ಟಿ20 ಕ್ರಿಕೆಟ್‌ಗೆ ನಿವೃತ್ತಿ ಕುರಿತಂತೆ BCCIಗೆ ಸೆಡ್ಡು ಹೊಡೆದ್ರಾ ಕ್ಯಾಪ್ಟನ್‌ ರೋಹಿತ್ ಶರ್ಮಾ..?
ರೋಹಿತ್ ಶರ್ಮಾ ಟಿ20 ಕ್ರಿಕೆಟ್ ಬದುಕು ಮುಗೀತಾ?
ಗಾಳಿ ಸುದ್ದಿಗಳಿಗೆ ತೆರೆ ಎಳೆದ ಹಿಟ್ಮ್ಯಾನ್
ಬಿಸಿಸಿಐಗೆ ಪರೋಕ್ಷ ಸವಾಲೆಸೆದರಾ ಟೀಂ ಇಂಡಿಯ ನಾಯಕ
 )
Followಬೆಂಗಳೂರು(ಆ.09): ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಸದ್ಯ ಟಿ20 ತಂಡದಿಂದ ಹೊರಗುಳಿದಿದ್ದಾರೆ. ಕಳೆದ ವರ್ಷ ನಡೆದ ಟಿ20 ವಿಶ್ವಕಪ್ ನಂತರ ಇವರಿಬ್ಬರು ಯಾವುದೇ ಟಿ20 ಪಂದ್ಯವಾಡಿಲ್ಲ. ಸದ್ಯ ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಸರಣಿಯಿಂದಲೂ ರೆಸ್ಟ್ ನೀಡಲಾಗಿದೆ. ಇದರಿಂದ ಇವರ ಟಿ20 ಕರಿಯರ್ ಆಲ್ಮೋಸ್ಟ್ ಕ್ಲೋಸ್ ಅನ್ನೋ ಮಾತುಗಳು ಕೇಳಿಬರ್ತಿವೆ.
ಏಕದಿನ ವಿಶ್ವಕಪ್ ಮುಗಿದ ಕೆಲವೇ ತಿಂಗಳಲ್ಲಿ ಟಿ20 ವಿಶ್ವಕಪ್ ಸಮರ ನಡೆಯಲಿದೆ. 2007ರ ನಂತರ ಭಾರತ ಟಿ20 ವಿಶ್ವಕಪ್ ಸಮರ ಗೆದ್ದಿಲ್ಲ. ಅಲ್ಲದೇ ಕಳೆದೆರೆಡು ಟಿ20 ವಿಶ್ವಕಪ್ ಟೂರ್ನಿಗಳಲ್ಲಿ ತಂಡ ಹೀನಾಯ ಪ್ರದರ್ಶನ ನೀಡಿದೆ. ಇದರಿಂದ 2024ರಲ್ಲಿ ಶತಾಯ ಗತಾಯ ಟಿ20 ವಿಶ್ವಕಪ್ ಗೆಲ್ಲಲೇಬೇಕು ಅಂತ ಪಣ ಬಿಸಿಸಿಐ ಪಣ ತೊಟ್ಟಿದೆ.
ಕೊಹ್ಲಿಗೀಗ 34 ವರ್ಷವಾದ್ರೆ, ರೋಹಿತ್ ಶರ್ಮಾಗೆ 36 ವರ್ಷ ವಯಸ್ಸಾಗಿದೆ. ಇದರಿಂದ ಇವರಿಬ್ಬರನ್ನ ಟಿ20 ಕ್ರಿಕೆಟ್ನಿಂದ ಹೊರಗಿಟ್ಟು, ಮುಂದಿನ ವರ್ಷ ನಡೆಯೋ ಟಿ20 ವಿಶ್ವಕಪ್ ವೇಳೆಗೆ, ಕಂಪ್ಲೀಟ್ ಯಂಗ್ ಟೀಮ್ ಕಟ್ಟೋದು ಬಿಸಿಸಿಐ ಪ್ಲಾನ್ ಆಗಿದೆ. ಆದ್ರೆ, ಮತ್ತೊಂದೆಡೆ ರೋಹಿತ್ ಶರ್ಮಾ ಮಾತ್ರ ಇನ್ನು ಟಿ20ವಿಶ್ವಕಪ್ ಆಡುವ ಕನಸು ಕಾಣ್ತಿದ್ದಾರೆ.
T20 ಕ್ರಿಕೆಟ್ನಲ್ಲಿ ಅತಿಹೆಚ್ಚು ಶತಕ ಬಾರಿಸಿದವರು ಯಾರು? ಗೇಲ್‌ ದಾಖಲೆ ಮುರಿಯಲು ಸಾಧ್ಯನಾ..?
ಟಿ20 ಕ್ರಿಕೆಟ್ನಲ್ಲಿ ನನ್ನ ಆಟ ಇನ್ನು ಮುಗಿದಿಲ್ಲ..!
ಯೆಸ್, ಅಮೇರಿಕಾದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಹಿಟ್ಮ್ಯಾನ್ 2024ರ ವಿಶ್ವಕಪ್ ಆಡುವ ಆಸೆ ವ್ಯಕ್ತಪಡಿಸಿದ್ದಾರೆ. ಅಕಾಡೆಮಿಯೊಂದರ ಉದ್ಘಾಟನೆ ವೇಳೆ ರೋಹಿತ್ ಶರ್ಮಾ, ತಮ್ಮ ರಿಟೈರ್ಮೆಂಟ್ಗೆ ಸಂಬಂಧಿಸಿದ ಪ್ರಶ್ನೆಗೆ ಉತ್ತರಿಸುತ್ತಾ, ಮುಂದಿನ ವರ್ಷ ವಿಂಡೀಸ್ ಮತ್ತು ಅಮೇರಿಕಾದಲ್ಲಿ T20 ವಿಶ್ವಕಪ್ ನಡೆಯಲಿದೆ. ನಾನು ಆ ಮೆಗಾ ಟೂರ್ನಿಯಲ್ಲಿ ಆಡಲು ಬಯಸಿದ್ದೇನೆ ಅಂತ ಹೇಳಿದ್ದಾರೆ.
ಮತ್ತೆ ಟಿ20 ತಂಡದಲ್ಲಿ ಸ್ಥಾನ ಸಿಗೋದು ಅನುಮಾನ..!
ಯೆಸ್, ರೋಹಿತ್ಯೇನೋ ತಮ್ಮ ಮನದಾಸೆಯನ್ನ ಹೊರಹಾಕಿದ್ದಾರೆ. ಆದ್ರೆ, ಟಿ20 ತಂಡದಲ್ಲಿ ರೋಹಿತ್ಗೆ ಮತ್ತೆ ಸ್ಥಾನ ಸಿಗೋದು ಅನುಮಾನವಾಗಿದೆ. ಕೇವಲ ವಯಸ್ಸಿನ ಕಾರಣದಿಂದ ಈ ಮಾತನ್ನ ಹೇಳ್ತಿಲ್ಲ. ವಯಸ್ಸಿನ ಜೊತೆಗೆ ಚುಟಕು ಕ್ರಿಕೆಟ್ನಲ್ಲಿ ರೋಹಿತ್ ಪ್ರದರ್ಶನವೂ ಹೇಳಿಕೊಳ್ಳುವಂತಿಲ್ಲ. ಕಳೆದ ಟಿ20 ವಿಶ್ವಕಪ್ನಲ್ಲಿ ರೋಹಿತ್ ಶರ್ಮಾ ಫೇಲ್ ಆಗಿದ್ರು. ಅಲ್ಲದೇ, ಐಪಿಎಲ್‌ನಲ್ಲೂ ರೋಹಿತ್ ಘರ್ಜಿಸ್ತಿಲ್ಲ.
ಸೂರ್ಯನಬ್ಬರಕ್ಕೆ ಕರಗಿದ ವೆಸ್ಟ್ ಇಂಡೀಸ್; ಟೀಂ ಇಂಡಿಯಾಗೆ ಮೊದಲ ಟಿ20 ಗೆಲುವು..!
ಒಟ್ಟಿನಲ್ಲಿ ಟಿ20 ವಿಶ್ವಕಪ್ ತಂಡದಲ್ಲಿ ರೋಹಿತ್ಗೆ ಸ್ಥಾನ ಸಿಗುತ್ತೋ ಇಲ್ವೋ ಗೊತ್ತಿಲ್ಲ. ಆದ್ರೆ, ಬಿಸಿಸಿಐ ಮತ್ತು ಸೆಲೆಕ್ಟರ್ಸ್ಗೆ ಮಾತ್ರ ಟಿ20 ಕ್ರಿಕಟ್ನಲ್ಲಿ ನನ್ನ ಆಟ ಇನ್ನು ಮುಗಿದಿಲ್ಲ ಅನ್ನೋ ಸಂದೇಶ ರವಾನಿಸಿದ್ದಾರೆ.
ಮಹೇಶ್ ಗುರಣ್ಣನವರ್, ಸ್ಪೋರ್ಟ್ಸ್ ಬ್ಯರೋ, ಏಷ್ಯಾನೆಟ್ ಸುವರ್ಣ ನ್ಯೂಸ್
