ಡಿಸೆಂಬರ್ನಲ್ಲಿ ಸ್ಯಾಂಡಲ್ವುಡ್ನಲ್ಲಿ ನಡೆಯಲಿದೆ 3ಡಿ ಸ್ಟಾರ್ಸ್ ಎಫೆಕ್ಟ್: ಚಿತ್ರಗಳ ಮಧ್ಯೆ ಕಿತ್ತಾಟ?
ಸ್ಯಾಂಡಲ್ವುಡ್ ಫುಲ್ ಡಲ್ ಆಗಿದೆ. ಅದಕ್ಕೆ ಕಾರಣ ಕನ್ನಡದ ಸ್ಟಾರ್ಗಳ ಸಿನಿಮಾಗಳು ಥಿಯೇಟರ್ ಅಂಗಳಕ್ಕೆ ಬರುತ್ತಿಲ್ಲ ಅನ್ನೋದು. ಸ್ಟಾರ್ಸ್ ಸಿನಿಮಾಗಳಿಲ್ಲದೇ ಥಿಯೇಟರ್ಗಳು ಕ್ಲೋಸ್ ಆಗ್ತಿವೆ. ಹೊಸಬರ ಸಿನಿಮಾಗಳಿಗೆ ಪ್ರೇಕ್ಷಕ ಚಿತ್ರಮಂದಿರದತ್ತ ಮುಖ ಮಾಡುತ್ತಿಲ್ಲ.
ಸ್ಯಾಂಡಲ್ವುಡ್ ಫುಲ್ ಡಲ್ ಆಗಿದೆ. ಅದಕ್ಕೆ ಕಾರಣ ಕನ್ನಡದ ಸ್ಟಾರ್ಗಳ ಸಿನಿಮಾಗಳು ಥಿಯೇಟರ್ ಅಂಗಳಕ್ಕೆ ಬರುತ್ತಿಲ್ಲ ಅನ್ನೋದು. ಸ್ಟಾರ್ಸ್ ಸಿನಿಮಾಗಳಿಲ್ಲದೇ ಥಿಯೇಟರ್ಗಳು ಕ್ಲೋಸ್ ಆಗ್ತಿವೆ. ಹೊಸಬರ ಸಿನಿಮಾಗಳಿಗೆ ಪ್ರೇಕ್ಷಕ ಚಿತ್ರಮಂದಿರದತ್ತ ಮುಖ ಮಾಡುತ್ತಿಲ್ಲ. ಹೀಗಾಗಿ ತಿಂಗಳಿಗೊಂದು ಸ್ಟಾರ್ಸ್ ಸಿನಿಮಾ ಬರಬೇಕು ಅಂತ ಥಿಯೇಟರ್ ಮಾಲೀಕರೇ ಬೇಡಿಕೆ ಇಡುತ್ತಿದ್ದಾರೆ. ಇಂತಹ ಸಂಕಷ್ಟದ ಹೊತ್ತಲ್ಲಿ ಕನ್ನಡದ ಮೂರು ಜನ ಸ್ಟಾರ್ಸ್ ಬಾಕ್ಸಾಫೀಸ್ ವಾರ್ಗೆ ಇಳಿಯೋ ಎಲ್ಲಾ ಲಕ್ಷಣ ಕಾಣುತ್ತಿದೆ. ಹೌದು, ಕನ್ನಡದಲ್ಲಿ ಸ್ಟಾರ್ಸ್ ಸಿನಿಮಾಗಳಿಲ್ಲ ಅನ್ನೋ ಟೈಂಣಲ್ಲಿ ಸ್ಟಾರ್ಸ್ ಚಿತ್ರಗಳ ಮಧ್ಯೆಯೇ ಬಾಕ್ಸಾಫೀಸ್ ಕಿತ್ತಾಟದ ಕಾವು ಏರೋ ಸಾಧ್ಯತೆ ಇದೆ.
ಈ ವರ್ಷದ ಕೊನೆಯಲ್ಲಿ ಸ್ಯಾಂಡಲ್ವುಡ್ನಲ್ಲಿ 3ಡಿ ಎಫೆಕ್ಟ್ ಆಗುತ್ತೆ ಅಂತ ಗಾಂಧಿನಗರದಲ್ಲಿ ಬಿಸಿ ಬಿಸಿ ಚರ್ಚೆ ಶುರುವಾಗಿದೆ. ಅಂದ್ರೆ ಡಿಸೆಂಬರ್ನಲ್ಲಿ ಕನ್ನಡದ ಮೂರು ಜನ ಡಿ ಸ್ಟಾರ್ಸ್ ಮಧ್ಯೆ ಬಾಕ್ಸಾಫೀಸ್ ವಾರ್ ಆಗಲಿದೆ. ಅದು ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ, ನಟ ರಾಕ್ಷಸ ಡಾಲಿ ಧನಂಜಯ್ ಹಾಗು ನಟ ದರ್ಶನ್ ಮಧ್ಯೆ ಅನ್ನೋದು ಇಂಟ್ರೆಸ್ಟಿಂಗ್. ನಟ ದರ್ಶನ್ ಡಿಸೆಂಬರ್ನಲ್ಲಿ ಕ್ರಿಸ್ ಮಸ್ ಹಬ್ಬದ ದಿನ ನಿಮಗೆ ಡೆವಿಲ್ ಕೇಕ್ ತಿನ್ನಿಸುತ್ತೇನೆ ಅಂತ ಫ್ಯಾನ್ಸ್ಗೆ ಮಾತು ಕೊಟ್ಟಿದ್ದಾರೆ. ಅಂದ್ರೆ ಈ ವರ್ಷದ ಕ್ರಿಸ್ ಮಸ್ಗೆ ಡೆವಿಲ್ ಸಿನಿಮಾ ರಿಲೀಸ್ ಪಕ್ಕಾ ಆಗಿದೆ.
ಈ ಸುದ್ದಿ ಹೊರ ಬಂದು ಎರಡು ದಿನದ ಗ್ಯಾಪ್ನಲ್ಲೇ ನಟ ಧ್ರುವ ಸರ್ಜಾ ನಾನು ಯುದ್ಧಕ್ಕೆ ರೆಡಿ ಎಂದಿದ್ದಾರೆ. ಅಂದ್ರೆ ಧ್ರುವ ಸರ್ಜಾ ನಟನೆಯ ಮೋಸ್ಟ್ ವಾಂಟೆಡ್ ಕೆಡಿ ಸಿನಿಮಾ ಕೂಡ ಡಿಸೆಂಬರ್ನಲ್ಲೇ ರಿಲೀಸ್ ಮಾಡುತ್ತೇವೆ ಅನೌನ್ಸ್ ಮಾಡಿದ್ದಾರೆ. ಈಗಾಗ್ಲೆ ದರ್ಶನ್ ಮತ್ತು ಧ್ರುವ ಸರ್ಜಾ ನಡುವೆ ಮನಸ್ತಾಪ ಆಗಿದೆ. ಈ ಮನಸ್ತಾಪದ ಕಿಡಿ ಇಬ್ಬರ ಅಭಿಮಾನಿಗಳ ಮಧ್ಯೆ ಕಿತ್ತಾಟಕ್ಕೂ ನಾಂದಿ ಹಾಡಿದೆ. ಸಾಮಾಜಿಕ ಜಾಲತಾಣದಲ್ಲಿ ಪರಸ್ಪರ ಕೆಸರೆರಚಾಟದ ಕಾರ್ಯಕ್ರಮ ನಡೆಯುತ್ತಿದೆ. ಇದು ಡಿಸೆಂಬರ್ನಲ್ಲಿ ಕಾಡ್ಗಿಚ್ಚಾಗಿ ಕನ್ನಡ ಚಿತ್ರರಂಗವನ್ನ ಆವರಿಸಿಕೊಳ್ಳುವ ಸಾಧ್ಯತೆ ಇದೆ.
ಇದರ ನಡುವೆ ಡಿಸೆಂಬರ್ನಲ್ಲಿ ದರ್ಶನ್ ಧ್ರುವ ಸಿನಿಮಾಗಳ ಮಧ್ಯೆ ಬಾಕ್ಸಾಫೀಸ್ ವಾರ್ ಮಾಡೋದಕ್ಕೆ ಡಾಲಿ ಧನಂಜಯ್ ಕೂಡ ರೆಡಿ ಎನ್ನುತ್ತಿದ್ದಾರೆ. ಒಂದ್ ಕಡೆ ಡೆವಿಲ್ ಮತ್ತೊಂದ್ ಕಡೆ ಕೆಡಿ ಸಿನಿಮಾ. ಈ ಡೆವಿಲ್ VS ಕೆಡಿ ಮಹಾಸಮರದ ನಡುವೆ ಡಿಸೆಂಬರ್ ನಲ್ಲೇ ಡಾಲಿ ಧನಂಜಯ್ ನಟನೆಯ ಉತ್ತರಕಾಂಡ ಸಿನಿಮಾ ರಿಲೀಸ್ ಆಗಿಲಿದೆಯಂತೆ. ಈಗ ಹಬ್ಬಿರುವ ಈ ಸುದ್ದಿ ನಿಜಾ ಆಗುತ್ತಾ..? ಗೊತ್ತಿಲ್ಲ. ಆದ್ರೆ ಬೆಂಕಿಯಿಲ್ಲದೆ ಹೊಗೆಯಾಡಲ್ಲ. ಈ ಕಾರಣಕ್ಕೆ ಈ ಬಾರಿಯ ಕ್ರಿಸ್ಮಸ್ ಕದನ ಅನೇಕರ ಕಣ್ಣಿಗೆ ಕೌತುಕದ ಗೂಡಾಗಿದೆ. ಆದ್ರೆ ಸಂಕಷ್ಟದಲ್ಲಿರೋ ಕನ್ನಡ ಸಿನಿಮಾ ಇಂಡಸ್ಟ್ರಿಯಲ್ಲಿ ಸ್ಟಾರ್ ಸಿನಿಮಾಗಳ ಮಧ್ಯೆ ವಾರ್ ಬೇಕಾ ಅನ್ನೋದೆ ಎಲ್ಲರಲ್ಲಿರೋ ಪ್ರಶ್ನೆ.
