ರಾಂಚಿ(ಅ.23): ಭಾರ​ತ​ದಲ್ಲಿ ಟೆಸ್ಟ್‌ ಕ್ರಿಕೆಟ್‌ನ ಜನ​ಪ್ರಿ​ಯತೆ ಉಳಿ​ಸಲು ಬಿಸಿ​ಸಿ​ಐ 5 ಪ್ರಮುಖ ಟೆಸ್ಟ್‌ ಕೇಂದ್ರಗಳನ್ನು ಗುರು​ತಿಸಿ, ಅಲ್ಲಿ ಮಾತ್ರ ಪಂದ್ಯ​ಗ​ಳನ್ನು ಆಯೋ​ಜಿ​ಸ​ಬೇಕು ಎಂದು ನಾಯಕ ವಿರಾಟ್‌ ಕೊಹ್ಲಿ ​ಹೇಳಿದ್ದಾರೆ.ಆಸ್ಪ್ರೇ​ಲಿಯಾ ಹಾಗೂ ಇಂಗ್ಲೆಂಡ್‌ನಲ್ಲಿ ಈಗಾ​ಗಲೇ ಈ ಮಾದರಿ ಇದ್ದು, ಅದನ್ನೇ ಅನು​ಸ​ರಿ​ಸಲು ಸಲಹೆ ನೀಡಿ​ದ್ದಾರೆ. ಇಲ್ಲಿ ನಡೆದ 3ನೇ ಟೆಸ್ಟ್‌ಗೆ ಪ್ರೇಕ್ಷ​ಕ​ರಿಂದ ನೀರಸ ಪ್ರತಿ​ಕ್ರಿಯೆ ಕಂಡು​ಬಂದಿ​ದ್ದಕ್ಕೆ ಕೊಹ್ಲಿ ಅಸ​ಮಾ​ಧಾನ ವ್ಯಕ್ತ​ಪ​ಡಿ​ಸಿ​ದರು.

ಇದನ್ನೂ ಓದಿ: ಹರಿಣಗಳ ಶಿಕಾರಿ: ಟೀಂ ಇಂಡಿಯಾಗೆ ಜೈ ಹೋ ಎಂದ ಕ್ರಿಕೆಟ್ ಲವರ್ಸ್!

ಆಸ್ಪ್ರೇ​ಲಿ​ಯಾ​ದಲ್ಲಿ ಮೆಲ್ಬರ್ನ್‌, ಪರ್ತ್, ಸಿಡ್ನಿ, ಬ್ರಿಸ್ಬೇನ್‌ ಹಾಗೂ ಅಡಿ​ಲೇಡ್‌ನಲ್ಲಿ ಮಾತ್ರ ಟೆಸ್ಟ್‌ ಪಂದ್ಯ​ಗ​ಳನ್ನು ಆಯೋ​ಜಿ​ಸ​ಲಾ​ಗು​ತ್ತದೆ. ಅದೇ ರೀತಿ ಇಂಗ್ಲೆಂಡ್‌ನಲ್ಲಿ ಲಾರ್ಡ್ಸ್, ಓವಲ್‌, ಟ್ರೆಂಟ್‌ ಬ್ರಿಡ್ಜ್‌, ಓಲ್ಡ್‌ ಟ್ರಾಫರ್ಡ್‌, ಎಡ್ಜ್‌ಬಾಸ್ಟನ್‌, ಸೌಥಾಂಪ್ಟನ್‌ ಹಾಗೂ ಹೆಡಿಂಗ್ಲಿ ಕ್ರೀಡಾಂಗಣಗಳು ಪ್ರಮುಖ 7 ಟೆಸ್ಟ್‌ ಕೇಂದ್ರಗಳಾ​ಗಿವೆ. ಸದ್ಯ ಭಾರ​ತ​ದಲ್ಲಿ 15ಕ್ಕಿಂತ ಹೆಚ್ಚು ಕ್ರೀಡಾಂಗಣ​ಗ​ಳಲ್ಲಿ ಟೆಸ್ಟ್‌ ನಡೆ​ಸ​ಲಾ​ಗು​ತ್ತಿದೆ.

ಇದನ್ನೂ ಓದಿ: ಟೀಂ ಇಂಡಿಯಾ ಗೆಲುವಿನ ಬಳಿಕ ಡ್ರೆಸ್ಸಿಂಗ್ ರೂಂನಲ್ಲಿ ಧೋನಿ ಪ್ರತ್ಯಕ್ಷ!

‘ಟೆಸ್ಟ್‌ ಕ್ರಿಕೆಟ್‌ನ ರೋಚ​ಕತೆ ಉಳಿ​ಸ​ಬೇ​ಕಿ​ದ್ದರೆ, ನಮ್ಮಲ್ಲಿ ಗರಿಷ್ಠ 5 ಟೆಸ್ಟ್‌ ಕೇಂದ್ರಗಳನ್ನು ನಿಗದಿಪಡಿ​ಸ​ಬೇಕು. ಕೆಲ ನಗರಗಳಲ್ಲಿ ಪಂದ್ಯ​ ವೀಕ್ಷಣೆಗೆ ಅಭಿ​ಮಾ​ನಿ​ಗಳು ಆಗ​ಮಿ​ಸು​ತ್ತಾರೆ, ಕೆಲ ನಗರಗಳ​ಲ್ಲಿ ಆಗ​ಮಿ​ಸು​ವು​ದಿಲ್ಲ. 5 ಕ್ರೀಡಾಂಗ​ಣ​ಗ​ಳನ್ನು ನಿಗದಿ ಮಾಡಿ​ದರೆ, ಪ್ರವಾಸಿ ತಂಡಕ್ಕೂ ಎಲ್ಲಿ, ಎಂತಹ ಪಿಚ್‌ನಲ್ಲಿ ಆಡ​ಲಿ​ದ್ದೇವೆ ಎನ್ನುವ ಮಾಹಿ​ತಿ ಇರ​ಲಿದೆ. ಆಗ ಮತ್ತಷ್ಟುಸ್ಪರ್ಧಾ​ತ್ಮಕ ಪಂದ್ಯಗಳನ್ನು ನೋಡ​ಬ​ಹು​ದು’ ಎಂದು ಕೊಹ್ಲಿ ಹೇಳಿ​ದರು.

ಇದನ್ನೂ ಓದಿ: ಕೊಹ್ಲಿ ಫೋಟೋಗೆ ಅಭಿಮಾನಿಗಳ ಪ್ರತಿಕ್ರಿಯೆ; ಪ್ರಶ್ನೆ ಕೇಳಿದ BCCI ಸುಸ್ತು!

‘ಬಿ​ಸಿ​ಸಿಐ ಸರದಿ ಮಾದರಿ ಅನು​ಸ​ರಿ​ಸು​ತ್ತಿದೆ ನಿಜ. ಎಲ್ಲಾ ರಾಜ್ಯ ಸಂಸ್ಥೆಗಳಿ​ಗೂ ಆತಿಥ್ಯ ಅವ​ಕಾಶ ನೀಡ​ಲಾ​ಗು​ತ್ತಿದೆ. ಅದನ್ನು ಏಕ​ದಿನ, ಟಿ20 ಪಂದ್ಯ​ಗ​ಳಿಗೆ ಸೀಮಿತಗೊಳಿಸಿ, ಟೆಸ್ಟ್‌ ಪಂದ್ಯ​ಗ​ಳಿಗೆ ನಿರ್ದಿಷ್ಟಕ್ರೀಡಾಂಗಣಗಳನ್ನು ನಿಗದಿ ಪಡಿ​ಸ​ಬೇ​ಕಿದೆ’ ಎಂದು ಕೊಹ್ಲಿ ಅಭಿ​ಪ್ರಾ​ಯಿ​ಸಿ​ದ್ದಾ​ರೆ.