ಚಾನ್ಸ್ ಸಿಕ್ಕಿದ್ರೂ ವಿಜಯ್ ದೇವರಕೊಂಡ ಜೊತೆ ಆಕ್ಟ್ ಮಾಡಲ್ವಂತೆ ಸಾಯಿ ಪಲ್ಲವಿ

ದಕ್ಷಿಣ ಭಾರತದ ಖ್ಯಾತ ನಟಿ, ಅಳೆದುತೂಗಿ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುವ ಸಾಯಿ ಪಲ್ಲವಿ ಅವರು ಟಾಲಿವುಡ್ ನ ಸೆನ್ಸೇಷನ್ ಸ್ಟಾರ್ ವಿಜಯ್ ದೇವರಕೊಂಡ ಜೊತೆ ಅವಕಾಶ ಸಿಕ್ಕಿದರೂ ಸಹ ನಟಿಸುವುದಿಲ್ಲ ಎಂದು ಹೇಳಿದ್ದಾರೆ. ವಿಜಯ್ ದೇವರಕೊಂಡ ಕ್ರೇಸ್ ನೋಡಿ ಎಷ್ಟರ ಮಟ್ಟಿಗಿದೆ ಎಂದರೆ ಅರ್ಜುನ್ ರೆಡ್ಡಿ ಸ್ಟಾರ್ ಜೊತೆ ನಟಿಸಲು ನಟಿಯರು ತುದಿಗಾಲಿನಲ್ಲಿ ನಿಂತಿದ್ದಾರೆ. ಹಾಗಿರುವಾಗ ಸಾಯಿ ಪಲ್ಲವಿ ವಿಜಯ್ ಜೊತೆ ನಟಿಸಲ್ಲ ಎಂದಿರುವುದು ಅಚ್ಚರಿ ಮೂಡಿಸಿದೆ. ಕಾರಣ ಏನೆಂದರೆ ವಿಜಯ್ ಮಾಡುವಷ್ಟು ಬಿಲ್ಡಪ್, ಗ್ಲಾಮರ್ ನನ್ನ ಬಳಿ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. ವಿಜಯ್ ದೇವರಕೊಂಡ ಸಿನಿಮಾದಲ್ಲಿ ಲಿಪ್ ಲಾಕ್ ದೃಶ್ಯ, ಬೋಲ್ಡ್ ನಟಿಯರು ಇರಬೇಕು. ಆದರೆ ಸಾಯಿ ಪಲ್ಲವಿ ಇದಕ್ಕೆಲ್ಲ ಓಕೆ ಎನ್ನುವ ನಟಿಯಲ್ಲ. ಹಾಗಾಗಿ ವಿಜಯ್ ಜೊತೆ ನಟಿಸಲ್ಲ ಎಂದಿದ್ದಾರೆ ಪ್ರೇಮಂ ಸುಂದರಿ.