ಕಮಲ್ ಹಾಸನ್ ಮಗಳು ಅಂತ ಜನರಿಗೆ ಗೊತ್ತಾಗಬಾರದು ಎಂದು ಸುಳ್ಳು ಹೆಸರು ಹೇಳಿಕೊಂಡು ಓಡಾಡುತ್ತಿದ್ದೆ: ಶ್ರುತಿ

ನಟಿ ಶ್ರುತಿ ಹಾಸನ್, ತಂದೆ ಕಮಲ್ ಹಾಸನ್ ಅವರ ಪ್ರಭಾವದಿಂದ ದೂರವಿರಲು ನಕಲಿ ಹೆಸರು ಬಳಸಿ ಕೆಲಸ ಮಾಡಿದ್ದಾಗಿ ಹೇಳಿದ್ದಾರೆ. ಪ್ರಸ್ತುತ, ಸಿನಿಮಾ ರಂಗದಲ್ಲಿನ ಸಂಭಾವನೆ ತಾರತಮ್ಯ, ಪರಿಸರದ ಕಾಳಜಿ, ಮಾನಸಿಕ ಆರೋಗ್ಯದಂತಹ ವಿಷಯಗಳ ಬಗ್ಗೆ ಚರ್ಚೆಯಾಗಬೇಕು ಎಂದಿದ್ದಾರೆ. ಅಲ್ಲದೆ, ಪ್ರೇಕ್ಷಕರಿಗೆ ಇಷ್ಟವಾದ ಸಿನಿಮಾಗಳನ್ನು ನೋಡಲು ಅವಕಾಶ ನೀಡಿದರೆ, ಆಯ್ಕೆ ಬದಲಾಯಿಸುತ್ತಾರೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

Shruti Haasan

ಚಿತ್ರರಂಗದಲ್ಲಿ ಪದೇ ಪದೇ ಕೇಳಿ ಬರುವ ನೆಪೋಟಿಸಂ ಪದದಿಂದ ದೂರ ಉಳಿಯಬೇಕು ಎಂದು ನಟಿ ಶ್ರುತಿ ಹಾಸನ್ ಹೊಸ ಟ್ರಿಕ್ ಪ್ಲೇ ಮಾಡಿದ್ದಾರೆ. ಸ್ವಂತ ಹೆಸರು ಮಾಡಬೇಕು, ಸಾಧನೆ ಮಾಡಬೇಕು ಎಂದು ಸುಳ್ಳು ಹೆಸರುಗಳನ್ನು ಹೇಳಿಕೊಂಡು ಓಡಾಡುತ್ತಿದ್ದರಂತೆ. 

'ನನ್ನ ತಂದೆ ಕಮಲ್ ಹಾಸನ್ ಮತ್ತು ತಾಯಿ ಸಾರಿಕಾ ತುಂಬಾ ಫೇಮಸ್ ಆಗಿದ್ದ ಕಾರಣ ನನ್ನ ಐಡೆಂಟಿಟಿ ಬಗ್ಗೆ ತುಂಬಾ ಯೋಚನೆ ಮಾಡುತ್ತಿದ್ದೆ. ಹೀಗಾಗಿ ನಕಲಿ ಹೆಸರು ಬಳಸಿಕೊಂಡು ನನ್ನ ಕೆಲಸ ಮಾಡಿಕೊಳ್ಳುತ್ತಿದ್ದೆ. ಫೇಮ್‌ ಅನ್ನೋದು ಒಂದು ಹ್ಯಾಂಡ್‌ಬ್ಯಾಗ್ ಇದ್ದಂತೆ ಅದರಲ್ಲಿ ಕಪ್ಪು ತುಂಬಿದರೆ ಅದು ನಮ್ಮ ಹೆಗಲು ನೋವು ಬರುವಂತೆ ಮಾಡುತ್ತದೆ. ಸ್ವಂತವಾಗಿ ಜೀವನ ಕಟ್ಟಿಕೊಳ್ಳಬೇಕು ಅಂತ ಯಾರಾದರೂ ಆಸೆ ಪಟ್ಟರೆ...ತಮ್ಮ ಕನಸು, ಆಸೆಗಳೇ ಅವರಿಗೆ ದೊಡ್ಡ ಫೇಮ್ ಆಗಬೇಕು. ನನ್ನ ಪೋಷಕರು ತುಂಬಾ ಕಷ್ಟ ಪಡುತ್ತಾರೆ. ನನ್ನ ತಂದೆ ತುಂಬಾ ಸಮಯ ಕೊಟ್ಟು ಕಥೆ ಬರೆಯುತ್ತಾರೆ ಅನಂತರ ವಿಭಿನ್ನ ಪಾತ್ರಗಳನ್ನು ಚಿತ್ರೀಕರಣ ಮಾಡಲು ಶೂಟಿಂಗ್‌ಗೆ ಹೋಗುತ್ತಾರೆ' ಟೈಮ್ಸ್ ಆಫ್ ಇಂಡಿಯಾ ಸಂದರ್ಶನದಲ್ಲಿ ಶ್ರುತಿ ಮಾತನಾಡಿದ್ದಾರೆ.

'ಮಾನಸಿಕ ಆರೋಗ್ಯದ ಬಗ್ಗೆ ಮಾತನಾಡುವುದುಕ್ಕೆ ನಾವು ಸರಿಯಾದ ಜಾಗದಲ್ಲಿ ಇಲ್ಲ. ಹಲವರಿಗೆ ಆರೋಗ್ಯ ವಿಮೆಗಳನ್ನು ಮಾಡಿಸಿಕೊಂಡಿಲ್ಲ. ದೇಶದಲ್ಲಿ ನಡೆಯುತ್ತಿರುವ ಅದೆಷ್ಟೋ ವಿಚಾರಗಳ ಬಗ್ಗೆ ನಾವು ಚರ್ಚೆ ಮಾಡಬೇಕು, ಹೀರೋ -ಹೀರೋಯಿನ್‌ಗಳ ನಡುವೆ ಸಂಭಾವನೆ ಸರಿಸಮ ಮಾಡಬೇಕು, ನಮ್ಮ ಪರಿಸರದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು. ಮಾನಸಿಕ ಆರೋಗ್ಯಕ್ಕಿಂತ ಹೆಚ್ಚಾಗಿ ಹಲವು ವಿಚಾರಗಳಿದೆ ಚರ್ಚೆ ಮಾಡಲು. ಮಾನಸಿಕ ಆರೋಗ್ಯ ದೊಡ್ಡ ಚರ್ಚೆ ಕ್ರಿಯೇಟ್ ಮಾಡುವ ಬದಲು ಪ್ರತಿಯೊಬ್ಬರು ಬಹಿರಂಗವಾಗಿ ಮಾತನಾಡಿದ್ದರೆ ಸರಿ ಹೋಗುತ್ತದೆ' ಎಂದು ಶ್ರುತಿ ಹೇಳಿದ್ದಾರೆ. 

'ಇತ್ತೀಚಿನ ದಿನಗಳಲ್ಲಿ ಸಿನಿಮಾಗಳಿಗೆ ಯಾವುದೇ ಬ್ಯಾರಿಯರ್‌ಗಳು ಇರುವುದಿಲ್ಲ. ಏಕೆಂದರೆ ಜನರಿಗೆ ಯಾವುದು ಇಷ್ಟನೋ ಅದನ್ನು ನೋಡುತ್ತಾರೆ. ಸಿನಿಮಾ ಮಾಡಿ ಥಿಯೇಟರ್‌ ಅಥವಾ ಓಟಿಟಿಯಲ್ಲಿ ನೋಡುವ ಅವಕಾಶ ಕೊಟ್ಟರೆ ಖಂಡಿತ ಆಯ್ಕೆಗಳನ್ನು ಬದಲಾಯಿಸುತ್ತಾರೆ' ಎಂದಿದ್ದಾರೆ ಶ್ರುತಿ.