Asianet Suvarna News Asianet Suvarna News

2022 Happy year ಆಗ್ಬೇಕಂದ್ರೆ ಈ ರಾಶಿಯವರು ಹೀಗ್ ಮಾಡ್ಲೇಬಾರ್ದು...

ಕೆಲವೊಂದನ್ನು ಮಾಡಿದರೆ ಲಾಭ, ಮತ್ತೆ ಕೆಲವನ್ನು ಮಾಡದಿದ್ದರೆ ಲಾಭ. ಹೊಸ ವರ್ಷದಲ್ಲಿ ಯಾವುದು ಮಾಡಬೇಕು, ಯಾವುದನ್ನು ಮಾಡಬಾರದು ಎಂಬ ಬಗ್ಗೆ ಅರಿವಿಟ್ಟುಕೊಂಡು ಗುರಿಯತ್ತ ಮುನ್ನುಗ್ಗಿ. 

Things to not do in 2022 as per your zodiac sign for a happy year skr
Author
Bangalore, First Published Dec 23, 2021, 10:36 AM IST
  • Facebook
  • Twitter
  • Whatsapp

ಕಳೆದೆರಡು ವರ್ಷಗಳನ್ನು ಕೊರೋನಾ ನುಂಗಿ ಹಾಕಿದೆ. ಆದರೆ, ಹೊಸ ವರ್ಷ ಹಾಗಿರೋಲ್ಲ ಎಂಬ ಧನಾತ್ಮಕತೆ(positivity)ಯಿಂದ ಎದುರುಗೊಳ್ಳೋಣ. ಪ್ರತಿ ವರ್ಷಾರಂಭದಲ್ಲಿ ಆ ವರ್ಷ ಏನೆಲ್ಲ ಮಾಡಬೇಕೆಂಬ ರೆಸೊಲ್ಯೂಶನ್(Resolution) ಎಲ್ಲರೂ ತಯಾರಿಸಿಕೊಂಡಿರುತ್ತಾರೆ. ಆದರೆ, ಏನು ಮಾಡಬಾರದು ಎಂದು ಯೋಚಿಸೋರು ಕಡಿಮೆ. ರಾಶಿಗನುಗುಣವಾಗಿ 2022ರಲ್ಲಿ ನೀವೇನು ಮಾಡದಿದ್ರೆ ನಿಮ್ಮ ವ್ಯಕ್ತಿತ್ವ ಹಾಗೂ ಜೀವನ ಚೆನ್ನಾಗಿರುತ್ತದೆ ಎಂಬುದನ್ನು ತಿಳಿದುಕೊಳ್ಳಿ. 

ಮೇಷ(Aries): ನಿಮ್ಮ ಹಳೆಯ ಜೀವನ, ನೆನಪುಗಳು ಹಾಗೂ ಮಾಡಿದ ತಪ್ಪುಗಳು(mistakes) ನಿಮ್ಮನ್ನು ಮುಂದಕ್ಕೆ ಹೋಗದಂತೆ ಮಾಡಲು ಬಿಡಬೇಡಿ. ಆ ಎಲ್ಲ ಅನುಭವಗಳಿಂದ ಕಲಿತಿದ್ದನ್ನು ಮಾತ್ರ ತೆಗೆದುಕೊಂಡು ಮುಂದೆ ಹೋದರೆ ಯಶಸ್ಸು ಹಾಗೂ ತೃಪ್ತಿ ನಿಮ್ಮದಾಗುವುದು.

ವೃಷಭ(Taurus): ನಿಮ್ಮ ಆತಂಕ, ಭಯ, ಗೊಂದಲಗಳು ನಿಮ್ಮ ಯಶಸ್ಸಿನ ದಾರಿಗೆ ಅಡ್ಡಿಯಾಗಲು ಬಿಡಬೇಡಿ. ಮಿತಿ(limitation) ಹಾಕಿಕೊಂಡು ಬದುಕಬೇಡಿ. ಮಿತಿಗಳನ್ನು ಮೀರುವ ಪ್ರಯತ್ನವಾಗಿ ಹೊಸ ಹೊಸ ವಿಷಯಗಳನ್ನು ಕಲಿಯಿರಿ, ಹೊಸತಕ್ಕೆ ಮುನ್ನುಗ್ಗಿ. ಸುಲಭದ ಆಯ್ಕೆಗೆ ಸೆಟಲ್ ಆಗದಿರಿ. 

ಮಿಥುನ(Gemini): ಮತ್ತೆ ಹಿಂದಿನಂತೆ ಜಂಕ್ ತಿಂದುಕೊಂಡು ಸೋಮಾರಿಯಾಗಿರಬೇಡಿ. ಹೆಚ್ಚು ಆರೋಗ್ಯಕರ ಜೀವನಶೈಲಿ(lifestyle)ಗೆ ನಿಮ್ಮನ್ನು ತಳ್ಳಿ ನೋಡಿ. ಪ್ರತಿ ದಿನ ವ್ಯಾಯಾಮ, ಹಿತಾಹಾರ ತಪ್ಪಿಸದೆ ಆರೋಗ್ಯ ಕಾಯ್ದುಕೊಂಡರೆ ನಿಮ್ಮ ಯಶಸ್ಸನ್ನು ತಪ್ಪಿಸಲು ಯಾರಿಂದಲೂ ಸಾಧ್ಯವಿಲ್ಲ. 

ಕಟಕ(Cancer): ಅವಕಾಶಗಳನ್ನು(oppurtunities) ಕೈ ಚೆಲ್ಲುವ ಅಭ್ಯಾಸ ಬಿಡಿ. ಭಯ ಇಲ್ಲವೇ ದುರಾಸೆ ಕಾರಣಕ್ಕೆ ಒಳ್ಳೆಯ ಅವಕಾಶಗಳಿಗೆ ನೋ ಎನ್ನದಿರಿ. ಮೊದಲು ನಿಮ್ಮ ಬಗ್ಗೆ ನೀವು ಸರಿಯಾಗಿ ಅರಿತುಕೊಳ್ಳಿ. ನಂತರ 2022ರಲ್ಲಿ ಬೀಸುವ ಬದಲಾವಣೆಯ ಗಾಳಿಯನ್ನು ಧನಾತ್ಮಕವಾಗಿ ಸ್ವೀಕರಿಸಿ.

Personality Traits: ಲವ್ವಲ್ಲಿದ್ದಾಗ ಈ ರಾಶಿಯ ವೀಕ್ನೆಸ್ ಏನ್ ಗೊತ್ತಾ?

ಸಿಂಹ(Leo): ತಾಳ್ಮೆಯಿರಲಿ, ಮಾಡಿದ್ದೆಲ್ಲದಕ್ಕೂ ತಕ್ಷಣವೇ ಪ್ರತಿಫಲ ಬರಬೇಕೆಂಬ ಅತಿಯಾದ ನಿರೀಕ್ಷೆ ಬಿಡಿ. ನಿಮ್ಮ ಪ್ರಯತ್ನ(effort)ಕ್ಕೆ ತಕ್ಕ ಫಲ ಇಂದಲ್ಲದಿದ್ದರೆ ನಾಳೆಯಾದರೂ ಬರುತ್ತದೆ. ನಿಮ್ಮಷ್ಟಕ್ಕೆ ನೀವು ಶ್ರದ್ಧೆಯಿಂದ ಪ್ರಯತ್ನ, ಪರಿಶ್ರಮ ಮುಂದುವರಿಸಿ. ಯಾವುದಕ್ಕೂ ಭಯ ಬೀಳದೆ ಮುನ್ನುಗ್ಗಿ. 

ಕನ್ಯಾ(Virgo): ಪ್ರೀತಿಪಾತ್ರರಿಗೆ ಸಮಯ ಕೊಡದೆ ಇರಬೇಡಿ. ನೀವು ತುಂಬಾ ಪ್ರೀತಿಸುವ ಜನರಿಗೆ ಸಾಧ್ಯವಾದಷ್ಟು ಹೆಚ್ಚಿನ ಸಮಯ ನೀಡಿ. ಎಲ್ಲರಿಗೂ ಗೆಳೆಯರಾಗಬೇಕಿಲ್ಲ. ಇರೋ ಗೆಳೆಯರಿಗೆ ಸಮಯ ನೀಡಿದರೆ ಸಾಕು ಎಂಬುದನ್ನು ಮನದಟ್ಟು ಮಾಡಿಕೊಳ್ಳಿ.

Success Mantras For Children: ಮಕ್ಕಳ ಯಶಸ್ಸಿಗೆ ಹೀಗ್ ಮಾಡಿ ಅನ್ನುತ್ತೆ ಜ್ಯೋತಿಷ್ಯ

ತುಲಾ(Libra): ಸಮಯ ವ್ಯರ್ಥ ಮಾಡುವ ಅಭ್ಯಾಸ ಬಿಡಿ. ಕಳೆದೆರಡು ವರ್ಷಗಳಂತೆ ಈ ಹೊಸ ವರ್ಷ ಇರುವುದಿಲ್ಲ, ಹಾಗಾಗಿ, ಸಮಯ ಹಾಳು ಮಾಡದೆ ನಿಮ್ಮ ರೆಸಲ್ಯೂಶನ್ ಪಟ್ಟಿಯಲ್ಲಿರುವುದೆಲಲ್ವನ್ನೂ ಹಟದಿಂದ ಸಾಧಿಸುತ್ತಾ(accomplish) ಸಾಗಿ. ಬದುಕು ಎಷ್ಟೊಂದು ಬದಲಾಗುವುದು ಎಂದು ಸ್ವತಃ ಕಂಡುಕೊಳ್ಳಿ. 

ವೃಶ್ಚಿಕ(Scorpio): ಮನಸ್ಸಿಗೆ ಕಿರಿಕಿರಿ ಉಂಟು ಮಾಡುವ ಜನರ  ನಡುವೆ ಮತ್ತೆ ಮತ್ತೆ ಹೋಗಿ ಸಿಲುಕುವ ಅಭ್ಯಾಸ ಬಿಡಿ. ಈ ಕೆಟ್ಟ ಗೆಳೆಯರು ಹಾಗೂ ಕುಟುಂಬ ಸದಸ್ಯರಿಂದ ನಿಮಗೆ ಒಳಿತಾಗುವುದು ಅಷ್ಟರಲ್ಲೇ ಇದೆ. ಆದಷ್ಟು ಅವರಿಂದ ದೂರವಿದ್ದು, ಬೇರೆೇನು ಮಾಡಬಲ್ಲಿರಿ ಎಂಬ ಬಗ್ಗೆ ಗಮನ ಹರಿಸಿ. 

ಧನುಸ್ಸು(Sagittarius): ಹಣವನ್ನು ಹೊಳೆಯಲ್ಲಿ ಹುಣಸೆ ಹಣ್ಣು ತೊಳೆದಂತೆ ವ್ಯರ್ಥ ಮಾಡದಿರಿ. ಈ ವರ್ಷ ಸೇವಿಂಗ್ಸ್ ಕಡೆ ಹೆಚ್ಚು ಗಮನ ಹರಿಸಿ. ಹಣ ಉಳಿತಾಯ, ಖರ್ಚುಗಳ ಬಗ್ಗೆ ಯೋಜನೆ ಮಾಡಿಕೊಂಡು ಅದರಂತೆಯೇ ಮುನ್ನಡೆಯಿರಿ. 

ಮಕರ(Capricorn): ಸಾಮಾಜಿಕ ಜಾಲತಾಣ(social media)ಗಳಲ್ಲಿ ಹೆಚ್ಚಿನ ಸಮಯ ವ್ಯರ್ಥ ಮಾಡುವುದನ್ನು ಬಿಡಲೇಬೇಕು. ಈ ವರ್ಷ ನಿಮ್ಮ ಓದು, ಉದ್ಯೋಗದ ಕಡೆ ಪೂರ್ತಿ ಸಮಯ ನೀಡಿ. ಆಗ ನಿಮ್ಮ ಗುರಿಸಾಧನೆಗೆ ಯಾವುದೂ ತಡೆಯಾಗದು. 

ಕುಂಭ(Aquarius): ಮನೆಯಲ್ಲೇ ಕುಳಿತು ಇಡೀ ದಿನ ಕೆಲಸದಲ್ಲೇ ಕಳೆದು ಹೋಗುವುದನ್ನು ಬಿಡಿ. ಆದಷ್ಟು ಹೊರ ಹೋಗಿ, ಪ್ರವಾಸ ಹೋಗಿ, ಹೊಸತನ್ನು ಪ್ರಯತ್ನಿಸಿ. ಹೊಸ ಹೊಸ ಸಾಧ್ಯತೆಗಳಿಗೆ ನಿಮ್ಮನ್ನು ತೆರೆದುಕೊಳ್ಳಿ. ಕಂಫರ್ಟ್ ಝೋನ್‌(comfort zone) ಬಿಟ್ಟು ಹೊರ ಬನ್ನಿ. 

ಮೀನ(Pisces): ಕುಟುಂಬಕ್ಕೆ ಸಮಯ ಕೊಡದೆ ದುಡಿಯುವ ಅಭ್ಯಾಸ ಬಿಡಿ. ಎಲ್ಲವನ್ನೂ ಬ್ಯಾಲೆನ್ಸ್ ಮಾಡಲು ಪ್ರಯತ್ನಿಸಿ. ಕುಟುಂಬಕ್ಕೆ ಹೆಚ್ಚು ಸಮಯ ಕೊಟ್ಟಷ್ಟೂ ನೀವದರಿಂದ ಪಡೆಯುತ್ತಲೇ ಹೋಗುವಿರಿ ಎಂಬುದುಅರಿವಿನಲ್ಲಿರಲಿ. 

Follow Us:
Download App:
  • android
  • ios