ರೀಲ್ಸ್ ಮಾಡಿ ಸಂಕಷ್ಟಕ್ಕೆ ಸಿಲುಕಿದ ಸಲ್ಮಾನ್ ಖಾನ್ ಅಭಿಮಾನಿ

ಬಾಲಿವುಡ್ ಬ್ಯಾಡ್ ಬಾಯ್ ಸಲ್ಮಾನ್ ಖಾನ್ ಅವರ ಅಪ್ಪಟ ಅಭಿಮಾನಿ ಅಜಮ್ ಅನ್ಸಾರಿ ಸಂಕಷ್ಟಕ್ಕೆ ಸಿಲುಕಿದ್ದಾನೆ. ಸಲ್ಮಾನ್ ಖಾನ್ ಹಾಡಿಗೆ ಅವರದ್ದೇ ಸ್ಟೈಲ್ ನಲ್ಲಿ ರೀಲ್ಸ್ ಮಾಡಿದಕ್ಕಾಗಿ ಅಜಮ್ ಅನ್ಸಾರಿ ಮೇಲೆ ರೈಲ್ವೆ ರಕ್ಷಣಾ ಪಡೆ ದೂರು ದಾಖಲಿಸಿದೆ. ಸಲ್ಮಾನ್ ರೀತಿ ಆಕ್ಟ್ ಮಾಡಿದಕ್ಕೆ ದೂರು ದಾಖಲಿಸಿದ್ರಾ ಅಂತ ಶಾಕ್ ಆಗಬೇಡಿ ರೈಲ್ವೆ ಪೊಲೀಸರು ದೂರು ದಾಖಲು ಮಾಡಲು ಕಾರಣ ರೈಲ್ವೆ ಹಳಿ ಮೇಲೆ ರೀಲ್ಸ್ ಮಾಡಿದಕ್ಕಾಗಿ. ಆರೋಪಿ ವಿರುದ್ಧ ರೈಲ್ವೆ ಕಾಯ್ದೆ ಸೆಕ್ಷನ್ 147, 145 ಮತ್ತು 167 ರ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಕೇವಲ ಇದೊಂದೆ ಅಲ್ಲ ಸಲ್ಮಾನ್ ಸ್ಟೈಲ್ ಜೊತೆಗೆ ತನ್ನದೇ ವಿಚಿತ್ರ ರೀತಿಯಲ್ಲಿ ರೀಲ್ಸ್ ಮಾಡಿ ಫೇಮಸ್ ಆಗಿದ್ದಾನೆ ಈ ಹುಚ್ಚು ಅಭಿಮಾನಿ.