ಶಾರುಖ್ ಬಳಿ ಇರೋ ಮೊಬೈಲ್ ಫೋನ್ ಎಷ್ಟು ಗೊತ್ತಾ? ಶಾಕಿಂಗ್ ವಿಷ್ಯ ರಿವೀಲ್ ಮಾಡಿದ ನಿರ್ಮಾಪಕ
ಶಾರುಖ್ ಬಳಿ ಇರೋ ಮೊಬೈಲ್ ಫೋನ್ ಎಷ್ಟು ಗೊತ್ತಾ? ಶಾಕಿಂಗ್ ವಿಷ್ಯ ರಿವೀಲ್ ಮಾಡಿದ ನಿರ್ಮಾಪಕ ವಿವೇಕ್ ವಾಸ್ವಾನಿ
![Vivek Vaswani says Shah Rukh Khan has 17 phones and he is running an empire suc Vivek Vaswani says Shah Rukh Khan has 17 phones and he is running an empire suc](https://static-ai.asianetnews.com/images/01hqdhm5rmxdyfr0a6g8gtqa0w/shahrukh-khan-vivek_363x203xt.jpg)
ನಟ-ನಿರ್ಮಾಪಕ ವಿವೇಕ್ ವಾಸ್ವಾನಿ ಶಾರುಖ್ ಖಾನ್ ಅವರ ಜೀವನದ ಕುರಿತು ಕೆಲವೊಂದು ಇಂಟರೆಸ್ಟಿಂಗ್ ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಶಾರುಖ್ ಅವರು ಸಿನಿಮಾಕ್ಕೆ ಪದಾರ್ಪಣೆ ಮಾಡಿದಾಗ ವಿವೇಕ್ ಅವರು ಸಾಕಷ್ಟು ಸಹಾಯ ಮಾಡಿದ್ದರು. ಅಲ್ಲಿಂದಲೂ ಇವರಿಬ್ಬರ ಸ್ನೇಹ ಗಾಢವಾಗಿದ್ದು, ಅದರ ಬಗ್ಗೆ ಈಗ ಬಹಿರಂಗಗೊಳಿಸಿದ್ದಾರೆ. ಇವರಿಬ್ಬರ ಗೆಳೆತನ ಎಷ್ಟರಮಟ್ಟಿಗೆ ಇತ್ತು ಎಂದರೆ ಇಬ್ಬರಿಗೂ ಸಂಬಂಧವನ್ನೂ ಕಲ್ಪಿಸಲಾಗಿತ್ತು. ಈ ಕುರಿತೂ ವಿವೇಕ್ ಅವರು ಹೇಳಿದ್ದಾರೆ. ತಮ್ಮಿಬ್ಬರ ಸಂಬಂಧದ ಕುರಿತೂ ಸಾಕಷ್ಟು ಚರ್ಚೆಯಾಗಿದ್ದವು. ವದಂತಿಗಳು ಎಲ್ಲಿಂದ ಬಂದವು ಎಂದು ನನಗೂ ತಿಳಿದಿಲ್ಲ. ನಾವು ಒಂದೇ ಮನೆಯಲ್ಲಿ ವಾಸಿಸುತ್ತಿದ್ದೆವು, ನನ್ನ ಹೆತ್ತವರು ಇದ್ದರು, ವೃತ್ತಿಯ ಬಗ್ಗೆ ಟೆನ್ಷನ್ ಇತ್ತು, ಶಾರುಖ್ಗೆ ಗೌರಿ ಜೊತೆ ಮದುವೆ ಮಾಡಬೇಕಾದ ಸ್ಥಿತಿ ಇತ್ತು. ಇದರ ಮಧ್ಯೆ ನಮ್ಮ ಮಧ್ಯೆ ತಮ್ಮ ಸಂಬಂಧದ ಬಗ್ಗೆ ಚರ್ಚೆಯಾಗಿದ್ದು ವಿಚಿತ್ರ ಎಂದು ವಿವೇಕ್ ಹೇಳಿಕೊಂಡಿದ್ದಾರೆ.
ಇದರ ನಡುವೆಯೇ, ಶಾರುಖ್ ಅವರ ಕುರಿತಾಗಿ ಕೆಲವೊಂದು ಇಂಟರೆಸ್ಟಿಂಗ್ ಮಾಹಿತಿಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಶಾರುಖ್ ಮತ್ತು ತಮ್ಮ ನಡುವೆ ಕೆಲ ಕಾರಣಗಳಿಂದ ಪರಸ್ಪರ ಭೇಟಿಯಾಗಲು ಸಾಧ್ಯವಾಗಿಲಿಲ್ಲ. ಆದರೆ 2018ರಲ್ಲಿ ಶಾರುಖ್ ಖಾನ್ ಬರ್ತ್ಡೇ ಪಾರ್ಟಿಗೆ ಹೋಗಿದ್ದ ಸಂದರ್ಭದಲ್ಲಿ ಪಾರ್ಟಿಯಲ್ಲಿ ಸಖತ್ ಫನ್ ಇತ್ತು. ಬಹಳ ವರ್ಷಗಳ ಬಳಿಕ ತಾವು ಭೇಟಿಯಾಗಿದ್ದು ಎಂದಿದ್ದಾರೆ. ಇಷ್ಟೆಲ್ಲಾ ಒಳ್ಳೆಯ ಸಂಬಂಧ ಹೊಂದಿರುವವರು ಪರಸ್ಪರ ಭೇಟಿ ಹೇಗೆ ಸಾಧ್ಯವಾಗಲಿಲ್ಲ ಎಂಬ ಪ್ರಶ್ನೆ ವಿವೇಕ್ ಅವರಿಗೆ ಎದುರಾಯಿತು. ಅದರಲ್ಲಿಯೂ ಇದೀಗ ಮೊಬೈಲ್ ಜಮಾನಾ. ಒಂದೇ ಒಂದು ಕರೆಯಿಂದ ವಿಶ್ವದ ಯಾವುದೇ ಮೂಲೆಯಲ್ಲಿ ಇದ್ದರೂ ಸಂಪರ್ಕಿಸಬಹುದು. ಇಂಥ ವೇಳೆ ಯಾಕೆ ಸಾಧ್ಯವಾಗಲಿಲ್ಲ ಎಂಬ ಪ್ರಶ್ನೆಗೆ ವಿವೇಕ್ ಅವರು ಶಾರುಖ್ ಕುರಿತು ಕುತೂಹಲದ ಮಾಹಿತಿಯೊಂದನ್ನು ತೆರೆದಿಟ್ಟಿದ್ದಾರೆ.
ಶಾರುಖ್ಗೆ ಕರಣ್ ಜೋಹರ್, ಪ್ರಿಯಾಂಕಾ ಜೊತೆ ಸಂಬಂಧವಿತ್ತಾ? ನಿರ್ಮಾಪಕ ವಿವೇಕ್ ವಾಸ್ವಾನಿ ಹೇಳಿದ್ದೇನು?
ಅಷ್ಟಕ್ಕೂ, ವಿವೇಕ್ ಅವರು ಶಾರುಖ್ ಕುರಿತು ಹೇಳಿದ್ದೇನೆಂದರೆ, ಶಾರುಖ್ ಖಾನ್ ಬಳಿ 17 ಫೋನ್ಗಳು ಇವೆ. ಆದರೆ ಅವರ ಒಂದೇ ಒಂದು ಮೊಬೈಲ್ ಸಂಖ್ಯೆ ಮಾತ್ರ ನನ್ನ ಬಳಿ ಇದೆ. ಆ 17 ಫೋನ್ಗಳಲ್ಲಿ ಯಾವುದು ಅವರ ಬಳಿ ಇರುತ್ತದೆಯೋ ಗೊತ್ತಿಲ್ಲ. ನಾನು ಫೋನ್ ಮಾಡಿದಾಗಲೆಲ್ಲಾ ಅವರು ರಿಸೀವ್ ಮಾಡುವುದೇ ಇಲ್ಲ.ಸಂಪರ್ಕ ಹೇಗೆ ಸಾಧ್ಯ ಎಂದಿದ್ದಾರೆ. ಈ ಕುರಿತು ಘಟನೆಯೊಂದನ್ನು ಶೇರ್ ಮಾಡಿಕೊಂಡಿರುವ ಅವರು, ಶಾರುಖ್ ಅವರು ಬ್ಲಾಕ್ಬಸ್ಟರ್ ಜವಾನ್ ಸಿನಿಮಾ ರಿಲೀಸ್ ಆದ ತಕ್ಷಣ ಕಾಲ್ ಮಾಡಿದ್ದೆ. ಅವರು ರಿಸೀವ್ ಮಾಡಲಿಲ್ಲ. ಆದರೆ ಪುಣ್ಯಕ್ಕೆ ಅವರು ಅದನ್ನು ನೋಡಿ ವಾಪ್ ಮಾಡಿದಾಗ, ನಾನು ಸ್ನಾನ ಮಾಡುತ್ತಿದ್ದೆ. ವಾಪಸ್ ಮಾಡಲು ಸಾಧ್ಯವಾಗಲಿಲ್ಲ. ಇದಕ್ಕೆ ಕಾರಣ ಶಾರುಖ್ ಸದಾ ಓಡಾಟದಲ್ಲಿ ಇರುತ್ತಾರೆ, ಅವರಿಗೆ ಸಾಕಷ್ಟು ಜವಾಬ್ದಾರಿ ಇದೆ. ಅವರು ಸಾಮ್ರಾಜ್ಯವನ್ನೇ ನಡೆಸುತ್ತಿದ್ದಾರೆ. ಆದ್ದರಿಂದ ನನ್ನ ಫೋನ್ ಕರೆಗೆ ಅವರು ರೆಸ್ಪಾನ್ಸ್ ಮಾಡಲು ಟೈಂ ಇರುವುದಿಲ್ಲ. ಅವರು ಬಿಜಿ ಶೆಡ್ಯೂಲ್ ನನಗೆ ಗೊತ್ತಿರುವ ಕಾರಣ, ನನಗೆ ಬೇಸರ ಆಗುವುದಿಲ್ಲ ಎಂದಿದ್ದಾರೆ.
ಇದೇ ಸಂದರ್ಶನದಲ್ಲಿ ವಿವೇಕ್ ವಾಸ್ವಾನಿ ಅವರು ಶಾರುಖ್ ಮತ್ತು ಕರಣ್ ಜೋಹರ್ ಕುರಿತ ಸಂಬಂಧದ ಬಗ್ಗೆ ಮಾತನಾಡಿದ್ದಾರೆ. ಇಷ್ಟೇ ಅಲ್ಲದೇ, ಪ್ರಿಯಾಂಕಾ ಚೋಪ್ರಾ ಜೊತೆಗೆ ಶಾರುಖ್ ಅವರ ಸಂಬಂಧವಿತ್ತೇ ಎನ್ನುವ ಬಗ್ಗೂ ಅವರು ಹೇಳಿದ್ದಾರೆ. ಏಕೆಂದರೆ, ಶಾರುಖ್ ಮತ್ತು ಕರಣ್ ನಡುವೆ ಏನೋ ಸಂಬಂಧವಿತ್ತು ಎಂದು ಭಾರಿ ಚರ್ಚೆ ಇತ್ತು. ಆ ಬಗ್ಗೆ ಹೇಳಿರುವ ವಿವೇಕ್ ಅವರು, ಶಾರುಖ್ ಖಾನ್ ಅವರಿಗೆ ಪ್ರಿಯಾಂಕಾ ಚೋಪ್ರಾ ಆಗಲೀ, ಕರಣ್ ಜೋಹರ್ ಜೊತೆಗಾಗಲೀ ಸಂಬಂಧವಿರಲಿಲ್ಲ. ಈ ವದಂತಿಗಳಲ್ಲಿ ಯಾವುದೇ ಸತ್ಯವಿಲ್ಲ, ಏಕೆಂದರೆ ಶಾರುಖ್ "ಒಬ್ಬ ಮಹಿಳೆಗೆ ಮಾತ್ರ ಗಂಡನಾಗಿದ್ದು, ಅದಕ್ಕೆ ಅವರು ಬದ್ಧರಾಗಿದ್ದಾರೆ. ಆ ಮಹಿಳೆ ಅವರ ಪತ್ನಿ ಗೌರಿ ಖಾನ್ ಎಂದಿದ್ದಾರೆ.
25 ಲಕ್ಷಕ್ಕೆ ಶಾಸಕನ ಜೊತೆ ರೆಸಾರ್ಟ್ನಲ್ಲಿ! ರಾಜಕಾರಣಿ ವಿರುದ್ಧ ನಟಿ ತ್ರಿಷಾ ಕೇಸ್- ನೆಟ್ಟಿಗರಿಗೂ ಎಚ್ಚರಿಕೆ