ಯುವ ರಾಜ್ ಕುಮಾರ್ ಸಿನಿಮಾಗೆ ಮಾಜಿ ವಿಶ್ವ ಸುಂದರಿ ಮಾನುಷಿ ಚಿಲ್ಲರ್ ನಾಯಕಿ.?

ಇತ್ತೀಚಿಗಷ್ಟೇ ನಟ ಯುವ ರಾಜ್ ಕುಮಾರ್ (Yuva Rajkumar) ಹೊಂಬಾಳೆ (Hombale) ಸಂಸ್ಥೆ ಮೂಲಕ ಸ್ಯಾಂಡಲ್ ವುಡ್ ಗೆ  ಎಂಟ್ರಿಕೊಡ್ತಿದ್ದಾರೆ ಅನ್ನೋ ಸುದ್ದಿ ಅನೌನ್ಸ್ ಆಗಿತ್ತು. ಈಗ ಆ ಸಿನಿಮಾಗೆ ಮಾಜಿ ವಿಶ್ವ ಸುಂದರಿಯನ್ನ ನಾಯಕಿಯನ್ನಾಗಿ ಕರೆತರ್ತಿದ್ದಾರೆ ಹೊಂಬಾಳೆ ಸಂಸ್ಥೆ ಅನ್ನೋ ನ್ಯೂಸ್ ಜೋರಾಗಿದೆ. ಇತ್ತೀಚಿಗಷ್ಟೇ ನಟಿ ಹಾಗೂ ಮಾಜಿ ವಿಶ್ವ ಸುಂದರಿ ಮಾನುಷಿ ಚಿಲ್ಲರ್ (Manushi Chillar) ಹೊಂಬಾಳೆ ಸಂಸ್ಥೆಗೆ ಭೇಟಿಕೊಟ್ಟು ನಿರ್ಮಾಪಕ ವಿಜಯ್ ಕಿರಗಂದೂರು ಅವ್ರನ್ನ ಭೇಟಿ ಮಾಡಿದ್ದಾರೆ. ಆ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಯುವ ಸಿನಿಮಾಗೆ ಇವ್ರೇ ನಾಯಕಿ ಅನ್ನೋ ಟಾಕ್ ಶುರುವಾಗಿದೆ.

ಸದ್ಯ ಮಾನುಷಿ ಚಿಲ್ಲರ್ ಬಾಲಿವುಡ್ ನಲ್ಲಿ ಬ್ಯುಸಿ ಆಗಿದ್ದು , ಮಾನುಷಿ ಅಭಿನಯದ  ಸಾಮ್ರಾಟ್ ಪೃಥ್ವಿರಾಜ್ ಸಿನಿಮಾ ಇತ್ತೀಚಿಗಷ್ಟೆ ಬಿಡುಗಡೆ ಆಗಿತ್ತು. ಇನ್ನು ಕನ್ನಡದಲ್ಲಿ ಮಾನುಷಿ ಚಿಲ್ಲರ್ ಅಭಿನಯಿಸೋದ್ರ ಬಗ್ಗೆ ಹೊಂಬಾಳೆ ಸಂಸ್ಥೆ ಆಗಲಿ, ಮಾನುಷಿ ಆಗಲಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.