ಮೂವರು ನಾಯಕಿಯರ ಜತೆ ಗೋಲ್ಡನ್ ಗಣಿ ತ್ರಿಬಲ್ ರೈಡಿಂಗ್

ಗೋಲ್ಡನ್ ಸ್ಟಾರ್ ಗಣೇಶ್ ಒಂದು ಬಿಗ್ ಹಿಟ್ ಸಿನಿಮಾಗಾಗಿ ಕಾಯ್ತಾ ಇದ್ರು. ಆ ಶುಭ ಗಳಿಗೆ ಬಂದಿದ್ದು, ಯೋಗರಾಜ್ ಭಟ್ರು ಕೊಟ್ಟ ಗಾಳಿಪಟ-2 ಹಾರಿಸಿದ ಮೇಲೆ. ಗಣೇಶ್ ಸಿನಿ ಜೀವನದಲ್ಲಿ ಮತ್ತೊಂದು ಸ್ಪೆಷಲ್  ಸಿನಿಮಾ ಗಾಳಿಪಟ 2 ಗೆದ್ದಾಗಿದೆ. ಇದೇ ಗೆಲುವಿನ ಸಂಭ್ರಮದಲ್ಲೇ ನಮ್ ಗಣಿ ಈಗ ತ್ರಿಬಲ್ ರೈಡಿಂಗ್ ಹೊರಟಿದ್ದು, ಮೂರು ಜನ ಹಾಟ್-ಕ್ಯೂಟ್ ಹೀರೋಯಿನ್ಸ್ ಜೊತೆ ಸೇರಿ ಸಿಕ್ಕಾಪಟ್ಟೆ ಕುಣಿದಿದ್ದಾರೆ.  ತ್ರಿಬಲ್ ರೈಡಿಂಗ್ ಸಿನಿಮಾದ ಈ ಸಾಂಗ್ ನೋಡಿದ್ರೆ ಮೈ ತುಂಬ ಫುಲ್ ಜೋಶ್ ತುಂಬಿಕೊಳ್ಳುತ್ತೆ.  ಮೇಗಾ ಶೆಟ್ಟಿ, ಅದಿತಿ ಪ್ರಭುದೇವ, ರಚನಾ ಇಂದರ್ ಜೊತೆ ಸೇರಿಕೊಂಡು ಗಣಿ ಜೋಶ್ನಲ್ಲಿ ಸಿಕ್ಕಾಪಟ್ಟೆ ಎನರ್ಜಿಟಿಕ್ ಆಗಿ ಸ್ಟೆಪ್ಸ್ ಹಾಕಿದ್ದಾರೆ. ಯಟ್ಟ ಯಟ್ಟ ಯಟ್ಟ ನನ್ನ ಚಡ್ಡಿಯೊಳಗೆ ಕಾಡು ಇರುವೆ ಬಿಟ್ಟಿ ಅನ್ನೋ ಸಾಲುಗಳಿಂದ ಶುರುವಾಗೋ ಈ ಹಾಡು ಗಣಿ ಕ್ಯಾರೆಕ್ಟರ್ಗೆ ಪಕ್ಕಾ ಸೂಟ್ ಆಗುತ್ತೆ. ಅಷ್ಟಕ್ಕು ಗಣಿ ಚಡ್ಡಿಯೊಳಗೆ ಇರುವೆ ಬಿಟ್ಟಿದ್ದು ಯಾರು ಗೊತ್ತಾ ಚಂದನ್ ಶೆಟ್ಟಿ. ಚಂದನ್ ಶೆಟ್ಟಿ ಈ ಸಾಂಗ್ ಬರೆದು ಅವರೇ ಹಾಡಿದ್ದಾರೆ. ಫೀಮೇಲ್ ವಾಯ್ಸ್ ಗೆ ಮಂಗ್ಲಿ ಧ್ವನಿಯಾಗಿದ್ದಾರೆ.