ. ಯೋಗರ್ಟ್ನಲ್ಲಿ ಹಲವಾರು ವಿಧಗಳಿವೆ ಮತ್ತು ಯೋಗರ್ಟ್ನ ಕೆಲವು ರೂಪಾಂತರಗಳು ಎರಡು ಪಟ್ಟು ಪ್ರೋಟೀನ್ ಅನ್ನು ಹೊಂದಿರುತ್ತವೆ, ಇದು ವಯಸ್ಸಾದವರಲ್ಲಿ ಸಂಧಿವಾತ ಮತ್ತು ಆಸ್ಟಿಯೊಪೊರೋಸಿಸ್‌ನಂತಹ ರೋಗಗಳನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ.
