ಮಳೆಗಾಲದಲ್ಲಿ ಕಾಡೋ ಫುಡ್ ಪಾಯ್ಸನ್ ಸಮಸ್ಯೆ ಹೀಗೆ ಬಗೆಹರಿಸಿಕೊಳ್ಳಿ
ಇತ್ತೀಚಿನ ಅನಾರೋಗ್ಯಕರವಾದ ಆಹಾರ ಹಾಗೂ ಜೀವನಶೈಲಿಯು ಅನೇಕ ರೋಗಗಳಿಗೆ ಆಹ್ವಾನ ನೀಡುತ್ತಿದೆ. ಅವುಗಳ ಪಟ್ಟಿಯಲ್ಲಿ ಫುಡ್ ಪಾಯಿಸನ್ ಕೂಡ ಒಂದು. ಅದರಲ್ಲೂ ಮಳೆಗಾಲದಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಾಡುತ್ತದೆ. ಇದಕ್ಕೇನು ಪರಿಹಾರ.
ಮಾನ್ಸೂನ್ ಎಂದರೆ ಬಿಸಿಲಿನ ಧಗೆಯಿಂದ ಪಾರಾಗಬಹುದು ಎಂಬುದು ಒಂದೆಡೆ ಖುಷಿಯಾದರೆ, ನಿರಂತರ ಮಳೆಯು ಕಾಲೋಚಿತ ಜ್ವರವನ್ನು ತರುತ್ತದೆ ಎಂಬುದು ಆತಂಕ ಪಡೋ ವಿಷಯ. ಮಳೆಗಾಲದಲ್ಲಿ ಹೊರಗಿನ ಆಹಾರವನ್ನು ತಪ್ಪಿಸಲು ನಾವು ಕಾಳಜಿ ವಹಿಸಿದ್ದರೂ, ಕಲುಷಿತ ಆಹಾರ ಮತ್ತು ನೀರಿನಿಂದ ಫುಡ್ ಪಾಯ್ಸನ್ ಸಾಧ್ಯತೆಗಳು ಅಂತಹ ಸಮಯದಲ್ಲಿ ಹೆಚ್ಚಾಗಬಹುದು. ಮಳೆಗಾಲದಲ್ಲಿ ನೀವು ಏನು ತಿನ್ನುತ್ತೀರಿ ಮತ್ತು ಕುಡಿಯುತ್ತೀರಿ ಎಂಬುದು ಮುಖ್ಯವಾಗುತ್ತದೆ. ತಿನ್ನುವ ಆಹಾರ ಸಹ ಕೆಲವೊಮ್ಮೆ ಆರೋಗ್ಯ ಹದಗೆಡಲು ಕಾರಣವಾಗುತ್ತದೆ. ಹೀಗಾಗಿ ದೇಹದಲ್ಲಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಮತ್ತು ವಿವಿಧ ಆಹಾರದಿಂದ ಹರಡುವ ರೋಗಗಳ ಅಪಾಯವನ್ನು ಕಡಿಮೆ ಮಾಡುವುದು ಪ್ರಮುಖವಾಗಿದೆ.
ಹಾಗಿದ್ರೆ ಫುಡ್ ಪಾಯ್ಸನ್ ಎಂದರೇನು, ಇದರ ರೋಗ ಲಕ್ಷಣಗಳೇನು, ಫುಡ್ ಪಾಯ್ಸನ್‌ಗೆ ಕಾರಣವಾಗೋದೇನು ಎಂಬುದನ್ನು ಮೊದಲು ತಿಳಿದುಕೊಳ್ಳೋಣ.
ಫುಡ್ ಪಾಯ್ಸನ್ ಎಂದರೇನು ?
ಫುಡ್ ಪಾಯ್ಸನ್ ಎಂಬುದು ಬ್ಯಾಕ್ಟೀರಿಯಾ, ವೈರಸ್ ಅಥವಾ ಪರಾವಲಂಬಿ ಹೊಂದಿರುವ ಆಹಾರ (Food)ವನ್ನು ಸೇವಿಸುವುದರಿಂದ ವ್ಯಕ್ತಿ ಪಡೆಯುವ ಅನಾರೋಗ್ಯವಾಗಿದೆ. ರೋಗಲಕ್ಷಣಗಳು (Symptoms) ಸೇವನೆಯ ನಂತರ ಗಂಟೆಗಳು, ದಿನಗಳು ಅಥವಾ ವಾರಗಳವರೆಗೆ ಪ್ರಾರಂಭವಾಗಬಹುದು. ಇತ್ತೀಚಿನ ದಿನಗಳಲ್ಲಿ ಫುಡ್ ಪಾಯ್ಸನ್ ಹಲವರಲ್ಲಿ ಕಂಡು ಬರುವ ಸಾಮಾನ್ಯ ಸಮಸ್ಯೆಯಾಗಿದೆ. ಇದಕ್ಕೆ ಕಾರಣವೇನು ? ಆಹಾರ ವಿಷವಾಗುವುದನ್ನು ತಡೆಯಲು ಏನು ಮಾಡಬೇಕು? ಮೊದಲಾದ ವಿವರಗಳು ಇಲ್ಲಿವೆ.
ಫುಡ್ ಪಾಯಿಸನ್ ಜೀವ ತೆಗೆಯುವುದೇ? ಪ್ರವಾಸ ಹೋಗೋರು ಎಚ್ಚರವಾಗಿರಿ
ಫುಡ್ ಪಾಯ್ಸನ್‌ನ ಲಕ್ಷಣಗಳು
ವಾಕರಿಕೆ, ವಾಂತಿ ಮತ್ತು ಅತಿಸಾರ, ಹೊಟ್ಟೆನೋವು ಇತರ ರೋಗಲಕ್ಷಣಗಳೂ ಇರಬಹುದು. ಆಹಾರ ವಿಷಪೂರಿತ ಜನರು ಜ್ವರ, ಆಯಾಸ ಮತ್ತು ದೌರ್ಬಲ್ಯ, ತಲೆನೋವು, ಹೊಟ್ಟೆ ನೋವು ಮತ್ತು ನಿರಂತರ ಅತಿಸಾರವನ್ನು ಅನುಭವಿಸಬಹುದು.
ಫುಡ್ ಪಾಯ್ಸನ್‌ಗೆ ಕಾರಣವೇನು ?
ಕೆಟ್ಟದಾಗಿ ತಯಾರಿಸಿದ, ಹಳಸಿದ ಅಥವಾ ಯಾವುದೇ ವಿಷಕಾರಿ ಪದಾರ್ಥವನ್ನು ಹೊಂದಿರುವ ಸಣ್ಣ ಪ್ರಮಾಣದ ಆಹಾರಗಳು ಆಹಾರ ವಿಷವನ್ನು ಉಂಟುಮಾಡಬಹುದು. ದೇಹವು ಆಹಾರವನ್ನು ಸರಿಯಾಗಿ ಜೀರ್ಣಿಸಿಕೊಳ್ಳಲು ಸಾಧ್ಯವಾಗದಿದ್ದಾಗ ಆಹಾರ ವಿಷವಾಗುತ್ತದೆ. ಕೆಲವು ಆಹಾರಗಳು ತಮ್ಮ ದೇಹಕ್ಕೆ ಒಳ್ಳೆಯದಲ್ಲ ಎಂದು ಕೆಲವರು ಹೇಳುವ ಸ್ಥಿತಿಯೂ ಫುಡ್ ಪಾಯ್ಸನ್ ಆಗಿದೆ.
ಪೌಷ್ಟಿಕತಜ್ಞ ನ್ಮಾಮಿ ಅಗರ್‌ವಾಲ್‌, ಮಾನ್ಸೂನ್ ಸಮಯದಲ್ಲಿ ಫುಡ್ ಪಾಯ್ಸನ್ ತಪ್ಪಿಸಲು ಕೆಲವು ಅಗತ್ಯ ಸಲಹೆಗಳನ್ನು ನೀಡುತ್ತಾರೆ.
ಆಹಾರವನ್ನು ಸರಿಯಾಗಿ ಸಂಗ್ರಹಿಸಿ: ಆಹಾರದ ಕಳಪೆ ಶೇಖರಣೆಯು ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಬೇಯಿಸಿದ ಆಹಾರವನ್ನು ಸರಿಯಾದ ತಾಪಮಾನದಲ್ಲಿ ಸಂಗ್ರಹಿಸುವುದು ಮತ್ತು ಸಾಧ್ಯವಾದಷ್ಟು ಬೇಗ ಶೈತ್ಯೀಕರಣ ಮಾಡುವುದು ಅವಶ್ಯಕ. ಉಳಿದ ಆಹಾರಗಳನ್ನು ಯಾವಾಗಲೂ ಸರಿಯಾದ ರೀತಿಯಲ್ಲಿ ಮುಚ್ಚಿಡಿ. ಮಳೆಗಾಲದಲ್ಲಿ ಹಳಸಿದ ಆಹಾರವನ್ನು ಸೇವಿಸಲೇಬಾರದು. ಬಿಸಿ ಬಿಸಿಯಾದ ಆಹಾರವನ್ನೇ ಸೇವಿಸುವುದು ಹೆಚ್ಚು ಉತ್ತಮ.
ಕಚ್ಚಾ ಆಹಾರವನ್ನು ಸೇವಿಸಬೇಡಿ: ಕಚ್ಚಾ ಆಹಾರಗಳು ಮತ್ತು ತರಕಾರಿಗಳಲ್ಲಿ ಇರುವ ಹಾನಿಕಾರಕ ಬ್ಯಾಕ್ಟೀರಿಯಾಗಳು ಹೊಟ್ಟೆಯ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಆಹಾರ ವಿಷವನ್ನು ತಪ್ಪಿಸಲು ಸರಿಯಾಗಿ ಬೇಯಿಸಿದ ಮತ್ತು ತಾಜಾ ಆಹಾರವನ್ನು ಮಾತ್ರ ತಿನ್ನಿ. ಅಡುಗೆ ಮಾಡುವ ಮೊದಲು, ನೀವು ಮಾರುಕಟ್ಟೆಯಿಂದ ಖರೀದಿಸಿದ ತರಕಾರಿಗಳನ್ನು ಸರಿಯಾಗಿ ತೊಳೆಯಿರಿ. ಅಲ್ಲದೆ, ಹಾನಿಕಾರಕ ಬ್ಯಾಕ್ಟೀರಿಯಾವನ್ನು ತೊಡೆದುಹಾಕಲು ಹೂಕೋಸು, ಪಾಲಕ್ ಮತ್ತು ಕೋಸುಗಡ್ಡೆಯನ್ನು ಉಪ್ಪು ನೀರಿನಿಂದ ತೊಳೆಯುವುದು ಒಳ್ಳೆಯದು.
Health Tips : ಬೇಸಿಗೆಯಲ್ಲಿ ಹೆಚ್ಚು ಕಾಡುವ ಫುಡ್ ಪಾಯಿಸನ್ ನಿಂದ ರಕ್ಷಣೆ ಹೇಗೆ?
ಆರೋಗ್ಯಕರ ಆಹಾರವನ್ನು ಸೇವಿಸಿ: ಕೊರೋನಾ ಸೋಂಕು ಹರಡಲು ಆರಂಭವಾದಾಗಿನಿಂದಲೂ ಆರೋಗ್ಯವನ್ನು ಕಾಪಾಡಿಕೊಳ್ಳೋ ದೃಷ್ಟಿಯಿಂದ ಹೆಚ್ಚಿನವರು ಮನೆಯಲ್ಲಿ ಬೇಯಿಸಿದ ಆಹಾರವನ್ನು ಸೇವಿಸುತ್ತಿದ್ದೇವೆ. ಕಾಯಿಲೆಗಳಿಗೆ ತುತ್ತಾಗುವುದನ್ನು ತಪ್ಪಿಸಲು ಅಡುಗೆ ಮಾಡುವ ಮೊದಲು ಮತ್ತು ತಿನ್ನುವ ಮೊದಲು ನಿಮ್ಮ ಕೈಗಳನ್ನು ಸರಿಯಾಗಿ ತೊಳೆದುಕೊಳ್ಳಿ. ಹೊರಗಿನ ಆಹಾರವನ್ನು ತಿನ್ನುವ ಅಭ್ಯಾಸ ಬಿಟ್ಟು ಬಿಡಿ.
ತಾಜಾ ಹಣ್ಣುಗಳನ್ನು ತಿನ್ನಿ: ಹಣ್ಣು ಹೆಚ್ಚು ತಾಜಾವಾಗಿದ್ದರೆ ಅದು ನಿಮ್ಮ ಆರೋಗ್ಯಕ್ಕೆ ಉತ್ತಮವಾಗಿರುತ್ತದೆ. ಅಂಗಡಿಯಲ್ಲಿ ಖರೀದಿಸಿದ ಸ್ಮೂಥಿಗಳು ಅಥವಾ ಹಣ್ಣಿನ ರಸಗಳನ್ನು ಅವಲಂಬಿಸಬೇಡಿ ಏಕೆಂದರೆ ಇವುಗಳು ಸುರಕ್ಷಿತ ಮತ್ತು ತಾಜಾವಾಗಿಲ್ಲ. ಇಂಥಾ ಹಣ್ಣಿನ ರಸಗಳ ಸೇವನೆ ಫುಡ್ ಪಾಯ್ಸನ್ ಮತ್ತು ಇತರ ಆರೋಗ್ಯ ಕಾಯಿಲೆಗಳ ಸಾಧ್ಯತೆಗಳನ್ನು ಹೆಚ್ಚಿಸಬಹುದು.
ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳಿ: ಮೆಣಸು, ಬೆಳ್ಳುಳ್ಳಿ, ಶುಂಠಿ, ಜೀರಿಗೆ, ಕೊತ್ತಂಬರಿ ಮತ್ತು ಅರಿಶಿನದಂತಹ ಪದಾರ್ಥಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸಿ. ಇದು ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಮತ್ತು ವಿವಿಧ ಮಾನ್ಸೂನ್ ಕಾಯಿಲೆಗಳಿಂದ ನಿಮ್ಮನ್ನು ರಕ್ಷಿಸಲು ಸಹಾಯ ಮಾಡುತ್ತದೆ.
