ಶುಕ್ರನು ನಮ್ಮ ಐಶಾರಾಮಿ ಜೀವನಕ್ಕೆ ಕಾರಣಕರ್ತ. ಆತ ಜಾತಕದಲ್ಲಿ ದುರ್ಬಲನಾಗಿದ್ದಾಗ ಬಡತನ ಕಾಡುತ್ತದೆ. ಯಶಸ್ಸು ದಕ್ಕುವುದಿಲ್ಲ. ಅವನನ್ನು ಬಲಪಡಿಸಲು ಏನು ಮಾಡಬೇಕು ನೋಡೋಣ.
ವ್ಯಕ್ತಿಯ ಜೀವನ ಮತ್ತು ಸೌರವ್ಯೂಹದ ಗ್ರಹಗಳ ನಡುವೆ ವಿಶೇಷ ಸಂಬಂಧವಿದೆ. ಜ್ಯೋತಿಷ್ಯದ ಪ್ರಕಾರ, ವ್ಯಕ್ತಿಯ ಜಾತಕದಲ್ಲಿ ಗ್ರಹದ ಸ್ಥಾನ, ಸ್ಥಿತಿ ಮತ್ತು ಸ್ಥಾನವು ಆತನ ಜೀವನದಲ್ಲಿ ಅನುಕೂಲಕರ ಅಥವಾ ಪ್ರತಿಕೂಲವಾದ ಫಲಿತಾಂಶಗಳನ್ನು ತರುತ್ತದೆ. ಒಂದು ಗ್ರಹವು ಮಂಗಳಕರವಾಗಿ ಇದ್ದರೆ ಅದು ಬಡವರನ್ನು ರಾಜಕುಮಾರನನ್ನಾಗಿ ಮಾಡಬಹುದು, ಆದರೆ ಇದಕ್ಕೆ ವಿರುದ್ಧವಾಗಿ, ಜಾತಕದಲ್ಲಿ ಗ್ರಹದ ಅಶುಭ ಸ್ಥಾನವು ವ್ಯಕ್ತಿಯನ್ನು ನಕಾರಾತ್ಮಕ ಸಂದರ್ಭಗಳಿಂದ ಬಳಲುವಂತೆ ಮಾಡುತ್ತದೆ.
ಜಾತಕದಲ್ಲಿ ಶುಕ್ರನ ಸ್ಥಾನ ವ್ಯಕ್ತಿಯ ಭವಿಷ್ಯದ ಮೇಲೆ ಸಾಕಷ್ಟು ಪರಿಣಾಮ ಬೀರುತ್ತದೆ. ಶುಕ್ರ ಬಲವಾಗಿದ್ದರೆ ಅಥವಾ ದುರ್ಬಲವಾಗಿದ್ದರೆ ಅದರಿಂದ ಏನು ಪರಿಣಾಮಗಳಾಗುತ್ತವೆ, ಒಂದು ವೇಳೆ ಶುಕ ದುರ್ಬಲನಾಗಿದ್ದರೆ ಬಲಪಡಿಸುವುದು ಹೇಗೆ ಎಲ್ಲವನ್ನೂ ತಿಳಿಯೋಣ.
ಒಳ್ಳೆಯ ಗ್ರಹ
ಜ್ಯೋತಿಷ್ಯದಲ್ಲಿ, ಶುಕ್ರನನ್ನು ಮಂಗಳಕರ ಗ್ರಹವೆಂದು ಪರಿಗಣಿಸಲಾಗುತ್ತದೆ. ಬುಧ(Mercury) ಮತ್ತು ಶನಿ(Saturn) ಗ್ರಹಗಳನ್ನು ಶುಕ್ರನೊಂದಿಗೆ ಸ್ನೇಹಿ ಗ್ರಹಗಳೆಂದು ಪರಿಗಣಿಸಲಾಗುತ್ತದೆ. ಆದರೆ ಚಂದ್ರ ಮತ್ತು ಸೂರ್ಯ ಅದರ ಶತ್ರು ಗ್ರಹಗಳು.
ಶುಕ್ರನು ರಾಕ್ಷಸರ ಅಧಿಪತಿ. ಸಂತ ಬೃಗುವಿನ ಮಗನಾದ ಕಾರಣ ಶುಕ್ರನನ್ನು ಬೃಗುನಂದನ ಎಂದೂ ಕರೆಯುತ್ತಾರೆ. ಶುಕ್ರವು ವೀರ್ಯದ ಮೇಲೆ ವಿಶೇಷ ನಿಯಂತ್ರಣವನ್ನು ಹೊಂದಿದೆ ಮತ್ತು ಇದು ದಕ್ಷಿಣ ದಿಕ್ಕಿನ(south direction) ಅಧಿಪತಿ ಆಗಿದೆ.
Vastu Tips for Women: ಈ ಸಣ್ಣ ಎಚ್ಚರಿಕೆಗಳು ತರುತ್ತವೆ ಮನೆ ಮಹಿಳೆಗೆ ಆರೋಗ್ಯ
ಈ ಗ್ರಹವು ಜನ್ಮ ಕುಂಡಲಿಯಲ್ಲಿ ದುರ್ಬಲ ಅಥವಾ ಪ್ರತಿಕೂಲ ಸ್ಥಿತಿಯಲ್ಲಿದ್ದರೆ ವ್ಯಕ್ತಿಯು ಸಾಧಿಸುವ ಋಣಾತ್ಮಕ ಮತ್ತು ಧನಾತ್ಮಕ ಫಲಿತಾಂಶಗಳನ್ನು ಕಂಡುಹಿಡಿಯೋಣ.
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಕುಂಡಲಿಯಲ್ಲಿ ಶುಕ್ರನ ಬಲವಾದ ಸ್ಥಾನ ಹೊಂದಿರುವ ಜನರು ಮನೆ, ಸಂಪತ್ತು, ವಾಹನ, ಆಭರಣಗಳು, ನಿಧಿ (ರಹಸ್ಯ ಸಂಪತ್ತು ಅಥವಾ ಹೆಚ್ಚಿನ ಸಂಪತ್ತು) ಮತ್ತು ಬೇಕಾದಷ್ಟು ಬಟ್ಟೆ ಹೊಂದುತ್ತಾರೆ.
ಶುಕ್ರ ಬಲವಾಗಿದ್ದರೆ ಅಂಥವರು ನೃತ್ಯಗಾರರು, ಗಾಯಕರು, ಸಂಗೀತಗಾರರು ಮತ್ತು ರೂಪದರ್ಶಿಗಳಾಗುತ್ತಾರೆ ಮತ್ತು ನಿರ್ದೇಶಕ ಅಥವಾ ನಿರ್ಮಾಪಕರಂಥ ಇತರ ಚಲನಚಿತ್ರ-ಸಂಬಂಧಿತ ವೃತ್ತಿಗಳಲ್ಲಿ ಉತ್ತಮರಾಗಿರುತ್ತಾರೆ. ರಾಜಕೀಯ ಕ್ಷೇತ್ರಗಳಲ್ಲಿರುತ್ತಾರೆ. ಆಡಂಬರಪ್ರಿಯರಾಗಿರುತ್ತಾರೆ, ಕತೆ, ಕವಿತೆಗಳನ್ನು ಲೀಲಾಜಾಲವಾಗಿ ಬರೆಯುವವರೂ ಶುಕ್ರನ ಅನುಗ್ರಹ ಹೊಂದಿರುತ್ತಾರೆ.
ಅದೇ ಜಾತಕದಲ್ಲಿ ಶುಕ್ರ ದುರ್ಬಲನಾಗಿದ್ದರೆ, ಅಂಥ ವ್ಯಕ್ತಿಯು ನಿಶ್ಯಕ್ತಿ, ಜಾಂಡೀಸ್, ಕಣ್ಣಿನ ಸಮಸ್ಯೆಗಳು, ವೀರ್ಯ ಕೊರತೆ, ಮೂತ್ರ ಸಂಬಂಧಿ ಸಮಸ್ಯೆಗಳು, ಲೈಂಗಿಕ ಸಮಸ್ಯೆಗಳು ಮುಂತಾದ ಕಾಯಿಲೆಗಳಿಂದ ನರಳುತ್ತಾನೆ. ಅಲ್ಲದೆ, ಸ್ನೇಹಿತರನ್ನು ಕಳೆದುಕೊಳ್ಳುತ್ತಾನೆ. ಬಡತನ ಬೆನ್ನು ಹತ್ತುತ್ತದೆ. ಹೀಗಾಗಿ, ಶುಕ್ರನನ್ನು ಬಲಪಡಿಸಲು ಇಂಥವರು ಪ್ರಯತ್ನಿಸಬೇಕು.
ವರ್ಷದ ಮೊದಲ ಸೂರ್ಯಗ್ರಹಣ ತರಲಿದೆ 5 ರಾಶಿಗಳಿಗೆ ಹರ್ಷ
ಶುಕ್ರನನ್ನು ಬಲಪಡಿಸಲು ಹೀಗೆ ಮಾಡಿ
- ಶುಕ್ರ(Venus)ನ ದುರ್ಬಲ ಸ್ಥಾನದಿಂದಾಗಿ ನೀವು ಧನ ಪ್ರಾಪ್ತಿಯಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ, ಶುಕ್ರವಾರದಂದು ಲಕ್ಷ್ಮಿ ದೇವಿಯನ್ನು ಧೂಪ, ದೀಪ ಮತ್ತು ನೈವೇದ್ಯದಿಂದ ಪೂಜಿಸಬೇಕು.
- ಬೆಳ್ಳಿಯ ಬಟ್ಟಲಿನಲ್ಲಿ ಬಿಳಿ ಶ್ರೀಗಂಧ(white sandalwood) ಮತ್ತು ಬಿಳಿ ಕಲ್ಲಿನ ತುಂಡನ್ನು ತೆಗೆದುಕೊಂಡು ಅದನ್ನು ನಿಮ್ಮ ಮಲಗುವ ಕೋಣೆಯಲ್ಲಿ ಇರಿಸಿ.
- ಶ್ರೀಗಂಧದ ಧೂಪದ್ರವ್ಯದ ತುಂಡುಗಳು, ಅಗರಬತ್ತಿಗಳನ್ನು ಹಚ್ಚಿಡಿ.
- ಶುಕ್ರಗ್ರಹದ ಶುಭ ಫಲಗಳನ್ನು ಪಡೆಯಲು, ನಿಮ್ಮ ಮನೆಯಲ್ಲಿ ತುಳಸಿ ಗಿಡವನ್ನು ನೆಡಿ.
- ಮನೆಯ ಒಳಗೆ ಅಥವಾ ಹತ್ತಿರದಲ್ಲಿ ಬಿಳಿ ಬಣ್ಣದ ಹೂವಿನ ಗಿಡಗಳನ್ನು ನೆಡಿ.
- ಕೆನೆ ಬಣ್ಣದ ಬಟ್ಟೆಯಲ್ಲಿ ಬೆಳ್ಳಿಯ ಚೌಕಾಕಾರದ ತುಂಡು ಮೇಲೆ ಶುಕ್ರ ಯಂತ್ರವನ್ನು ಇರಿಸಿ ಅದನ್ನು ನಿಮ್ಮೊಂದಿಗೆ ಇಟ್ಟುಕೊಳ್ಳಿ.
- ಶುಕ್ರವಾರದಂದು ದುರ್ಗಾ ದೇವಿ ಮತ್ತು ಐವರು ಕನ್ನಿಕಾ ಮುತೈದೆಯರಿಗೆ ಬಾಗೀನ ಮತ್ತು ಸಿಹಿ ನೀಡಿ. ಅವರಿಗೆ ಬಿಳಿ ವಸ್ತುಗಳನ್ನು ದಾನ ಮಾಡಿ.
- ಬೆಳ್ಳಿಯ ತುಂಡಿನಲ್ಲಿ ಮಾಡಿದ ಶುಕ್ರ ಯಂತ್ರವನ್ನು ಪಡೆಯಿರಿ, ಅದನ್ನು ರೇಷ್ಮೆ ಬಟ್ಟೆಯಲ್ಲಿ ಸುತ್ತಿ, ಶುಕ್ರವಾರದಂದು ಬೇವಿನ ಮರದ ಕೆಳಗೆ ಹೂತು ಹಾಕಿ.
- ಶುಕ್ರನನ್ನು ಬಲಪಡಿಸಲು ನಿಮ್ಮ ಬಲಗೈಯ ಕಿರುಬೆರಳಿಗೆ ವಜ್ರವನ್ನು ಧರಿಸಿ.
