Alia Bhatt: ಪತ್ನಿಯಿಂದ ದೂರವಿರಿ ಎಂದು ರಣಬೀರ್ಗೆ ನೆಟ್ಟಿಗರ ಸಲಹೆ! ಯಾಕೆ ಗೊತ್ತಾ?
ನಟ ರಣಬೀರ್ ಕಪೂರ್ ಪತ್ನಿ ಆಲಿಯಾ ಭಟ್ ಅವರ ಒಂದು ಸೀನ್ ಅನುಕರಿಸಿದ್ದು, ಅವರಿಂದ ದೂರವಿರಿ ಎಂದು ಫ್ಯಾನ್ಸ್ ಹೇಳುತ್ತಿದ್ದಾರೆ.ಏನಿದು ದೃಶ್ಯ?
Followರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಬಿಟೌನ್‌ನ ಅತ್ಯಂತ ನೆಚ್ಚಿನ ಜೋಡಿ. ಕಳೆದ ಏಪ್ರಿಲ್ ತಿಂಗಳಿನಲ್ಲಿ ಮದುವೆಯಾಗಿ ನವೆಂಬರ್ ತಿಂಗಳಿನಲ್ಲಿ ಮುದ್ದು ಮಗಳ ತಾಯಿಯಾಗಿದ್ದಾರೆ ಆಲಿಯಾ ಭಟ್ (Alia Bhatt). ದಂಪತಿ ಇಬ್ಬರೂ ಮಗಳು ರಾಹಾಳನ್ನು ನೋಡಿಕೊಳ್ಳುವಲ್ಲಿ ನಿರತರಾಗಿದ್ದಾರೆ. ಈ ದಂಪತಿಯ ನಡುವೆ ಉತ್ತಮ ಕೆಮಿಸ್ಟ್ರಿ ಇದ್ದು, ಬೆಳ್ಳಿ ಪರದೆಯ ಮೇಲೆ ಇವರ ಜೋಡಿಗೆ ಲಕ್ಷಾಂತರ ಮಂದಿ ಅಭಿಮಾನಿಗಳಿದ್ದಾರೆ. ಏತನ್ಮಧ್ಯೆ, ರಣಬೀರ್ ಕಪೂರ್ ಅವರು ಈಗ ಒಂದು ರೀಲ್ಸ್ ಶೇರ್ ಮಾಡಿದ್ದು, ಬಹಳ ಸುದ್ದಿಯಾಗುತ್ತಿದೆ. ರಣಬೀರ್ ಕಪೂರ್ ಅವರ ಈ ಕೆಲಸದ ನಂತರ ಪತ್ನಿ ಆಲಿಯಾರಿಂದ ಸಾಧ್ಯವಾದಷ್ಟು ದೂರವಿರಿ ಎಂದು ರಣಬೀರ್ ಅವರಿಗೆ ಹಲವು ನೆಟ್ಟಿಗರು ಸಲಹೆ ಕೊಡುತ್ತಿದ್ದಾರೆ.
ಅಷ್ಟಕ್ಕೂ ರಣಬೀರ್ ಕಪೂರ್ (Ranabir Kapoor) ಪತ್ನಿಯಿಂದ ದೂರ ಇರುವಂಥದ್ದು ಮಾಡಿದ್ದಾದರೂ ಏನು ಅಂತೀರಾ? ಅವರು ಇನ್ಸ್ಟಾಗ್ರಾಮ್ನಲ್ಲಿ ಒಂದು ವಿಡಿಯೋ ಶೇರ್ ಮಾಡಿದ್ದಾರೆ. ಅದರಲ್ಲಿ ಹಲವು ನಟರ ಕೆಲವೊಂದು ಚಿತ್ರಗಳ ನಕಲು ಮಾಡಿದ್ದಾರೆ. ಕೆಲವು ಪ್ರಸಿದ್ಧ ಚಲನಚಿತ್ರಗಳ ನಾಯಕರ ಸೀನ್ ಒಂದನ್ನು ಮರುಸೃಷ್ಟಿಸಿದ್ದಾರೆ. ರಜನಿಕಾಂತ್, ನಾನಾ ಪಾಟೇಕರ್ ಸೇರಿದಂತೆ ಕೆಲವು ನಾಯಕರ ಪಾತ್ರವನ್ನು ಮಾಡಿತೋರಿಸಿದ್ದಾರೆ. ಅದರಲ್ಲಿ ಪತ್ನಿ ಆಲಿಯಾ ಭಟ್ ಅವರ ಪಾತ್ರವೊಂದರ ದೃಶ್ಯವೂ ಇದೆ. 'ರಾಝಿ' ಚಿತ್ರದ ಮುಜೆ ಘರ್ ಜಾನಾ ಹೈ (ನನಗೆ ಮನೆಗೆ ಹೋಗಬೇಕು) ಎಂದು ಆಲಿಯಾ ಭಟ್ ಅಳುವ ದೃಶ್ಯಗಳ ಅನುಕರಣೆಯನ್ನು ರಣಬೀರ್ ಕಪೂರ್ ಮಾಡಿ ತೋರಿಸಿದ್ದಾರೆ. ಈ ತಮಾಷೆಯ ಕ್ಷಣದ ನಂತರ, ಅಭಿಮಾನಿಗಳು ಆಲಿಯಾದಿಂದ ದೂರವಿರಲು ಸಲಹೆ ನೀಡುತ್ತಿದ್ದಾರೆ.
ಆಲಿಯಾ ಭಟ್ ಮತ್ತೊಮ್ಮೆ ಗರ್ಭಿಣಿನಾ? ಫೋಟೋ ಶೇರ್ ಮಾಡಿ ತಬ್ಬಿಬ್ಬುಗೊಳಿಸಿದ ನಟಿ
ವಾಸ್ತವವಾಗಿ, ರಣಬೀರ್ ಅವರ ಚಲನಚಿತ್ರ ತೂ ಝೂಟಿ, ಮೈನ್ ಮಕ್ಕಾರ್ ಪ್ರಚಾರದ ವೀಡಿಯೊದಲ್ಲಿ ಹೀಗೆ ಕೆಲವೊಂದು ತಮಾಷೆಯ ಸೀನ್ಗಳನ್ನು ಮಾಡಿದ್ದಾರೆ. ಅವರು ಜನಪ್ರಿಯ ಚಿತ್ರಗಳ ದೃಶ್ಯಗಳನ್ನು ಮರುಸೃಷ್ಟಿಸಿದ್ದಾರೆ. ರಜನಿಕಾಂತ್ ಅವರ 'Sh*t' ಚಿತ್ರದ ಒಂದು ದೃಶ್ಯ, ಮಿಸ್ಟರ್ ರೋಬೋಟ್‌ನ ಹ್ಯಾಕರ್‌ಮ್ಯಾನ್ ರಾಮಿ ಮಾಲೆಕ್ ಅವರಂತೆ, 'ಕಂಟ್ರೋಲ್ ಆರ್ಕೆ ಕಂಟ್ರೋಲ್' ಎಂದು ಹೇಳುವ ಮೂಲಕ ವೆಲ್ಕಮ್ ಚಿತ್ರದ ನಾನಾ ಪಾಟೇಕರ್ (Nana Patekar) ಅವರ ಉದಯ್ ಭಾಯಿ ಪಾತ್ರದ ದೃಶ್ಯವನ್ನು ಅನುಕರಿಸಿದ್ದಾರೆ. ನಂತರ 'ಯೇ ಜವಾನಿ ಹೈ ದೀವಾನಿ'ಯಿಂದ ತಮ್ಮದೇ ಆದ 'ತು, ಜಾ' ದೃಶ್ಯವನ್ನು ಅನುಕರಿಸಿದರೆ, ಕೊನೆಯಲ್ಲಿ ಆಲಿಯಾ ಭಟ್ ಅವರ ಅಳುವ ಪಾತ್ರವನ್ನು ಅನುಕರಿಸಿದ್ದಾರೆ.
ಇದನ್ನು ನೋಡಿ ಹಲವರು ತಮಾಷೆಯ ಕಮೆಂಟ್ ಮಾಡುತ್ತಿದ್ದಾರೆ. ಪತ್ನಿಯನ್ನೇ ಅನುಕರಿಸುವ ಧೈರ್ಯ ಬಂತಾ ಎಂದು ಕೆಲವರು ಕೇಳಿದರೆ, ಹೇ ಬ್ರದರ್ ಪತ್ನಿಗೆ ಹೆದರಿ ಎಂದು ಕೆಲವರು ಹೇಳಿದ್ದಾರೆ. ಸ್ವಲ್ಪ ದಿನ ಪತ್ನಿಯ ಎದುರಲ್ಲಿ ಕಾಣಿಸಿಕೊಳ್ಳಬೇಡಿ, ದೂರ ಇರಿ ಎಂದು ಹಲವರು ತಮಾಷೆ ಮಾಡಿದ್ದಾರೆ. ಇನ್ನು ರಣಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಅಭಿನಯದ ತು ಜೂಠಿ ಮೈನ್ ಮಕ್ಕಾರ್ (Tu Jhoothi Main Makkaar) ಚಿತ್ರದ ಬಗ್ಗೆ ಹೇಳುವುದಾದರೆ, ಚಿತ್ರವು ಬಿಡುಗಡೆಯಾದ ಮೊದಲ ದಿನದಲ್ಲಿ ನಿವ್ವಳ ಬಾಕ್ಸ್ ಆಫೀಸ್ ಕಲೆಕ್ಷನ್‌ನಲ್ಲಿ 15.73 ಕೋಟಿ ಗಳಿಸಿದೆ. ಇದೀಗ ಬಾಕ್ಸ್ ಆಫೀಸ್ ನಲ್ಲಿ 100 ಕೋಟಿ ಕ್ಲಬ್ ಸೇರುವ ಹಂತಕ್ಕೆ ಬಂದಿದೆ. ಲವ್ ರಂಜನ್ ನಿರ್ದೇಶನದ ಈ ರೊಮ್ಯಾಂಟಿಕ್ ಕಾಮಿಡಿ ಬುಧವಾರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಚಿತ್ರದಲ್ಲಿ ಡಿಂಪಲ್ ಕಪಾಡಿಯಾ, ಅನುಭವ್ ಸಿಂಗ್ ಬಸ್ಸಿ ಮತ್ತು ಬೋನಿ ಕಪೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
Alia Bhatt: '30'ರ ಕೇಕ್ ಜೊತೆ ಬಾಲಿವುಡ್ ಕ್ವೀನ್ ಬರ್ತಡೇ ಸೆಲಬ್ರೇಷನ್
