ಸೀತಾರಾಮ ಸೀರಿಯಲ್ ಸೀತಮ್ಮಾ ಅರ್ಥಾತ್ ನಟಿ ವೈಷ್ಣವಿ ಗೌಡ ಅವರ ವಿವಾಹಪೂರ್ವ ಕಾರ್ಯಗಳು ಆರಂಭವಾಗಿದ್ದು, ಈ ಸಂದರ್ಭದಲ್ಲಿ ಸೀರಿಯಲ್ ಅಮ್ಮನ ಮದುವೆಗೆ ಮಕ್ಕಳಾದ ಸಿಹಿ-ಸುಬ್ಬಿ ಆಗಮಿಸಿದ್ದಾರೆ. ಅದರ ವಿಡಿಯೋ ವೈರಲ್ ಆಗಿವೆ.
ಸೀತಾರಾಮ ಸೀರಿಯಲ್ ಸೀತಮ್ಮಾ ಅರ್ಥಾತ್ ನಟಿ ವೈಷ್ಣವಿ ಗೌಡ ಅವರ ಮದುವೆಯ ಸಂಭ್ರಮ ಶುರುವಾಗಿದೆ. ಇದಾಗಲೇ ವಿವಾಹಪೂರ್ವ ಕಾರ್ಯಗಳೆಲ್ಲಾ ಭರದಿಂದ ಸಾಗಿದ್ದು, ತಾರೆಯರ ದಂಡೂ ದೌಡಾಯಿಸಿದೆ. ಮೊನ್ನೆಯಷ್ಟೇ ನಟಿ ಆರ್ಸಿಬಿ ಮ್ಯಾಚ್ ನೋಡುತ್ತಲೇ ಕೆಲವೊಂದು ಮದುವೆ ಕಾರ್ಯಗಳಲ್ಲಿ ಭಾಗಿಯಾಗಿದ್ದರು. ಇದೀಗ ಅರಿಶಿಣ ಶಾಸ್ತ್ರ, ಮೆಹಂದಿ ಶಾಸ್ತ್ರ, ಡಾನ್ಸ್ ಎಲ್ಲವೂ ನಡೆಯುತ್ತಿದ್ದು, ಸಪ್ತಪದಿ ತುಳಿಯುವ ಮುಹೂರ್ತ ಕೂಡ ಸನೀಹದಲ್ಲಿಯೇ ಇದೆ. ಇದರ ನಡುವೆಯೇ, ವಿವಾಹಪೂರ್ವ ಕಾರ್ಯಗಳ ಒಂದೊಂದೇ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಲೇ ಇವೆ. ಇದೀಗ ಅಮ್ಮನ ಮದುವೆಯ ಸಂಭ್ರಮದಲ್ಲಿ ಮಕ್ಕಳಾದ ಸಿಹಿ ಮತ್ತು ಸುಬ್ಬಿ ಸಂಭ್ರಮಿಸುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಇನ್ನು ಸಿಹಿ ಪಾತ್ರಧಾರಿ ರೀತು ಸಿಂಗ್ ಕುರಿತು ಇದಾಗಲೇ ಸಾಕಷ್ಟು ಬಾರಿ ಸುದ್ದಿಯಾಗಿದೆ. ಆದರೆ, ಇದರ ನಡುವೆಯೇ, ಸಿಹಿ ಮತ್ತು ಸುಬ್ಬಿಯನ್ನು ಒಟ್ಟಿಗೇ ಸೀರಿಯಲ್ನಲ್ಲಿ ಹಲವು ಬಾರಿ ತೋರಿಸಿರುವುದು ವೀಕ್ಷಕರಿಗೆ ಅಚ್ಚರಿ ಉಂಟು ಮಾಡಿದೆ. ಅಷ್ಟಕ್ಕೂ ಡಬಲ್ ರೋಲ್ ಮಾಡುವುದು ಹೊಸ ವಿಷಯವೇನಲ್ಲ. ಯಾವುದೇ ತಂತ್ರಜ್ಞಾನ ಇಲ್ಲದ ಸಂದರ್ಭದಲ್ಲಿಯೇ ಬ್ಲ್ಯಾಕ್ ಆ್ಯಂಡ್ ವೈಟ್ ಯುಗದಲ್ಲಿಯೇ ಡಬಲ್ ರೋಲ್ ಸಿನಿಮಾಗಳಲ್ಲಿ ಮಾಡಿರುವ ಉದಾಹರಣೆ ಸಾಕಷ್ಟಿವೆ. ಇದೀಗ ಕೆಲವು ಸೀರಿಯಲ್ಗಳಲ್ಲಿಯೂ ಮಾಡಿರುವ ಕಾರಣ, ಅದೇನೂ ದೊಡ್ಡ ವಿಷಯ ಅಲ್ಲ ಎನ್ನುವುದು ನಿಜವೇ. ಎರಡು ಪಾತ್ರಗಳನ್ನು ಬೇರೆ ಬೇರೆಯಾಗಿ ಶೂಟಿಂಗ್ ಮಾಡಿ ನಂತರ ಆ ಕ್ಲಿಪ್ಗಳನ್ನು ಒಟ್ಟಿಗೇ ಜೋಡಿಸಿ ತೋರಿಸುವುದು ಸಾಮಾನ್ಯವೇ. ಆದರೆ ಇಲ್ಲಿ ಸಿಹಿ ಮತ್ತು ಸುಬ್ಬಿಯನ್ನು ಒಟ್ಟಿಗೇ ತೋರಿಸಿದ್ದ ಸಂದರ್ಭದಲ್ಲಿ ಸಿಹಿ ಪಾತ್ರಧಾರಿಯಾಗಿ ಕಾಣಿಸಿಕೊಂಡಿದ್ದ ಬಾಲಕಿಯೇ ಬೇರೆಯವಳು! ಆ ಬಾಲಕಿ ಕೂಡ ಮದುವೆಗೆ ಆಗಮಿಸಿದ್ದು, ರೀತು ಸಿಂಗ್ ಜೊತೆ ಐಸ್ಕ್ರೀಂ ಸವಿಯುತ್ತಿದ್ದಾಳೆ.
ಅಷ್ಟಕ್ಕೂ, ಸುಬ್ಬಿಯ ರೋಲ್ ಬಂದಾಗ, ಸಿಹಿ ಅಲ್ಲಿಯೇ ನಿಂತಿರುವಂತೆ ತೋರಿಸಲಾಗಿದೆ. ಆ ಸಮಯದಲ್ಲಿ ಸಿಹಿಯನ್ನು ಹಿಂಬದಿಯಿಂದಷ್ಟೇ ತೋರಿಸಲಾಗಿದೆ. ಆದರೆ ಇದೀಗ ಆ ಬಾಲಕಿಯ ಮುಖ ರಿವೀಲ್ ಮಾಡಲಾಗಿದೆ. ನೋಡಲು ಸೇಮ್ ಸಿಹಿ ಮತ್ತು ಸುಬ್ಬಿ ರೋಲ್ ಮಾಡಿರುವ ಪುಟಾಣಿ ರಿತು ಸಿಂಗ್ ರೀತಿಯೇ ಕಾಣಿಸುತ್ತಾಳೆ ಈ ಬಾಲಕಿ. ಆಕೆಯನ್ನು ಸಿಹಿಯ ಆತ್ಮದಂತೆಯೇ ಬಿಳಿಯ ಡ್ರೆಸ್ನಲ್ಲಿ ತೋರಿಸಿರುವ ಕಾರಣ, ರಿತು ಸಿಂಗ್ ರೀತಿಯೇ ಕಾಣಿಸುತ್ತಿದ್ದಳು. ಆದರೆ ನಿಜವಾಗಿಯೂ ರಿತು ಸಿಂಗ್ ಮತ್ತು ಈ ಪುಟಾಣಿಯ ನೋಟದಲ್ಲಿ ಸಾಮ್ಯತೆ ಇರುವುದನ್ನು ನೋಡಬಹುದಾಗಿದೆ. ಈ ಬಾಲಕಿಯ ಬಗ್ಗೆ ಹೆಚ್ಚು ವಿಷಯ ಗೊತ್ತಾಗದಿದ್ದರೂ, ಇಬ್ಬರೂ ಒಂದೇ ರೀತಿ ಕಾಣಿಸುತ್ತಿರುವ ಕಾರಣ ನಿಜವಾಗಿಯೂ ಅವಳಿಜವಳಿನಾ ಎಂದು ನೆಟ್ಟಿಗರು ಪ್ರಶ್ನೆ ಮಾಡುತ್ತಿದ್ದಾರೆ. ಆದರೆ ಮೇಕಪ್ ಒಂದೇ ರೀತಿ ಮಾಡಿರುವ ಹಿನ್ನೆಲೆಯಲ್ಲಿ ಹಾಗೂ ಹೈಟ್-ವೇಟ್ ಸೇಮ್ ಇರುವ ಕಾರಣ ಒಂದೇ ರೀತಿ ಕಾಣಿಸುತ್ತಿದ್ದಾರೆ ಅಷ್ಟೇ.
Related Articles
ಇನ್ನು ಸೀತಾ ಉರ್ಫ್ ನಟಿ ವೈಷ್ಣವಿ ಗೌಡ ಅವರ ಮದುವೆಪೂರ್ವ ಕಾರ್ಯಗಳು ಇದಾಗಲೇ ಶುರುವಾಗಿದೆ. ಉತ್ತರ ಭಾರತದ ಶಾಸ್ತ್ರಗಳಾದ ಅರಿಶಿಣ ಶಾಸ್ತ್ರ, ಸಂಗೀತ, ಮೆಹಂದಿ ಕಾರ್ಯಕ್ರಮ ಇವೆಲ್ಲವೂ ಈಗ ದಕ್ಷಿಣದಲ್ಲಿಯೂ ಮಾಮೂಲಾಗಿದೆ. ಅದರಲ್ಲಿಯೂ ವೈಷ್ಣವಿ ಅವರ ಭಾವಿ ಪತಿ ಅನುಕೂಲ್ ಅವರು ಛತ್ತೀಸಗಢದವರಾಗಿರುವ ಕಾರಣ, ಈ ಶಾಸ್ತ್ರಗಳು ಅಲ್ಲಿಯ ಪದ್ಧತಿಯ ಅನ್ವಯ ನಡೆಯುತ್ತಿದೆ. ಇದಾಗಲೇ ನಟಿ ವೈಷ್ಣವಿ ಗೌಡ ಮತ್ತು ಅನುಕೂಲ್ ಅವರ ವಿವಾಹ ಪೂರ್ವ ಕಾರ್ಯಗಳು ಭರ್ಜರಿಯಾಗಿ ಆರಂಭಗೊಂಡಿದ್ದು, ಅವುಗಳ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಹಳದಿ ಕಾರ್ಯಕ್ರಮದಲ್ಲಿ ಈ ಜೋಡಿಯನ್ನು ಒಟ್ಟಿಗೇ ನೋಡಬಹುದಾಗಿದೆ. ಇದಾಗಲೇ ಆರ್ಸಿಬಿ ಪಂದ್ಯದಲ್ಲಿ ವೈಷ್ಣವಿ ಅವರು ಮ್ಯಾಚ್ ನೋಡುತ್ತಲೇ ಸಂಗೀತ ಕಾರ್ಯಕ್ರಮವನ್ನು ನಡೆಸುತ್ತಿದ್ದರು. ಇವುಗಳ ವಿಡಿಯೋ ಕೂಡ ವೈರಲ್ ಆಗಿವೆ. FSFS ಚಾನೆಲ್ನಲ್ಲಿ ಅದನ್ನು ನೋಡಬಹುದಾಗಿದೆ.