ಭಾರತದ ಮಾರುಕಟ್ಟೆಗೆ ಬ್ರಿಟನ್‌ನ ಎಲೆಕ್ಟ್ರಿಕ್ ಬೈಕ್
ಭಾರತದಲ್ಲಿ ಈಗ ಇ-ಬೈಕ್‌ಗಳಿಗೆ ಶುಕ್ರದೆಸೆ ಶುರುವಾಗಿದೆ. ಹಲವು ಕಂಪನಿಗಳು ಇ ಬೈಕ್‌ಗಳನ್ನು ಬಿಡುಗಡೆ ಮಾಡಿ, ತಮ್ಮ ಗ್ರಾಹಕ ವಲಯವನ್ನು ವಿಸ್ತರಿಸಿಕೊಳ್ಳುತ್ತಿವೆ. ಈ ಸಾಲಿಗೆ ಬ್ರಿಟನ್‌ನ ಗೋಝೀರೋ ಮೊಬಿಲಿಟಿ ಕೂಡ ಸೇರಿದೆ. ಈ ಕಂಪನಿ ಭಾರತದಲ್ಲಿ ಸ್ಕೆಲ್ಲಿಗ್ ಪ್ರೋ ವ್ಯಾಪ್ತಿಯ ಇ ಬೈಕ್‌ಗಳನ್ನು ಬಿಡುಗಡೆ ಮಾಡಿದೆ.
 )
Followಈ ಬೈಕ್‌ಗಳಿಂದ ಎರಡೂ ರೀತಿಯಲ್ಲಿ ಲಾಭವಿದೆ. ಮೊದಲನೆಯದು ನಿಮ್ಮ ನಗರ ಪ್ರಯಾಣಕ್ಕೆ ಅನುಕೂಲವಾಗುತ್ತದೆ. ಎರಡನೆಯದು ನಿಮ್ಮ ಆಫ್ ರೋಡ್ ಆಕ್ಟಿವಿಟಿಗೂ ಇದರಿಂದ ಸಹಾಯವಾಗುತ್ತದೆ. ಈ ಹಿನ್ನೆಲೆಯಲ್ಲೇ ಬ್ರಿಟಿಷ್ ಉತ್ಪಾದಕ ಕಂಪನಿಯಾಗಿರುವ ಗೋಝೀರೋ ಮೊಬಿಲಿಟಿ ಹೊಸದ ಇ-ಬೈಕ್ ಅನ್ನು ಭಾರತೀಯ ಮಾರುಕಟ್ಟೆಗೆ ಪರಿಚಯಿಸಿದೆ.
ಜೊತೆಗೆ ಭಾರತದಲ್ಲಿ ಬೆಳೆಯುತ್ತಿರುವ ಇ-ಬೈಕ್‌ಗಳ ವಲಯದಲ್ಲಿ ತಮ್ಮ ಪಾಲು ಪಡೆಯಲು ಹಲವು ಕಂಪನಿಗಳು ಪ್ರಯತ್ನಿಸುತ್ತಿವೆ. ಈಗಾಗಲೇ ಹಲವು ಇ ಬೈಕ್‌ಗಳು ಮಾರುಕಟ್ಟೆಯಲ್ಲಿ ಚಾಲ್ತಿಯಲ್ಲಿವೆ. ಇದೀಗ ಬ್ರಿಟನ್‌ನ ಗೋಝೀರೋ ಮೊಬಿಲಿಟಿ ಕೂಡ ಈ ಸಾಲಿಗೆ ಸೇರಿದೆ.
ಇದು ಜಗತ್ತಿನ ಮೊದಲ ಹಾರುವ ಎಲೆಕ್ಟ್ರಿಕ್ ರೇಸಿಂಗ್ ಕಾರ್!
ಪ್ರೀಮಿಯಂ ಪರ್ಫಾರ್ಮೆನ್ಸ್ ಬೈಕ್‌ಗಳ ಉತ್ಪಾದನೆಯಲ್ಲಿ ಹೆಚ್ಚು ಜನಪ್ರಿಯವಾಗಿರುವ ಗೋಝೀರೋ ಕಂಪನಿ ಭಾರತೀಯ ಮಾರುಕಟ್ಟೆಗೆ ಸ್ಕೆಲ್ಲಿಗ್ ಪ್ರೋ(Skellig Pro) ಬ್ಯಾಟರಿ ಆಧರಿತ ಎಲೆಕ್ಟ್ರಿಕ್ ಬೈಕ್ ಅನ್ನು ಪರಿಚಯಿಸಿದೆ. ಇ ಬೈಕ್ ಬೆಲೆ 34,999 ರೂಪಾಯಿಂದ ಆರಂಭವಾಗುತ್ತದೆ(ಎಕ್ಸ್ ಶೋರೂಮ್ ದಿಲ್ಲಿ).
ಗೋಝೀರೋ ಮೊಬಿಲಿಟಿ ಕಂಪನಿಯು ಈ ಸ್ಕೆಲ್ಲಿಗ್ ಪ್ರೋ ಇ ಬೈಕ್ ಅನ್ನು ಆಫ್ ರೋಡ್ ಮತ್ತು ಸಿಟಿ ಪ್ರಯಾಣಕ್ಕೆ ಅನುಕೂಲವಾಗುವಂತೆ ವಿನ್ಯಾಸ ಮಾಡಿದೆ. ಸ್ಕೆಲ್ಲಿಗ್ ಪ್ರೋ ಇ ಬೈಕ್ ಅನ್ನು ನೀವು ಒಮ್ಮೆ ಚಾರ್ಜ್ ಮಾಡಿದರೆ 70 ಕಿ.ಮೀ.ವರೆಗೂ ಓಡಿಸಬಹುದು. ಶಕ್ತಿಶಾಲಿ ಪ್ರದರ್ಶನವನ್ನು ನೀಡುವ ಕ್ಷಮತೆಯನ್ನು ಈ ಹೊಂದಿರುವ ಇ ಬೈಕ್ ಅನ್ನು ಕಂಪನಿ ಬ್ರಿಟನ್‌ನಲ್ಲಿ ವಿನ್ಯಾಸಗೊಳಿಸಿದೆ ಮತ್ತು ಭಾರತದಲ್ಲಿ ಉತ್ಪಾದನೆ ಮಾಡಿದೆ.
ಸ್ಕೆಲ್ಲಿಗ್ ಫ್ರೋ ಇ ಬೈಕ್, ಫಿಟ್ನೆಸ್ ಮತ್ತು ಪರಿಸರ ಸ್ನೇಹಿ ಪ್ರಯಾಣ ಪ್ರಜ್ಞೆಯನ್ನು ಸಾರ್ವಜನಿಕರಲ್ಲಿ ಉತ್ತೇಜಿಸುವ ವ್ಯಾಪ್ತಿಯ ಬೈಕ್ ಆಗಿದೆ. ಈ ಬೈಕ್ ಎನ್‌ಡ್ರೈವ್ 400Wh ಲಿಥೀಯಮ್ ಬ್ಯಾಟರಿ ಜೊತೆಗೆ, 7 ಸ್ಪೀಡರ್ ಗಿಯರ್ ಹೊಂದಿದೆ. ಬೈಕ್‌ನ ಹಿಂಭಾಗ ಮತ್ತು ಮುಂಭಾಗದಲ್ಲಿ ಡಿಸ್ಕ್‌ಬ್ರೇಕ್‌ಗಳಿವೆ.
ಮೈಲ್ಡ್ ಸ್ಟೀಲ್ ಫ್ರೇಮ್ ಬಳಸಿಕೊಂಡು ಈ ಇ ಬೈಕ್ ನಿರ್ಮಿಸಲಾಗಿದ್ದು, ಫ್ರಂಟ್‌ ಸಸ್ಪೆನ್ಷನ್ ಫೋರ್ಕ್ ಮತ್ತು ಮಿಶ್ರಲೋಹದ ಸ್ಟೆಮ್ ಹ್ಯಾಂಡ್ ಇದೆ. ಗೋಝೀರೋ ಮೊಬಿಲಿಟಿ ಕಂಪನಿಯ ಈ ಸ್ಕೆಲ್ಲಿಗ್ ಪ್ರೋ ಇ ಬೈಕ್ 26x2.35 ಇಂಚ್ ಅಗಲಿನ ಟೈರ್‌ ಹೊಂದಿದ್ದು, ಇದರಿಂದ ಚಾಲನೆ ವೇಳೆ ಹಿಡಿತ ಸಿಗಲಿದೆ. ಈ ಕಾರಣದಿಂದಾಗಿಯೇ ಈ ಸ್ಕೆಲ್ಲಿಗ್ ಪ್ರೋ ಇ ಬೈಕ್ ಹೆಚ್ಚು ಆಫ್ ರೋಡ್ ಸವಾರಿಗೂ ಬಳಕೆಯಾಗುತ್ತಿದೆ.
ಆಫ್-ರೋಡ್ ಸ್ಕೂಟರ್ ಯಮಹಾ ಝುಮಾ ಹೇಗಿದೆ ಗೊತ್ತಾ?
ಬ್ರಿಟನ್ ಮೂಲದ ಗೋಝೀರೋ ಮೊಬಿಲಿಟಿ ಕಂಪನಿಯ ಸ್ಕೆಲ್ಲಿಗ್ ಪ್ರೋ ಇ ಬೈಕ್‌ನಲ್ಲಿ ಗೋಝೀರೋ ಡ್ರೈವ್ ಕಂಟ್ರೋಲ್ ವರ್ಷನ್ 4.0 ಇಂಚ್ ಎಲ್‌ಸಿಡಿ ಡಿಸ್‌ಪ್ಲೇ, ಗೈಡ್ ಮೀ ಹೋಮ್ ಸಕ್ರಿಯ ಲೈಟಿಂಗ್ ಸಿಸ್ಟಮ್‌ ನೊಂದಿಗೆ ಫ್ಲ್ಯಾಶ್ ಲೈಟ್ ಕೂಡ ಇರಲಿದೆ.
ಗಂಟೆಗೆ ಗರಿಷ್ಠ 25 ಕಿ.ಮೀ ವೇಗದಲ್ಲಿ ಈ ಸ್ಕೆಲ್ಲಿಗ್ ಪ್ರೋ ಬೈಕ್ ಓಡುತ್ತದೆ ಮತ್ತು ಒಮ್ಮೆ ನೀವು ಬ್ಯಾಟರಿ ಚಾರ್ಜ್ ಮಾಡಿದರೆ ಅದು 70 ಕಿ.ಮೀ.ವರೆಗೂ ಬಾಳಕೆ ಬರುತ್ತದೆ. ಝೀರೋದಿಂದ ಶೇ.95ರಷ್ಟು ಬ್ಯಾಟರಿ ಚಾರ್ಜ್ ಆಗಲು ಸುಮಾರು ಮೂರು ಗಂಟೆಗಳಾದರೂ ಬೇಕಾಗುತ್ತದೆ ಎನ್ನುತ್ತದೆ ಕಂಪನಿ. ಈ ಸ್ಕೆಲಿಗ್ ಪ್ರೋ ಇ ಬೈಕ್ ನಿಮಗೆ ಆನ್‌ಲೈನ್ ಮತ್ತು ಆಯ್ದ ಆಫ್ ಲೈನ್ ಸ್ಟೋರ್‌ಗಳಲ್ಲಿ ಮಾರಾಟಕ್ಕೆ ದೊರೆಯುತ್ತದೆ.
ಇತ್ತೀಚಿನ ದಿನಗಳಲ್ಲಿ ಸೈಕ್ಲಿಂಗ್ ಬಗ್ಗೆ ಬಹುತೇಕರು ಹೆಚ್ಚಿನ ಆಸಕ್ತಿಯನ್ನು ವಹಿಸುತ್ತಿದ್ದಾರೆ. ಆರೋಗ್ಯ ಪ್ರಜ್ಞೆ ಹೆಚ್ಚಾಗುತ್ತಿದ್ದಂತೆ ಮತ್ತು ಸೈಕ್ಲಿಂಗ್‌ನಿಂದಾಗುವ ಆರೋಗ್ಯ ಉಪಯೋಗಗಳ ಬಗ್ಗೆ ಜಾಗೃತಿ ಮೂಡುತ್ತಿರುವುದರ ಪರಿಣಾಮವಿದು. ಈ ಹಿನ್ನೆಲೆಯಲ್ಲಿ ಹಲವು ಕಂಪನಿಗಳು ಸಾಂಪ್ರದಾಯಿಕ ಬೈಸಿಕಲ್‌ಗಳ ಜತೆಗೆ ಇ-ಬೈಕ್‌ಗಳನ್ನೂ ಪರಿಚಯಿಸುತ್ತಿವೆ.
ಟೆಸ್ಲಾ ಕಾಯಿಲ್ ಮರು ಸೃಷ್ಟಿಸಿದ ತಿರುವಂಥಪುರದ ಹವ್ಯಾಸಿ ವಿಜ್ಞಾನಿ!
