Asianet Suvarna News Asianet Suvarna News

Fact Check: 3 ಮಕ್ಕ​ಳ​ನ್ನು ಅವುಚಿ ಕೂತ ಮಹಿಳೆ ಚಿತ್ರ ದೆಹ​ಲಿ​ಯ​ದ್ದಾ?

ದೆಹಲಿ ಹಿಂಸಾ​ಚಾ​ರಕ್ಕೆ ಸಂಬಂಧ​ಪಟ್ಟ ಹಲವು ಫೋಟೋ​ಗಳು ಮನ​ಕ​ಲ​ಕು​ವಂತಿ​ವೆ. ಉದ್ರಿಕ್ತ ಗುಂಪು​ಗ​ಳಿಂದ ತಮ್ಮನ್ನು ರಕ್ಷಿ​ಸಿ​ಕೊ​ಳ್ಳಲು ನಾಗ​ರಿ​ಕರು ಮಾಡಿದ ಹರ​ಸಾ​ಹನ ನಿಜಕ್ಕೂ ಕಣ್ಣಂಚಲ್ಲಿ ನೀರು ಜಿನಿ​ಗು​ವಂತೆ ಮಾಡು​ತ್ತಿ​ದೆ. ಇದೇ ವೇಳೆ ಮಹಿ​ಳೆ​ಯೊ​ಬ್ಬರು ಮೂವರು ಮಕ್ಕ​ಳನ್ನು ಅವು​ಚಿ​ಕೊಂಡು ಕಣ್ಣೀ​ರಿ​ಡು​ತ್ತಿ​ರುವ ದೃಶ್ಯ ಸಾಮಾ​ಜಿಕ ಜಾಲ​ತಾ​ಣ​ಗ​ಳಲ್ಲಿ ಬಾರೀ ಹರಿ​ದಾ​ಡು​ತ್ತಿದೆ.

Fact check of Woman hugging crying kids in Delhi Riot
Author
Bengaluru, First Published Mar 3, 2020, 11:40 AM IST

ಕೋಮು ದಳ್ಳು​ರಿಗೆ ಸಿಕ್ಕ ರಾಷ್ಟ್ರ​ರಾ​ಜ​ಧಾನಿ ಕೆಲ ದಿನ​ಗ​ಳಿಂದ ಅಕ್ಷ​ರ​ಶಃ ಹೊತ್ತಿ ಉರಿದು ಸದ್ಯ ಅಲ್ಪ ಮಟ್ಟಿಗೆ ತಣ್ಣ​ಗಾ​ಗಿದೆ. ಈ ಕೋಮು ಹಿಂಸಾ​ಚಾ​ರ​ದಲ್ಲಿ 45ಕ್ಕೂ ಹೆಚ್ಚು ಜನರು ಮೃತಪ​ಟ್ಟಿ​ದ್ದಾರೆ, 250ಕ್ಕೂ ಹೆಚ್ಚು ಜನರು ಗಾಯ​ಗೊಂಡಿ​ದ್ದಾ​ರೆ. ಈ ಹಿಂಸಾ​ಚಾ​ರಕ್ಕೆ ಸಂಬಂಧ​ಪಟ್ಟಹಲವು ಫೋಟೋ​ಗಳು ಮನ​ಕ​ಲ​ಕು​ವಂತಿ​ವೆ. ಉದ್ರಿಕ್ತ ಗುಂಪು​ಗ​ಳಿಂದ ತಮ್ಮನ್ನು ರಕ್ಷಿ​ಸಿ​ಕೊ​ಳ್ಳಲು ನಾಗ​ರಿ​ಕರು ಮಾಡಿದ ಹರ​ಸಾ​ಹನ ನಿಜಕ್ಕೂ ಕಣ್ಣಂಚಲ್ಲಿ ನೀರು ಜಿನಿ​ಗು​ವಂತೆ ಮಾಡು​ತ್ತಿ​ದೆ.

ಇದೇ ವೇಳೆ ಮಹಿ​ಳೆ​ಯೊ​ಬ್ಬರು ಮೂವರು ಮಕ್ಕ​ಳನ್ನು ಅವು​ಚಿ​ಕೊಂಡು ಕಣ್ಣೀ​ರಿ​ಡು​ತ್ತಿ​ರುವ ದೃಶ್ಯ ಸಾಮಾ​ಜಿಕ ಜಾಲ​ತಾ​ಣ​ಗ​ಳಲ್ಲಿ ಬಾರೀ ಹರಿ​ದಾ​ಡು​ತ್ತಿದೆ. ಇದು ನಿಜಕ್ಕೂ ದೆಹಲಿ ಹಿಂಸಾ​ಚಾ​ರದ ಭೀಕ​ರ​ತೆ​ಯನ್ನು ಪ್ರಚು​ರ​ಪ​ಡಿ​ಸುತ್ತಾ, ಮನ​ಕ​ಲು​ಕು​ವಂತಿ​ದೆ.

ಅಕ್ಷಯ್‌ ರೆಡ್ಡಿ ಎಎಪಿ ತನ್ನ ಫೇಸ್‌​ಬುಕ್‌ ಪೇಜ್‌​ನಲ್ಲಿ ಈ ಫೋಟೋ​ವನ್ನು ಪೋಸ್ಟ್‌ ಮಾಡಿ, ‘ನನ್ನ ದೇ​ಶಕ್ಕೆ ಪ್ರಧಾನಿ ನರೇಂದ್ರ ಏನು ಮಾಡಿ​ದರು ಎನ್ನು​ವು​ದನ್ನು ನೆನ​ಪಿ​ಟ್ಟು​ಕೊ​ಳ್ಳಲು ಈ ಚಿತ್ರ​ವೊಂದು ಸಾಕು’ ಎಂದು ಒಕ್ಕಣೆ ಬರೆ​ದು​ಕೊಂಡಿ​ದ್ದಾ​ರೆ. ಈ ಫೋಟೋ​ವೀಗ ವೈರಲ್‌ ಆಗಿದೆ.

ದೆಹಲಿ ಹಿಂಸಾಚಾರದಲ್ಲಿ ಪುಟ್ಟ ಮಗುವಿಗೇ ಥಳಿಸಿದ ಪೊಲೀಸರು

ಆದರೆ ಇದು ನಿಜಕ್ಕೂ ದೆಹಲಿ ಗಲ​ಭೆಗೆ ಸಂಬಂಧಿ​ಸಿದ್ದೇ ಎಂದು ಇಂಡಿಯಾ ಟುಡೇ ಪರಿ​ಶೀ​ಲಿ​ಸಿ​ದಾಗ ವೈರಲ್‌ ಆಗಿ​ರುವ ಫೋಟೋ ದೆಹ​ಲಿ​ಯ​ದ್ದಲ್ಲ, ಬೇರೆ ದೇಶದ್ದು ಎನ್ನುವ ವಾಸ್ತವ ತಿಳಿ​ದು​ಬಂದಿದೆ.

Fact Check: ಹಿಂದೂಗಳಿಗೆ ಮಕ್ಕಳಾಗದಂತೆ ಬಿರಿಯಾನಿಯಲ್ಲಿ ಮಾತ್ರೆ

ರಿವರ್ಸ್‌ ಇಮೇ​ಜ್‌​ನಲ್ಲಿ ಪರಿ​ಶೀ​ಲಿ​ಸಿ​ದಾಗ ಇದು ಸಿರಿಯಾ ಯುದ್ಧದ ಸಂದ​ರ್ಭ​ದದ್ದು, ಅಂದ​ರೆ 6 ವರ್ಷ​ಹಿಂದಿನ ಫೋಟೋ ಎಂಬುದು ಸ್ಪಷ್ಟ​ವಾ​ಗಿದೆ. ಗೆಟ್ಟಿಇಮೇ​ಜ್‌​ನಲ್ಲಿ ಇದೇ ಫೋಟೋ ಲಭ್ಯ​ವಿದ್ದು, ‘ಮೇ 14, 2014ರ ಸಿರಿಯಾ ಸಂಘ​ರ್ಷ​ದ​ಲ್ಲಿ ಬಾಂಬ್‌ ದಾಳಿ ವೇಳೆ ಮನೆ ಕಳೆ​ದು​ಕೊಂಡ ಮಹಿಳೆ ಮಕ್ಕ​ಳನ್ನು ಅವು​ಚಿ​ಕೊಂಡು ಕುಳಿ​ತಿ​ರು​ವು​ದು’ ಎಂದು ಅಡಿ​ಟಿ​ಪ್ಪಣಿ ಬರೆ​ಯ​ಲಾ​ಗಿದೆ. ಹಾಗಾಗಿ ವೈರಲ್‌ ಆಗಿ​ರುವ ಈ ಫೋಟೋ ದೆಹ​ಲಿ​ಯ​ದ್ದಲ್ಲ ಎಂಬುದು ಸ್ಪಷ್ಟ.

- ವೈರಲ್ ಚೆಕ್ 

Follow Us:
Download App:
  • android
  • ios