ಇಸ್ರೇಲ್ಗಿಂತಲೂ ಈಗ ಭಾರತಕ್ಕೆ ಇರಾನ್ ಏಕೆ ಮುಖ್ಯ ಎಂಬ ವಿಚಾರಗಳ ಬಗ್ಗೆ ರಾಜಕೀಯ ವಿಶ್ಲೇಷಕರು ಆಗಿರುವ ಡಾ ಸೈಯದ್ ರಿಜ್ವಾನ್ ಅಹ್ಮದ್ ಎಂಬುವವರು ಟ್ವಿಟ್ಟರ್ನಲ್ಲಿ ಸರಣಿ ಟ್ವಿಟ್ ಮಾಡಿದ್ದು, ಅದರ ಸಾರಾಂಶ ಇಲ್ಲಿದೆ ನೋಡಿ..
ಕಾಲಕ್ಕೆ ತಕ್ಕಂತೆ ಕೋಲ ಎಂಬ ಮಾತಿದೆ. ಅಂದರೆ ಕಾಲಕ್ಕೆ ತಕ್ಕಂತೆ ವೇಷ ಬದಲಾಯಿಸುವುದು. ಪ್ರಸ್ತುತ ಇಸ್ರೇಲ್ ಹಾಗೂ ಇರಾನ್ ನಡುವಣ ಯುದ್ಧವೂ ಜಾಗತಿಕ ಮಟ್ಟದಲ್ಲಿ ಹಲವು ಬದಲಾವಣೆಗಳನ್ನು ತರುತ್ತಿದ್ದು, ಈ ಎರಡು ದೇಶಗಳ ಮಧ್ಯೆ ಅಮೆರಿಕಾದ ಹಸ್ತಕ್ಷೇಪದಿಂದಾಗಿ 3ನೇ ಮಹಾಯುದ್ಧದ ಭೀತಿ ಎದುರಾಗಿದೆ. ಇಸ್ರೇಲ್ ಮೊದಲಿನಿಂದಲೂ ಭಾರತದ ಮಿತ್ರರಾಷ್ಟ್ರ ಆದರೆ ಬದಲಾದ ಜಾಗತಿಕ ರಾಜಕೀಯ ಸ್ಥಿತ್ಯಾಂತರಗಳು ಹಾಗೂ ಅಮೆರಿಕಾದ ಹಸ್ತಕ್ಷೇಪದಿಂದಾಗಿ ಭಾರತ ಈಗ ತನ್ನ ರಾಜತಾಂತ್ರಿಕ ನಿಲುವಿನಲ್ಲೂ ಎಚ್ಚರಿಕೆಯ ಹೆಜ್ಜೆ ಇಡಬೇಕಾಗಿದೆ. ಇಡುತ್ತಿದೆ ಕೂಡ. ಇಷ್ಟು ದಿನಗಳ ಕಾಲ ಇಸ್ರೇಲ್ಗೆ ಬೆಂಬಲಿಸುತ್ತಿದ್ದ ಭಾರತವೀಗ ಅಮೆರಿಕಾದ ಡಬ್ಬಲ್ ಗೇಮ್ ಅರಿವಿರುವುದರಿಂದ ಯಾವ ರೀತಿಯ ಹೆಜ್ಜೆ ಇಡಲಿದೆ. ಇಸ್ರೇಲ್ಗಿಂತಲೂ ಈಗ ಭಾರತಕ್ಕೆ ಇರಾನ್ ಏಕೆ ಮುಖ್ಯ ಎಂಬ ವಿಚಾರಗಳ ಬಗ್ಗೆ ರಾಜಕೀಯ ವಿಶ್ಲೇಷಕರು ಆಗಿರುವ ಡಾ ಸೈಯದ್ ರಿಜ್ವಾನ್ ಅಹ್ಮದ್ ಎಂಬುವವರು ಟ್ವಿಟ್ಟರ್ನಲ್ಲಿ ಸರಣಿ ಟ್ವಿಟ್ ಮಾಡಿದ್ದು, ಅದರ ಸಾರಾಂಶ ಇಲ್ಲಿದೆ ನೋಡಿ..
ಮೊದಲ ಬಾರಿಗೆ ಇಸ್ರೇಲ್ನ ವೈಫಲ್ಯವನ್ನು ಬಯಸುತ್ತಿದ್ದೇನೆ.
ನಾನು ಯಾವಾಗಲೂ ಇಸ್ರೇಲ್ ಪರವಾಗಿದ್ದೇನೆ, ಆದರೆ ಮೊದಲ ಬಾರಿಗೆ ಇಸ್ರೇಲ್ನ ವೈಫಲ್ಯವನ್ನು ಬಯಸುತ್ತಿದ್ದೇನೆ. ನನಗೆ ಭಯವಾಗುತ್ತಿದೆ. ಸ್ರೇಲ್ ಇರಾನ್ ಅನ್ನು ಕೂಡ ಇಸ್ರೇಲ್ ಗಾಜಾ ಆಗಿ ಪರಿವರ್ತಿಸಬಹುದು. ಆದರೆ ವಿಶ್ವ ಭೂಪಟದಲ್ಲಿ ಇರಾನ್ ಇರುವಿಕೆ ಬಹಳ ಮುಖ್ಯವಾಗಿದೆ. ಇರಾನ್ ಭಾರತಕ್ಕೂ ಬಹಳ ಮುಖ್ಯವಾಗಿದೆ. ನೀವು ಇದನ್ನು ಸತ್ಯಗಳೊಂದಿಗೆ ಅರ್ಥಮಾಡಿಕೊಂಡಾಗ, ನೀವು ಇರಾನ್ನ ಸುರಕ್ಷತೆಗಾಗಿ ಪ್ರಾರ್ಥಿಸುವಿರಿ. ನೀವೆಲ್ಲರೂ ಈ ಲೇಖನದ ಪ್ರತಿಯೊಂದು ಪದವನ್ನು ಓದಬೇಕೆಂದು ನಾನು ಬಯಸುತ್ತೇನೆ ಎಂದು ಅವರು ಬರೆದುಕೊಂಡಿದ್ದಾರೆ.
Related Articles
ಮೊದಲು ಒಂದು ಉದಾಹರಣೆ ತೆಗೆದುಕೊಳ್ಳೋಣ, ನಂತರ ಮುಖ್ಯ ವಿಷಯಕ್ಕೆ ಬರೋಣ. ಮೊದಲ ಮಹಾಯುದ್ಧದ ಸಮಯದಲ್ಲಿ ವೀರ್ ಸಾವರ್ಕರ್ ಜೈಲಿನಲ್ಲಿದ್ದರು ಮತ್ತು ಜರ್ಮನಿ ಬ್ರಿಟನ್ ಅನ್ನು ಸೋಲಿಸುತ್ತಿತ್ತು. ಸಾವರ್ಕರ್ ನಿರಂತರವಾಗಿ ಬರೆಯುತ್ತಿದ್ದರು ಮತ್ತು ಭಾರತೀಯರನ್ನು ಬ್ರಿಟಿಷರ ವಿರುದ್ಧ ಶಸ್ತ್ರಾಸ್ತ್ರಗಳನ್ನು ತೆಗೆದುಕೊಳ್ಳುವಂತೆ ಮನವಿ ಮಾಡುತ್ತಿದ್ದರು. ಆದರೆ ಜರ್ಮನಿ ಒಟ್ಟೋಮನ್ ಸಾಮ್ರಾಜ್ಯದೊಂದಿಗೆ ಕೈಜೋಡಿಸಿದ ತಕ್ಷಣ, ಸಾವರ್ಕರ್ ಭಾರತೀಯರು ಬ್ರಿಟಿಷರನ್ನು ಬೆಂಬಲಿಸುವಂತೆ ಮನವಿ ಮಾಡಿದರು ಏಕೆಂದರೆ ಜರ್ಮನಿ ಗೆದ್ದರೆ ಅದು ಭಾರತದ ನಿಯಂತ್ರಣವನ್ನು ಒಟ್ಟೋಮನ್ನರಿಗೆ ಹಸ್ತಾಂತರಿಸಬಹುದು.
ಇದು ಭೌಗೋಳಿಕ ರಾಜಕೀಯ ಇದರಲ್ಲಿ ಹೀಗಾಗುತ್ತದೆ, ನಾವು ಇಸ್ರೇಲ್ ಗೆಲ್ಲಬೇಕೆಂದು ಬಯಸುತ್ತೇವೆ ಆದರೆ ಇರಾನ್ ನಾಶವು ನಮ್ಮ ಪಾಲಿಗೆ ಒಳ್ಳೆಯ ಬೆಳವಣಿಗೆ ಅಲ್ಲ, ಏಕೆಂದರೆ ಈ ಹೋರಾಟ ಇಸ್ರೇಲ್ ಮತ್ತು ಇರಾನ್ ನಡುವೆ ಅಲ್ಲ. ಇಸ್ರೇಲ್ ಕೇವಲ ಒಂದು ನೆಪ ಮಾತ್ರ. ನಿಜವಾದ ಹೋರಾಟ ಅಮೆರಿಕದೊಂದಿಗೆ. ಅಮೆರಿಕವು ಇರಾನ್ನಲ್ಲಿ ಇಸ್ಲಾಮಿಕ್ ಆಡಳಿತವನ್ನು ಕೊನೆಗೊಳಿಸಲು ಬಯಸುವುದಿಲ್ಲ, ಆದರೆ ಬಾಂಗ್ಲಾದೇಶದಂತೆ ಇರಾನ್ ಸಿಂಹಾಸನದ ಮೇಲೆ ತನ್ನ ಕೈಗೊಂಬೆಗಳಲ್ಲಿ ಒಬ್ಬನನ್ನು ಕೂರಿಸಲು ಬಯಸುತ್ತದೆ.
ಅಲಿ ಖಮೇನಿ ಅಮೆರಿಕದ ಮಾತನ್ನು ಕೇಳುವುದಿಲ್ಲ...
ಇರಾನ್ ಅಧ್ಯಕ್ಷ ಅಲಿ ಖಮೇನಿ ಅಮೆರಿಕಾದ ಮಾತನ್ನು ಕೇಳಲು ಸಿದ್ಧರಿಲ್ಲ, ಅಮೆರಿಕಾಗೆ ಇದೇ ಕಾರಣಕ್ಕೆ ಇರಾನ್ ಮೇಲೆ ಸಿಟ್ಟಿದೆ. ಇತ್ತ ಅಮೆರಿಕ ಭಯೋತ್ಪಾದನೆ ಅಥವಾ ಆ ಇಸ್ಲಾಮಿಕ್ ಮೂಲಭೂತವಾದವನ್ನು ದೂರ ಮಾಡಬೇಕು ಎಂದು ಬಯಸುವುದಿಲ್ಲ. ಅಮೆರಿಕ ಕೇವಲ ತನ್ನ ಸ್ವಂತ ಹಿತಾಸಕ್ತಿಗಳನ್ನು ಮಾತ್ರ ನೋಡಿಕೊಳ್ಳುತ್ತದೆ. ಇರಾನ್ನ ಪರಮಾಣು ಸೌಲಭ್ಯ ನಾಶವಾದರೆ ಒಳ್ಳೆಯದೇ, ಆದರೆ ಭಾರತದ ಹಿತಾಸಕ್ತಿಗಾಗಿ ಇರಾನ್ ಇಸ್ಲಾಮಿಕ್ ರಾಷ್ಟ್ರವಾಗಿಯೇ ಉಳಿಯಬೇಕು.
ಇಸ್ರೇಲ್ ಒಂದು ಮುಖವಾಡವಷ್ಟೇ ಆದರೆ ನಿರ್ದೇಶನ ಅಮೆರಿಕಾದ್ದು
ಸರಿ ಇಲ್ಲಿ ಇಸ್ರೇಲ್ ಒಂದು ಮುಖವಾಡವಷ್ಟೇ ಆದರೆ ನಿರ್ದೇಶನ ಅಮೆರಿಕಾದ್ದು, ಅಮೆರಿಕದ ಗುರಿ ಇರಾನ್ ಅನ್ನು ನಾಶಮಾಡುವುದು. ಒಂದು ವೇಳೆ ನಾವು (ಭಾರತ) ಸೂಪರ್ ಪವರ್ ಆಗಲು ಬಯಸಿದರೆ, ಅಮೆರಿಕ ನಮಗೂ ಹಾನಿ ಮಾಡುತ್ತದೆ ಎಂಬುದನ್ನು ನಾವು ಮರೆಯಬಾರದು. ಅಮೆರಿಕ ಕೂಡ ನಮ್ಮ ಪ್ರತಿಸ್ಪರ್ಧಿ. ಅಮೆರಿಕಕ್ಕೆ ಮಾರುಕಟ್ಟೆಯಲ್ಲಿ ಹೆಚ್ಚು ಶತ್ರುಗಳಿದ್ದರೆ, ಅದು ಉತ್ತಮ. ಆದರೆ ಇರಾನ್ ಭಾರತದ ಶತ್ರುವಲ್ಲ. ವಾಸ್ತವವಾಗಿ, ಪಾಕಿಸ್ತಾನವನ್ನು ಹೊರತುಪಡಿಸಿ, ಯಾವುದೇ ಇಸ್ಲಾಮಿಕ್ ರಾಷ್ಟ್ರವು ಭಾರತದ ಶತ್ರುವಲ್ಲ.
ಜಗತ್ತಿನಲ್ಲಿ ಭಾರತೀಯ ಮುಸ್ಲಿಮರು ಎಂಬ ಜನಾಂಗವೇ ಇಲ್ಲದಿರುವುದು ಇಸ್ಲಾಂನ ದೌರ್ಭಾಗ್ಯ, ಇಲ್ಲದಿದ್ದರೆ ನೀವು ಮಧ್ಯಪ್ರಾಚ್ಯದ ಮುಸ್ಲಿಮರನ್ನು ಭೇಟಿಯಾದಾಗ, ಅವರಲ್ಲಿ ಭಾರತಕ್ಕೆ ಒಂದು ವಿಶೇಷ ಪ್ರೀತಿಯನ್ನು ನೀವು ನೋಡುತ್ತೀರಿ.
ಪಹಲ್ಗಾಮ್ ದಾಳಿಯಾದಾಗ ಇಸ್ಲಾಮಿಕ್ ರಾಷ್ಟ್ರಗಳ ನಿಲುವು ಹೇಗಿತ್ತು?
ಇತ್ತೀಚೆಗೆ ನಾವು ಪಾಕಿಸ್ತಾನವನ್ನು ಸೋಲಿಸಿದ್ದೇವೆ, ಈ ಸಂದರ್ಭದಲ್ಲಿ ಇಸ್ಲಾಮಿಕ್ ರಾಷ್ಟ್ರಗಳ ನಿಲುವು ಅಮೆರಿಕಕ್ಕಿಂತ ಉತ್ತಮವಾಗಿತ್ತು. ಅಮೇರಿಕನ್ ಪತ್ರಿಕೆಗಳಂತೆ, ಇಸ್ಲಾಮಿಕ್ ರಾಷ್ಟ್ರಗಳ ಮಾಧ್ಯಮಗಳು ಯಾವುದೇ ಪ್ರಚಾರವನ್ನು ಹರಡಲಿಲ್ಲ, ಅಥವಾ ಅವರ ನಾಯಕರು ಬೂಟಾಟಿಕೆ ತೋರಿಸಲಿಲ್ಲ. ಅವರು ಇಸ್ಲಾಂನ ಕ್ಯಾರೆಟ್ ಹಿಡಿಯುತ್ತಲ್ಲೇ ಪಾಕಿಸ್ತಾನದ ಬೆನ್ನು ತಟ್ಟುತ್ತಿರುವುದು ಕಂಡು ಬಂದಿದೆ ಆದರೆ ರಾಜತಾಂತ್ರಿಕ ಕ್ಷೇತ್ರದಲ್ಲಿ ಭಾರತದ ಪರವಾಗಿಯೇ ನಿಂತರು. ಪ್ರತಿ ಇಸ್ಲಾಮಿಕ್ ರಾಷ್ಟ್ರವೂ ಪಹಲ್ಗಮ್ ಅನ್ನು ಭಯೋತ್ಪಾದಕ ದಾಳಿ ಎಂದು ಕರೆದಿದೆ. ಆದರೆ ಅಮೇರಿಕನ್ ಮಾಧ್ಯಮಗಳು ಹೇಗೆ ವರದಿ ಮಾಡಿದವರು ಎಂಬುದು ಎಲ್ಲರಿಗೂ ನೆನಪಿದೆ.
ಈಗ ಇರಾನ್ ಇಸ್ರೇಲ್ ಹೋರಾಟದಲ್ಲಿ ಇಸ್ರೇಲ್ ಕೇವಲ ಒಂದು ನೆಪವಷ್ಟೇ ಈ ಕ್ರಮ ಕೈಗೊಳ್ಳುವುದು ಅಮೆರಿಕ. ಅಮೆರಿಕ ಪ್ರಸ್ತುತ ಇಸ್ರೇಲ್ನಿಂದ ಅಂತರ ಕಾಯ್ದುಕೊಂಡಿದೆ. ಆದರೆ ಏನಾಗುತ್ತದೆ ಎಂದರೆ ಇದ್ದಕ್ಕಿದ್ದಂತೆ ಸೌದಿ ಅಥವಾ ಇರಾಕ್ನಲ್ಲಿರುವ ಅಮೇರಿಕನ್ ನೆಲೆಯ ಮೇಲೆ ದಾಳಿ ಮಾಡಲಾಗುತ್ತದೆ ಮತ್ತು ಅಮೆರಿಕಕ್ಕೆ ಒಂದು ನೆಪ ಸಿಕ್ಕಂತಾಗುತ್ತದೆ.
ಭಾರತಕ್ಕಿಂತಲೂ ಅಮೆರಿಕಾಗೆ ಪಾಕಿಸ್ತಾನದ ಅಗತ್ಯವಿದೆ.
ಭಾರತ ನಾಶಪಡಿಸುತ್ತಿದ್ದ ಪಾಕಿಸ್ತಾನದ ರನ್ವೇಗಳನ್ನು ಅಮೆರಿಕವು ಇರಾನ್ ವಿರುದ್ಧ ಇಲ್ಲಿಂದ ಹಾರಲು ಬಳಸುತ್ತದೆ. ಅದಕ್ಕಾಗಿಯೇ ಅಮೆರಿಕಕ್ಕೆ ಪಾಕಿಸ್ತಾನದ ಅಗತ್ಯವಿದೆ. ಪಾಕಿಸ್ತಾನದ ಮೂಲಕ ಅದು ದಕ್ಷಿಣ ಏಷ್ಯಾ ಮತ್ತು ಮಧ್ಯಪ್ರಾಚ್ಯದ ಮೇಲೆ ಪ್ರಭಾವ ಬೀರುತ್ತಿದೆ.
ಪಾಕಿಸ್ತಾನದ ಬಗ್ಗೆ ಅಮೆರಿಕದ ಆಸಕ್ತಿ ಭಾರತವನ್ನು ಮೀರಿದ್ದು, ಅಮೆರಿಕವು ಇರಾನ್ ವಿರುದ್ಧ ಹೋರಾಡಬೇಕು ಅದು ಅದಕ್ಕಾಗಿ ಪಾಕಿಸ್ತಾನದ ನೆಲವನ್ನು ಬಳಸಿಕೊಳ್ಳಬೇಕೆಂದು ನಾವು ಬಯಸುತ್ತೇವೆ. ಇದನ್ನು ನೋಡಿ ಪಾಕಿಸ್ತಾನದ ಜನರು ಗಲಾಟೆ ಮಾಡಬೇಕು ಎಂದು ನಾವು ಬಯಸುತ್ತೇವೆ.
ನಾಶವಾದ ಇರಾನ್ ಬದಲಿಗೆ ದುರ್ಬಲ ಇರಾನ್ ನಮ್ಮ ಪರವಾಗಿದೆ. ಇರಾನ್ ಪರಮಾಣು ಶಕ್ತಿಯಾಗುವ ಕನಸನ್ನು ತ್ಯಜಿಸಿ ಅಮೆರಿಕದ ಪರ ಸರ್ಕಾರ ಇರಾನ್ನಲ್ಲಿ ಅಧಿಕಾರಕ್ಕೆ ಬರುವ ಬದಲು ಅಮೆರಿಕದ ವಿರುದ್ಧ ಪ್ರಾಕ್ಸಿ ಯುದ್ಧವನ್ನು ಮುಂದುವರಿಸುವುದು ನಮ್ಮ ಹಿತಾಸಕ್ತಿಯಾಗಿದೆ. ಇದರ ಜೊತೆಗೆ
ಹಿಂದೂ ರಾಷ್ಟ್ರೀಯವಾದಿಗಳು ಮಧ್ಯಪ್ರಾಚ್ಯದ ಮುಸ್ಲಿಮರನ್ನು ಭಾರತದ ಮುಸ್ಲಿಮರಿಗಿಂತ ಭಿನ್ನವಾಗಿ ನೋಡಬೇಕು ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು. ಭಾರತೀಯ ಹಿತಾಸಕ್ತಿಗಳ ಕ್ಷೇತ್ರದಲ್ಲಿ, ಅಲ್ಲಿನ ಜನರು ಇಲ್ಲಿನ ಜನರಿಗಿಂತ ಮಿಲಿಯನ್ ಪಟ್ಟು ಉತ್ತಮರು, ಕನಿಷ್ಠ ಇದು 2025 ರ ಸ್ಥಿತಿ ಎಂದು ರಾಜಕೀಯ ವಿಶ್ಲೇಷಕ ಸೈಯ್ಯದ್ ರಿಜ್ವಾನ್ ಅಹ್ಮದ್ ಬರೆದುಕೊಂಡಿದ್ದು, ಇವರ ಟ್ವಿಟ್ಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗುತ್ತಿದೆ.