'ನಮಗೆ ಇರೋದು ಇದೊಂದೇ ಮಾರ್ಗ..' ಎಲ್ಲಾ ಸರ್ಕಾರಿ ಕಂಪನಿಗಳ ಮಾರಾಟ ಘೋಷಿಸಿದ ಪಾಕಿಸ್ತಾನ!
ಎಲ್ಲಾ ಸರ್ಕಾರಿ ಕಂಪನಿಗಳನ್ನು ಖಾಸಗೀಕರಣಗೊಳಿಸಲಾಗುವುದು ಎಂದು ಪಾಕಿಸ್ತಾನದ ಪ್ರಧಾನಿ ಶಹಬಾಜ್ ಷರೀಫ್ ಹೇಳಿದ್ದಾರೆ. ಇಸ್ಲಾಮಾಬಾದ್‌ನಲ್ಲಿ ಖಾಸಗೀಕರಣ ಸಚಿವಾಲಯ ಮತ್ತು ಖಾಸಗೀಕರಣ ಆಯೋಗಕ್ಕೆ ಸಂಬಂಧಿಸಿದ ವಿಷಯಗಳ ಪರಿಶೀಲನಾ ಸಭೆಯಲ್ಲಿ ಈ ಘೋಷಣೆ ಮಾಡಲಾಗಿದೆ.
Followನವದೆಹಲಿ (ಮೇ.14): ಬಡತನ, ಸಾಲದ ಹೊರೆಯಲ್ಲಿ ಸಿಲುಕಿರವ ಪಾಕಿಸ್ತಾನ ಸರ್ಕಾರ ತನ್ನ ಕೊನೆಯ ಮಾರ್ಗ ಎನ್ನುವಂತೆ ದೇಶದಲ್ಲಿನ ಎಲ್ಲಾ ಸರ್ಕಾರಿ ಉದ್ದಿಮೆಗಳ ಕಂಪನಿಗಳನ್ನು ಖಾಸಗೀಕರಣ ಮಾಡುವ ಘೋಷಣೆ ಮಾಡಿದೆ. ಆಯಕಟ್ಟಿನ ಪ್ರಮುಖ ಉದ್ಯಮಗಳನ್ನು ಹೊರತುಪಡಿಸಿ ಎಲ್ಲಾ ಸರ್ಕಾರಿ ಸ್ವಾಮ್ಯದ ಉದ್ಯಮಗಳನ್ನು ಖಾಸಗೀಕರಣಗೊಳಿಸುವುದಾಗಿ ಪಿಎಂ ಶೆಹಬಾಜ್ ಷರೀಫ್ ಮಂಗಳವಾರ ಘೋಷಿಸಿದರು. ಷರೀಫ್ ಅವರು ಇಸ್ಲಾಮಾಬಾದ್‌ನಲ್ಲಿ ಖಾಸಗೀಕರಣ ಸಚಿವಾಲಯ ಮತ್ತು ಖಾಸಗೀಕರಣ ಆಯೋಗಕ್ಕೆ ಸಂಬಂಧಿಸಿದ ವಿಷಯಗಳ ಕುರಿತು ಪರಿಶೀಲನಾ ಸಭೆ ನಡೆಸಿದ ಬಳಿಕ, ಸರ್ಕಾರಿ ಕಂಪನಿಗಳನ್ನು ಖಾಸಗೀಕರಣಗೊಳಿಸುವ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ .ARY ನ್ಯೂಸ್‌ನ ವರದಿಯ ಪ್ರಕಾರ, 2024-29 ರ ಖಾಸಗೀಕರಣ ಕಾರ್ಯಕ್ರಮದ ಮಾರ್ಗಸೂಚಿಯನ್ನು ಸಭೆಯಲ್ಲಿ ಮಂಡಿಸಲಾಗಿದೆ. ಇದರಲ್ಲಿ ವಿದ್ಯುತ್ ವಿತರಣಾ ಕಂಪನಿಗಳ ಖಾಸಗೀಕರಣವೂ ಸೇರಿದೆ. ಈ ನಿಟ್ಟಿನಲ್ಲಿ ಅಗತ್ಯ ಕ್ರಮ ಕೈಗೊಳ್ಳುವಂತೆ ಮತ್ತು ಖಾಸಗೀಕರಣ ಆಯೋಗದೊಂದಿಗೆ ಸಹಕರಿಸುವಂತೆ ಪಾಕಿಸ್ತಾನದ ಪ್ರಧಾನಿ ಎಲ್ಲಾ ಫೆಡರಲ್ ಸಚಿವಾಲಯಗಳಿಗೆ ಸೂಚಿಸಿದ್ದಾರೆ.
ಸರ್ಕಾರಿ ಸ್ವಾಮ್ಯದ ವ್ಯವಹಾರಗಳ ಖಾಸಗೀಕರಣವು ತೆರಿಗೆದಾರರ ಹಣವನ್ನು ಉಳಿಸುತ್ತದೆ ಮತ್ತು ಜನರಿಗೆ ಗುಣಮಟ್ಟದ ಸೇವೆಗಳನ್ನು ಒದಗಿಸಲು ಸರ್ಕಾರಕ್ಕೆ ಸಹಾಯ ಮಾಡುತ್ತದೆ ಎಂದು ಪಾಕಿಸ್ತಾನದ ಪ್ರಧಾನಿ ಹೇಳಿದ್ದಾರೆ.
ಕಂಪನಿಗಳ ಬಿಡ್‌ಗಳ ನೇರ ಪ್ರಸಾರ: ಎಆರ್‌ವೈ ನ್ಯೂಸ್‌ನ ವರದಿಯನ್ನು ಉಲ್ಲೇಖಿಸಿದ ಎಎನ್‌ಐ, ಸರ್ಕಾರದ ಕೆಲಸ ವ್ಯಾಪಾರ ಮಾಡುವುದು ಅಲ್ಲ ಆದರೆ ವ್ಯಾಪಾರ ಮತ್ತು ಹೂಡಿಕೆಗೆ ಅನುಕೂಲಕರ ವಾತಾವರಣವನ್ನು ಸೃಷ್ಟಿಸುವುದು ಎಂದು ಹೇಳಿದೆ. ಪಾಕಿಸ್ತಾನ್ ಇಂಟರ್‌ನ್ಯಾಶನಲ್ ಏರ್‌ಲೈನ್ಸ್ ಕಂಪನಿ ಲಿಮಿಟೆಡ್ (ಪಿಐಎ) ಖಾಸಗೀಕರಣ ಸೇರಿದಂತೆ ಇತರ ಕಂಪನಿಗಳ ಬಿಡ್ಡಿಂಗ್ ಮತ್ತು ಇತರ ಪ್ರಮುಖ ಪ್ರಕ್ರಿಯೆಗಳನ್ನು ನೇರ ಪ್ರಸಾರ ಮಾಡಲು ಷರೀಫ್ ನಿರ್ದೇಶಿಸಿದ್ದಾರೆ.
ಖಾಸಗೀಕರಣಕ್ಕೆ ಸಮಿತಿಯನ್ನು ನೇಮಕ: ಪಿಐಎ ಖಾಸಗೀಕರಣಕ್ಕೆ ಪೂರ್ವ ಅರ್ಹತಾ ಪ್ರಕ್ರಿಯೆಯು ಈ ತಿಂಗಳ ಅಂತ್ಯದೊಳಗೆ ಪೂರ್ಣಗೊಳ್ಳಲಿದೆ ಎಂದು ಪಿಎಂ ಷರೀಫ್ ಈ ಸಭೆಯಲ್ಲಿ ತಿಳಿಸಿದರು. ವರದಿಯ ಪ್ರಕಾರ, ನಷ್ಟದಲ್ಲಿರುವ ಸರ್ಕಾರಿ ಸ್ವಾಮ್ಯದ ವ್ಯವಹಾರಗಳನ್ನು ಆದ್ಯತೆಯ ಆಧಾರದ ಮೇಲೆ ಖಾಸಗೀಕರಣಗೊಳಿಸಲಾಗುವುದು. ಖಾಸಗೀಕರಣ ಪ್ರಕ್ರಿಯೆಯನ್ನು ವೇಗಗೊಳಿಸಲು, ಖಾಸಗೀಕರಣ ಆಯೋಗದಲ್ಲಿ ತಜ್ಞರ ಸಮಿತಿಯನ್ನು ನೇಮಿಸಲಾಗುತ್ತಿದೆ.
ಪಿಒಕೆ ಅಭಿವೃದ್ಧಿಗೆ ಪಾಕ್ ಸರ್ಕಾರದಿಂದ 2300 ಕೋಟಿ
ಖಾಸಗೀಕರಣಕ್ಕೆ ಸಚಿವ ಸಂಪುಟ ಒಪ್ಪಿಗೆ: ಶುಕ್ರವಾರ, ಖಾಸಗೀಕರಣದ ಕ್ಯಾಬಿನೆಟ್ ಶೃಂಗಸಭೆಯು 24 ಸರ್ಕಾರಿ ಸ್ವಾಮ್ಯದ ವ್ಯವಹಾರಗಳನ್ನು ಖಾಸಗೀಕರಣ ಕಾರ್ಯಕ್ಕಾಗಿ ಅನುಮೋದಿಸಿದೆ ಮತ್ತು ಖಾಸಗೀಕರಣ ಸಚಿವಾಲಯವು ಸಂಬಂಧಪಟ್ಟ ಸಚಿವಾಲಯಗಳೊಂದಿಗೆ ಸಮಾಲೋಚಿಸಿ ಎಲ್ಲಾ ಘಟಕಗಳ ವಿಧಾನವನ್ನು ಚರ್ಚಿಸಲು ತಿಳಿಸಲಾಗಿದೆ ಎಂಬುದು ಗಮನಾರ್ಹವಾಗಿದೆ.
ಪಾಕಿಸ್ತಾನದ ಕೈ ಜಾರುತ್ತಿದೆ PoK, ಪ್ರತಿಭಟನೆಯಲ್ಲಿ ಮೊಳಗಿತು ಭಾರತದೊಂದಿಗೆ ವಿಲೀನ ಘೋಷಣೆ!
