ಪಾಕಿಸ್ತಾನದ ಡೇರಾ ಘಾಜಿ ಖಾನ್ ಪ್ರದೇಶದಲ್ಲಿ ಬುಧವಾರ ಮಧ್ಯಾಹ್ನ ಎರಡು ಭೂಕಂಪಗಳು ಸಂಭವಿಸಿವೆ. 4.1 ಮತ್ತು 4.4 ತೀವ್ರತೆಯ ಭೂಕಂಪಗಳಿಂದ ಯಾವುದೇ ಹಾನಿಯಾಗಿಲ್ಲ ಎಂದು ವರದಿಯಾಗಿದೆ. ಕಳೆದ ಎರಡು ತಿಂಗಳಲ್ಲಿ ಪಾಕಿಸ್ತಾನದಲ್ಲಿ ಹಲವು ಭೂಕಂಪಗಳು ಸಂಭವಿಸಿವೆ.
ಪಾಕಿಸ್ತಾನದಲ್ಲಿ ಮತ್ತೊಮ್ಮೆ ಭೂಕಂಪದ ಅನುಭವವಾಗಿದೆ. ಬುಧವಾರ ಮಧ್ಯಾಹ್ನ ಸಂಭವಿಸಿದ ಭೂಕಂಪದಿಂದಾಗಿ ಜನರು ಭಯಭೀತರಾಗಿ ದಿಕ್ಕಪಾಲಾಗಿ ಓಡಿದ ಘಟನೆ ನಡೆದಿದೆ.
ಪಾಕಿಸ್ತಾನದ ಡೇರಾ ಘಾಜಿ ಖಾನ್ ಪ್ರದೇಶದಲ್ಲಿ ಬುಧವಾರ ಮಧ್ಯಾಹ್ನ ಭೂಮಿ ಕಂಪಿಸಿದೆ. ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರದ ಪ್ರಕಾರ, ಮಧ್ಯಾಹ್ನ 1:32ಕ್ಕೆ 4.1 ತೀವ್ರತೆಯ ಭೂಕಂಪವು 10 ಕಿಲೋಮೀಟರ್ ಆಳದಲ್ಲಿ ಸಂಭವಿಸಿದೆ. ಇದರ ಕೆಲವೇ ನಿಮಿಷಗಳ ನಂತರ 1:45ಕ್ಕೆ 4.4 ತೀವ್ರತೆಯ ಮತ್ತೊಂದು ಭೂಕಂಪ ಸಂಭವಿಸಿದೆ. ಡೇರಾ ಘಾಜಿ ಖಾನ್ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಕಂಪನದ ಅನುಭವವಾಗಿದ್ದರೂ, ಯಾವುದೇ ಹಾನಿಯ ವರದಿಯಾಗಿಲ್ಲ.
ಕಳೆದ ಎರಡು ತಿಂಗಳಲ್ಲಿ ಪಾಕಿಸ್ತಾನದಲ್ಲಿ ಭೂಕಂಪಗಳು ಆಗಾಗ ಸಂಭವಿಸುತ್ತಿವೆ. ಮೇ ತಿಂಗಳಲ್ಲಿ ಬಲೂಚಿಸ್ತಾನ ಮತ್ತು ಚಿತ್ರಾಲ್ನಲ್ಲಿ, ಜೂನ್ನಲ್ಲಿ ಕರಾಚಿಯಲ್ಲಿ ಕಂಪನಗಳು ದಾಖಲಾಗಿವೆ. ಪಾಕಿಸ್ತಾನದ ಹಲವು ಪ್ರದೇಶಗಳು ಭೂಕಂಪಕ್ಕೆ ಸೂಕ್ಷ್ಮವಾಗಿವೆ.
Related Articles
ವಿಶ್ವದಲ್ಲೇ ಅತಿಹೆಚ್ಚು ಭೂಕಂಪನ ಪ್ರದೇಶಗಳು:
ಇಂಡೋನೇಷ್ಯಾ ಮತ್ತು ಜಪಾನ್ನ ‘ರಿಂಗ್ ಆಫ್ ಫೈರ್’ ವಲಯವು ಭೂಕಂಪಗಳಿಗೆ ಕುಖ್ಯಾತವಾಗಿದೆ. ಗಿನ್ನೆಸ್ ದಾಖಲೆಯಂತೆ, ಇಂಡೋನೇಷ್ಯಾದಲ್ಲಿ 2023ರಲ್ಲಿ 2212 ಭೂಕಂಪಗಳು (4+ ತೀವ್ರತೆ) ಸಂಭವಿಸಿವೆ, ಇದು ವಿಶ್ವ ದಾಖಲೆಯಾಗಿದೆ.
