ಬಾಕ್ಸಾಫಿಸ್‌ನಲ್ಲಿ ದಾಖಲೆ ಬರೆದ ಗಾಳಿಪಟ-2; ಗಣೇಶ್-ಭಟ್ರು ಸಿನಿಮಾ ಗಳಿಸಿದ್ದೆಷ್ಟು?

ಯೋಗರಾಜ್ ಭಟ್ ಹಾಗೂ ಗಣೇಶ್ ಕಾಂಬಿನೇಷನ್ ನ ಗಾಳಿಪಟ-2 ಸಿನಿಮಾ ರಿಲೀಸ್ ಆಗಿ ಸೂಪರ್ ಡೂಪರ್ ರೆಸ್ಪಾನ್ಸ್ ಪಡೆದುಕೊಳ್ತಿದೆ. ಚಿತ್ರ ಬಿಡುಗಡೆ ಆದ ಮೊದಲ ದಿನವೇ ಬಾಕ್ಸ್ ಆಫೀಸ್ ನಲ್ಲಿ ಸೌಂಡ್ ಮಾಡುತ್ತಿದ್ದು ಭಟ್ರು- ಗಣಿ ಜೋಡಿ ಕೋಟಿ ಕೋಟಿ ಗಳಿಕೆ ಮಾಡಿ ಹೊಸ ದಾಖಲೆ ಬರೆಯುತ್ತಿದ್ದಾರೆ. ಗಾಳಿಪಟ ಅನ್ನೋ ಹೆಸರೇ ಪ್ರೇಕ್ಷಕರನ್ನ ಥಿಯೇಟರ್ ಗೆ ಕರೆತರುತ್ತಿದೆ. ಭಟ್ಟರ ಸ್ಟೈಲ್ ಆಫ್ ಸಿನಿಮಾ ನೋಡಲು ಪ್ರೇಕ್ಷಕರು ಥಿಯೇಟರ್ ನತ್ತ ಮುಖ ಮಾಡ್ತಿದ್ದಾರೆ. ಸೂಪರ್ ಹಿಟ್ ಹಾಡುಗಳ ಮೂಲಕ ಥಿಯೇಟರ್ ಗೆ ಸಿನಿಮಾ ನೋಡಲು ಇನ್ವಿಟೇಷನ್ ಕೊಟ್ಟಿರೋ ಗಾಳಿಪಟ 2 ತಂಡ ಮೊದಲ ದಿನವೇ 20 ಕೋಟಿ ಗಳಿಕೆ ಮಾಡಿದ್ದಾರೆ ಎನ್ನಲಾಗಿದೆ. ಗಾಳಿಪಟ 2 ಸಿನಿಮಾ ಮೊದಲ ದಿನವೆ ರಾಜ್ಯದಲ್ಲಿ 700 ಶೋಗಳು. ಹೊರ ರಾಜ್ಯದಲ್ಲಿ 200, ವಿದೇಶದಲ್ಲಿ 250 ಶೋ ಪ್ರದರ್ಶನವಾಗಿತ್ತು. ಒಟ್ಟಾರೆ 1150 ಶೋ ಪ್ರದರ್ಶನವಾಗಿದ್ದು. 15 ರಿಂದ 20 ಕೋಟಿ ಮೊದಲ ದಿನದಲ್ಲೇ ಗಳಿಕೆ ಮಾಡಿದೆ ಎಂದು ಅಂದಾಜು ಮಾಡಲಾಗಿದೆ. ಇನ್ನು ಗಣೇಶ್ ಕೆರಿಯರ್ ನಲ್ಲಿ ಮೊದಲ ದಿನ ಅತೀ ಹೆಚ್ಚು ಗಳಿಕೆ ಮಾಡಿದ ಸಿನಿಮಾಗಳ ಲಿಸ್ಟ್ ನಲ್ಲಿ ಗಾಳಿಪಟ2 ಕೂಡ ಸೇರಿಕಂಡಿದೆ. ಗಾಳಿಪಟ ಸಿನಿಮಾ ಯಂಗ್ ಜನರೇಷನ್ ಹಾಗೂ ಫ್ಯಾಮಿಲಿ ಆಡಿಯನ್ಸ್ ನ ಎಂಟರ್ಟೈನ್ ಮಾಡಿತ್ತು. ಈಗ ಅದೇ ರೀತಿ ಗಾಳಿಪಟ 2 ಸಿನಿಮಾ ಕೂಡ ಫ್ಯಾಮಿಲಿ ಆಡಿಯನ್ಸ್ ನ ಅಟ್ರ್ಯಾಕ್ಟ್ ಮಾಡುತ್ತಿದೆ. ಇನ್ನು ಮೂರು ದಿನಗಳು ರಜೆ ಸಿಗೋದ್ರಿಂದ ಇಂಡಿಪೆಂಡೆನ್ಸ್ ಡೇ ಅಂತ್ಯಕ್ಕೆ ಕಲೆಕ್ಷನ್ ರಿಪೋರ್ಟ್ ನಲ್ಲಿ ಅರ್ಧ ಕೋಟಿ ಆಗುವುದರಲ್ಲಿ ಡೌಟೇ ಇಲ್ಲ.