ವಸಂತ ಪಂಚಮಿ: ಮಗುವಿನ ಶಿಕ್ಷಣ ಪ್ರಾರಂಭಕ್ಕೆ ಶ್ರೇಷ್ಠ ದಿನ, ಭವಿಷ್ಯಕ್ಕೆ ನೀಡಿ ಭದ್ರ ಬುನಾದಿ
ಶುಭ ಮುಹೂರ್ತದಲ್ಲಿ ಶಿಕ್ಷಣವನ್ನು ಪ್ರಾರಂಭಿಸಿದರೆ ಮಗುವಿನ ಮನಸ್ಸು ಅಧ್ಯಯನದಲ್ಲಿ ತೊಡಗುತ್ತದೆ ಮತ್ತು ಪ್ರಗತಿಯ ಸಾಧ್ಯತೆಗಳು ಸಹ ಹೆಚ್ಚಾಗುತ್ತವೆ. ಫೆಬ್ರವರಿ 2024 ರಲ್ಲಿ ಶಿಕ್ಷಣವನ್ನು ಪ್ರಾರಂಭಿಸಲು ಮಂಗಳಕರ ದಿನಾಂಕ ಮತ್ತು ಸಮಯ ಇಲ್ಲಿದೆ.
ಉಜ್ವಲ ಭವಿಷ್ಯಕ್ಕೆ ಶಿಕ್ಷಣವೊಂದೇ ದಾರಿ. ಪ್ರತಿಯೊಬ್ಬ ಪೋಷಕರು ತಮ್ಮ ಮಗು ಜೀವನದಲ್ಲಿ ಪ್ರಗತಿ ಹೊಂದಬೇಕು, ಶಿಕ್ಷಣ ಪಡೆಯಬೇಕು ಮತ್ತು ಉಜ್ವಲ ಭವಿಷ್ಯವನ್ನು ಹೊಂದಬೇಕೆಂದು ಬಯಸುತ್ತಾರೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಜಾತಕದಲ್ಲಿ ವಿದ್ಯಾಯೋಗವಿಲ್ಲದಿದ್ದರೆ ಓದು ಬರಹದಲ್ಲಿ ಆಸಕ್ತಿ ಕಡಿಮೆ.
ಈ ದೋಷವನ್ನು ಪರಿಹರಿಸಲು, ಮಗುವಿನ ಶಿಕ್ಷಣವನ್ನು ಶುಭ ಮುಹೂರ್ತದಲ್ಲಿ ಪ್ರಾರಂಭಿಸಬೇಕು, ಇದರಿಂದ ಅವನ ಅಧ್ಯಯನದ ಆಸಕ್ತಿಯು ಹಾಗೇ ಉಳಿಯುತ್ತದೆ.
ಈಗೆಲ್ಲ ಜೂನ್‌ನಲ್ಲಿ ಶುರುವಾಗುವ ಶಾಲೆಗಳಿಗೂ ಮುಂಚೆಯೇ ಅಡ್ಮಿಶನ್ ಮಾಡಿಸಬೇಕು. ಜನವರಿ, ಫೆಬ್ರವರಿಯಲ್ಲೇ ಮಕ್ಕಳನ್ನು ಶಾಲೆಗೆ ನೋಂದಣಿ ಮಾಡಿಸಬೇಕು. ಇಲ್ಲದಿದ್ದರೆ ಸೀಟ್ ಸಿಗುವುದು ಕಷ್ಟವಾಗುವ ಪರಿಸ್ಥಿತಿ ಇದೆ. ಹಾಗಿದ್ದಾಗ, ಮಕ್ಕಳನ್ನು ಶಾಲೆಗೆ ಸೇರಿಸಲು ಒಂದೊಳ್ಳೆ ದಿನ, ಮುಹೂರ್ತ ನೋಡಿ ಮುಂದುವರಿದರೆ ಶಿಕ್ಷಣ ಸೊಗಸಾಗಿ ಕೈ ಹಿಡಿಯುತ್ತದೆ.
ಫೆ.11ಕ್ಕೆ ಶನಿ ಅಸ್ತ; 2 ತಿಂಗಳ ಕಾಲ ಹೈರಾಣಾಗಲಿದ್ದಾರೆ ಕುಂಭ ಸೇರಿ ಈ ಮೂರು ರಾಶಿಯವರು..
ಮಗುವಿನ ಅಕ್ಷರಾಭ್ಯಾಸವಿರಲಿ ಅಥವಾ ಶಾಲಾ ದಾಖಲಾತಿ ಇರಲಿ, ಯಾವುದೇ ಕಲಿಕಾ ತರಗತಿಗೆ ಸೇರಿಸುವುದೇ ಇರಲಿ- ಅದಕ್ಕೆ ಶುಭ ಸಮಯ ನೋಡಲೇಬೇಕು. ಏಕೆಂದರೆ, ಈ ಎಲ್ಲ ಕಲಿಕೆಗಳೂ ಮಗುವಿನ ಭವಿಷ್ಯ ರೂಪಿಸುತ್ತವೆ. ನೀವು ನಿಮ್ಮ ಮಗುವಿನ ಶಿಕ್ಷಣವನ್ನು ಪ್ರಾರಂಭಿಸಲು ಬಯಸಿದರೆ ಅಥವಾ ಶಾಲೆಗೆ ಪ್ರವೇಶ ಪಡೆಯಲು ಬಯಸಿದರೆ, ಫೆಬ್ರವರಿಯ ಈ ದಿನಾಂಕಗಳು ಉತ್ತಮವಾಗಿವೆ.
ವಸಂತ ಪಂಚಮಿ
ಮಾಘ ಶುಕ್ಲ ಪಂಚಮಿ ದಿನಾಂಕವನ್ನು ಮಕ್ಕಳ ಶಿಕ್ಷಣವನ್ನು ಪ್ರಾರಂಭಿಸಲು ಅತ್ಯುತ್ತಮ ದಿನಾಂಕವೆಂದು ಪರಿಗಣಿಸಲಾಗಿದೆ. ಇದನ್ನು ವಸಂತ ಪಂಚಮಿ ಎಂದು ಕರೆಯಲಾಗುತ್ತದೆ. ಸೃಷ್ಟಿಯ ಪ್ರಾರಂಭದಲ್ಲಿ ಜ್ಞಾನದ ದೇವತೆಯಾದ ಸರಸ್ವತಿ ಈ ದಿನಾಂಕದಂದು ಕಾಣಿಸಿಕೊಂಡಳು ಎಂದು ಪುರಾಣಗಳಲ್ಲಿ ಹೇಳಲಾಗಿದೆ. ಆಕೆ ತನ್ನ ವೀಣೆಯಿಂದ ಜಗತ್ತಿಗೆ ಧ್ವನಿ ನೀಡಿದಳು. ಸರಸ್ವತಿ ದೇವಿಯ ಅನುಗ್ರಹದಿಂದ ಮಾತ್ರ ಒಬ್ಬ ವ್ಯಕ್ತಿಯು ಬುದ್ಧಿವಂತಿಕೆ ಮತ್ತು ಜ್ಞಾನವನ್ನು ಪಡೆಯುತ್ತಾನೆ. ಹಾಗಾಗಿ ವಸಂತ ಪಂಚಮಿಯು ವಿದ್ಯಾರಂಭಕ್ಕೆ ಶ್ರೇಷ್ಠ ದಿನವಾಗಿದೆ. ಕ್ಯಾಲೆಂಡರ್ ಪ್ರಕಾರ, ವಸಂತ ಪಂಚಮಿ ಹಬ್ಬವು ಈ ವರ್ಷ 14 ಫೆಬ್ರವರಿಯಂದು.
ನಿಮ್ಮ ಜನ್ಮರಾಶಿಗೆ ಇವು ತಕ್ಕ ಆಹಾರವಲ್ಲ, ಸೇವಿಸುವಾಗ ಗಮನಿಸಿ!
ಶಿಕ್ಷಣವನ್ನು ಪ್ರಾರಂಭಿಸಲು ಶುಭ ಸಮಯ
14 ಫೆಬ್ರವರಿ 2024 ಬೆಳಗ್ಗೆ 08:29 ರಿಂದ 09:59.
