ಪುಣೆ(ಮೇ.30):  ಟೀಂ ಇಂಡಿಯಾ ಮಾಜಿ ನಾಯಕ ಎಂ.ಎಸ್.ಧೋನಿ ಸದ್ಯ ಕುಟುಂಬದ ಜೊತೆ ಕಾಲಕಳೆಯುತ್ತಿದ್ದಾರೆ. ರಾಂಚಿ ಹೊರವಲಯದಲ್ಲಿರುವ ಭವ್ಯ ಬಂಗಲೆ, ಫಾರ್ಮ್ ಹೌಸ್‌ನಲ್ಲಿ ಧೋನಿ ವಿಶ್ರಾಂತಿ ಜೀವನದಲ್ಲಿದ್ದಾರೆ. ಇದರ ನಡುವೆ ಧೋನಿ ಪುಣೆಯಲ್ಲಿ ಹೊ ಮನೆ ಖರೀದಿಸಿದ್ದಾರೆ.

ಲಾಕ್‌ಡೌನ್‌ನಲ್ಲಿ ಧೋನಿ ಫಾರ್ಮ್‌ ಹೌಸ್‌ನಲ್ಲಿ ಏನು ಮಾಡ್ತಿದ್ದಾರೆ ಗೊತ್ತಾ?

ಪುಣೆಯ ಪಿಂಪಿರಿ ಚಿಂಚಿವಾಡ್‌ನಲ್ಲಿನ ಎಸ್ಟಾಡೋ ಪ್ರಸಿಡೆಂಟಲ್ ಸೊಸೈಟಿಯಿಂದ ವಿಲ್ಲಾ ಖರೀದಿಸಿದ್ದಾರೆ. ಅರಮನೆಯಂತಿರುವ ಭವ್ಯ ಬಂಗಲೆ ಖರೀದಿಸಿರುವ ಧೋನಿ, ಕುಟುಂಬ ಸಮೇತ ಪುಣೆಗ ಶಿಫ್ಟ್ ಆಗ್ತಾರಾ ಅನ್ನೋ ಅನುಮಾನಗಳ ಮೂಡ ತೊಡಗಿದಿ.

ಇತ್ತೀಚೆಗಷ್ಟೆ ಧೋನಿ ಮುಂಬೈ ಪ್ರಖ್ಯಾತ  ಅಪಾರ್ಟ್‌ಮೆಂಟ್ ಒಂದರಲ್ಲಿ ಮನೆ ಖರೀದಿಸಿದ್ದಾರೆ. ಜೊತೆಗೆ ಮುಂಬೈನಲ್ಲಿ ಧೋನಿ ಕಚೇರಿ ಕಾರ್ಯಗಳು ನಡೆಯುತ್ತಿದೆ. ಇದರ ನಡುವೆ ಇದೀಗ ಪುಣೆಯಲ್ಲೂ ಮನೆ ಖರೀದಿಸಿದ್ದಾರೆ. ಈಗಾಗಲೇ ಧೋನಿ ಮನೋರಂಜನೆ ಕ್ಷೇತ್ರಕ್ಕೂ ಕಾಲಿಟ್ಟಿದ್ದಾರೆ. MSD ಎಂಟರ್ಟೈನ್ಮೆಂಟ್ ಸಂಸ್ಥೆ ಹುಟ್ಟುಹಾಕಿದ್ದಾರೆ. ಕಳೆದ ವರ್ಷ ಈ ಸಂಸ್ಥೆ ಒಂದು ಸಾಕ್ಷ್ಯ ಚಿತ್ರ ನಿರ್ಮಿಸಿದೆ. MSD ಎಂಟರ್ಟೈನ್ಮೆಂಟ್ ಸಂಸ್ಥೆಯನ್ನು ಧೋನಿ ಪತ್ನಿ ಸಾಕ್ಷಿ ನೋಡಿಕೊಳ್ಳುತ್ತಿದ್ದಾರೆ.

ತಮ್ಮದೇ ಸಿನಿಮಾಕ್ಕೆ 45 ಕೋಟಿ ರೂ ಪಡೆದಿದ್ದ ಧೋನಿ..!

ರಾಂಚಿಯಿಂದ ಮುಂಬೈಗೆ ತೆರಳುವುದು ಸುಲಭದ ಮಾತಲ್ಲ. ಹೀಗಾಗಿ ಪುಣೆಯಲ್ಲಿ ಮನೆ ಖರೀದಿ ಮಾಡಿದ್ದಾರೆ. ಪುಣೆಯಿಂದ ಮುಂಬೈ ಪ್ರಯಾಣ ಹೆಚ್ಚಿಲ್ಲ. ಹೀಗಾಗಿ ಧೋನಿ ರಾಂಚಿಯಿಂದ ಪುಣೆಗೆ ಸ್ಥಳಾಂತರವಾಗುವ ಸಾಧ್ಯತೆಗಳಿವೆ ಅನ್ನೋ ಮಾತುಗಳು ಕೇಳಿಬಂದಿದೆ. 

ಆದರೆ ಧೋನಿ ಈ ಹಿಂದೆ ತಾನು ರಾಂಚಿಯಲ್ಲಿ ವಿಶ್ರಾಂತಿ ಜೀವನ ನಡೆಸುವುದಾಗಿ ಸ್ಪಷ್ಟಪಡಿಸಿದ್ದರು. ಇದಕ್ಕಾಗಿ ರಾಂಚಿ ನಗರದಲ್ಲಿದ್ದ ಮನೆ ತೊರೆದು ಹೊರವಲಯದಲ್ಲಿ ಫಾರ್ಮ್ ಹೌಸ್ ನಿರ್ಮಿಸಿದ್ದಾರೆ. ಹುಟ್ಟೂರಿನಿಂದ ಧೋನಿ ಪುಣೆಗೆ ಸ್ಥಳಾಂತರವಾಗೋ ಯಾವುದೇ ಸಾಧ್ಯತೆಗಳಿಲ್ಲ ಎಂದು ಧೋನಿ ಆತ್ಮೀಯ ಗೆಳೆಯ, ಮ್ಯಾನೇಜರ್ ಅರುಣ್ ಪಾಂಡೆ ಹೇಳಿದ್ದಾರೆ.