Good news: ಮೈಸೂರು ಅರಮನೆಗೆ ನಾಡಹಬ್ಬದ ಬಂಪರ್; ತ್ರಿಶಿಕಾ ಕುಮಾರಿ ಒಡೆಯರ್‌ಗೆ ಗಂಡು ಮಗು ಜನನ!
ಮೈಸೂರು ಅರಮನೆಯಲ್ಲಿ ಮತ್ತೊಮ್ಮೆ ಪುತ್ರೋತ್ಸವವಾಗಿದೆ. ಹೌದು, ತ್ರಿಶಿಕಾ ಕುಮಾರಿ ಒಡೆಯರ್‌, ಗಂಡು ಮಗುವಿನ ತಾಯಿ ಆಗಿದ್ದಾರೆ. ನಾಡಹಬ್ಬ ದಸರೆಯ ನಡುವೆಯೇ ಈ ಸುದ್ದಿ ಮೈಸೂರಿಗರನ್ನು ಪುಳಕಗೊಳಿಸಿದೆ.
 )
Followಮೈಸೂರು: ನಾಡಹಬ್ಬ ಮೈಸೂರು ದಸರಾದ ಸಂಭ್ರಮದ ನಡುವೆಯೇ ಮೈಸೂರು ರಾಜಮನೆತನಕ್ಕೆ ಇನ್ನೊಂದು ಸಿಹಿ ಸುದ್ದಿ ಬಂದಿದೆ. ನವರಾತ್ರಿಯ ಸಂಭ್ರಮದ ನಡುವೆಯೇ, ಯುವರಾಣಿ ತ್ರಿಶಿಕಾ ಕುಮಾರಿ ಒಡೆಯರ್‌ ಅವರು ಇನ್ನೊಂದು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಮೈಸೂರು ಅರಮನೆಗೂ ಮೈಸೂರಿನ ಜನತೆಗೂ ದಸರಾ ಹಬ್ಬದ ಸಂಭ್ರಮ ಇದರಿಂದ ದುಪ್ಪಟ್ಟಾಗಿದೆ.
ನವರಾತ್ರಿ ಆರಂಭದ ದಿನವೇ ಈ ಕುರಿತು ಎಕ್ಸ್‌ಕ್ಲೂಸಿವ್‌ ಸುದ್ದಿಯನ್ನು ಸುವರ್ಣ ನ್ಯೂಸ್‌ ಪ್ರಕಟಿಸಿತ್ತು. ತ್ರಿಶಿಕಾ ಕುಮಾರಿ ತುಂಬು ಗರ್ಭಿಣಿ ಆಗಿದ್ದಾರೆ ಎಂಬ ಬಗ್ಗೆ ಸುವರ್ಣ ನ್ಯೂಸ್‌ ಅರಮನೆಯ ಮೂಲಗಳನ್ನು ಆಧರಿಸಿ ವರದಿ ಮಾಡಿತ್ತು. ನವರಾತ್ರಿ ಆರಂಭದ ಪೂಜಾ ಸಂದರ್ಭದಲ್ಲಿಯೇ ತ್ರಿಶಿಕಾ ಕುಮಾರಿ ಕಾಣಿಸಿಕೊಂಡಿದ್ದರು. ಈ ಸಂದರ್ಭದಲ್ಲಿ ಅವರನ್ನು ಗಮನಿಸಿದ ಹಲವರು ಈ ಅನುಮಾನ ವ್ಯಕ್ತಪಡಿಸಿದ್ದರು. ಅರಮನೆಗೆ ಇನ್ನೊಂದು ಕುಡಿಯ ಆಗಮನಕ್ಕೆ ಕ್ಷಣಗಣನೆಯಾಗುತ್ತಿದೆ ಎಂದಿದ್ದರು. ಹಬ್ಬದ ನಡುವೆಯೇ, ಅದೂ ಆಯುಧ ಪೂಜೆಯ ದಿನವೇ ಪುತ್ರೋತ್ಸವ ಆಗಿರುವುದು ಇದೀಗ ಅರಮನೆಯ ಸಂತಸವನ್ನು ನೂರ್ಮಡಿಗೊಳಿಸಿದೆ.
