ನೂತನ ಗೌಪ್ಯತೆ ವೈಶಿಷ್ಟ್ಯಗಳನ್ನು ಪ್ರಕಟಿಸಿದ WhatsApp: ಇನ್ಮುಂದೆ ಸೈಲೆಂಟ್‌ ಆಗಿ ಗ್ರೂಪ್‌ಗಳಿಂದ ಎಕ್ಸಿಟ್‌ ಆಗಿ..!
ಜನಪ್ರಿಯ ಸಂವಹನ ಪ್ಲಾಟ್ಫಾರ್ಮ್ WhatsApp ಹೊಸ ಗೌಪ್ಯತೆ ವೈಶಿಷ್ಟ್ಯಗಳನ್ನು ಘೋಷಿಸಿದೆ. ಈ ವೈಶಿಷ್ಟ್ಯಗಳು ಶೀಘ್ರದಲ್ಲೇ ಬಳಕೆದಾರರಿಗೆ ಲಭ್ಯವಾಗಲಿದ್ದು, ಈ ಬಗ್ಗೆ ವಿವರ ಇಲ್ಲಿದೆ..
ಜನಪ್ರಿಯ ಸಂವಹನ ಪ್ಲಾಟ್ಫಾರ್ಮ್ WhatsApp ಹಲವಾರು ಹೊಸ ಗೌಪ್ಯತೆ ವೈಶಿಷ್ಟ್ಯಗಳನ್ನು ಘೋಷಿಸಿದ್ದು, ಈ ವೈಶಿಷ್ಟ್ಯಗಳು ಶೀಘ್ರದಲ್ಲೇ ಎಲ್ಲಾ ಬಳಕೆದಾರರಿಗೆ ಲಭ್ಯವಾಗಲಿದೆ ಎಂದು ತಿಳಿದುಬಂದಿದೆ. ನಿಮ್ಮ 'ಆನ್ಲೈನ್' ಸ್ಥಿತಿ ಸೂಚಕವನ್ನು ಮರೆಮಾಡುವ ಸಾಮರ್ಥ್ಯ, ಬಳಕೆದಾರರಿಗೆ ತಿಳಿಸದೆಯೇ WhatsApp ಗ್ರೂಪ್‌ಗಳಿಂದ ಸೈಲೆಂಟಾಗಿ ನಿರ್ಗಮಿಸುವ ಮತ್ತು ಕೆಲವು ಸಂದೇಶಗಳಿಗೆ ಸ್ಕ್ರೀನ್‌ಶಾಟ್‌ಗಳನ್ನು ನಿರ್ಬಂಧಿಸುವ ಸಾಮರ್ಥ್ಯವನ್ನು ಈ ವೈಶಿಷ್ಟ್ಯಗಳು ಒಳಗೊಂಡಿವೆ. ವಾಟ್ಸಾಪ್‌ನ ಮೂಲ ಕಂಪನಿ ಮೆಟಾ (Meta), ಅಂದರೆ ಈ ಹಿಂದಿನ ಫೇಸ್‌ಬುಕ್‌ (Facebook) ಕಂಪನಿಯ ಸ್ಥಾಪಕ ಮತ್ತು ಸಿಇಒ ಮಾರ್ಕ್ ಜುಕರ್‌ಬರ್ಗ್ ಅವರು ಮುಂಬರುವ ಹೊಸ ವಾಟ್ಸಾಪ್ ವೈಶಿಷ್ಟ್ಯಗಳನ್ನು ಮಂಗಳವಾರ ಘೋಷಿಸಿದ್ದಾರೆ.
ಅಪ್ಲಿಕೇಶನ್‌ಗೆ ಬರುವ ಹೊಸ ಗೌಪ್ಯತೆ ವೈಶಿಷ್ಟ್ಯಗಳ ಕುರಿತು ಮತ್ತು ಈ ವೈಶಿಷ್ಟ್ಯಗಳನ್ನು ಯಾವಾಗ ಸ್ವೀಕರಿಸಲು ನಿರೀಕ್ಷಿಸಬಹುದು ಎಂಬುದರ ಕುರಿತು ನೀವು ತಿಳಿದುಕೊಳ್ಳಬೇಕಾದದ್ದು ಇಲ್ಲಿದೆ.
ನೀವು ಆನ್‌ಲೈನ್‌ನಲ್ಲಿರುವಾಗ ಯಾರು ನೋಡಬಹುದು ಎಂಬುದನ್ನು ಆಯ್ಕೆಮಾಡಿ
WhatsApp ಬಳಕೆದಾರರು ತಮ್ಮ 'ಆನ್ಲೈನ್' (Online) ಸ್ಥಿತಿ ಸೂಚಕವನ್ನು ಯಾರೊಂದಿಗೆ ಹಂಚಿಕೊಳ್ಳಲು ಬಯಸುತ್ತಾರೆ ಎಂಬುದನ್ನು ಆಯ್ಕೆ ಮಾಡಲು ಈಗ ಅನುಮತಿಸುತ್ತದೆ. ಬಳಕೆದಾರರು ಆ್ಯಪ್‌ನಲ್ಲಿ ಸಕ್ರಿಯರಾಗಿದ್ದಾರೆಂದು ಸ್ನೇಹಿತರು ಮತ್ತು ಕುಟುಂಬದ ಸದಸ್ಯರು ತಿಳಿದುಕೊಳ್ಳಲು ಬಯಸಿದಾಗ ಆನ್ಲೈನ್ ಸ್ಥಿತಿಯು ಅನುಕೂಲಕರವಾಗಿರುತ್ತದೆ. ಆದರೆ ನೀವು WhatsApp ಅನ್ನು ಖಾಸಗಿಯಾಗಿ ಬಳಸಲು ಬಯಸಿದಾಗ ಈ ಆನ್ಲೈನ್ ಸ್ಥಿತಿ ಸೂಚಕ ಬಳಕೆದಾರರಿಗೆ ತೊಂದರೆ ಉಂಟು ಮಾಡಬಹುದು.
ವಾಟ್ಸಾಪ್‌ನಲ್ಲಿ ಹೊಸ ಫೀಚರ್: 2 ಜಿಬಿ ಗಾತ್ರದ ಫೈಲ್ ಕಳುಹಿಸೋದಿನ್ನು ಈಸಿ!
ನಿಮ್ಮ ಆನ್ಲೈನ್ ಸ್ಥಿತಿ ಸೂಚಕವನ್ನು ಮರೆಮಾಡುವ ಸಾಮರ್ಥ್ಯವು ಈ ತಿಂಗಳ ನಂತರ ಎಲ್ಲಾ ಬಳಕೆದಾರರಿಗೆ ಲಭ್ಯವಾಗಿದೆ. ಎಲ್ಲಾ ಬಳಕೆದಾರರು, ಕಾಂಟ್ಯಾಕ್ಟ್ಸ್‌ ಮತ್ತು ಯಾರ ನಡುವೆಯೂ ತಮ್ಮ ಆನ್ಲೈನ್ ಸ್ಥಿತಿಯ ಗೋಚರತೆಯನ್ನು ನಿಯಂತ್ರಿಸಲು ಬಳಕೆದಾರರಿಗೆ ಸಾಧ್ಯವಾಗುತ್ತದೆ ಎಂದು ವರದಿಯಾಗಿದೆ.
'ಒಮ್ಮೆ ವೀಕ್ಷಿಸಿ' ಸಂದೇಶಗಳಿಗಾಗಿ ಸ್ಕ್ರೀನ್‌ಶಾಟ್ ನಿರ್ಬಂಧಿಸಲಾಗುತ್ತಿದೆ
ಇನ್ಮುಂದೆ WhatsApp ನ ವೀವ್ ಒನ್ಸ್‌ ಸಂದೇಶವನ್ನು ಕಳುಹಿಸುವವರು ಅದರಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ನಿರ್ಬಂಧಿಸಲು ಆಯ್ಕೆ ಮಾಡಿದರೆ ಬಳಕೆದಾರರು ಶೀಘ್ರದಲ್ಲೇ 'ಒಮ್ಮೆ ವೀಕ್ಷಿಸಿ' (View Once) ಸಂದೇಶದ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳಲು ಸಾಧ್ಯವಾಗುವುದಿಲ್ಲವಂತೆ. ಈ ವೈಶಿಷ್ಟ್ಯವು 'ಒಮ್ಮೆ ವೀಕ್ಷಿಸಿ' ವೈಶಿಷ್ಟ್ಯಕ್ಕೆ ಉತ್ತಮ ಸೇರ್ಪಡೆಯಾಗಿದ್ದು, ಬಳಕೆದಾರರು ಫೋಟೋಗಳು ಅಥವಾ ವಿಡಿಯೋಗಳನ್ನು ಡಿಜಿಟಲ್ ಹೆಜ್ಜೆಗುರುತನ್ನು ಬಿಡದೆ ಕಳುಹಿಸಲು ಅನುವು ಮಾಡಿಕೊಡುತ್ತದೆ. ಈ ವೈಶಿಷ್ಟ್ಯವು ಬಳಕೆದಾರರಿಗೆ 'ಶೀಘ್ರದಲ್ಲೇ' ಬರಲಿದೆ ಎಂದು WhatsApp ಬಹಿರಂಗಪಡಿಸಿದ್ದು, ಆದರೆ ಯಾವುದೇ ದಿನಾಂಕ ಅಥವಾ ಟೈಮ್‌ಲೈನ್ ಅನ್ನು ಬಹಿರಂಗಪಡಿಸಿಲ್ಲ. ಪ್ರಸ್ತುತ ಇದನ್ನು ಪರೀಕ್ಷಿಸಲಾಗುತ್ತಿದೆ ಎಂದು ಪ್ಲಾಟ್ಫಾರ್ಮ್ ಹಂಚಿಕೊಂಡಿದೆ.
50 MP ಟ್ರಿಪಲ್ ಕ್ಯಾಮೆರಾ ಇರುವ Moto G32 ಫೋನ್ ಲಾಂಚ್
ವಾಟ್ಸಾಪ್ ಗ್ರೂಪ್‌ಗಳಿಂದ ಸೈಲೆಂಟಾಗಿ ಎಕ್ಸಿಟ್‌ ಆಗಿ
ಶೀಘ್ರದಲ್ಲೇ ಎಲ್ಲಾ WhatsApp ಬಳಕೆದಾರರು ಇತರ ಬಳಕೆದಾರರಿಗೆ ತಿಳಿಸದೆಯೇ ಅವರು ಭಾಗವಾಗಿರುವ ಯಾವುದೇ ಗ್ರೂಪ್‌ಗಳನ್ನು ಸೈಲೆಂಟಾಗಿ ಎಕ್ಸಿಟ್‌ ಆಗಲು ಅವಕಾಶ ನೀಡುತ್ತದೆ. ಗ್ರೂಪ್‌ ತೊರೆಯುವಾಗ ನಿಮ್ಮ ಕಡೆಗೆ ಗಮನ ಸೆಳೆಯಲು ನೀವು ಬಯಸದಿದ್ದಾಗ ಇದು ಉಪಯುಕ್ತವಾಗಬಹುದು. ಗ್ರೂಪ್‌ನ ಇತರೆ ಸದಸ್ಯರಿಗೆ ಈ ಬಗ್ಗೆ ತಿಳಿಯದಿದ್ದರೂ, ಆ ಗ್ರೂಪಿನ ಅಡ್ಮಿನ್‌ಗಳಿಗೆ ಈ ಬಗ್ಗೆ ನೋಟಿಫಿಕೇಷನ್‌ ಹೋಗುತ್ತದೆ ಅಥವಾ ಮಾಹಿತಿಯನ್ನು ತಿಳಿಸುತ್ತದೆ. ಈ ತಿಂಗಳಿನಲ್ಲಿ ಎಲ್ಲಾ ಬಳಕೆದಾರರಿಗೆ ಈ ವೈಶಿಷ್ಟ್ಯವು ಪ್ರಾರಂಭವಾಗುತ್ತದೆ ಎಂದು WhatsApp ಹೇಳಿದೆ.
2 ಜಿಬಿ ಫೈಲ್‌ಗಳನ್ನು ಇನ್ಮುಂದೆ ಸುಲಭವಾಗಿ ಇತರ ಬಳಕೆದಾರರಿಗೆ ಶೇರ್‌ ಮಾಡಿಕೊಳ್ಳುವ ವೈಶಿಷ್ಟ್ಯ ಸಹ ಶೀಘ್ರದಲ್ಲೇ ಲಭ್ಯವಾಗಲಿದೆ ಎಂದೂ ವರದಿಯಾಗಿತ್ತು.
