2022ರಲ್ಲಿ ಸ್ವಿಗ್ಗಿಯ ಅತಿ ದೊಡ್ಡ ಸಿಂಗಲ್ ಆರ್ಡರ್ ಬೆಂಗಳೂರಲ್ಲಿ, ಬಿಲ್ ಭರ್ತಿ 75378 ರೂ.!
ಸ್ವಿಗ್ಗಿಯಲ್ಲಿ ಇತ್ತೀಚಿನ ಟ್ರೆಂಡ್ ವರದಿಯಲ್ಲಿ, ಆನ್‌ಲೈನ್ ಫುಡ್ ಆರ್ಡರ್‌ನ ಅತಿ ಹೆಚ್ಚು ಬಿಲ್ ಎಷ್ಟು ಎಂಬುದನ್ನು ಬಹಿರಂಗಪಡಿಸಿದೆ. ಬೆಂಗಳೂರಿನ ಗ್ರಾಹಕರೊಬ್ಬರು ಅಕ್ಟೋಬರ್‌ನಲ್ಲಿ ದೀಪಾವಳಿಯ ಸಮಯದಲ್ಲಿ 75378 ರೂ. ಮೌಲ್ಯದ ಆಹಾರವನ್ನು ಆರ್ಡರ್ ಮಾಡಿದ್ದಾರೆ ಎಂದು ಹೇಳಿದೆ.
Followಈ ವರ್ಷ ಸ್ವಿಗ್ಗಿಯಲ್ಲಿ ಅತಿ ದೊಡ್ಡ ಸಿಂಗಲ್ ಆರ್ಡರ್ ಬೆಂಗಳೂರಿನಿಂದ ಬಂದಿದೆ. ತನ್ನ ಇತ್ತೀಚಿನ ಟ್ರೆಂಡ್ ವರದಿಯಲ್ಲಿ, ಆನ್‌ಲೈನ್ ಫುಡ್ ಆರ್ಡರ್ ಮತ್ತು ಡೆಲಿವರಿ ಪ್ಲಾಟ್‌ಫಾರ್ಮ್ ಸ್ವಿಗ್ಗಿ ಈ ಮಾಹಿತಿಯನ್ನು ಬಹಿರಂಗಪಡಿಸಿದೆ. ಬೆಂಗಳೂರಿನ ಗ್ರಾಹಕರೊಬ್ಬರು ಅಕ್ಟೋಬರ್‌ನಲ್ಲಿ ದೀಪಾವಳಿಯ ಸಮಯದಲ್ಲಿ 75378 ರೂ. ಮೌಲ್ಯದ ಆಹಾರವನ್ನು ಆರ್ಡರ್ ಮಾಡಿದ್ದಾರೆ ಎಂದು ಹೇಳಿದೆ. ಪುಣೆಯ ಮತ್ತೊಬ್ಬ ಗ್ರಾಹಕರು ಹಲವಾರು ಯೂನಿಟ್ ಬರ್ಗರ್ ಮತ್ತು ಫ್ರೈಗಳನ್ನು ಖರೀದಿಸಲು 71229 ರೂ. ವ್ಯಯಿಸಿದ್ದಾರೆ.
'ನಮ್ಮ ಹಸಿದ ಗ್ರಾಹಕರು ಬೆಂಗಳೂರಿನಿಂದ ದೀಪಾವಳಿಯ ಸಮಯದಲ್ಲಿ 75,378 ರೂ ಮೌಲ್ಯದ ಒಂದು ಆರ್ಡರ್‌ನೊಂದಿಗೆ ಬಂದಿದ್ದಾರೆ, ನಂತರ ಪುಣೆಯ ಗ್ರಾಹಕರು ತಮ್ಮ ಇಡೀ ತಂಡಕ್ಕೆ 71229 ರೂ ಬಿಲ್ ಮೌಲ್ಯದೊಂದಿಗೆ ಬರ್ಗರ್ ಮತ್ತು ಫ್ರೈಗಳನ್ನು ಆರ್ಡರ್ ಮಾಡಿದ್ದಾರೆ' ಎಂದು ಸ್ವಿಗ್ಗಿ ಟೀಂ ತಿಳಿಸಿದೆ. .ಬೆಂಗಳೂರಿನ ಮತ್ತೊಬ್ಬ ಗ್ರಾಹಕರು ಕೇವಲ ಒಂದು ವಾರದಲ್ಲಿ ಭಕ್ಷ್ಯಗಳಿಗಾಗಿ 118 ಆರ್ಡರ್ ಮಾಡಿದ್ದಾರೆ ಎಂದು ವರದಿ ತಿಳಿಸಿದೆ.
ಸ್ವಿಗ್ಗಿಯಲ್ಲಿ ಸಿಕ್ತು ಅಪ್ಪನಿಗೆ ಕೆಲಸ: ಮಗಳ ಸಂಭ್ರಮ ನೋಡಿ... ವಿಡಿಯೋ ವೈರಲ್
ಅಲ್ಲದೆ, ಬೆಂಗಳೂರಿನ ಜನರು ಉಚಿತ ಡೆಲಿವರಿಗಳೊಂದಿಗೆ ಸ್ವಿಗ್ಗಿ ಒನ್ ಸೇವೆಯೊಂದಿಗೆ ಹೆಚ್ಚಿನ ಹಣವನ್ನು ಉಳಿಸಿದ್ದಾರೆ. Swiggy One ಮೂಲಕ ಹೆಚ್ಚು ಉಳಿಸಿದ ಅಗ್ರ ನಗರವಾಗಿ ಬೆಂಗಳೂರು ಹೊರಹೊಮ್ಮಿದೆ. ಹೆಚ್ಚಿನ ಪ್ರಯೋಜನಗಳನ್ನು ಪಡೆದುಕೊಂಡು, ಬೆಂಗಳೂರಿನ ಸದಸ್ಯರು INR 100 ಕೋಟಿಗಳನ್ನು ಉಳಿಸಿದರು, ಮುಂಬೈ, ಹೈದರಾಬಾದ್ ಮತ್ತು ದೆಹಲಿಯಲ್ಲಿರುವವರು ಸಹ ಪಟ್ಟಿಯಲ್ಲಿದ್ದಾರೆ. ದೆಹಲಿಯ ಒಬ್ಬ ಸದಸ್ಯರೇ ಅತ್ಯಧಿಕ ಎಂದರೆ 2.48 ಲಕ್ಷ ರೂ.ಗಳನ್ನು ಉಳಿಸಿದ್ದಾರೆ ಎಂದು ವರದಿ ತಿಳಿಸಿದೆ. 'Swiggy One' ಚಂದಾದಾರಿಕೆ ಯೋಜನೆಯಾಗಿದ್ದು ಅದು ಉಚಿತ ವಿತರಣೆಗಳು, ಆಕರ್ಷಕ ಬೆಲೆಗಳು ಮತ್ತು ಇತರ ಸವಲತ್ತುಗಳನ್ನು ನೀಡುತ್ತದೆ.
2022ರಲ್ಲಿ ಭಾರತೀಯರು ಪ್ರತಿ ನಿಮಿಷಕ್ಕೆ 137 ಪ್ಲೇಟ್‌ಗಳನ್ನು ಆರ್ಡರ್ ಮಾಡಿದ್ದಾರೆ. ಅದರಲ್ಲಿ ಬಿರಿಯಾನಿಗೆ ಅಗ್ರಸ್ಥಾನವಿದೆ. 2021ರಲ್ಲಿ ಗ್ರಾಹಕರು ನಿಮಿಷಕ್ಕೆ 115 ಬಿರಿಯಾನಿಗಳನ್ನು ಆರ್ಡರ್ ಮಾಡಿದರು ಮತ್ತು 2022 ರಲ್ಲಿ ಇದು ನಿಮಿಷಕ್ಕೆ 137ಕ್ಕೆ ಏರಿತು, ಪ್ರತಿ ಸೆಕೆಂಡಿಗೆ 2.28 ತಲುಪಿತು. ರವಿಯೊಲಿ (ಇಟಾಲಿಯನ್) ಮತ್ತು ಬಿಬಿಂಬಾಪ್ (ಕೊರಿಯನ್) ಜನಪ್ರಿಯ ಆಯ್ಕೆಗಳಾಗಿ ಹೊರಹೊಮ್ಮುವುದರೊಂದಿಗೆ ಭಾರತದ ಆಹಾರಗಳು ವಿದೇಶಿ ಸುವಾಸನೆಯನ್ನು ಅನ್ವೇಷಿಸಿದವು.
Muslim ಡೆಲಿವರಿ ಮಾಡುವುದು ಬೇಡ ಎಂಬ Swiggy ಗ್ರಾಹಕನಿಗೆ ನೆಟ್ಟಿಗರ ತರಾಟೆ..!
ಮಸಾಲಾ ದೋಸೆ ಎರಡನೇ ಅತಿ ಹೆಚ್ಚು ಆರ್ಡರ್ ಮಾಡಿದ ಭಕ್ಷ್ಯವಾಗಿ ಹೊರಹೊಮ್ಮಿದೆ ಮತ್ತು ಚಿಕನ್ ಫ್ರೈಡ್ ರೈಸ್ ಮೂರನೇ ಸ್ಥಾನದಲ್ಲಿದೆ. ನಾಲ್ಕು ಮಿಲಿಯನ್ ಆರ್ಡರ್‌ಗಳೊಂದಿಗೆ, ಸಮೋಸಾ ವರ್ಷದ ಅಗ್ರ ತಿಂಡಿಯಾಗಿ ಹೊರಹೊಮ್ಮಿದೆ. 29.86 ಲಕ್ಷಕ್ಕೂ ಹೆಚ್ಚು ಆರ್ಡರ್‌ಗಳೊಂದಿಗೆ ಚಿಕನ್ ಹೆಚ್ಚು ಆರ್ಡರ್ ಮಾಡಿದ ಮಾಂಸಾಹಾರವಾಗಿದೆ. ಮಾಂಸ ವಿತರಣಾ ವಿಭಾಗದಲ್ಲಿ ಬೆಂಗಳೂರು ನಂ. 1 ನಂತರ ಹೈದರಾಬಾದ್ ಮತ್ತು ಚೆನ್ನೈ. ಇಟಾಲಿಯನ್ ರವಿಯೊಲಿ ಮತ್ತು ಕೊರಿಯನ್ ಬಿಬಿಂಬಾಪ್‌ನಂತಹ ಭಕ್ಷ್ಯಗಳು ಈ ವರ್ಷದ ಅತ್ಯಂತ ಜನಪ್ರಿಯ ವಿದೇಶಿ ಆಯ್ಕೆಗಳಾಗಿವೆ.
ಮಕ್ಕಳಿಗಾಗಿ ಸ್ವಿಗ್ಗಿಯಿಂದ ಐಸ್‌ಕ್ರೀಮ್ ಚಿಪ್ಸ್ ಆರ್ಡರ್, ಆದರೆ ಸಿಕ್ಕಿದ್ದು 2 ಪ್ಯಾಕ್ ಕಾಂಡೋಮ್!
