ಹೀರೋಯಿನ್ ಆಗಿ ಚಿತ್ರರಂಗದಲ್ಲಿ ಮತ್ತಷ್ಟು ಬ್ಯುಸಿಯಾಗಲು ಪ್ರಯತ್ನಿಸುತ್ತಿರುವ ನಟಿ ನಭಾ ನಟೇಶ್, ತಮ್ಮ ವೃತ್ತಿಜೀವನದ ಆರಂಭದ ದಿನಗಳಲ್ಲಿನ ವಿಶೇಷ ಅನುಭವವೊಂದನ್ನು ಹಂಚಿಕೊಂಡಿದ್ದಾರೆ.
ಹೀರೋಯಿನ್ ಆಗಿ ಚಿತ್ರರಂಗದಲ್ಲಿ ಮತ್ತಷ್ಟು ಬ್ಯುಸಿಯಾಗಲು ಪ್ರಯತ್ನಿಸುತ್ತಿರುವ ನಟಿ ನಭಾ ನಟೇಶ್, ತಮ್ಮ ಮೊದಲ ಸಿನಿಮಾದಿಂದಲೇ ಪ್ರೇಕ್ಷಕರ ಗಮನ ಸೆಳೆದವರು. ‘ವಜ್ರಕಾಯ’ ಚಿತ್ರದ ಮೂಲಕ ನಾಯಕಿಯಾಗಿ ಪರಿಚಯವಾದರು ನಭಾ. ಆ ಬಳಿಕ ಖ್ಯಾತ ನಿರ್ದೇಶಕ ಪುರಿ ಜಗನ್ನಾಥ್ ನಿರ್ದೇಶನದ ‘ಇಸ್ಮಾರ್ಟ್ ಶಂಕರ್’ ಸಿನಿಮಾದ ಮೂಲಕ ತೆಲುಗು ಪ್ರೇಕ್ಷಕರಿಗೆ ಮತ್ತಷ್ಟು ಹತ್ತಿರವಾದರು.
ಚಿತ್ರದಲ್ಲಿ ತೆಲಂಗಾಣದ ಹುಡುಗಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ನಭಾ, ತಮ್ಮ ಅಭಿನಯದ ಜೊತೆಗೆ ಗ್ಲಾಮರ್ನಿಂದಲೂ ಗಮನ ಸೆಳೆದಿದ್ದರು. ಇತ್ತೀಚೆಗೆ ನಭಾ ನಟೇಶ್ ‘ನಾಗಬಂಧಂ’ ಸಿನಿಮಾದಲ್ಲೂ ಕಾಣಿಸಿಕೊಂಡಿದ್ದರು. ಆದರೆ ಈ ಸಿನಿಮಾ ನಿರೀಕ್ಷಿಸಿದ ಮಟ್ಟಿಗೆ ಯಶಸ್ಸು ಕಾಣಲಿಲ್ಲ.
ಶಿವಣ್ಣ ಜೊತೆ ನಟಿಸಿದ ಮೊದಲ ಅನುಭವ!
ಇದೀಗ ನಭಾ ನಟೇಶ್ ತಮ್ಮ ವೃತ್ತಿಜೀವನದ ಆರಂಭದ ದಿನಗಳಲ್ಲಿನ ವಿಶೇಷ ಅನುಭವವೊಂದನ್ನು ಹಂಚಿಕೊಂಡಿದ್ದಾರೆ. ಸ್ಯಾಂಡಲ್ವುಡ್ನ ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಅವರೊಂದಿಗೆ ನಟಿಸಿದ ತಮ್ಮ ಮೊದಲ ಸಿನಿಮಾದ ಶೂಟಿಂಗ್ ಅನುಭವವನ್ನು ಅವರು ನೆನಪಿಸಿಕೊಂಡಿದ್ದಾರೆ. ಶಿವಣ್ಣ ಅವರ ಸ್ಟಾರ್ಡಮ್ ಮತ್ತು ರೇಂಜ್ ಕಂಡು ಆರಂಭದಲ್ಲಿ ತಮಗೆ ತುಂಬಾ ಭಯವಾಗಿತ್ತು ಎಂದು ನಭಾ ಹೇಳಿದ್ದಾರೆ.
Related Articles
ಅಷ್ಟೇ ಅಲ್ಲ, ಆ ಸಿನಿಮಾದಲ್ಲಿ ತಾವು 'ಪಟಾಕ ಪಾರ್ವತಿ' ಎಂಬ ಮಾಸ್ ಛಾಯೆಯುಳ್ಳ ಹಾಗೂ ಸವಾಲಿನ ಪಾತ್ರವೊಂದನ್ನು ನಿರ್ವಹಿಸಿದ್ದಾಗಿ ಅವರು ತಿಳಿಸಿದ್ದಾರೆ. ಶಿವಣ್ಣ ಅವರಂತಹ ದೊಡ್ಡ ನಟನೊಂದಿಗೆ ಮೊದಲ ಬಾರಿಗೆ ತೆರೆ ಹಂಚಿಕೊಳ್ಳುವಾಗ ಸಹಜವಾಗಿಯೇ ಒಂದು ರೀತಿಯ ಆತಂಕವಿತ್ತು ಎಂದು ನಭಾ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ. ಇನ್ನು ಶಿವಣ್ಣ ಅವರ ಸ್ಟಾರ್ಡಮ್ ನೋಡಿ ಹೆದರಿದ್ದರೂ, ಆ ಸಿನಿಮಾದ ಶೂಟಿಂಗ್ ಅನುಭವ ತಮ್ಮ ಸಿನಿ ಪಯಣದಲ್ಲಿ ವಿಶೇಷವಾಗಿತ್ತು ಎಂಬುದನ್ನು ನಭಾ ನಟೇಶ್ ಹೇಳಿಕೊಂಡಿದ್ದಾರೆ.
