ಮಾಜಿ ಪತಿಯ ಮದ್ವೆ ಆಗ್ತಿದ್ದಂತೆಯೇ, ನಾಯಿ ಜೊತೆ ಪಾರ್ಟಿಗೆ ಹೋದ ಮಲೈಕಾ ಅರೋರಾ: ನೆಟ್ಟಿಗರು ಹೀಗೆಲ್ಲಾ ಹೇಳೋದಾ?
ಅರ್ಬಾಜ್ ಖಾನ್ ಮದ್ವೆಯಾಗುತ್ತಿದ್ದಂತೆಯೇ ಅವರ ಮಾಜಿ ಪತ್ನಿ, ನಟಿ ಮಲೈಕಾ ಅರೋರಾ ನಾಯಿ ಜೊತೆ ಕ್ರಿಸ್ಮಸ್ ಪಾರ್ಟಿಗೆ ಹೋಗಿದ್ದು, ಸಾಕಷ್ಟು ಟ್ರೋಲ್ಗೆ ಒಳಗಾಗುತ್ತಿದ್ದಾರೆ.
ನಟ ಸಲ್ಮಾನ್ ಖಾನ್ ಸಹೋದರ, ನಟಿ ಮಲೈಕಾ ಶರಾವತ್ ಮಾಜಿ ಪತಿ, ರೂಪದರ್ಶಿ ಜಾರ್ಜಿಯಾ ಆಂಡ್ರಿಯಾನಿ ಮಾಜಿ ಲಿವ್ ಇನ್ ಪಾರ್ಟನರ್ ಅರ್ಬಾಜ್ ಖಾನ್ ನಿನ್ನೆ ಅಂದ್ರೆ ಡಿಸೆಂಬರ್ 25ರಂದು ಮರು ಮದುವೆಯಾದರು. ಸಹೋದರಿ ಅರ್ಪಿತಾ ಖಾನ್ ಶರ್ಮಾ ಅವರ ಮನೆಯಲ್ಲಿ ಕೆಲವೇ ಅತಿಥಿಗಳ ಸಮ್ಮುಖದಲ್ಲಿ 56 ವರ್ಷದ ಅರ್ಬಾಜ್ ಖಾನ್ ಅವರು 33 ವರ್ಷದ ಶುರಾ ಖಾನ್ ಅವರ ಕೈಹಿಡಿದರು. ಮದುವೆಯಲ್ಲಿ ಮಲೈಕಾ ಪುತ್ರ ಅರ್ಹಾನ್ ಖಾನ್ ಕೂಡ ಆಗಮಿಸಿ ಸಂಗೀತ, ನೃತ್ಯ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಅಪ್ಪನ ಮದ್ವೆಗೆ ಭರ್ಜರಿ ಡ್ಯಾನ್ಸ್ ಕೂಡ ಮಾಡಿದ್ದರು. ಇದು ಸೋಷಿಯಲ್ ಮೀಡಿಯಾದಲ್ಲಿ ಸಕತ್ ಸದ್ದು ಮಾಡುತ್ತಿದೆ. ಆದರೆ ಮಲೈಕಾ ಶರಾವತ್ ಮಾತ್ರ ಮಾಜಿ ಪತಿಯ ಮದ್ವೆಗೆ ಹೋಗಿರಲಿಲ್ಲ.
ಇದರ ನಡುವೆಯೇ, ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ನಡುವೆ ಎಲ್ಲವೂ ಸರಿಯಿಲ್ಲ ಎಂದೇ ಹೇಳಲಾಗುತ್ತಿದೆ. ಮಲೈಕಾ ಅರೋರಾ (Malaika Arora) ಮತ್ತು ಅರ್ಬಾಜ್ ಖಾನ್ ಅವರನ್ನು ಹಿಂದಿನ ದಿನದ ಹಾಟೆಸ್ಟ್ ಜೋಡಿಗಳಲ್ಲಿ ಒಂದು ಎಂದೇ ಕರೆಯಲಾಗುತ್ತಿತ್ತು. ಆದರೆ ಅವರು ಬೇರ್ಪಟ್ಟು ಹಲವು ವರ್ಷಗಳೇ ಕಳೆದಿವೆ. 2017ರಲ್ಲಿ ಈ ಜೋಡಿ ಬೇರ್ಪಟ್ಟಿದೆ. ಮಲೈಕಾ ಅರೋರಾಗೆ ಈಗ 49 ವರ್ಷ ವಯಸ್ಸು. ಅರ್ಬಾಜ್ ಖಾನ್ ಜೊತೆ ಬೇರ್ಪಟ್ಟ ಬಳಿಕ 12 ವರ್ಷ ಚಿಕ್ಕವಾಗಿರುವ ನಟ ಅರ್ಜುನ್ ಕಪೂರ್ (Arjun Kapoor) ಜೊತೆ ಕೆಲ ವರ್ಷಗಳಿಂದ ಡೇಟಿಂಗ್ ಮಾಡುತ್ತಿದ್ದಾರೆ ಮಲೈಕಾ. ಇವರಿಬ್ಬರು ಜೊತೆಯಾಗಿ ಕಾಣಿಸಿಕೊಂಡಾಗ ಆಗುವಷ್ಟು ಟ್ರೋಲ್ ಇನ್ನಾವುದಕ್ಕೂ ಆಗುತ್ತಿಲ್ಲ ಎನ್ನಬಹುದೇನೋ. ಮಲೈಕಾ ಅರ್ಜುನ್ ಕಪೂರ್ ಜೊತೆ ಡೇಟಿಂಗ್ನಲ್ಲಿದ್ದರೂ ಮಗನಿಗಾಗಿ ಆಗಾಗ್ಗೆ ಅರ್ಬಾಜ್ ಖಾನ್ರನ್ನು ಭೇಟಿಯಾಗುವುದು, ತಬ್ಬಿಕೊಳ್ಳುವುದು ನಡೆದಿದ್ದು, ಇವುಗಳ ವಿಡಿಯೋಗಳೂ ವೈರಲ್ ಆಗುತ್ತಲೇ ಇರುತ್ತವೆ. ಆದರೆ ಇದರ ಬೆನ್ನಲ್ಲೇ ಇವರಿಬ್ಬರೂ ಬ್ರೇಕಪ್ ಆಗಿದ್ದಾರೆ ಎಂಬ ಭಾರಿ ಸುದ್ದಿ ಬಿ ಟೌನ್ನಲ್ಲಿ ಹರಿದಾಡುತ್ತಿದೆ.
56 weds 33! ಮಂಟಪಕ್ಕೆ ಬಂದ 56ರ ಮದುಮಗ ಅರ್ಬಾಜ್ ಖಾನ್: ಮದ್ವೆಮನೆ ವಿಡಿಯೋ ವೈರಲ್
ಇದೀಗ ಮಾಜಿ ಪತಿಯ ಮದುವೆಯ ಬೆನ್ನಲ್ಲೇ ಮಗನ ಜೊತೆ ನಾಯಿ ಹಿಡಿದುಕೊಂಡು ಮಲೈಕಾ ಕ್ರಿಸ್ಮಸ್ ಪಾರ್ಟಿಗೆ ಹೋಗಿರುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಅಂಥದ್ದೇನೂ ವಿಶೇಷವಿಲ್ಲ. ಮಗ ಅರ್ಹಾನ್ ಜೊತೆ ಮಲೈಕಾ ಹೋಗಿದ್ದಾರೆ. ಆದರೆ ಅರ್ಬಾಜ್ ಖಾನ್ ಮದ್ವೆ ಸಕತ್ ಸದ್ದುಮಾಡುತ್ತಿರುವ ಕಾರಣ, ಇದರಲ್ಲಿಯೂ ಟ್ರೋಲಿಗರು ಮಲೈಕಾ ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ. ಅರ್ಬಾಜ್ ಖಾನ್ ಇನ್ನೊಂದು ಮದ್ವೆಯಾಗಿರುವುದರಿಂದ ನಟಿಯ ಮೊಗದಲ್ಲಿ ತುಂಬಾ ಬೇಸರ ಕಾಣಿಸುತ್ತಿದೆ, ಅದು ಗೊತ್ತಾಗಬಾರದು ಎಂದು ಕೂಲಿಂಗ್ ಗ್ಲಾಸ್ ಹಾಕಿ ಬಂದಿದ್ದಾರೆ ಎನ್ನುವುದು ಹಲವು ನೆಟ್ಟಿಗರ ಅಭಿಮತ. ಅಪರೂಪದಕ್ಕೆ ದೇಹ ಪ್ರದರ್ಶನ ಮಾಡದೇ ಮಲೈಕಾ ಕಾಣಿಸಿಕೊಂಡಿರುವ ಬಗ್ಗೆಯೂ ಕಮೆಂಟ್ಗಳ ಸುರಿಮಳೆಯಾಗುತ್ತಿದೆ. ಮಗ ಮದ್ವೆಗೆ ಹೋದರೂ ಮಲೈಕಾ ಗೈರಾಗಿದ್ದು ಕೂಡ ಸಾಕಷ್ಟು ಚರ್ಚೆಗೆ ಒಳಗಾಗುತ್ತಿದೆ.
ಈಕೆ ತುಂಬಾ ನೋವಿನಿಂದ ಇರುವಂತೆ ಕಾಣುತ್ತಿದೆ ಎಂದು ಒಬ್ಬರು ಹೇಳಿದ್ರೆ, ಅರ್ಜುನ್ ಕಪೂರ್ ಬದ್ಲು ನಾಯಿ ಯಾಕೆ ಅಂತ ನಟಿಯ ಕಾಲೆಳೆದಿದ್ದಾರೆ ಇನ್ನು ಕೆಲವರು. ಮಾಜಿ ಪತಿ ಮದ್ವೆಯಾಯ್ತು, ತಾನಿನ್ನೂ ಲಿವ್ ಇನ್ ನಲ್ಲಿಯೇ ಇರೋ ನೋವು ಕಾಡ್ತಿದೆ ಮಲ್ಲಿಕಾಗೆ ಎಂದು ಕೆಲವರು ಹೇಳುತ್ತಿದ್ದರೆ, ಅರ್ಜುನ್ ಕಪೂರ್ಗಿಂತ ನಾಯಿಯೇ ಬೆಸ್ಟ್ ಅಂತ ಅಂದ್ಕೊಂಡಿರ್ಬೇಕು ಈಕೆ ಎಂದು ಮತ್ತೆ ಕೆಲವರು ಕಮೆಂಟ್ ಮಾಡುತ್ತಿದ್ದಾರೆ. ಇನ್ನು ಮಗನನ್ನೂ ಬಿಡದ ಕೆಲ ನೆಟ್ಟಿಗರು, ಮಗ ನೋಡಿ ಪಾಪ ರಾತ್ರಿ ಅಪ್ಪನ ಮದ್ವೆಗೆ ಹೋಗ್ಬೇಕು, ಬೆಳಿಗ್ಗೆ ಅಮ್ಮನ ಜೊತೆ ವಾಕಿಂಗ್ಗೆ ಬರ್ಬೇಕು... ಇಬ್ಬರನ್ನೂ ಮೆಂಟೇನ್ ಮಾಡುವುದು ಎಷ್ಟು ಕಷ್ಟ ಎನ್ನುತ್ತಿದ್ದಾರೆ. ಒಟ್ಟಿನಲ್ಲಿ ಅರ್ಬಾಜ್ ಖಾನ್ ಅವರ ಮರು ಮದುವೆ ಹಾಗೂ ಮಲೈಕಾ ಮತ್ತು ಅರ್ಜುನ್ ಕಪೂರ್ ನಡುವಿನ ಬ್ರೇಕಪ್ ವದಂತಿ ಸದ್ಯ ಟ್ರೋಲಿಗರ ಬಾಯಿಗೆ ಆಹಾರ ಆಗುತ್ತಿದೆ.
ಇಬ್ಬರು ಮಕ್ಕಳ ಜೊತೆ ಕಾಣಿಸಿಕೊಂಡ ಅಭಿಷೇಕ್ ಬಚ್ಚನ್ ಎಕ್ಸ್ ಕರಿಷ್ಮಾ ಕಪೂರ್: ಈಕೆಯದ್ದು ನೋವಿನ ಬದುಕು!
