2023ರಲ್ಲಿ ಗೂಗಲ್ನಲ್ಲಿ ಹುಡುಕಾಟ ನಡೆಸಿದ ಟಾಪ್-10 ಚಿತ್ರಗಳು ಯಾವುವು? ಓಟಿಟಿಯಲ್ಲಿ ಅತ್ಯಧಿಕ ಹುಡುಕಾಟ ನಡೆಸಿದ ಚಿತ್ರ ಹಾಗೂ ರಿಯಾಲಿಟಿ ಷೋಗಳು ಯಾವುವು?
2023 ಮುಗಿಯಲು ಇನ್ನೇನು ಕೆಲವೇ ದಿನಗಳ ಬಾಕಿ ಇವೆ. ಇದೀಗ ಇಡೀ ವರ್ಷದಲ್ಲಿ ನಡೆದ ಘಟನೆಗಳನ್ನು ಮೆಲುಕು ಹಾಕುವ ಸಮಯ. ಬಾಲಿವುಡ್ ಮಟ್ಟಿಗೆ ಹೇಳುವುದಾದರೆ ಹಲವಾರು ಬ್ಲಾಕ್ಬಸ್ಟರ್ ಚಿತ್ರಗಳನ್ನು ಕೊಟ್ಟ ವರ್ಷವಿದು. ಈ ಸಮಯದಲ್ಲಿ ಗೂಗಲ್ನಲ್ಲಿ ಜನರು ಅತಿ ಹೆಚ್ಚು ಹುಡುಕಾಟ ಮಾಡಿರುವ ಚಲನಚಿತ್ರಗಳಾವುವು ಎಂಬ ಬಗ್ಗೆ ದೃಷ್ಟಿ ಹಾಯಿಸೋಣ. ಇದೇ ವೇಳೆ ಚಿತ್ರಮಂದಿರಗಳಲ್ಲಿ ಮಾತ್ರವಲ್ಲದೇ, ಓಟಿಟಿಯಲ್ಲಿ ಬಿಡುಗಡೆಯಾಗಿರುವ ಚಿತ್ರಗಳ ಪೈಕಿ ಗೂಗಲ್ನಲ್ಲಿ ಹುಡುಕಾಟ ನಡೆಸಿದ ಟಾಪ್-10 ಚಿತ್ರಗಳ ವಿವರಗಳೂ ಇಲ್ಲಿವೆ. ಭಾರತದಲ್ಲಿ ಈ ವರ್ಷ ಅತ್ಯಧಿಕ ಜನರು ಹುಡುಕಾಟ ನಡೆಸಿದ ಅಗ್ರ ಹತ್ತು ಸಿನಿಮಾಗಳ ಪಟ್ಟಿಯನ್ನು ಸರ್ಚ್ ಎಂಜಿನ್ ದೈತ್ಯ ಗೂಗಲ್ ಬಿಡುಗಡೆ ಮಾಡಿದ್ದು ಅದರ ಡಿಟೇಲ್ಸ್ ಇಲ್ಲಿದೆ.
ಈ ಪಟ್ಟಿಯಲ್ಲಿ ಶಾರುಖ್ ಖಾನ್ ಅವರ ಬ್ಲಾಕ್ಬಸ್ಟರ್ ಸಿನಿಮಾ ಜವಾನ್ ಮತ್ತು ಪಠಾಣ್ ಹಾಗೂ ಸನ್ನಿ ಡಿಯೋಲ್ ಅವರ ಗದರ್ 2 ಅಗ್ರ ಸ್ಥಾನದಲ್ಲಿವೆ. ಜೊತೆಗೆ ಪ್ರಭಾಸ್ ನಟನೆಯ ಆದಿಪುರುಷ್, ಸಲ್ಮಾನ್ ಖಾನ್ ಅವರ ಟೈಗರ್ 3, ರಜನಿಕಾಂತ್ ನಟನೆಯ ಮೆಗಾ ಬ್ಲಾಕ್ಬಸ್ಟರ್ ಜೈಲರ್ ಚಿತ್ರವನ್ನೂ ಜನರು ಅತಿ ಹೆಚ್ಚು ಹುಡುಕಾಟ ಮಾಡಿದ್ದಾರೆ. ಕುತೂಹಲ ಸಂಗತಿಯೆಂದರೆ ಆದಿಪುರುಷ್ ಚಿತ್ರಕ್ಕೆ ಇನ್ನಿಲ್ಲದ ಕೆಟ್ಟ ಕಮೆಂಟ್ಗಳೇ ಬಂದಿದ್ದವು. ಇದರ ಹೊರತಾಗಿಯೂ ಟಾಪ್-10 ಸ್ಥಾನ ಕಳಿಸಿದೆ. ಇಷ್ಟೇ ಅಲ್ಲದೇ ದಳಪತಿ ವಿಜಯ್ ನಟನೆಯ ಲಿಯೊ ಮತ್ತು ವಾರೀಸು ಕೂಡ ಟಾಪ್ 10 ಸ್ಥಾನ ಪಡೆದುಕೊಂಡಿವೆ. ಸ್ಯಾಂಡಲ್ವುಡ್ನ ಯಾವುದೇ ಚಿತ್ರ ಟಾಪ್-10ನಲ್ಲಿ ಕಾಣಿಸಿಕೊಂಡಿಲ್ಲ. 2022ರಲ್ಲಿ ಬಿಡುಗಡೆಯಾಗಿದ್ದ ಕಾಂತಾರ ಇತಿಹಾಸ ಸೃಷ್ಟಿಸಿರೋದು ಗೊತ್ತೇ ಇದೆ. ಆದರೆ 2023ರಲ್ಲಿ ಗೂಗಲ್ನಲ್ಲಿ ಅದನ್ನು ಸರ್ಚ್ ಮಾಡಿದವರ ಸಂಖ್ಯೆ ಟಾಪ್ 10 ಸ್ಥಾನದಲ್ಲಿ ಇಲ್ಲ. ಇನ್ನು ಹಾಲಿವುಡ್ ಸಿನಿಮಾ ಬಗ್ಗೆ ಹೇಳುವುದಾದರೆ, ಭಾರತದಲ್ಲಿ ಹೆಚ್ಚು ಸರ್ಚ್ ಆದ ಸಿನಿಮಾಗಳಲ್ಲಿ ಕ್ರಿಸ್ಟ್ರೋಪರ್ ನೊಲನ್ ನಿರ್ದೇಶನದ ಒಪ್ಪೆನ್ಹೆಮಿಯರ್ ಮತ್ತು ಮಾರ್ಗೊಟ್ ರೋಬಿಯ ಬಾರ್ಬಿ ಸಿನಿಮಾ ಅಗ್ರ ಸ್ಥಾನದಲ್ಲಿವೆ.
ರಣವೀರ್ ಸಿಂಗ್ ಅಂಡರ್ವೇರ್ ಹಾಕಲ್ವಂತೆ, ಆಲಿಯಾ ಪತಿಗೆ ದೀಪಿಕಾ ಕಾಂಡೋಮ್ ಕೊಡ್ತಾರಂತೆ! ಏನಿದು?
ಯಾವ ಯಾವ ಚಿತ್ರ ಕ್ರಮವಾಗಿ 1ರಿಂದ 10ನೇ ಸ್ಥಾನ ಗಳಿಸಿದೆ ಎಂದು ನೋಡುವುದಾದರೆ:
ಜವಾನ್ (ಭಾರತದಲ್ಲಿ ಬಾಕ್ಸ್ ಆಫೀಸ್ ಕಲೆಕ್ಷನ್ 640.25 ಕೋಟಿ ರೂ)
ಗದರ್ 2 (ಬಾಕ್ಸ್ ಆಫೀಸ್ನಲ್ಲಿ 525.70 ಕೋಟಿ ರೂ.)
ಒಪ್ಪೆನ್ಹೆಮಿಯರ್ (95.33 ಕೋಟಿ ಡಾಲರ್)
ಆದಿಪುರುಷ್ (288.15 ಕೋಟಿ ರೂ.)
ಪಠಾಣ್ (543.09 ಕೋಟಿ ರೂ.)
ದಿ ಕೇರಳ ಸ್ಟೋರಿ (303.97 ಕೋಟಿ ರೂ)
ಜೈಲರ್ (343.47 ಕೋಟಿ ರೂ. )
ಲಿಯೋ
ಟೈಗರ್ 3 ( 282.61 ಕೋಟಿ ರೂ.)
ವಾರೀಸು
ಒಟಿಟಿಯಲ್ಲಿ ಹೆಚ್ಚು ಹುಡುಕಾಟ ನಡಿಸಿದ ಸಿನಿಮಾಗಳು ಹಾಗೂ ರಿಯಾಲಿಟಿ ಷೋಗಳು:
ಒಟಿಟಿ ಶೋಗಳಲ್ಲಿ ಶಾಹಿದ್ ಕಪೂರ್ ಮತ್ತು ವಿಜಯ್ ಸೇತುಪತಿಯವರ ಬಹು ವಿವಾದಿತ ಒಟಿಟಿ ಸಿನಿಮಾ ಫಾರ್ಜಿ ಬಹಳ ಮಂದಿ ಹುಡುಕಾಟ ನಡೆಸಿದ್ದು ಅದು ಟಾಪ್-1ನೇ ಸ್ಥಾನದಲ್ಲಿದೆ. ಹನ್ಸಲ್ ಮೆಹ್ತಾರ ಸ್ಕ್ಯಾಮ್ 2003, ರಿಯಾಲ್ಟಿ ಶೋ ಬಿಗ್ಬಾಸ್ 17, ಗುನ್ಸ್ ಆಂಡ್ ಗುಲಾಬ್ಸ್, ಸೆಕ್ಸ್ ಲೈಫ್, ತಾಝಾ ಖಬರ್ ಮುಂತಾದ ಸಿನಿಮಾ/ಶೋಗಳ ಹುಡುಕಾಟ ಹೆಚ್ಚಾಗಿತ್ತು. ಗೂಗಲ್ನಲ್ಲಿ ಅತ್ಯಧಿಕ ಹುಡುಕಾಟ ಕಂಡ ಒಟಿಟಿ ಶೋಗಳು, ಸಿನಿಮಾಗಳ ವಿವರ ಇಲ್ಲಿದೆ.
ಕ್ರಮವಾಗಿ ಟಾಪ್-10 ಹುಡುಕಾಟ ನಡೆಸಿದ ಓಟಿಟಿ ಚಿತ್ರ ಹಾಗೂ ಷೋಗಳು:
ಫಾರ್ಜಿ
ವೆಡ್ನೆಸ್ಡೇ
ಅಸುರ್
ರಾಣಾ ನಾಯ್ಡು
ದಿ ಲಾಸ್ಟ್ ಆಫ್ ಅಸ್
ಸ್ಕ್ಯಾಮ್ 2003
ಬಿಗ್ಬಾಸ್ 17
ಗನ್ಸ್ ಆಂಡ್ ಗುಲಾಬ್ಸ್
ಸೆಕ್ಸ್/ಲೈಫ್
ತಾಝಾ ಖಬರ್
ಕಬಡ್ಡಿ ಪಂದ್ಯದಿಂದ ಶುರುವಾಗಿ ಮದುವೆ ಉಂಗುರ ತೆಗೆಯುವವರೆಗೆ: ಐಶ್-ಅಭಿ ಡಿವೋರ್ಸ್ ನಿಜವಾಯ್ತಾ?
