ಕೇಂದ್ರದಿಂದ ಗುಡ್‌ನ್ಯೂಸ್‌: ಸೈಬರ್ ವಂಚನೆ ತಡೆಯಲು ಮೊಬೈಲ್ ಚಂದಾದಾರರಿಗೆ ಶೀಘ್ರದಲ್ಲೇ ವಿಶಿಷ್ಟ ಐಡಿ
ಒಂದೇ ಐಡಿಯಲ್ಲಿ ಸಿಮ್ ಕಾರ್ಡ್‌ಗಳನ್ನು ಟ್ರ್ಯಾಕ್ ಮಾಡಲು, ಬಳಕೆದಾರರು ಸಿಮ್ ಕಾರ್ಡ್‌ಗಳನ್ನು ಖರೀದಿಸಿದ ಸ್ಥಳಗಳು, ಹಾಗೆಯೇ ಸಿಮ್ ಕಾರ್ಡ್‌ಗಳನ್ನು ಹೊಂದಿರುವ ಬಳಕೆದಾರರನ್ನು ಗುರುತಿಸಲು ಮೊಬೈಲ್ ಕಸ್ಟೋಮರ್‌ ಐಡಿ ಬಳಸಬಹುದು.
 )
Followನವದೆಹಲಿ (ನವೆಂಬರ್ 7, 2023): ಮೊಬೈಲ್ ಚಂದಾದಾರರಿಗೆ ಶೀಘ್ರದಲ್ಲೇ ಕೆಂದ್ರ ಸರ್ಕಾರ ವಿಶಿಷ್ಟ ಕಸ್ಟೋಮರ್‌ ಐಡಿಯನ್ನು ನೀಡಲಿದೆ. ಇದು ಅವರ ಪ್ರಾಥಮಿಕ ಮತ್ತು ಆಡ್-ಆನ್ ಫೋನ್ ಸಂಪರ್ಕಗಳಿಗೆ ಸಂಬಂಧಿಸಿದ ಎಲ್ಲದಕ್ಕೂ ಅವರ ಒನ್‌ ಸ್ಟಾಪ್‌ ಗುರುತಿನ ಬಿಂದುವಾಗಿ ಕಾರ್ಯನಿರ್ವಹಿಸುತ್ತದೆ. ದೂರಸಂಪರ್ಕ ಇಲಾಖೆ ಅಂತಿಮಗೊಳಿಸಿರುವ ಈ ಕ್ರಮವು ಬಳಕೆದಾರರನ್ನು ಸೈಬರ್ ವಂಚನೆಗಳಿಂದ ರಕ್ಷಿಸಲು ಹಾಗೂ ಉದ್ದೇಶಿತ ಗ್ರಾಹಕರಿಗೆ ಸರ್ಕಾರಿ ಪ್ರಾಯೋಜಿತ ಆರ್ಥಿಕ ಪ್ರಯೋಜನಗಳನ್ನು ಒದಗಿಸುವುದಾಗಿದೆ ಎಂದು ತಿಳಿದುಬಂದಿದೆ.
ಆಧಾರ್ ಕಾರ್ಡ್‌ಗೆ ಲಿಂಕ್ ಮಾಡಲಾದ 14-ಅಂಕಿಯ ಆಯುಷ್ಮಾನ್ ಭಾರತ್ ಡಿಜಿಟಲ್ ಹೆಲ್ತ್ ಅಕೌಂಟ್ (ABHA) ಆರೋಗ್ಯ ID ಯನ್ನು ಈ ಪರಿಕಲ್ಪನೆಯು ಹೋಲುತ್ತದೆ. ಇದು ವೈದ್ಯಕೀಯ ದಾಖಲೆಗಳಿಗೆ ಸುಲಭ ಪ್ರವೇಶವನ್ನು ಒದಗಿಸುತ್ತದೆ ಮತ್ತು ವೈದ್ಯರು ಹಾಗೂ ವಿಮಾದಾರರಂತಹ ವೈದ್ಯಕೀಯ ವೃತ್ತಿಪರರಿಗೆ ವೈದ್ಯಕೀಯ ಮಾಹಿತಿಯನ್ನು ತ್ವರಿತವಾಗಿ ಪಡೆಯಲು ಸಹಾಯ ಮಾಡುತ್ತದೆ.
ಇದನ್ನು ಓದಿ: ನಷ್ಟದಲ್ಲಿ ಎಕ್ಸ್‌: ಹಳೆಯ ಟ್ವಿಟ್ಟರ್‌ ಹ್ಯಾಂಡಲ್‌ಗಳನ್ನೇ 50,000 ಡಾಲರ್‌ಗೆ ಮಾರಾಟ ಮಾಡ್ತಿರೋ ಎಲಾನ್‌ ಮಸ್ಕ್!
ಇದೇ ರೀತಿ ಒಂದೇ ಐಡಿಯಲ್ಲಿ ಸಿಮ್ ಕಾರ್ಡ್‌ಗಳನ್ನು ಟ್ರ್ಯಾಕ್ ಮಾಡಲು, ಬಳಕೆದಾರರು ಸಿಮ್ ಕಾರ್ಡ್‌ಗಳನ್ನು ಖರೀದಿಸಿದ ಸ್ಥಳಗಳು, ಹಾಗೆಯೇ ಸಿಮ್ ಕಾರ್ಡ್‌ಗಳನ್ನು ಹೊಂದಿರುವ ಬಳಕೆದಾರರನ್ನು ಗುರುತಿಸಲು ಮೊಬೈಲ್ ಕಸ್ಟೋಮರ್‌ ಐಡಿ ಬಳಸಬಹುದು. ಇನ್ನು, ಈ ಕ್ರಮವು ಅನುಮತಿಸುವ ಮಿತಿ 9 ಅನ್ನು ಮೀರಿ ಒಬ್ಬ ಗ್ರಾಹಕರಿಗೆ ಸಿಮ್ ಕಾರ್ಡ್‌ಗಳನ್ನು ನೀಡುವುದನ್ನು ಪರಿಶೀಲಿಸುತ್ತದೆ. ಪ್ರಸ್ತುತ, ಅನುಮತಿಯ ಮಿತಿಗಳನ್ನು ಮೀರಿದ ಸಂಪರ್ಕಗಳ ಬಗ್ಗೆ ಮಾಹಿತಿಯನ್ನು ವಿವಿಧ ಪರವಾನಗಿ ಪಡೆದ ಸೇವಾ ಪ್ರದೇಶಗಳಲ್ಲಿ (LSAs) ಕೃತಕ ಬುದ್ಧಿಮತ್ತೆ (AI) ಆಧಾರಿತ ಮುಖ ಗುರುತಿಸುವಿಕೆ ತಂತ್ರಜ್ಞಾನ ಬಳಸಿಕೊಂಡು ಆಡಿಟ್‌ಗಳನ್ನು ನಡೆಸಿದಾಗ ಮಾತ್ರ ಮೌಲ್ಯಮಾಪನ ಮಾಡಲಾಗುತ್ತಿದೆ.
ಇದಲ್ಲದೆ, ಸಿಮ್ ಕಾರ್ಡ್ ಅನ್ನು ನಿಜವಾಗಿಯೂ ಬಳಸುತ್ತಿರುವ ಬಳಕೆದಾರರ ಗುರುತಿನ ಸಮಸ್ಯೆ ಪರಿಹರಿಸಲು, ಸಿಮ್ ಕಾರ್ಡ್ ತೆಗೆದುಕೊಳ್ಳುವ ಸಮಯದಲ್ಲಿ ಕುಟುಂಬದಲ್ಲಿ ಈ ಸಿಮ್ ಕಾರ್ಡ್ ಅನ್ನು ಯಾರು ಬಳಸುತ್ತಾರೆ ಎಂಬುದನ್ನು ಘೋಷಿಸಲು ಚಂದಾದಾರರನ್ನು ಕೇಳಲು ಸರ್ಕಾರವು ನಿರೀಕ್ಷಿಸುತ್ತದೆ. ಹಾಗೆ, ದತ್ತಾಂಶ ಸಂರಕ್ಷಣಾ ಕಾನೂನಿನ ಪ್ರಕಾರ ಮಕ್ಕಳ ಡೇಟಾದ ಸಂದರ್ಭದಲ್ಲಿ ಪರಿಶೀಲಿಸಬಹುದಾದ ಪೋಷಕರ ಒಪ್ಪಿಗೆ ಷರತ್ತುಗಳನ್ನು ಅನುಸರಿಸಲು ಟೆಲಿಕಾಂಗಳಿಗೆ ಸಹಾಯ ಮಾಡುವ ಮಾರ್ಗವಾಗಿ ಇದನ್ನು ಯೋಚಿಸಲಾಗುತ್ತಿದೆ ಎಂದೂ ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ: ತಿಂಗಳಲ್ಲಿ 3 ಭೂಕಂಪ ಭಾರತಕ್ಕೆ ಎಚ್ಚರಿಕೆ; ಮುಂದೈತೆ ಮಾರಿ ಹಬ್ಬ: ಭೂಕಂಪಶಾಸ್ತ್ರಜ್ಞರ ವಾರ್ನಿಂಗ್
ಮೋಸದ ಸಂಪರ್ಕಗಳನ್ನು ನೀಡುವುದನ್ನು ತಡೆಯುವ ಮಾರ್ಗಗಳನ್ನು ಟೆಲಿಕಾಮ್‌ ಇಲಾಖೆ ನೋಡುತ್ತಿದೆ ಮತ್ತು ಅಂತಹ ಒಂದು ಮಾರ್ಗವೆಂದರೆ ಅನನ್ಯ ಗ್ರಾಹಕ ID ಮೂಲಕ ಅದನ್ನು ಟ್ರ್ಯಾಕ್ ಮಾಡುವುದು, ಅದನ್ನು ಗ್ರಾಹಕರು ಸಂಪರ್ಕಕ್ಕಾಗಿ ಅರ್ಜಿ ಸಲ್ಲಿಸುವ ಸಮಯದಲ್ಲಿ ನೀಡಲಾಗುತ್ತದೆ ಎಂದು ಸರ್ಕಾರಿ ಅಧಿಕಾರಿಗಳು ಹೇಳಿದ್ದಾರೆ.
ಇದಲ್ಲದೆ, ವಯಸ್ಸು, ಲಿಂಗ, ವೈವಾಹಿಕ ಸ್ಥಿತಿ, ಆದಾಯ, ಶಿಕ್ಷಣ ಮತ್ತು ಉದ್ಯೋಗ ಸೇರಿದಂತೆ ಜನಸಂಖ್ಯಾಶಾಸ್ತ್ರದ ಆಧಾರದ ಮೇಲೆ ಕಸ್ಟೋಮರ್‌ ಐಡಿಗಳನ್ನು ಗ್ರೂಪ್‌ ಮಾಡುವುದು ಯೋಜನೆಯಾಗಿದೆ. ಆಯಾ ಗ್ರಾಹಕ ಐಡಿಗಳಿಗೆ ಸಂಬಂಧಿಸಿದ ಸಿಮ್ ಕಾರ್ಡ್‌ಗಳ ಬಳಕೆಯ ಮಾದರಿಗಳನ್ನು ಸಹ ವಿಶ್ಲೇಷಿಸಲಾಗುತ್ತದೆ, ಅದರ ಆಧಾರದ ಮೇಲೆ ಸರ್ಕಾರವು ಯಾವುದಾದರೂ ಅನುಮಾನಾಸ್ಪದವಾಗಿ ಕಂಡುಬಂದರೆ ಐಡಿ ಮತ್ತು ಆಯಾ ಸಿಮ್ ಕಾರ್ಡ್‌ಗಳನ್ನು ಒಂದೇ ಬಾರಿಗೆ ನಿರ್ಬಂಧಿಸಲು ಆದೇಶಗಳನ್ನು ನೀಡಬಹುದು. ಈಗಾಗಲೇ ಕಳೆದ ಆರು ತಿಂಗಳಲ್ಲಿ, ಮುಖ ಗುರುತಿಸುವಿಕೆಯ ಸಹಾಯದಿಂದ 64 ಲಕ್ಷ ಮೋಸದ ಫೋನ್ ಸಂಪರ್ಕಗಳನ್ನು ಟೆಲಿಕಾಂ ಇಲಾಖೆ ಕಡಿತಗೊಳಿಸಿದೆ.
ಇದನ್ನೂ ಓದಿ: ನಿಮ್ಮ ಫೋನ್ ಹ್ಯಾಕ್ ಆಗಿರುವ ಅನುಮಾನ ಇದ್ಯಾ? ಈ 10 ಚಿಹ್ನೆಗಳ ಬಗ್ಗೆ ಇರಲಿ ಎಚ್ಚರ..!
