2023ರಲ್ಲಿ ಗೂಗಲ್ನಲ್ಲಿ ಅತಿ ಹೆಚ್ಚು ಹುಡುಕಿದ್ದೇ ಈಕೆಯನ್ನು! ಎಲ್ಲಾ ಕ್ಷೇತ್ರಗಳ ಸೆಲೆಬ್ರಿಟಿಗಳನ್ನು ಹಿಂದಿಕ್ಕಿದ ಚೆಲುವೆ ಯಾರು?
2023ರಲ್ಲಿ ಗೂಗಲ್ನಲ್ಲಿ ಅತಿ ಹೆಚ್ಚು ಹುಡುಕಿದ್ದೇ ಈ ಬಾಲಿವುಡ್ ನಟಿಯನ್ನು. ಎಲ್ಲಾ ಕ್ಷೇತ್ರಗಳ ಸೆಲೆಬ್ರಿಟಿಗಳನ್ನು ಹಿಂದಿಕ್ಕಿದ ಚೆಲುವೆ ಯಾರ್ ಗೊತ್ತಾ?
2023 ರ ವರ್ಷವು ಇನ್ನೇನು ಕೆಲವೇ ದಿನಗಳಲ್ಲಿ ಕೊನೆಗೊಳ್ಳಲಿದೆ. ಇಂತಹ ಸನ್ನಿವೇಶದಲ್ಲಿ ಗೂಗಲ್ ಇಂಡಿಯಾ ಅತಿ ಹೆಚ್ಚು ಸರ್ಚ್ ಮಾಡಿದವರ ಟಾಪ್ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಈ 10 ಜನರ ಪಟ್ಟಿಯಲ್ಲಿ, ಒಬ್ಬ ಬಾಲಿವುಡ್ ತಾರೆಯನ್ನು ಹೆಚ್ಚು ಹುಡುಕಲಾಗಿದೆ. ಅಂದರೆ ಈಕೆ ಟಾಪ್-1 ಸ್ಥಾನದಲ್ಲಿದ್ದಾರೆ. ಬಾಲಿವುಡ್ ನಟರು ಎಂದಾಕ್ಷಣ ಸಾಮಾನ್ಯವಾಗಿ ಶಾರುಖ್ ಖಾನ್, ಸಲ್ಮಾನ್ ಖಾನ್ ಇಂಥವರೇ ನೆನಪಾಗುತ್ತಾರೆ. ಆದರೆ ಈಕೆ ಎಲ್ಲರನ್ನೂ ಮೀರಿ ಗೂಗಲ್ ಸರ್ಚ್ನಲ್ಲಿ ಟಾಪ್-1 ಸ್ಥಾನ ಪಡೆದಿದ್ದಾರೆ. ಮಾತ್ರವಲ್ಲದೇ ವಿವಿಧ ಕ್ಷೇತ್ರಗಳ ಗಣ್ಯರ, ಸೆಲೆಬ್ರಿಟಿಗಳನ್ನು ಮೀರಿ ಇವರು ಟಾಪ್-1 ಸ್ಥಾನ ಪಡೆದಿದ್ದಾರೆ. ಈ ಪಟ್ಟಿಯಲ್ಲಿ ಕ್ರಿಕೆಟಿಗರು ಮತ್ತು ಬಿ-ಟೌನ್ ತಾರೆಗಳೂ ಸೇರಿದ್ದಾರೆ. ಈಗ ಯೋಚಿಸಬೇಕಾದ ವಿಷಯವೆಂದರೆ ಈ ಟಾಪ್ 10 ಪಟ್ಟಿಯಲ್ಲಿ ಯಾರ ಹೆಸರು ಅಗ್ರಸ್ಥಾನದಲ್ಲಿದೆ ಎಂಬುದು. ಹಾಗಿದ್ದರೆ ಈ ನಟಿ ಯಾರು ಹಾಗೂ ಟಾಪ್ 10 ಸ್ಥಾನದಲ್ಲಿ ಇರುವ ವಿವಿಧ ಸೆಲೆಬ್ರಿಟಿಗಳು ಯಾರು ಎಂದು ನೋಡೋಣ.
ಈ ಟಾಪ್-10 ಪಟ್ಟಿಯಲ್ಲಿ ಮನರಂಜನಾ ಉದ್ಯಮಕ್ಕೆ ಸಂಬಂಧಿಸಿದ ಮೂವರು ಇದ್ದಾರೆ. ಉಳಿದವರು ವಿವಿಧ ಕ್ಷೇತ್ರದ ವ್ಯಕ್ತಿಗಳು. ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವವರು ಒಬ್ಬ ಉದ್ಯಮಿ ಅಥವಾ ಕ್ರಿಕೆಟಿಗರಲ್ಲ, ಬದಲಾಗಿ ಬಾಲಿವುಡ್ನ ನಟನೂ ಅಲ್ಲ, ಬದಲಿಗೆ ಬಾಲಿವುಡ್ ನಟಿ. ಇದರರ್ಥ 2023 ರಲ್ಲಿ ಭಾರತದಲ್ಲಿ ಒಬ್ಬ ಬಿ-ಟೌನ್ ಸ್ಟಾರ್ ಅನ್ನು ಅತಿ ಹೆಚ್ಚು ಹುಡುಕಲಾಗಿದೆ. ಈಕೆಯೇ ಬಾಲಿವುಡ್ ಬೆಡಗಿ ಕಿಯಾರಾ ಅಡ್ವಾಣಿ. ಕಿಯಾರಾ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದರೆ, ಅವರ ಪತಿ ಸಿದ್ಧಾರ್ಥ್ ಮಲ್ಹೋತ್ರಾ ಕೂಡ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ಅವರು ಈ ಪಟ್ಟಿಯಲ್ಲಿ ಇತರ ಬಾಲಿವುಡ್ ತಾರೆಯರಿಗಿಂತ ಮೇಲಿದ್ದಾರೆ, ಆದರೆ ಅವರ ಪತ್ನಿಗಿಂತ ಕೆಳಗಿದ್ದಾರೆ. ಸಿದ್ಧಾರ್ಥ್ ಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿದ್ದಾರೆ.
ENTERTAINMENT 2023: ಈ ನಟರಿಗೆ ಬಾಕ್ಸ್ ಆಫೀಸ್ ಚಿಂದಿ ಉಡಾಯಿಸುವಂತೆ ಹೊಸಜೀವ ಕೊಟ್ಟ ವರ್ಷವಿದು!
ಈ ಜೋಡಿ ಬಗ್ಗೆ ಹೇಳುವುದಾದರೆ, ಅವರ ಮದುವೆಯ ಬಗ್ಗೆ ಚರ್ಚೆಯಿಂದಾಗಿ ಅವರು ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ಕಳೆದ ಫೆಬ್ರುವರಿಯಲ್ಲಷ್ಟೇ ನಟಿ ಕಿಯಾರಾ ಅಡ್ವಾಣಿ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ (Sidharth Malhotra) ಅವರ ಮದುವೆಯಾಗಿದೆ. ಭರ್ಜರಿ ಮದುವೆ, ಅದ್ಧೂರಿ ಗಿಫ್ಟ್ ಮೂಲಕ ಈ ಜೋಡಿ ತಿಂಗಳುಗಟ್ಟಲೆ ಭಾರಿ ಸುದ್ದಿಯಲ್ಲಿತ್ತು. ಇದರಿಂದಾಗಿ ನಟಿಯ ಪತಿ ಕೂಡ ಈ ಪಟ್ಟಿಯಲ್ಲಿ ಸ್ಥಾನ ಪಡೆಯಲು ಸಾಧ್ಯವಾಗಿದೆ. ಇದಾದ ಬಳಿಕ ಮದುವೆಯಾದ ಮೇಲೆ ಕಿಯಾರಾ ಅಡ್ವಾಣಿಯ ಬೆತ್ತಲೆ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡಿತ್ತು. ಟಾಪ್ಲೆಸ್ ಆಗಿರುವ ಕಿಯಾರಾ ಎಲೆಯಿಂದ ತಮ್ಮ ದೇಹವನ್ನು ಮುಚ್ಚಿಕೊಂಡಿರುವ ಫೋಟೋ ಇದಾಗಿದೆ. ಇದು ಸುದ್ದಿಯಾಗುತ್ತಲೇ ಕಿಯಾರಾ ಅಡ್ವಾಣಿ ಎಂದು ಹೆಚ್ಚು ಹೆಚ್ಚು ಜನರು ಈಕೆಯನ್ನು ಸರ್ಚ್ ಮಾಡಿದ್ದೂ ಟಾಪ್1 ಗೆ ಬರಲು ಕಾರಣ ಎನ್ನಲಾಗುತ್ತಿದೆ. ಇವರಿಬ್ಬರನ್ನು ಹೊರತುಪಡಿಸಿ ಮನರಂಜನಾ ಕ್ಷೇತ್ರದ ಎಲ್ವಿಶ್ ಯಾದವ್ ಹೆಸರು ಟಾಪ್-10 ಲಿಸ್ಟ್ನಲ್ಲಿದೆ.
ಇನ್ನುಳಿದಂತೆ ವಿವಿಧ ಕ್ಷೇತ್ರಗಳ ಗಣ್ಯರು ಈ ಲಿಸ್ಟ್ನಲ್ಲಿ ಟಾಪ್-10 ಸ್ಥಾನ ಪಡೆದುಕೊಂಡಿದ್ದಾರೆ. ಈ ಪಟ್ಟಿಯಲ್ಲಿ ಹಲವು ಕ್ರಿಕೆಟಿಗರೂ ಇದ್ದಾರೆ. ಶುಭಮನ್ ಗಿಲ್ ಎರಡನೇ ಸ್ಥಾನದಲ್ಲಿದ್ದರೆ, ಮೊಹಮ್ಮದ್ ಶಮಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಐಪಿಎಲ್ ಮತ್ತು ವಿಶ್ವಕಪ್ ಸಮಯದಲ್ಲಿ ವಿದೇಶಿ ಕ್ರಿಕೆಟ್ ಆಟಗಾರರನ್ನು ಭಾರತದಲ್ಲಿ ವ್ಯಾಪಕವಾಗಿ ಹುಡುಕಲಾಗಿದೆ.
Entertainment 2023: ಈ ವರ್ಷ ಗೂಗಲ್ನಲ್ಲಿ ಹುಡುಕಾಟ ನಡೆಸಿದ ಟಾಪ್-10 ಚಿತ್ರಗಳ ಡಿಟೇಲ್ಸ್ ಇಲ್ಲಿದೆ...
2023 ರಲ್ಲಿ ಗೂಗಲ್ ಇಂಡಿಯಾದಲ್ಲಿ ಹೆಚ್ಚು ಹುಡುಕಲ್ಪಟ್ಟ ವ್ಯಕ್ತಿಗಳ ಪಟ್ಟಿ ಕ್ರಮವಾಗಿ ಹೇಳುವುದಾದರೆ:
ಕಿಯಾರಾ ಅಡ್ವಾಣಿ
ಶುಭಮನ್ ಗಿಲ್
ರಚಿನ್ ರವೀಂದ್ರ
ಮೊಹಮ್ಮದ್ ಶಮಿ
ಎಲ್ವಿಶ್ ಯಾದವ್
ಸಿದ್ಧಾರ್ಥ್ ಮಲ್ಹೋತ್ರಾ
ಗ್ಲೆನ್ ಮ್ಯಾಕ್ಸ್‌ವೆಲ್
ಡೇವಿಡ್ ಬೆಕ್ಹ್ಯಾಮ್
ಸೂರ್ಯಕುಮಾರ್ ಯಾದವ್
ಟ್ರಾವಿಸ್ ಟೇಲ್
