ಹುಟ್ಟುತ್ತಲೇ ಈಕೆ ಯುವತಿ! ಸೌಂದರ್ಯ ಸ್ಪರ್ಧೆಯಲ್ಲಿ ಟಾಪ್-10ಗೆ ಏರಿರೋ ಭಾರತ ಸುಂದರಿಯ ರೋಚಕ ಸ್ಟೋರಿ
ಹುಟ್ಟುತ್ತಲೇ ಈಕೆ ಯುವತಿ! ಸೌಂದರ್ಯ ಸ್ಪರ್ಧೆಯಲ್ಲಿ ಟಾಪ್-10ಗೆ ಏರಿದ್ದಾಳೆ ಈ ಭಾರತ ಸುಂದರಿ ಜಾರಾ ಶತಾವರಿ. ಯಾರಿವಳು? ಇವಳ ಹಿನ್ನೆಲೆ ಏನು?
![Zara Shatavari an AI generated model top 10 finalists in the inaugural Miss AI Competition suc Zara Shatavari an AI generated model top 10 finalists in the inaugural Miss AI Competition suc](https://static-ai.asianetnews.com/images/01j1cnhwhykby4z9y0sw4z98c3/zara-shatavari-1_363x203xt.jpg)
ಈ ಚಿತ್ರದಲ್ಲಿ ಕಾಣುತ್ತಿರುವ ಸುಂದರಿಯ ಹೆಸರು ಜಾರಾ ಶತಾವರಿ. ಭಾರತದಲ್ಲಿಯೇ ಹುಟ್ಟಿರೋ ಈಕೆಗೆ ಜಗತ್ತಿನ ಸೌಂದರ್ಯ ಸ್ಪರ್ಧೆಯಲ್ಲಿ ಈಗ ಉನ್ನತ ಸ್ಥಾನ ಸಿಕ್ಕಿದೆ. ಸೌಂದರ್ಯ ಸ್ಪರ್ಧೆಯಲ್ಲಿ ಹಲವು ದೇಶಗಳ ಸುಂದರಿಯನ್ನು ಹಿಂದಿಕ್ಕಿ ಟಾಪ್ 10 ಸ್ಥಾನಕ್ಕೆ ಏರಿದ್ದಾಳೆ. ಫೈನಲಿಸ್ಟ್ಗಳಲ್ಲಿ ಸ್ಥಾನ ಪಡೆದುಕೊಂಡಿದ್ದಾಳೆ. ಕುತೂಹಲದ ವಿಷಯ ಏನಪ್ಪಾ ಎಂದ್ರೆ ಇವಳು ಮನುಷ್ಯಳಲ್ಲ. ನಿಜ ನಿಜ... ಈ ರೂಪದರ್ಶಿ ಜಾರಾ ಶತಾವರಿ ಎಐ ಅಂದರೆ ಕೃತಕ ಬುದ್ಧಿಮತ್ತೆ (ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ನಿಂದ) ಹುಟ್ಟಿರೋ ಯುವತಿ. ಅಂದರೆ ಹುಟ್ಟುತ್ತಲೇ ಈಕೆ ಯುವತಿ! ಮಿಸ್ ಎಐ ಸ್ಪರ್ಧೆಯಲ್ಲಿ ಅಗ್ರ 10 ಫೈನಲಿಸ್ಟ್ಗಳಲ್ಲಿ ಸ್ಥಾನ ಪಡೆದುಕೊಂಡಿದ್ದಾಳೆ ಜಾರಾ!
ಅಷ್ಟಕ್ಕೂ ಈಗ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಯುಗ. ಕೃತಕ ಮನುಷ್ಯರು ವಿವಿಧ ಕ್ಷೇತ್ರಗಳಲ್ಲಿ ಲಗ್ಗೆ ಇಟ್ಟಾಗಿದೆ. ಹಲವರು ಇದರಿಂದಾಗಿ ಇದಾಗಲೇ ಕೆಲಸವನ್ನೂ ಕಳೆದುಕೊಂಡಿದ್ದಾರೆ. ಹತ್ತಾರು ಮಂದಿ ಮಾಡುವ ಕೆಲಸವನ್ನು ಒಂದೇ ಮಾಡೆಲ್ ಮಾಡುವಷ್ಟು ನೈಪುಣ್ಯ ಇರುವ ಹಿನ್ನೆಲೆಯಲ್ಲಿ, ಹಲವಾರು ಕ್ಷೇತ್ರಗಳಲ್ಲಿ ಎಐಗೆ ಅಗ್ರಸ್ಥಾನ ಸಿಗುತ್ತಿದೆ. ಇದೀಗ ಇದಕ್ಕಾಗಿಯೇ ಸೌಂದರ್ಯ ಸ್ಪರ್ಧೆಯನ್ನೂ ಇಡಲಾಗಿದೆ. Fanvue ಆಯೋಜಿಸಿದ ಈ ಸ್ಪರ್ಧೆಯು ಸೌಂದರ್ಯ, ತಂತ್ರಜ್ಞಾನ ಮತ್ತು ಸಾಮಾಜಿಕ ಪ್ರಭಾವ ಎಲ್ಲವನ್ನೂ ಒಳಗೊಂಡಂತಹ ಒಂದು ಸ್ಪರ್ಧೆಯಾಗಿದೆ. ಈ ಸ್ಪರ್ಧೆಯಲ್ಲಿ ಭಾರತದ ಜಾರಾ ಟಾಪ್ 10 ಸ್ಥಾನ ಪಡೆದಿದ್ದಾಳೆ. ಈ ಸೌಂದರ್ಯ ಸ್ಪರ್ಧೆಯಲ್ಲಿ ಒಂದೂವರೆ ಸಾವಿಕ್ಕೂ ಅಧಿಕ ಅಂತರಾಷ್ಟ್ರೀಯ ಮಾಡೆಲ್ಗಳನ್ನು ಹಿಂದಿಕ್ಕಿ ಇವಳು ಆಯ್ಕೆಯಾಗಿದ್ದಾಳೆ. ಕಳೆದ ಏಪ್ರಿಲ್ನಲ್ಲಿ ಪ್ರಾರಂಭವಾದ ಮಿಸ್ ಎಐ ಸ್ಪರ್ಧೆಯು ಈ ರೀತಿಯ ಮೊದಲನೆಯ ಸ್ಪರ್ಧೆಯನ್ನು ಏರ್ಪಡಿಸಿದೆ. ಇದನ್ನು ವರ್ಲ್ಡ್ ಎಐ ಕ್ರಿಯೇಟರ್ ಅವಾರ್ಡ್ಸ್ ಆಯೋಜಿಸಿದೆ. ಸ್ಪರ್ಧಿಗಳನ್ನು ಅವರ ಸೌಂದರ್ಯ, ತಾಂತ್ರಿಕ ಕೌಶಲ್ಯ ಮತ್ತು ಸಾಮಾಜಿಕ ಪ್ರಭಾವದ ಮೇಲೆ ಮೌಲ್ಯಮಾಪನ ಮಾಡುತ್ತಾರೆ., AI- ರಚಿತವಾದ ತೀರ್ಪುಗಾರರಾದ ಐತಾನಾ ಲೋಪೆಜ್ ಮತ್ತು ಎಮಿಲಿ ಪೆಲ್ಲೆಗ್ರಿನಿ ಸೇರಿದಂತೆ ನಾಲ್ಕು ತೀರ್ಪುಗಾರರಿದ್ದಾರೆ.
ರಾಜಾ ರಾಣಿ ಷೋ ಶೂಟಿಂಗ್ ವೇಳೆ ಆ್ಯಂಕರ್ ಅನುಪಮಾ ಬೆಳಿಗ್ಗೆಯಿಂದ ಏನೆಲ್ಲಾ ಮಾಡ್ತಾರೆ?
ಅಂದಹಾಗೆ, ಜಾರಾಳನ್ನು ತಯಾರು ಮಾಡಿದ್ದು, ಭಾರತೀಯ ಮೊಬೈಲ್ ಜಾಹೀರಾತು ಏಜೆನ್ಸಿಯ ಸಹ-ಸಂಸ್ಥಾಪಕ ರಾಹುಲ್ ಚೌಧರಿ. ಜಾರಾ ಇದಾಗಲೇ ಈಗಾಗಲೇ ಇನ್ಸ್ಟಾಗ್ರಾಮ್ನಲ್ಲಿ ಸುಮಾರು 15 ಸಾವಿರ ಫಾಲೋವರ್ಸ್ ಹೊಂದಿದ್ದಾಳೆ. ಇದರಲ್ಲಿ ಜಾರಾ ವಿವಿಧ ಉಡುಪುಗಳಲ್ಲಿ ಕಾಣಿಸಿಕೊಂಡಿದ್ದಾಳೆ. ವಿಶೇಷ ಎಂದರೆ ದೀಪಾವಳಿಯನ್ನು ಆಚರಿಸುವ ಫೋಟೋ ಕೂಡ ಇದೆ. ಅಷ್ಟಕ್ಕೇ ಮುಗಿಯುವುದಿಲ್ಲ ಇವಳ ಪ್ರೊಫೈಲ್. ಭಾರತದ ಮೊದಲ AI ರಚಿತ ಬ್ರ್ಯಾಂಡ್ ರಾಯಭಾರಿ ಕೂಡ ಆಗಿದ್ದಾಳೆ ಜಾರಾ. ಈ ಮೂಲಕ ಫ್ಯಾಷನ್ ಜಗತ್ತಿನಲ್ಲಿ ಟಾಪೆಸ್ಟ್ ಸ್ಥಾನ ಗಿಟ್ಟಿಸಿಕೊಂಡಿದ್ದಾಳೆ.
ಅಷ್ಟಕ್ಕೂ ಸೌಂದರ್ಯ ಸ್ಪರ್ಧೆಯಲ್ಲಿ ಅಥವಾ ಬಣ್ಣದ ಲೋಕದಲ್ಲಿ ಕಾಣಿಸಿಕೊಳ್ಳುವ ಬಹುತೇಕ ತಾರೆಯರೂ ಕೃತಕ ಮೇಕಪ್ನಿಂದಲೇ ಸುಂದರಿಯಾಗಿ ಕಾಣುವುದು ಎನ್ನುವುದೇನೂ ಗುಟ್ಟಾಗಿ ಉಳಿದಿಲ್ಲ. ಸೌಂದರ್ಯ ಎನ್ನುವುದು ನೋಡುಗರ ಕಣ್ಣಲ್ಲಿ ಇರುತ್ತದೆ ಎನ್ನುವುದು ನಿಜವಾದರೂ ತೆಳ್ಳಗೆ, ಬೆಳ್ಳಗೆ ಇದ್ದು, ಒಂದಿಷ್ಟು ಮೇಕಪ್ ಮೆತ್ತಿಕೊಂಡರೆ ಅದೇ ಸೌಂದರ್ಯ ಎಂದು ಬಗೆಯುವ ದೊಡ್ಡ ವರ್ಗವೇ ಇದೆ. ಇನ್ನು ಸೌಂದರ್ಯ ಸ್ಪರ್ಧೆಗಳಲ್ಲಿ ಭಾಗವಹಿಸುವ ರೂಪದರ್ಶಿಗಳು ಕೂಡ ತಮ್ಮ ಮೈಮಾಟಕ್ಕೆ ಕೋಟಿಗಟ್ಟಲೆ ಖರ್ಚು ಮಾಡುವುದು ಇದೆ. ಮೇಕಪ್ ತೆಗೆದ ಮೇಲಷ್ಟೇ ಅವರ ನಿಜವಾದ ರೂಪ ತಿಳಿಯುವುದು. ಆದರೆ ಈ ಕೃತಕ ಬುದ್ಧಿಮತ್ತೆಯ ಸುಂದರಿ ಕೂಡ ನಕಲಿಯ ರೂಪದಲ್ಲಿಯೇ ಸೌಂದರ್ಯ ಸ್ಪರ್ಧೆಯಲ್ಲಿ ಜಯ ಸಾಧಿಸಿದ್ದಾಳೆ.
ಇಬ್ರಿಬ್ರು ಸಿಂಡ್ರೆಲ್ಲಾ... ಯಾರಿಗೆ ಐ ಲವ್ ಯು ಹೇಳೋದಂತೆನೇ ಗೊತ್ತಾಗ್ತಿಲ್ವಲ್ಲಾ... ಅಂತಿದ್ದಾರೆ ಫ್ಯಾನ್ಸ್!