ಗುರುಗ್ರಹದ ಚಂದ್ರ ಯುರೋಪಾದಲ್ಲಿ ವಾಸಯೋಗ್ಯ ಪ್ರದೇಶ ಪತ್ತೆ: ಏಲಿಯನ್ಸ್ ಅಸ್ತಿತ್ವಕ್ಕೆ ಮತ್ತಷ್ಟು ಪುಷ್ಟಿ?
ಸೌರವ್ಯೂಹದಲ್ಲಿ ಗುರುಗ್ರಹದ ಚಂದ್ರಗಳಲ್ಲಿಒಂದಾದ ಯುರೋಪಾವನ್ನು ಜೀವಿಗಳು ವಾಸಿಸಿಲು ಯೋಗ್ಯವಾಗಿರುವಂಥಹ ಪ್ರಮುಖ ಪ್ರದೇಶಗಳಲ್ಲೊಂದು ಎಂದು ಪರಿಗಣಿಸಲಾಗುತ್ತದೆ
 )
Followನವದೆಹಹಲಿ (ಏ. 22): ಮಾನವರು ನೂರಾರು ವರ್ಷಗಳಿಂದ ಅನ್ಯಲೋಕದ ಜೀವಿಗಳೊಂದಿಗೆ ಸಂಪರ್ಕ ಸಾಧಿಸಲು ಪ್ರಯತ್ನಿಸುತ್ತಿದ್ದಾರೆ. ಹಲವು ಸಂಶೋಧನೆಗಲ್ಲಿ ಅನ್ಯಗ್ರಹ ಜೀವಿಗಳ ಬಗ್ಗೆ ಕುರುಹು ಸಿಕ್ಕಿದ್ದರೂ, ಈ ಪ್ರಯತ್ನಕ್ಕೆ ಇನ್ನೂ ಸಂಪೂರ್ಣ ಯಶಸ್ಸು ಸಿಕ್ಕಿಲ್ಲ. ಈಗ ಅನ್ಯಲೋಕದಲ್ಲಿ ಜೀವಿಗಳು ಅಥವಾ ಏಲಿಯನ್‌ಗಳು ವಾಸಿಸುತ್ತಿರಬಹುದು ಎಂಬುದಕ್ಕೆ ಮತ್ತಷ್ಟು ಪುಷ್ಟಿ ಸಿಕ್ಕಿದೆ. ಹೊಸ ಸಂಶೋಧನೆಯೊಂದರಲ್ಲಿ, ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾನಿಲಯದ ಸಂಶೋಧಕರ ತಂಡವು ಗುರುಗ್ರಹದ ಚಂದ್ರಗಳಲ್ಲಿಒಂದಾದ ಯುರೋಪಾದಲ್ಲಿ (Jupiter’s moon Europa) ಡಬಲ್ ರಿಡ್ಜ್‌ಗಳು (Double Ridges) ಎಂಬ ರಚನೆಗಳ ಕೆಳಗೆ ಹೇರಳವಾಗಿರುವ ನೀರಿನ ಪಾಕೆಟ್‌ಗಳು ಇರಬಹುದು ಎಂದು ಹೇಳಿದ್ದಾರೆ.
ಸೌರವ್ಯೂಹದಲ್ಲಿ ಗುರುಗ್ರಹದ ಚಂದ್ರಗಳಲ್ಲಿಒಂದಾದ ಯುರೋಪಾವನ್ನು ಜೀವಿಗಳು ವಾಸಿಸಿಲು ಯೋಗ್ಯವಾಗಿರುವಂಥಹ ಪ್ರಮುಖ ಪ್ರದೇಶಗಳಲ್ಲೊಂದು ಎಂದು ಪರಿಗಣಿಸಲಾಗುತ್ತದೆ. ಈಗ ಹೇರಳವಾಗಿ ಪತ್ತೆಯಾಗಿರುವ ನೀರಿನ ಪಾಕೆಟ್‌ಗಳು ಬಾಹ್ಯಾಕಾಶದಲ್ಲಿ ಅನ್ಯಗೃಹ ಜೀವಿಗಳ ಉಪಸ್ಥಿತಿಗೆ ಕುರುಹು ಸಿಕ್ಕಂತಾಗಿದೆ. ವಿಜ್ಞಾನಿಗಳ ಈ ಹೊಸ ಸಂಶೋಧನೆಗಳನ್ನು ನೇಚರ್ ಕಮ್ಯುನಿಕೇಷನ್ಸ್ ಜರ್ನಲ್‌ನಲ್ಲಿ ಈ ವಾರ ಪ್ರಕಟಿಸಲಾಗಿದೆ.
ಇದನ್ನೂ ಓದಿ: ಮಂಗಳನ ಅಂಗಳದಿಂದ ಸೂರ್ಯೋದಯ ಹೇಗೆ ಕಾಣುತ್ತೆ ಗೊತ್ತಾ? ನಾಸಾ ಸೆರೆಹಿಡಿದ ಈ ಚಿತ್ರ ನೋಡಿ
ಯುರೋಪಾದ ಮೇಲ್ಮೈ ಹೆಚ್ಚಾಗಿ ಘನ ನೀರಿನ ಮಂಜುಗಡ್ಡೆಯಾಗಿದ್ದು, ಅದರ ಕೆಳಗೆ ನೀರು ಇದೆ ಎಂದು ಈಗಾಗಲೇ ತಿಳಿದಿದೆ. ಯುರೋಪಾ ಮೇಲ್ಮೈಯಲ್ಲಿ ಡಬಲ್ ರಿಡ್ಜ್‌ಗಳು ನೀರಿನ ಪಾಕೆಟ್‌ಗಳ ಮೇಲೆ ರಚನೆಯಾಗುತ್ತವೆ ಎಂದು ಸಂಶೋಧಕರು ಈಗ ಹೇಳುತ್ತಿದ್ದಾರೆ. ಇವು ಭೂಮಿಯ ಗ್ರೀನ್‌ಲ್ಯಾಂಡ್ ಐಸ್ ಶೀಟ್‌ನಲ್ಲಿ ಸಾಮಾನ್ಯವಾಗಿ ಕಂಡುಬರುವ ಮಂಜುಗಡ್ಡೆಯ ರಿತಿಯೇ ಇವೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
ಯುರೋಪಾ ಎಂದರೇನು?: ಯುರೋಪಾ ಭೂಮಿಯ ಚಂದ್ರನಿಗಿಂತ ಸ್ವಲ್ಪ ಚಿಕ್ಕದಾಗಿದೆ ಮತ್ತು ಅದರ ವ್ಯಾಸವು ಭೂಮಿಯ ಕಾಲು ಭಾಗದಷ್ಟು ಇದೆ. ಯುರೋಪಾವು ತುಂಬಾ ತೆಳುವಾದ ಆಮ್ಲಜನಕದ ವಾತಾವರಣವನ್ನು ಹೊಂದಿದ್ದರೂ ಸಹ, ಭೂಮಿಯಾಚೆಗಿನ ಜೀವನಕ್ಕೆ ಸೂಕ್ತವಾದ ಇಂದಿನ ಪರಿಸರವನ್ನು ಹುಡುಕಲು ಸೌರವ್ಯೂಹದ ಅತ್ಯಂತ ಭರವಸೆಯ ಸ್ಥಳಗಳಲ್ಲಿ ಒಂದಾಗಿದೆ ಎಂದು ಪರಿಗಣಿಸಲಾಗಿದೆ.
ಯುರೋಪಾದ ಹಿಮಾವೃತ ಮೇಲ್ಮೈ ಅಡಿಯಲ್ಲಿ ನೀರಿನ ಪ್ರಮಾಣವು ಭೂಮಿಗಿಂತ ಎರಡು ಪಟ್ಟು ಹೆಚ್ಚಾಗಿದೆ ಎಂದು ನಂಬಲಾಗಿದೆ. ಯುರೋಪಾದ ಮಂಜುಗಡ್ಡೆಯ ಶೆಲ್ 15-25 ಕಿಮೀ ದಪ್ಪ ಮತ್ತು ಸಾಗರದ ಮೇಲೆ ತೇಲುತ್ತಿದೆ ಎಂದು ವಿಜ್ಞಾನಿಗಳು ನಂಬುತ್ತಾರೆ, ಇದು 60-150 ಕಿಮೀ ಆಳದಲ್ಲಿದೆ ಎಂದು ಅಂದಾಜಿಸಲಾಗಿದೆ ಎಂದು ನಾಸಾ ಹೇಳಿದೆ.
ಕುತೂಹಲಕಾರಿಯಾಗಿ, ಅದರ ವ್ಯಾಸವು ಭೂಮಿಗಿಂತ ಕಡಿಮೆಯಿದ್ದರೂ, ಯುರೋಪಾ ಬಹುಶಃ ಭೂಮಿಯ ಎಲ್ಲಾ ಸಾಗರಗಳಲ್ಲಿನ ನೀರಿನ ಪ್ರಮಾಣದ ಎರಡು ಪಟ್ಟು ಹೊಂದಿರುತ್ತದೆ ಎಂಬುದು ವಿಜ್ಞಾನಿಗಳ ಅಭಿಪ್ರಾಯ. ನಾಸಾ 2024 ರಲ್ಲಿ ತನ್ನ ಯುರೋಪಾ ಕ್ಲಿಪ್ಪರನ್ನು ಪ್ರಾರಂಭಿಸುವ ನಿರೀಕ್ಷೆಯಿದೆ. ಈ ಮಾಡ್ಯೂಲ್ ಗುರುಗ್ರಹವನ್ನು ಪರಿಭ್ರಮಿಸಲಿದ್ದು, ಯುರೋಪಾಗೆ ಹತ್ತಿರ ಸಂಚರಿಸಲಿದೆ. ಇದು ಚಂದ್ರನ ವಾತಾವರಣ, ಮೇಲ್ಮೈ ಮತ್ತು ಅದರ ಒಳಭಾಗದ ಡೇಟಾವನ್ನು ಸಂಗ್ರಹಿಸಲಿದೆ.
ಇತ್ತೀಚಿನ ಸಂಶೋಧನೆಗಳ ಪರಿಣಾಮಗಳೇನು?: ಭೂಮಿಯ ಮೇಲಿನ ಗ್ರೀನ್‌ಲ್ಯಾಂಡ್ ಐಸ್ ಶೀಟ್‌ನಲ್ಲಿ ಕಂಡುಬರುವ ಮೇಲ್ಮೈಗಳು ಮತ್ತು ಯುರೋಪಾದ ಮಂಜುಗಡ್ಡೆಯ ಶೆಲ್‌ನಲ್ಲಿ ಕಂಡುಬರುವಂತೆ ಡಬಲ್ ರಿಡ್ಜ್‌ನ ಕೆಳಗಿರುವ ಆಳವಿಲ್ಲದ ನೀರಿನ ಪಾಕೆಟ್‌ಗಳು ಚಂದ್ರನ ಮೇಲೆ ಅನ್ಯಗೃಹ ಜೀವಿಗಳು ವಾಸಿಸುತ್ತಿರುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ.
ಇದನ್ನೂ ಓದಿ: ಏಲಿಯನ್ಸ್ ಆಕರ್ಷಿಸಲು ಬಾಹ್ಯಾಕಾಶಕ್ಕೆ ಮಾನವರ ನಗ್ನ ಚಿತ್ರ: ನಾಸಾ ವಿಜ್ಞಾನಿಗಳ ಹೊಸ ಪ್ರಯೋಗ!
ಯುರೋಪಾದಲ್ಲಿರುವ ಮೈಲುಗಳಷ್ಟು ದಪ್ಪವಿರುವ ಹಿಮದ ಕವಚನ್ನು ಪರೀಕ್ಷಿಸಲು ವಿಜ್ಞಾನಿಗಳಿಗೆ ಕೊಂಚ ಕಷ್ಟಕರವಾದ ಕೆಲದವಾಗಿದೆ .ಆದರೆ ಸ್ಟ್ಯಾನ್‌ಫೋರ್ಡ್ ತಂಡವು ಸಂಗ್ರಹಿಸಿದ ಹೊಸ ಪುರಾವೆಗಳ ಪ್ರಕಾರ, ಐಸ್ ಶೆಲ್ ಕಡಿಮೆ ತಡೆಗೋಡೆ ಮತ್ತು ಹೆಚ್ಚು ಕ್ರಿಯಾತ್ಮಕ ವ್ಯವಸ್ಥೆಯನ್ನು ಹೊಂದಿದೆ ಎಂದು ನಂಬಲಾಗಿದೆ. ಇದರರ್ಥ ಐಸ್ ಶೆಲ್ ಐಸ್ನ ಜಡ ಬ್ಲಾಕ್ನಂತೆ ವರ್ತಿಸುವುದಿಲ್ಲ, ಬದಲಿಗೆ ವಿವಿಧ ಭೂವೈಜ್ಞಾನಿಕ ಮತ್ತು ಜಲವಿಜ್ಞಾನದ ಪ್ರಕ್ರಿಯೆಗಳಿಗೆ ಒಳಗಾಗುತ್ತದೆ.
ಡಬಲ್-ರಿಡ್ಜ್ ವೈಶಿಷ್ಟ್ಯ?: ಯುರೋಪಾ ಕುರಿತು ಲ್ಯಾಬ್ ಗ್ರೂಪ್ ಪ್ರೆಸೆಂಟೆಷನ್ ಸಮಯದಲ್ಲಿ ಅಧ್ಯಯನದ ಸಹ ಲೇಖಕರು ಡಬಲ್-ರಿಡ್ಜ್ ರಚನೆಗಳನ್ನು ಗಮನಿಸಿದ್ದಾರೆ. ಈ ರಚನೆಗಳು ಗ್ರೀನ್‌ಲ್ಯಾಂಡ್‌ನ ಮಂಜುಗಡ್ಡೆಯ ಮೇಲ್ಮೈಯಲ್ಲಿ ಒಂದು ಸಣ್ಣ ವೈಶಿಷ್ಟ್ಯವನ್ನು ಹೋಲುತ್ತವೆ ಎಂದು ಅವರು ತಿಳಿಸಿದ್ದಾರೆ.
