ಕೈಯಲ್ಲಿ ಕೋಟಿ ಬೆಲೆ ಬಾಳುವ ವಾಚ್, ಕಾಲಲ್ಲಿ ಹರಿದ ಶೂಸ್: ಇದ್ಯಾವ ಅವತಾರ ಅಂತಿದ್ದಾರೆ ಸಲ್ಲು ಫ್ಯಾನ್ಸ್!
ಟೈಗರ್-3 ಪ್ರಮೋಷನ್ಗೆ ಬಂದ ಸಲ್ಮಾನ್ ಖಾನ್ ಹರಿದ ಶೂಸ್ ಧರಿಸಿ ಜನರ ಗಮನ ಸೆಳೆದಿದ್ದಾರೆ. ನೆಟ್ಟಿಗರಿಂದ ಪರ-ವಿರೋಧದ ನಿಲುವು ವ್ಯಕ್ತವಾಗುತ್ತಿದೆ.
 )
Followಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ಅಭಿನಯದ ಟೈಗರ್ 3 ಬಾಕ್ಸ್ ಆಫೀಸ್ನಲ್ಲಿ ಸದ್ದು ಮಾಡುತ್ತಿದೆ. 300 ಕೋಟಿ ರೂಪಾಯಿ ಬಜೆಟ್ನಲ್ಲಿ ತಯಾರಿಸಲಾಗಿರುವ ಈ ಚಿತ್ರ ಇದೇ 12ರಂದು ಬಿಡುಗಡೆಯಾಗಿದೆ. ಚಿತ್ರವು ಬಿಡುಗಡೆಯಾದ ಮೊದಲ ಎರಡೇ ದಿನಗಳಲ್ಲಿ ಚಿತ್ರ 100 ಕೋಟಿ ಕ್ಲಬ್ ಸೇರಿದೆ. ಮನೀಶ್ ಶರ್ಮಾ ನಿರ್ದೇಶನದ ಈ ಚಿತ್ರ ಭರ್ಜರಿಯಾಗಿ ಓಡುತ್ತಿದೆ. ಟೈಗರ್ 3 ಸಿನಿಮಾ ಆ್ಯಕ್ಷನ್ ಸಿನಿಮಾ ಆಗಿದೆ. ಕತ್ರಿನಾ ಕೈಫ್ ಅವರ ತುಂಡು ಟವಲ್ನಲ್ಲಿ ನಡೆಸಿದ ಫೈಟಿಂಗ್ ಸೀನ್, ಚಿತ್ರ ಬಿಡುಗಡೆಗೂ ಮುನ್ನವೇ ಸಕತ್ ಹವಾ ಸೃಷ್ಟಿಸಿತ್ತು. ಚಿತ್ರದಲ್ಲಿಯೂ ಕತ್ರಿನಾ ಅವರ ಆ್ಯಕ್ಷನ್ ದೃಶ್ಯಗಳನ್ನು ಪ್ರೇಕ್ಷಕರು ಮೆಚ್ಚಿದ್ದಾರೆ. ಇಮ್ರಾನ್ ಹಶ್ಮಿ ವಿಲನ್ ಆಗಿ ನಟಿಸಿದ್ದು, ಹಿಂದೆಂದೂ ನೋಡಿರದ ಅವತಾರ ಕಂಡು ಫ್ಯಾನ್ಸ್ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
ಇದೇ ಖುಷಿಯಲ್ಲಿ ಸಲ್ಮಾನ್ ಖಾನ್ ಸಕ್ಸಸ್ ಮೀಟ್ಗೆ ಬಂದಿದ್ದರು. ಆ ಸಂದರ್ಭದಲ್ಲಿ ಅವರ ಶೂಸ್ ಎಲ್ಲರ ಗಮನ ಸೆಳೆದಿದೆ. ಆ ಶೂಸ್ ಹರಿದು ಹೋಗಿತ್ತು. ಅಷ್ಟಕ್ಕೂ ಚಿತ್ರ ತಾರೆಯರು ಪಬ್ಲಿಸಿಟಿಗಾಗಿ ಏನು ಬೇಕಾದರೂ ಮಾಡಲು ರೆಡಿ ಇರುತ್ತಾರೆ. ಅದರಲ್ಲಿಯೂ ಸಲ್ಮಾನ್ ಖಾನ್ ಹೇಳುವುದೇ ಬೇಡ. ಮೊನ್ನೆಯಷ್ಟೇ ಪತ್ರಕರ್ತೆಯೊಬ್ಬರಿಗೆ ಕಿಸ್ ಕೊಟ್ಟ ಸಕತ್ ಸುದ್ದಿಯಾಗಿದ್ದರು. ಬಾಲಿವುಡ್ನ ಮೋಸ್ಟ್ ಎಲಿಬಿಜಲ್ ಬ್ಯಾಚುಲರ್ ಎನಿಸಿಕೊಂಡಿರುವ ಸಲ್ಲು ಭಾಯಿಯ ವಿರುದ್ಧ ಇದಾಗಲೇ ಹಲವು ನಟಿಯರು ಕಿರುಕುಳದ ಆರೋಪ ಮಾಡಿದ್ದೂ ಇದೆ. ಅದೇನೇ ಆದರೂ ಇವರು ತಮ್ಮ ವರ್ಚಸ್ಸನ್ನು ಮಾತ್ರ ಬಿಟ್ಟು ಕೊಡುತ್ತಿಲ್ಲ. ಇದೀಗ ಟೈಗರ್-3 ಚಿತ್ರದ ಪ್ರಮೋಷನ್ನಲ್ಲಿಯೂ ಭರ್ಜರಿ ಲುಕ್ನಲ್ಲಿಯೇ ಕಾಣಿಸಿಕೊಂಡಿದ್ದಾರೆ. ಆದರೆ ಅವರ ಹರಿದ ಶೂಸ್ ಮಾತ್ರ ಎಲ್ಲರ ಗಮನ ಸೆಳೆದಿದೆ.
ಗಂಡ ಹೊರಗಿದ್ದಾನೆ, ಸಲ್ಮಾನ್ ಖಾನ್ ಇಲ್ಲೇ ಇದ್ದಾನೆ! ಕತ್ರಿನಾ ಕೈಫ್ ಉತ್ತರಕ್ಕೆ ಫ್ಯಾನ್ಸ್ ಸುಸ್ತು...
ಇದಕ್ಕೆ ಪರ-ವಿರೋಧದ ನಿಲುವು ವ್ಯಕ್ತವಾಗುತ್ತಿದೆ. ಸಲ್ಮಾನ್ ಖಾನ್ ಫ್ಯಾನ್ಸ್ ಇವರ ಪರವಾಗಿ ಹೇಳುತ್ತಿದ್ದಾರೆ. ಸಲ್ಲು ಭಾಯಿ ಸಿಂಪ್ಲಿಸಿಟಿಗೆ ಹೆಸರಾದವರು. ಶೂಸ್ ಹರಿದು ಹೋಗಿದ್ದರೂ ಅದನ್ನು ಹಾಕಿಕೊಂಡೇ ಪ್ರಮೋಷನ್ಗೆ ಬಂದಿದ್ದಾರೆ ಎಂದು ತಮ್ಮ ನಾಯಕನನ್ನು ಹಾಡಿ ಹೊಗಳಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಕೂಡ ಇವರ ಈ ಫೋಟೋಗೆ ಸಕತ್ ಪಾಸಿಟಿವ್ ಕಮೆಂಟ್ ಮಾಡಿದೆ. ಇದೇ ಕಾರಣಕ್ಕೆ ತಮಗೆ ಸಲ್ಮಾನ್ ಖಾನ್ ಇಷ್ಟ ಎಂದಿದ್ದಾರೆ.
ಆದರೆ ಇದು ಪಬ್ಲಿಸಿಟಿಯ ಪರಮಾವಧಿ ಎಂದು ಇನ್ನಿಷ್ಟು ಮಂದಿ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಕೈಯಲ್ಲಿ ಕೋಟಿ ಬೆಲೆ ಬಾಳುವ ವಾಚ್ ಧರಿಸಿ, ಕಾಲಲ್ಲಿ ಪಬ್ಲಿಸಿಟಿಗಾಗಿ ಹರಿದ ಶೂಸ್ ಧರಿಸಿರುವುದು ಯಾವ ಅವತಾರ ಎಂದು ಪ್ರಶ್ನಿಸುತ್ತಿದ್ದಾರೆ. ಬಡವನೊಬ್ಬ ಹರಿದ ಬಟ್ಟೆ ಧರಿಸಿದರೆ ಜನರು ಛೀ ಥೂ ಎನ್ನುತ್ತಾರೆ, ಇಂಥ ಸೆಲೆಬ್ರಿಟಿಗಳು ಪ್ರಚಾರಕ್ಕಾಗಿ ಹೀಗೆಲ್ಲಾ ಮಾಡಿದರೆ ತಲೆ ಮೇಲೆ ಇಟ್ಟುಕೊಂಡು ಕುಣಿದಾಡುತ್ತಾರೆ, ಎಂಥ ಸಮಾಜವಯ್ಯಾ ಎಂದು ಹಲವರು ಹೇಳುತ್ತಿದ್ದಾರೆ. ಒಂದು ವೇಳೆ ಶೂಸ್ ಹರಿದೇ ಹೋಗಿದ್ದರೂ ಚಿಟಿಕೆ ಹೊಡೆಯುವಷ್ಟರಲ್ಲಿ ಹೊಸ ಶೂಸ್ ತಂದುಕೊಡಲು ಜನರು ಇರುವಾಗ ಕೇವಲ ಪ್ರಚಾರದ ಗಿಮಿಕ್ಗಾಗಿ ಹೀಗೆಲ್ಲಾ ವರ್ತಿಸುತ್ತಾರೆ. ಅದಕ್ಕೂ ಫ್ಯಾನ್ಸ್ ಭೇಷ್ ಭೇಷ್ ಎನ್ನುತ್ತಾರೆ ಎಂದು ಹಲವರು ಟೀಕಿಸುತ್ತಿದ್ದಾರೆ. ಫೊಟೋದಲ್ಲಿ ನಟ ಕತ್ರೀನಾ ಕೈಫ್ ಹಾಗೂ ಅಭಿಮಾನಿಯೊಬ್ಬರ ಜೊತೆ ಪೋಸ್ ಕೊಟ್ಟಿದ್ದಾರೆ. ಅವರ ಕ್ಲೋಸಪ್ ಫೋಟೋ ವೈರಲ್ ಆಗಿದೆ.
