ಬಾಲಿವುಡ್ ಇಂಡಸ್ಟ್ರಿ ತೆಗಳಿ, ದಕ್ಷಿಣದ ಚಿತ್ರೋದ್ಯಮ ಹೊಗಳಿದ ನಟ ಇಮ್ರಾನ್ ಹಶ್ಮಿ ಹೇಳಿದ್ದೇನು?
ಬಾಲಿವುಡ್ ಇಂಡಸ್ಟ್ರಿಯನ್ನು ತೆಗಳಿ, ದಕ್ಷಿಣದ ಚಿತ್ರೋದ್ಯಮ ಹೊಗಳಿದ ನಟ ಇಮ್ರಾನ್ ಹಶ್ಮಿ. ಇವರು ಹೇಳಿದ್ದೇನು?
ಬಾಲಿವುಡ್ ನಟ, ಇಮ್ರಾನ್ ಹಶ್ಮಿ ಕೊನೆಯದಾಗಿ ಸಲ್ಮಾನ್ ಖಾನ್ ಅಭಿನಯದ ಟೈಗರ್ 3 ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಈಗ ಅವರು ಶೀಘ್ರದಲ್ಲೇ ತೆಲುಗು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಲಿದ್ದಾರೆ. ಇತ್ತೀಚಿನ ಸಂದರ್ಶನವೊಂದರಲ್ಲಿ ಅವರು ದಕ್ಷಿಣ ಭಾರತದ ಚಿತ್ರಗಳಿಗೂ ಹಿಂದಿ ಚಿತ್ರಗಳಿಗೂ ಇರುವ ವ್ಯತ್ಯಾಸದ ಬಗ್ಗೆ ಮಾತನಾಡಿದ್ದಾರೆ. ಹಿಂದಿ ಚಲನಚಿತ್ರೋದ್ಯಮವು ತಪ್ಪು ಸ್ಥಳಗಳಲ್ಲಿ ಹಣವನ್ನು ಖರ್ಚು ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ. ತಪ್ಪು ಸ್ಥಳದಲ್ಲಿ ಹಣ ಖರ್ಚು ಮಾಡುವುದು ತುಂಬಾ ವ್ಯರ್ಥ ಎಂದು ತೋರುತ್ತದೆ. ಇದು ಸರಿಯಲ್ಲ ಎಂದಿರುವ ನಟ, ದಕ್ಷಿಣ ಭಾರತದ ಚಿತ್ರ ನಿರ್ಮಾಪಕರನ್ನು ಈ ಸಂದರ್ಭದಲ್ಲಿ ಹೊಗಳಿದ್ದಾರೆ.
ಅಂದಹಾಗೆ, ಇಮ್ರಾನ್ ಹಶ್ಮಿ ಶೀಘ್ರದಲ್ಲೇ ಪವನ್ ಕಲ್ಯಾಣ್ ಅವರ ತೆಲುಗು ಚಿತ್ರ OG ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 'ಟೈಗರ್ 3' ಚಿತ್ರದಂತೆ ಇಮ್ರಾನ್ 'OG' ಚಿತ್ರದಲ್ಲೂ ನೆಗೆಟಿವ್ ರೋಲ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 'ಟೈಮ್ಸ್ ಆಫ್ ಇಂಡಿಯಾ' ಜೊತೆ ಮಾತನಾಡುತ್ತಾ, ಇಮ್ರಾನ್ ಹಶ್ಮಿ ಅವರು ದಕ್ಷಿಣದ ಚಿತ್ರಗಳ ಬಗ್ಗೆ ಮಾತನಾಡಿದರು. ದಕ್ಷಿಣದ ಚಿತ್ರಗಳಲ್ಲಿ ಪಾತ್ರಗಳನ್ನು ಚೆನ್ನಾಗಿ ಬರೆಯಲಾಗುತ್ತದೆ ಎಂದ ಅವರು, ಉದಾಹರಣೆಯಾಗಿ 'OG' ಚಿತ್ರದ ಕುರಿತು ಮಾತನಾಡಿದರು. ಈ ಚಿತ್ರದಲ್ಲಿ ತಮ್ಮ ಪಾತ್ರವನ್ನು ತುಂಬಾ ಸುಂದರವಾಗಿ ಬರೆಯಲಾಗಿದೆ ಎಂದರು. ಜೊತೆಗೆ ಇಮ್ರಾನ್ 'OG' ನಿರ್ದೇಶಕ ಸುಜೀತ್ ಅವರನ್ನು ಹೊಗಳಿದರು. ಸುಜೀತ್ ಪ್ರಭಾಸ್ ಅಭಿನಯದ 'ಸಾಹೋ' ಸಿನಿಮಾ ಮಾಡಿದ್ದರು. ಹಿಂದಿ ಚಿತ್ರ ನಿರ್ಮಾಪಕರಿಗೆ ಹೋಲಿಸಿದರೆ ಸೌತ್ ಸಿನಿಮಾ ನಿರ್ಮಾಪಕರ ಕೆಲಸ ಮಾಡುವ ರೀತಿ ವಿಭಿನ್ನವಾಗಿದೆ ಎಂದು ಇಮ್ರಾನ್ ಹೇಳಿದ್ದಾರೆ.
ಚುಂಬಿಸಿದ್ದೇ ತಪ್ಪಾಗೋಯ್ತಾ? ಕರಾಳ ದಿನವನ್ನು ನೆನೆದ 'ಗಜ' ನಟಿ ನವ್ಯಾ ನಾಯರ್!
ಅವರ ಪ್ರಕಾರ, ಹಿಂದಿ ಚಲನಚಿತ್ರೋದ್ಯಮದಲ್ಲಿ ತಪ್ಪು ಸ್ಥಳಗಳಲ್ಲಿ ಹಣವನ್ನು ಖರ್ಚು ಮಾಡಲಾಗುತ್ತದೆ. ಈ ಕುರಿತು ಇನ್ನಷ್ಟು ವಿವರಣೆ ನೀಡಿದ ಅವರು, ಬಾಲಿವುಡ್ನಲ್ಲಿ ಹಣವನ್ನು ದುರುಪಯೋಗ ಮಾಡಿಕೊಳ್ಳುವ ಕುರಿತು ಪರದೆಯ ಮೇಲೆ ಗೋಚರಿಸುವುದಿಲ್ಲ. ಬಾಲಿವುಡ್ ಚಿತ್ರ ನಿರ್ಮಾಪಕರು ದಕ್ಷಿಣದಿಂದ ಬಹಳಷ್ಟು ಕಲಿಯಬೇಕಾಗಿದೆ ಎಂದರು. ಅವರ ಈ ಮಾತನ್ನು ‘ಟೈಗರ್ 3’ ಚಿತ್ರದ ಜೊತೆಗೆ ಹೋಲಿಕೆ ಮಾಡಲಾಗುತ್ತಿದೆ. 'ಟೈಗರ್ 3' ಇಮ್ರಾನ್ ವೃತ್ತಿಜೀವನದ ಅತ್ಯಂತ ಲಾಭದಾಯಕ ಚಿತ್ರವಾಗಿರಬಹುದು. ಆದರೆ ಈ ಚಿತ್ರದಲ್ಲಿ ಅವರ ಕೆಲಸ ಇಷ್ಟವಾಗಲಿಲ್ಲ. ಅವರ ಪಾತ್ರವನ್ನು ಅರೆಬೆಂದ ರೀತಿಯಲ್ಲಿ ಬರೆಯಲಾಗಿದೆ ಎಂದೂ ಹೇಳಲಾಗಿದೆ. ಚಿತ್ರ ಸಾಕಷ್ಟು ಟೀಕೆಗೂ ಗುರಿಯಾಗಿತ್ತು. ಚಿತ್ರದ ಬರವಣಿಗೆ ದುರ್ಬಲವಾಗಿದೆ ಎಂದು ವಿಮರ್ಶಕರು ನಂಬಿದ್ದರು, ಇದರಿಂದಾಗಿ ಚಿತ್ರವು ನಿರೀಕ್ಷಿತ ಪ್ರಮಾಣದಲ್ಲಿ ಮನರಂಜನೆ ನೀಡಲು ಸಾಧ್ಯವಾಗಲಿಲ್ಲ. ಆದರೆ, ಇಮ್ರಾನ್ ತಮ್ಮ ಸಂಭಾಷಣೆಯಲ್ಲಿ ಎಲ್ಲಿಯೂ 'ಟೈಗರ್ 3' ಬಗ್ಗೆ ಪ್ರಸ್ತಾಪಿಸಲಿಲ್ಲ.
ಇದಲ್ಲದೇ ತೆಲುಗಿನ ಮತ್ತೊಂದು ಚಿತ್ರದಲ್ಲಿಯೂ ಅವರನ್ನು ಸಂಪರ್ಕಿಸಲಾಗಿದೆ ಎಂಬ ವರದಿಗಳೂ ಇವೆ. ಆದರೆ, ಆ ಚಿತ್ರದಲ್ಲಿ ಕೆಲಸ ಮಾಡಲು ಇಮ್ರಾನ್ ಒಪ್ಪಿರಲಿಲ್ಲ. ಇಮ್ರಾನ್ ಶೀಘ್ರದಲ್ಲೇ ಸಾರಾ ಅಲಿ ಖಾನ್ ಅಭಿನಯದ 'ಏ ವತನ್ ಮೇರೆ ವತನ್' ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಲಿದ್ದಾರೆ. ವರದಿಗಳ ಪ್ರಕಾರ ಅವರು ಚಿತ್ರದಲ್ಲಿ ರಾಮ್ ಮನೋಹರ್ ಲೋಹಿಯಾ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಅನಂತ್ ಅಂಬಾನಿ ಜೊತೆ ಆಲಿಯಾ ಪುತ್ರಿ ಕ್ಯೂಟ್ ಮಾತುಕತೆ: ಈಗಲೇ ಸ್ಕೆಚ್ ಹಾಕಿದ್ದಾಳೆ ಎಂದ ಫ್ಯಾನ್ಸ್...
