ಶಾರುಖ್ ಖಾನ್ ವಾಚಿನ ಬೆಲೆ ಕೇಳಿದ್ರೆ ತಲೆತಿರುಗಿ ಬೀಳೋದು ಗ್ಯಾರೆಂಟಿ!
ಸದ್ಯ ಸುದ್ದಿಯಲ್ಲಿರುವ ಬಾಲಿವುಡ್ ಬಾದ್ಶಾ ಶಾರುಖ್ ಖಾನ್, ಈಗ ಅವರ ವಾಚ್ನ ಬೆಲೆಯಿಂದಾಗಿ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಹಾಗಿದ್ದರೆ ಏನಿದು ವಾಚಿನ ರಹಸ್ಯ?
ನಟ ಶಾರುಖ್ ಖಾನ್ ಅವರ ಪಠಾಣ್ (Pathaan) ಚಿತ್ರಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಬಾಕ್ಸ್ ಆಫೀಸ್ನಲ್ಲಿ ಪಠಾಣ್ ಚಿಂದಿ ಉಡಾಯಿಸಿದ್ದರೂ, ಬೈಕಾಟ್ ಬಿಸಿಯ ಭಯದಲ್ಲಿ ಚಿತ್ರತಂಡವಿದೆ. ಶಾರುಖ್ ಅಭಿಮಾನಿಗಳು ಈ ಚಿತ್ರದ ಬಿಡುಗಡೆಗೆ ಕಾತರದಿಂದ ಕಾಯುತ್ತಿದ್ದರೆ, ಕೇಸರಿ ಬಿಕನಿಯ ಬೇಷರಂ ರಂಗ್ (Besharam Rang) ಹಾಡಿನ ಉರಿ ಇನ್ನೂ ಆರದ ಕಾರಣ, ಚಿತ್ರವನ್ನು ಬೈಕಾಟ್ ಮಾಡಲು ಮತ್ತೊಂದಿಷ್ಟು ಮಂದಿ ಕಾದಿದ್ದಾರೆ. ಬೈಕಾಟ್ (Boycott) ಬಿಸಿ ಅಸ್ಸಾಂನಲ್ಲಿ ಹೆಚ್ಚಾಗಿರುವ ಕಾರಣ, ಶಾರುಖ್ ಅವರು ಅಸ್ಸಾಂ ಮುಖ್ಯಮಂತ್ರಿಯವರಿಗೆ ಕರೆ ಮಾಡಿ ಚಿತ್ರತಂಡಕ್ಕೆ ರಕ್ಷಣೆ ನೀಡುವಂತೆ ಮನವಿಯನ್ನೂ ಮಾಡಿದ್ದಾರೆ. ಇದೆಲ್ಲದರ ನಡುವೆ ಈಗ ಶಾರುಖ್ ಖಾನ್ ಅವರ ವಾಚ್ ಭಾರಿ ಸುದ್ದಿಯಾಗುತ್ತಿದೆ.
ಹೌದು! ಶಾರುಖ್ ಖಾನ್ ಅವರ ವಾಚ್ಗೂ (Watch) ಪಠಾಣ್ ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ. ಆದರೆ ಈ ಚಿತ್ರದಿಂದಾಗಿ, ಅದರಲ್ಲಿಯೂ ವಿವಾದದ ಸುಳಿಯಲ್ಲಿ ಚಿತ್ರ ಸಿಲುಕಿದ್ದರಿಂದ ಶಾರುಖ್ ಮಾತ್ರ ಸದ್ಯ ಹಾಟ್ ಟಾಪಿಕ್ ಆಗಿದ್ದಾರೆ. ಈಗ ಅವರ ವಾಚ್ನತ್ತ ಹಲವರ ದೃಷ್ಟಿ ನೆಟ್ಟಿದೆ. ಶಾರುಖ್ ಖಾನ್ ‘ಪಠಾಣ್’ ಚಿತ್ರಕ್ಕಾಗಿ ಪಡೆದದ್ದು ಸುಮಾರು 40 ಕೋಟಿ ರೂಪಾಯಿ ಎನ್ನಲಾಗಿದೆ. ಇಷ್ಟೇ ಅಲ್ಲದೇ, ಚಿತ್ರದ ಲಾಭದಲ್ಲಿ ಬರುವ ಶೇರ್ ಕೂಡ ಪಡೆಯಲಿದ್ದಾರಂತೆ. ಇದನ್ನು ಅಂದಾಜಿಸಿದರೆ ಇವರ ಸಂಭಾವನೆ 100 ಕೋಟಿ ರೂಪಾಯಿ (100 crores)ಸಂಭಾವನೆ ಮೀರಬಹುದು.
ಪಠಾಣ್ ಚಿತ್ರಕ್ಕೆ ಶಾರುಖ್ ಇಷ್ಟು ಸಂಭಾವನೆ ಪಡೆದ್ರಾ? ದೀಪಿಕಾ, ಜಾನ್ಗೆ ಸಿಕ್ಕಿದ್ದೆಷ್ಟು?
ಇಂತಿಪ್ಪ ಶಾರುಖ್ ಖಾನ್ ಧರಿಸಿರುವ ವಾಚಿನ ಬೆಲೆ ಎಷ್ಟು ಗೊತ್ತಾ? ಬಹುಶಃ ನೀವು ಊಹಿಸಲಿಕ್ಕೂ ಸಾಧ್ಯವಿಲ್ಲ. ಅವರ ಐಷಾರಾಮಿ ವಾಚಿನ ಮೌಲ್ಯ ವಾಚ್ ಮೌಲ್ಯ 4,74,47,000. ಇದನ್ನು ಎಣಿಸಲು ಕಷ್ಟ ಆಗಬಹುದು, ಸುಲಭದಲ್ಲಿ ಹೇಳುವುದಾದರೆ ಇದರ ಮೌಲ್ಯ 4 ಕೋಟಿಯ 74 ಲಕ್ಷದ 47 ಸಾವಿರ ರೂಪಾಯಿಗಳು! ಜನಸಾಮಾನ್ಯನೊಬ್ಬ ಬಹುಶಃ ಜೀವನಪೂರ್ತಿ ನಿಯತ್ತಿನಿಂದ ದುಡಿದರೂ ಇಷ್ಟು ಮೊತ್ತವನ್ನು ನೋಡಿರಲು ಸಾಧ್ಯವಿಲ್ಲ. ಲಕ್ಷುರಿ ಲೈಫ್ಸ್ಟೈಲ್ಗೆ ಹೆಸರಾಗಿರುವ ಶಾರುಖ್ ಅಷ್ಟು ದುಬಾರಿ ಬೆಲೆಯ ವಾಚನ್ನು ಧರಿಸಿದ್ದಾರೆ. ಇವರ ವಾಚೀಗ ಸಾಮಾಜಿಕ ಜಾಲತಾಣದಲ್ಲಿ (social media) ಸಕತ್ ಸೌಂಡ್ ಮಾಡುತ್ತಿದೆ.
ಅಂದಹಾಗೆ ಅವರ ವಾಚು ಎಲ್ಲರ ಗಮನಕ್ಕೆ ಬಂದುದು ಅವರು ಈಚೆಗೆ ಇಂಟರ್ನ್ಯಾಷನಲ್ ಲೀಗ್ ಟಿ20 ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದ್ದಾಗ. ಆಗ ಸುದ್ದಿಯಾಗಿದ್ದ ವಾಚಿನ ಬಗ್ಗೆ ಈಗ ಎಲ್ಲರ ಬಾಯಲ್ಲೂ ಮಾತೇ ಮಾತು. ಅಷ್ಟಕ್ಕೂ ಈ ವಾಚಿನ ಬೆಲೆಯನ್ನು ಖುದ್ದು ಶಾರುಖ್ ಅವರೇನೂ ಹೇಳಿಲ್ಲ. ಆಡಮಾಸ್ ಪೀಗೆ (Audemars Piguet) ಬ್ರಾಂಡ್ನ ಈ ದುಬಾರಿ ವಾಚಿನ ಗುಟ್ಟನ್ನು ಅವರು ರಟ್ಟು ಮಾಡಿಯೂ ಇಲ್ಲ. ಆದರೆ ಅವರ ಫ್ಯಾನ್ ಒಬ್ಬ ಈ ವಾಚ್ನ ಬೆಲೆಯನ್ನು ಹುಡುಕಿ ಟ್ವೀಟ್ ಮಾಡಿದ್ದಾರೆ. ರಾಯಲ್ ಓಕ್ ಪರ್ಚುವಲ್ ಕ್ಯಾಲೆಂಡರ್ (Royal Oak Perchual Calendar) ಮಾಡೆಲ್ನ ಈ ವಾಚಿನ ಬೆಲೆ ಮಾರುಕಟ್ಟೆ ದರದಲ್ಲಿ ಹೇಳುವುದಾದರೆ ಸುಮಾರು 4 ಕೋಟಿ 74 ಲಕ್ಷ 47 ಸಾವಿರ ರೂಪಾಯಿ ಎಂದು ಅವರು ಹೇಳಿದ್ದಾರೆ.
'ಪಠಾಣ್' ವೀಕ್ಷಿಸಲು ಆಗದಿದ್ರೆ ಸಾಯ್ತೇನೆ: ವಿಡಿಯೋ ಮಾಡಿದ್ದಾನೆ ಈ ಯುವಕ!
ಈ ವಾಚಿನ ಬಗ್ಗೆ ಥಹರೇವಾರಿ ಕಮೆಂಟ್ಗಳು ಬರುತ್ತಿವೆ. ಒಂದು ಫಂಕ್ಷನ್ಗೆ ಅಟೆಂಡ್ ಆದರೆ ಸಾಕು, ಶಾರುಖ್ ಇದಕ್ಕಿಂತಲೂ ದುಬಾರಿ ಬೆಲೆಯನ್ನು ಪಡೆಯುವಾಗ ಅವರಿಗೆ ಇದೇನು ದೊಡ್ಡ ಮೊತ್ತವಲ್ಲ ಎಂದು ಒಬ್ಬ ಕಮೆಂಟಿಗ ಹೇಳಿದರೆ, ಕಾಲು ನಿಮಿಷದ ಜಾಹೀತಾರಿಗೆ ಇವರು ಇಷ್ಟು ಸಂಭಾವನೆ ಪಡೆಯಲಿಕ್ಕೆ ಸಾಕು, ಈ ಮೊತ್ತವೇನು ಮಹಾ ಎಂದು ಇನ್ನೊಬ್ಬ ಹೇಳಿದ್ದಾನೆ. ಮತ್ತೆ ಕೆಲವರು ಶಾರುಖ್ ಕಾಲೆಳೆದಿದ್ದು, ನಿಜಕ್ಕೂ ಇದು ನಿಮ್ಮ ನಿಯತ್ತಿನ ದುಡಿಮೆಯಿಂದ ಪಡೆದದ್ದಾ ಎಂದು ಪ್ರಶ್ನಿಸಿದ್ದರೆ, ಇನ್ನು ಕೆಲವರು ಯಾರೂ ಪುಕ್ಸಟೆ ಗಿಫ್ಟ್ ಕೊಟ್ಟಿರಬಹುದು ಎಂದಿದ್ದಾರೆ. ಒಟ್ಟಿನಲ್ಲಿ ಜಾಲತಾಣದಲ್ಲಿ ಶಾರುಖ್ ಅವರ ವಾಚಿನದ್ದೇ ಮಾತು.