ಮೂಲಗಳ ಪ್ರಕಾರ, ಈ ಕ್ರಮವು ಸರ್ಕಾರದ ಮೇಲೆ 40,000 ಕೋಟಿಯಿಂದ 50,000 ಕೋಟಿ ರೂ.ಗಳ ಹೊರೆ ಆಗಲಿದೆ. ಆದರೆ ಆರಂಭಿಕ ಪರಿಣಾಮವನ್ನು ಎದುರಿಸಲು ಸರ್ಕಾರ ಸಿದ್ಧವಾಗಿದೆ.
ನವದೆಹಲಿ (ಜು.2): ಬಡ ಹಾಗೂ ಮಧ್ಯಮವರ್ಗದ ಜನರಿಗೆ ಈ ವರ್ಷದ ಆರಂಭದಲ್ಲಿ ಹಲವಾರು ಆದಾಯ ತೆರಿಗೆ ರಿಯಾಯಿತಿಗಳನ್ನು ನೀಡಿದ ನಂತರ ಕೇಂದ್ರ ಸರ್ಕಾರ ಈಗ ಮಧ್ಯಮ ಮತ್ತು ಕಡಿಮೆ ಆದಾಯದ ಕುಟುಂಬಗಳಿಗೆ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಕಡಿತದ ರೂಪದಲ್ಲಿ ಪರಿಹಾರವನ್ನು ನೀಡಲು ಸಿದ್ಧವಾಗಿದೆ ಎಂದು ಮೂಲಗಳು ತಿಳಿಸಿವೆ. ಕೇಂದ್ರವು ಶೇಕಡಾ 12 ರಷ್ಟು ಜಿಎಸ್ಟಿ ಸ್ಲ್ಯಾಬ್ ಅನ್ನು ಸಂಪೂರ್ಣವಾಗಿ ತೆಗೆದುಹಾಕಲು ಅಥವಾಪ್ರಸ್ತುತ ಶೇಕಡಾ 12 ರಷ್ಟು ತೆರಿಗೆ ವಿಧಿಸಲಾಗುವ ಅನೇಕ ವಸ್ತುಗಳನ್ನು ಕಡಿಮೆ ಶೇಕಡಾ 5 ಕ್ಕೆ ಮರು ವರ್ಗೀಕರಣ ಮಾಡಲು ಯೋಚನೆ ರೂಪಿಸುತ್ತಿದೆ.
ಮಧ್ಯಮ ವರ್ಗದ ಹಾಗೂ ಆರ್ಥಿಕವಾಗಿ ದುರ್ಬಲ ವರ್ಗಗಳು ವ್ಯಾಪಕವಾಗಿ ಬಳಸುವ ಟೂತ್ಪೇಸ್ಟ್ ಮತ್ತು ಹಲ್ಲಿನ ಪುಡಿ, ಛತ್ರಿಗಳು, ಹೊಲಿಗೆ ಯಂತ್ರಗಳು, ಪ್ರೆಶರ್ ಕುಕ್ಕರ್ಗಳು ಮತ್ತು ಅಡುಗೆ ಪಾತ್ರೆಗಳು, ಇಸ್ತ್ರೀ ಪೆಟ್ಟಿಗೆ, ಗೀಸರ್ಗಳು, ಸಣ್ಣ ಸಾಮರ್ಥ್ಯದ ವಾಶಿಂಗ್ಮಷಿನ್, ಸೈಕಲ್ಗಳು, 1,000 ರೂ.ಗಿಂತ ಹೆಚ್ಚಿನ ಬೆಲೆಯ ಸಿದ್ಧ ಉಡುಪುಗಳು, 500 ರಿಂದ 1,000 ರೂ.ಗಳವರೆಗಿನ ಪಾದರಕ್ಷೆಗಳು, ಲೇಖನ ಸಾಮಗ್ರಿಗಳು, ಲಸಿಕೆಗಳು, ಸೆರಾಮಿಕ್ ಟೈಲ್ಸ್ ಮತ್ತು ಕೃಷಿ ಉಪಕರಣಗಳು ಮುಂತಾದ ವಸ್ತುಗಳ ಜಿಎಸ್ಟಿಯನ್ನು ತೆಗೆದು ಹಾಕುವ ಅಥವಾ ಕಡಿಮೆ ಮಾಡುವ ಗುರಿ ಹೊಂದಿದೆ.
ಪ್ರಸ್ತಾವಿತ ಬದಲಾವಣೆಗಳನ್ನು ಜಾರಿಗೆ ತಂದರೆ, ಇವುಗಳಲ್ಲಿ ಹಲವು ವಸ್ತುಗಳು ಹೆಚ್ಚು ಕೈಗೆಟುಕುವ ಬೆಲೆಗೆ ಲಭ್ಯವಾಗುತ್ತವೆ. ಸರ್ಕಾರವು ಸರಳೀಕೃತ ಮತ್ತು ಅನುಸರಿಸಲು ಸುಲಭವಾದ ಜಿಎಸ್ಟಿಯನ್ನು ಸಹ ಪರಿಶೀಲಿಸುತ್ತಿದೆ.
Related Articles
ಕೇಂದ್ರ ಮೇಲೆ ಆಗುವ ಆರ್ಥಿಕ ಪರಿಣಾಮ
ಮೂಲಗಳ ಪ್ರಕಾರ, ಈ ಕ್ರಮವು ಸರ್ಕಾರದ ಮೇಲೆ 40,000 ಕೋಟಿಯಿಂದ 50,000 ಕೋಟಿ ರೂ.ಗಳ ಹೊರೆ ಆಗಲಿದೆ. ಆದರೆ ಆರಂಭಿಕ ಪರಿಣಾಮವನ್ನು ಎದುರಿಸಲು ಸರ್ಕಾರ ಸಿದ್ಧವಾಗಿದೆ. ಇದರ ಹಿಂದಿನ ತಾರ್ಕಿಕತೆಯು ಬಳಕೆಯಲ್ಲಿನ ನಿರೀಕ್ಷಿತ ಹೆಚ್ಚಳವನ್ನು ಆಧರಿಸಿದೆ. ಕಡಿಮೆ ಬೆಲೆಗಳು ಹೆಚ್ಚಿನ ಮಾರಾಟಕ್ಕೆ ಕಾರಣವಾಗುತ್ತವೆ, ಅಂತಿಮವಾಗಿ ತೆರಿಗೆ ಆಧಾರ ಮತ್ತು ದೀರ್ಘಾವಧಿಯ GST ಸಂಗ್ರಹದಲ್ಲಿ ಹೆಚ್ಚಳಕ್ಕೆ ಕಾರಣವಾಗುತ್ತದೆ ಎಂದು ಕೇಂದ್ರವು ನಂಬಿದೆ.
ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇತ್ತೀಚಿನ ಸಂದರ್ಶನವೊಂದರಲ್ಲಿ, ಜಿಎಸ್ಟಿ ದರಗಳಲ್ಲಿ ಸಂಭಾವ್ಯ ಬದಲಾವಣೆಗಳ ಬಗ್ಗೆ ಸುಳಿವು ನೀಡಿದ್ದು, ಸರ್ಕಾರವು ಹೆಚ್ಚು ತರ್ಕಬದ್ಧ ರಚನೆಯತ್ತ ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿದೆ ಮತ್ತು ಮಧ್ಯಮ ವರ್ಗಕ್ಕೆ ಅಗತ್ಯ ವಸ್ತುಗಳ ಮೇಲೆ ಪರಿಹಾರವನ್ನು ಪರಿಗಣಿಸುತ್ತಿದೆ ಎಂದು ಹೇಳಿದ್ದಾರೆ.
ರಾಜ್ಯಗಳ ಕೈಯಲ್ಲಿದೆ ಮತ ಅಧಿಕಾರ
ಕೇಂದ್ರದ ಒತ್ತಾಯದ ಹೊರತಾಗಿಯೂ, ರಾಜ್ಯಗಳ ನಡುವೆ ಒಮ್ಮತ ಮೂಡಿಲ್ಲ. ಜಿಎಸ್ಟಿ ಅಡಿಯಲ್ಲಿ, ದರ ಬದಲಾವಣೆಗಳಿಗೆ ಜಿಎಸ್ಟಿ ಮಂಡಳಿಯ ಅನುಮೋದನೆ ಅಗತ್ಯವಾಗಿದ್ದು, ಅಲ್ಲಿ ಪ್ರತಿ ರಾಜ್ಯವು ಮತದಾನದ ಹಕ್ಕನ್ನು ಹೊಂದಿದೆ. ಪ್ರಸ್ತುತ, ಪಂಜಾಬ್, ಕೇರಳ, ಮಧ್ಯಪ್ರದೇಶ ಮತ್ತು ಪಶ್ಚಿಮ ಬಂಗಾಳದಿಂದ ವಿರೋಧ ವ್ಯಕ್ತವಾಗುತ್ತಿದೆ ಎಂದು ವರದಿಯಾಗಿದೆ. ಇಲ್ಲಿಯವರೆಗೆ, ಜಿಎಸ್ಟಿ ಮಂಡಳಿಯ ಇತಿಹಾಸದಲ್ಲಿ ಒಮ್ಮೆ ಮಾತ್ರ ಮತದಾನ ನಡೆದಿದೆ. ಉಳಿದೆಲ್ಲ ನಿರ್ಧಾರಗಳನ್ನು ಒಮ್ಮತದ ಮೂಲಕ ತೆಗೆದುಕೊಳ್ಳಲಾಗಿದೆ.
ಈ ತಿಂಗಳ ಕೊನೆಯಲ್ಲಿ ನಡೆಯಲಿರುವ 56ನೇ ಜಿಎಸ್ಟಿ ಕೌನ್ಸಿಲ್ ಸಭೆಯಲ್ಲಿ ಈ ವಿಷಯ ಪ್ರಸ್ತಾಪವಾಗುವ ನಿರೀಕ್ಷೆಯಿದೆ. ನಿಯಮದಂತೆ, ಮಂಡಳಿಯನ್ನು ಕರೆಯಲು ಕನಿಷ್ಠ 15 ದಿನಗಳ ನೋಟಿಸ್ ನೀಡಬೇಕು. ಭಾರತದಲ್ಲಿ ಶೇಕಡಾ 12 ರಷ್ಟು ಜಿಎಸ್ಟಿ ಸ್ಲ್ಯಾಬ್ ಸಾಮಾನ್ಯವಾಗಿ ಮಧ್ಯಮ ಮತ್ತು ಕಡಿಮೆ ಆದಾಯದ ಕುಟುಂಬಗಳಿಗೆ ಸಾಮಾನ್ಯ ಬಳಕೆಯ ವಸ್ತುಗಳನ್ನು ಒಳಗೊಂಡಿರುತ್ತದೆ, ಆದರೆ ಅವು ಸಂಪೂರ್ಣ ಅಗತ್ಯ ವಸ್ತುಗಳಾಗಿ ಅರ್ಹತೆ ಪಡೆಯದಿರಬಹುದು, ಇವುಗಳಿಗೆ ಶೇಕಡಾ 0 ಅಥವಾ ಶೇಕಡಾ 5 ರಷ್ಟು ತೆರಿಗೆ ವಿಧಿಸಲಾಗುತ್ತದೆ.
ಶೇ. 12ರಷ್ಟು GST ಸ್ಲ್ಯಾಬ್ ಅಡಿಯಲ್ಲಿ ಸಾಮಾನ್ಯವಾಗಿ ಬಳಸುವ ಸರಕು ಮತ್ತು ಸೇವೆಗಳ ಪಟ್ಟಿ
- ಹಲ್ಲಿನ ಪುಡಿ
- ಸ್ಯಾನಿಟರಿ ನ್ಯಾಪ್ಕಿನ್ಗಳು (ಮೂಲತಃ ತೆರಿಗೆ ವಿಧಿಸಲಾಗುತ್ತಿತ್ತು, ಈಗ ಶೇಕಡಾ 0, ಆದರೆ ಸಂಬಂಧಿತ ಸ್ತ್ರೀ ನೈರ್ಮಲ್ಯ ವಸ್ತುಗಳು ಇನ್ನೂ ಶೇಕಡಾ 12 ಕ್ಕಿಂತ ಕಡಿಮೆ ಇದೆ)
- ಹೇರ್ ಆಯಿಲ್
- ಸೋಪ್ಗಳು (ಕೆಲವು ವಿಭಾಗಗಳು, ಇತರವುಗಳು ಶೇಕಡಾ 18)
- ಟೂತ್ಪೇಸ್ಟ್ (ಕೆಲವು ಬ್ರಾಂಡ್ ರೂಪಾಂತರಗಳು ಶೇಕಡಾ 12, ಇತರವು ಶೇಕಡಾ 18)
- ಛತ್ರಿ
- ಹೊಲಿಗೆ ಯಂತ್ರ
- ವಾಟರ್ ಫಿಲ್ಟರ್ಗಳು ಮತ್ತು ಪ್ಯೂರಿಫೈಯರ್ (ವಿದ್ಯುತ್ ರಹಿತ ವಿಧಗಳು)
- ಪ್ರೆಶರ್ ಕುಕ್ಕರ್ಗಳು
- ಅಲ್ಯೂಮಿನಿಯಂ, ಉಕ್ಕಿನಿಂದ ಮಾಡಿದ ಅಡುಗೆ ಪಾತ್ರೆ (ಕೆಲವು ಶೇಕಡಾ 12)
- ಎಲೆಕ್ಟ್ರಿಕ್ ಇಸ್ತ್ರೀ ಪೆಟ್ಟಿಎ
- ವಾಟರ್ ಹೀಟರ್ (ಗೀಸರ್ಗಳು)
- ವ್ಯಾಕ್ಯೂಮ್ ಕ್ಲೀನರ್ (ಕಡಿಮೆ ಸಾಮರ್ಥ್ಯ, ವಾಣಿಜ್ಯೇತರ)
- ವಾಷಿಂಗ್ ಮೆಷಿನ್ (ಸಣ್ಣ ಸಾಮರ್ಥ್ಯ)
- ಸೈಕಲ್
- ಅಂಗವಿಕಲರ ಗಾಡಿ
- ಸಾರ್ವಜನಿಕ ಸಾರಿಗೆ ವಾಹನ (ಮಾರಾಟ ಮಾಡಿದಾಗ, ದರಕ್ಕೆ ಅಲ್ಲ)
- ಸಿದ್ಧ ಉಡುಪು(ರೂ. 1,000 ಕ್ಕಿಂತ ಹೆಚ್ಚು ಬೆಲೆ) ರೂ. 500 ರಿಂದ ರೂ. 1,000 ರವರೆಗಿನ ಬೆಲೆಯ ಪಾದರಕ್ಷೆಗಳು
- ಹೆಚ್ಚಿನ ಲಸಿಕೆಗಳು
- ಎಚ್ಐವಿ ರೋಗನಿರ್ಣಯ ಕಿಟ್ಗಳು, ಹೆಪಟೈಟಿಸ್, ಟಿಬಿ
- ಕೆಲವು ಆಯುರ್ವೇದ ಮತ್ತು ಯುನಾನಿ ಔಷಧಿ
- ಎಕ್ಸರ್ಸೈಸ್ ಬುಕ್
- ಜ್ಯಾಮಿತಿ ಪೆಟ್ಟಿಗಗೆ
- ಚಿತ್ರಕಲೆ ಮತ್ತು ಬಣ್ಣದ ಪುಸ್ತಕ
- ನಕ್ಷೆಗಳು ಮತ್ತು ಅಟ್ಲಾಸ್
- ಗ್ಲೇಜ್ಡ್ ಟೈಲ್ಸ್ (ಬೇಸಿಕ್, ಐಷಾರಾಮಿ ಅಲ್ಲದ ರೂಪಾಂತರಗಳು)
- ರೆಡಿಮಿಕ್ಸ್ ಕಾಂಕ್ರಿಟ್
- ಪೂರ್ವ-ನಿರ್ಮಿತ ಕಟ್ಟಡಗಳು
- ಯಾಂತ್ರಿಕ ಥ್ರೆಷರ್ಗಳಂತಹ ಕೃಷಿ ಉಪಕರಣಗಳು
- ಕಂಡೆನ್ಸ್ಡ್ ಹಾಲು, ಫ್ರೋಜನ್ ತರಕಾರಿಗಳು (ಕೆಲವು ರೂಪಾಂತರಗಳು) ಮುಂತಾದ ಪ್ಯಾಕ್ ಮಾಡಿದ ಆಹಾರಗಳು
- ಸೋಲಾರ್ ವಾಟರ್ ಹೀಟರ್