ಫೆಸಿಫಿಕ್ ಮಹಾಸಾಗರದ ಬಳಿ ಕೊನೆಗೂ ಪತ್ತೆಯಾದ್ರಾ Aliens..! ಪೈಲಟ್ಗಳು ಹೇಳಿದ್ದೇನು..?
ಪೈಲಟ್ಗಳು ಫೆಸಿಫಿಕ್ ಮಹಾಸಾಗರದ ಪ್ರದೇಶದಲ್ಲಿ ಅನೇಕ ವಿಮಾನಗಳ ರೀತಿಯ ವಿಚಿತ್ರ ಹಾರುವ ವಸ್ತುಗಳನ್ನು ಗುರುತಿಸಿದ್ದಾರೆ. ಹಲವಾರು ಯುಎಫ್ಒಗಳು ತಮ್ಮ ಮೇಲೆ ಹಾರುವುದನ್ನು ನಾನು ನೋಡಿದ್ದೇನೆ ಎಂದು ಹೇಳಿದ್ದಾರೆ.
ಕಳೆದ ಎರಡು ತಿಂಗಳುಗಳಿಂದ ಪೆಸಿಫಿಕ್ ಸಾಗರದ ಮೇಲೆ ಆಕಾಶದಲ್ಲಿ ಗುರುತಿಸಲಾಗದ ಹಾರುವ ವಸ್ತುಗಳು (Unidentified Flying Objects) (UFOs) ಗೋಚರಿಸುತ್ತಿವೆ ಎಂದು ಯುಎಫ್ಒ ಸಂಶೋಧಕರೊಬ್ಬರು ಸ್ಪೋಟಕ ಮಾಹಿತಿ ನೀಡಿದ್ದಾರೆ. ಮಾಜಿ FBI ಏಜೆಂಟ್ ಮತ್ತು ಡಿಸ್ಕವರಿ+ ಶೋ 'UFO ವಿಟ್ನೆಸ್ ನ ನಿರೂಪಕ ಬೆನ್ ಹ್ಯಾನ್ಸೆನ್, ಪೈಲಟ್ಗಳಿಂದ (Pilot) ಆಕಾಶದ ನಡುವೆ UFO ವೀಕ್ಷಣೆಗಳ ವಿಡಿಯೋ ತುಣುಕನ್ನು ಮತ್ತು ಏರ್ ಟ್ರಾಫಿಕ್ ಕಂಟ್ರೋಲ್ (Air Traffic Control) ರೆಕಾರ್ಡಿಂಗ್ಗಳನ್ನು ಸಂಗ್ರಹಿಸಿದ್ದಾರೆ ಎಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.
ಸೌತ್ವೆಸ್ಟ್ ಏರ್ಲೈನ್ಸ್, ಹವಾಯಿಯನ್ ಏರ್ಲೈನ್ಸ್ - ಹೀಗೆ ಹಲವಾರು ಏರ್ಲೈನ್ಸ್ಗಳ ಇತರ ಪೈಲಟ್ಗಳು ಈ ಪ್ರದೇಶದಲ್ಲಿ ಅನೇಕ ವಿಮಾನಗಳ ರೀತಿಯ ವಿಚಿತ್ರ ಹಾರುವ ವಸ್ತುಗಳನ್ನು ಗುರುತಿಸಿದ್ದಾರೆ. ಹಲವಾರು ಯುಎಫ್ಒಗಳು ತಮ್ಮ ಮೇಲೆ ಹಾರುವುದನ್ನು ನಾನು ನೋಡಿದ್ದೇನೆ ಎಂದು ಹೇಳಿದರು. ಹಲವಾರು ವಿಮಾನಗಳು ನಮ್ಮ ಮೇಲೆ ಹಾರುವುದನ್ನು ನಾನು ನೋಡಿದ್ದೇನೆ ಎಂದು ಮಾಜಿ ಮಿಲಿಟರಿ ಪೈಲಟ್ ಒಬ್ಬರು ಸಹ ಹೇಳಿದ್ದಾರೆ.
ಇದನ್ನು ಓದಿ: Alien News: ಡಿಸೆಂಬರ್ 8ಕ್ಕೆ ಭೂಮಿಗೆ ಬರಲಿದ್ದಾರೆ ಅನ್ಯಗ್ರಹ ಜೀವಿಗಳು!
"ನಮ್ಮ ಮೇಲೆ ನಾವು ಕೆಲವು ವಿಮಾನಗಳನ್ನು (Aircraft) ಹೊಂದಿದ್ದೇವೆ ಮತ್ತು ಅವರು ನಮಗಿಂತ ಹೆಚ್ಚು ಎತ್ತರದಲ್ಲಿ ವೃತ್ತಗಳಲ್ಲಿ ಸುತ್ತುತ್ತಿದ್ದಾರೆ. ಅವು ಯಾವುವು ಎಂದು ನಿಮಗೆ ಏನಾದರೂ ಕಲ್ಪನೆ ಇದೆಯೇ?" ಎಂದು ಲಾಸ್ ಏಂಜಲೀಸ್ ಕರಾವಳಿ ಪ್ರದೇಶದ ಬಳಿ ಚಾರ್ಟರ್ ಜೆಟ್ ಅನ್ನು ಹಾರಿಸುತ್ತಿರುವಾಗ, ಪೈಲಟ್ ಮಾರ್ಕ್ ಹಲ್ಸಿ ಆಗಸ್ಟ್ 18 ರಂದು ಏರ್ ಟ್ರಾಫಿಕ್ ಕಂಟ್ರೋಲ್ ಜತೆ ರೇಡಿಯೋ ಸಂಭಾಷೆಯಲ್ಲಿ ಮಾತನಾಡಿದ್ದರಂತೆ. ನಮಗೂ ಸಹ ಅದು ಖಚಿತವಾಗಿಲ್ಲ ಎಂದು ಏರ್ ಟ್ರಾಫಿಕ್ ಕಂಟ್ರೋಲ್ನವರು ಹೇಳಿದ್ದಾರೆ ಎಂದೂ ತಿಳಿದುಬಂದಿದೆ.
ಅಂದ ಹಾಗೆ, ಒಂದು ವಿಮಾನವಲ್ಲ, ಕೇವಲ 23 ನಿಮಿಷಗಳಲ್ಲಿ, ಪೈಲಟ್ ಮಾರ್ಕ್ ಹಲ್ಸಿ ಅವರು ಅಂತಹ 7 ವಿಮಾನಗಳನ್ನು ಗುರುತಿಸಿದ್ದಾರೆ. 5,000 ರಿಂದ 10,000 ಅಡಿಗಳ ನಡುವೆ ನಮ್ಮ ಮೇಲೆ ಹಾರಿವೆ ಎಂದೂ ಹೇಳಿದರು. ಆರಂಭದಲ್ಲಿ ಈ ರೀತಿ 3 ಯುಎಫ್ಓಗಳಿದ್ದದ್ದು ಆಮೇಲೆ ಕೆಲವೇ ನಿಮಿಷಗಳಲ್ಲಿ 7 ವಿಮಾನಗಳ ರೀತಿಯ ವಸ್ತುಗಳು ಕಾಣಿಸಿಕೊಂಡಿದೆ ಎಂದೂ ತಿಳಿದುಬಂದಿದೆ.
ಇದನ್ನೂ ಓದಿ: ಅನ್ಯಗ್ರಹ ಜೀವಿ ಈ ನಾರಿ ನಿದ್ರೆ ಕದೀತಾವಂತೆ!
ಈ ಬಗ್ಗೆ ರೆಕಾರ್ಡಿಂಗ್ನಲ್ಲಿ ಮಾತನಾಡಿದ ಪೈಲಟ್ ಮಾರ್ಕ್ ಹಲ್ಸಿ, "ಅವರು ಸರ್ಕಲ್ಗಳಲ್ಲಿ ಹೋಗುತ್ತಲೇ ಇದ್ದರು. ನಾನು ಮೆರೈನ್ ಕಾರ್ಪ್ಸ್ನಲ್ಲಿ F-18 ಪೈಲಟ್ ಆಗಿದ್ದೆ, ಮತ್ತು ನಾನು ನಿಮಗೆ ಹೇಳುತ್ತಿದ್ದೇನೆ, ನಾನು ಅನೇಕ ಇಂಟರ್ಸೆಪ್ಟ್ಗಳನ್ನು ಮಾಡಿದ್ದೇನೆ. ಆದರೆ, ನಾನು ಈ ರೀತಿ ಏನನ್ನೂ ನೋಡಿಲ್ಲ’’ ಎಂದು ಅವರು ಹೇಳಿಕೊಂಡಿದ್ದಾರೆ.
ವಿಚಿತ್ರವಾದ ದೀಪಗಳನ್ನು ಗುರುತಿಸಿದ್ದಾಗಿಯೂ ಹೇಳಿಕೊಂಡ ಅವರು, "15 ವಿವಿಧ ವಾಣಿಜ್ಯ ವಿಮಾನಗಳ ಮೇಲೆ ಯುಎಫ್ಒಗಳನ್ನು ನೋಡಿದ್ದಾರೆ. ಮತ್ತು ಕನಿಷ್ಠ 6 ಪೈಲಟ್ಗಳು ತಮ್ಮ ಹೆಸರುಗಳು ಮತ್ತು ಯಾವುದೇ ತನಿಖಾ ಸಂಸ್ಥೆಗಳು ಹಾಗೆ ಮಾಡಲು ಕೇಳಿದರೆ ಎಲ್ಲವನ್ನೂ ದಾಖಲಿಸಲು ಸಿದ್ಧರಿದ್ದಾರೆ" ಎಂದು ಹ್ಯಾನ್ಸೆನ್ ಹೇಳಿದರು.
ಇದನ್ನೂ ಓದಿ: ಗುರುಗ್ರಹದ ಚಂದ್ರ ಯುರೋಪಾದಲ್ಲಿ ವಾಸಯೋಗ್ಯ ಪ್ರದೇಶ ಪತ್ತೆ: ಏಲಿಯನ್ಸ್ ಅಸ್ತಿತ್ವಕ್ಕೆ ಮತ್ತಷ್ಟು ಪುಷ್ಟಿ?
ಇನ್ನು, ಪೈಲಟ್ ಏರ್ ಟ್ರಾಫಿಕ್ ಕಂಟ್ರೋಲ್ ಸೌಲಭ್ಯಕ್ಕೆ ವಿಚಿತ್ರ ದೃಶ್ಯಗಳನ್ನು ವರದಿ ಮಾಡಿದಾಗಲೆಲ್ಲಾ ಅದನ್ನು ನಾವು ದಾಖಲಿಸಿಕೊಳ್ಳುತ್ತೇವೆ ಎಂದೂ ಎಫ್ಎಎ ವಕ್ತಾರರು ಮಾಧ್ಯಮವೊಂದಕ್ಕೆ ಹೇಳಿದ್ದಾರೆ.
ಕಳೆದ ವರ್ಷ, ವಾಷಿಂಗ್ಟನ್ ಅಧಿಕಾರಿಗಳು UFO ವೀಕ್ಷಣೆಗಳ ವಿದ್ಯಮಾನಗಳನ್ನು ವಿವರಿಸಲು ಸಾಧ್ಯವಿಲ್ಲ ಎಂದು ಒಪ್ಪಿಕೊಂಡ ನಂತರ, ರಕ್ಷಣಾ ಇಲಾಖೆಯು ನಿರ್ಬಂಧಿತ ವಾಯುಪ್ರದೇಶದಲ್ಲಿ UFO ಗಳನ್ನು ಹುಡುಕುವ ಮತ್ತು ಗುರುತಿಸುವ ಹೊಸ ವೇಷವನ್ನು ಪ್ರಾರಂಭಿಸಿತು ಎಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.