ಬಿಗ್ ಬಾಸ್ ಸೀಸನ್ 10ಕ್ಕೆ ಕ್ಷಣಗಣನೆ; ಪರಮೇಶ್ವರ್ ಗುಂಡ್ಕಲ್ ಮಿಸ್ ಮಾಡಿಕೊಳ್ತಿರೋ ವೀಕ್ಷಕರು!
ಬಿಗ್ ಬಾಸ್‌ನ ಈ ಹಿಂದಿನ ಎಲ್ಲಾ ಸೀಸನ್‌ಗಳನ್ನು ‘ಮೇನ್ ಪಿಲ್ಲರ್’ ಎಂಬಂತೆ ನಡೆಸಿಕೊಟ್ಟಿದ್ದ ಕಲರ್ಸ್ ವಾಹಿನಿಯ ಆಗಿನ ಬಿಸಿನೆಸ್ ಹೆಡ್ ಪರಮೇಶ್ವರ್ ಗುಂಡ್ಕಲ್ ಈ ಬಾರಿ ‘ಮಿಸ್’ಆಗಿದ್ದಾರೆ. ಈ ಬಗ್ಗೆ ಈಗಾಗಲೇ ಕನ್ನಡನಾಡಿನ ಮನೆಮನೆಗಳಲ್ಲಿ ಚರ್ಚೆ ನಡೆಯುತ್ತಿದೆ.
'ಬಿಗ್ ಬಾಸ್ ಕನ್ನಡ ಸೀಸನ್ 10' ಶುರುವಾಗಲು ಇನ್ನು ಎರಡೇ ದಿನ ಬಾಕಿ! ಅಕ್ಟೋಬರ್ 08, 2023 ರ ಸಾಯಂಕಾಲ 6.00 ಗಂಟೆಗೆ, ಪ್ರೀಮಿಯರ್ ಶೋ ಮೂಲಕ ಶುರುವಾಗುವ ಬಿಗ್ ಬಾಸ್, ಮಾರನೆಯ ದಿನದಿಂದ (ಸೋಮವಾರದಿಂದ ಶುಕ್ರವಾರ, ರಾತ್ರಿ 9.30 ರಿಂದ 11.00 ಗಂಟೆ ಹಾಗೂ ಶನಿವಾರ-ಭಾನುವಾರ ರಾತ್ರಿ 9.30 ರಿಂದ 10.30, ಬರೋಬ್ಬರಿ ೧೦೦ ದಿನಗಳವರೆಗೆ ನಿರಂತರ ಪ್ರಸಾರ ಕಾಣಲಿದೆ.
ಬಿಗ್ ಬಾಸ್ ಶುರುವಾಗುವ ಮೊದಲು ಹಲವು ಹಂತಗಳು ಇರುವುದು ಗೊತ್ತೇ ಇದೆ. ಬಿಗ್ ಬಾಸ್ ಶುರುವಾಗಲಿದೆ ಎಂಬ ಸುದ್ದಿ ಹೊರಬಿದ್ದ ಬಳಿಕ ಅದಕ್ಕೊಂದು ಅಧಿಕೃತ ಟೀಸರ್, ಬಳಿಕ ಡೇಟ್ ಅನೌನ್ಸ್ಮೆಂಟ್. ಒಂದು ಸುಮುಹೂರ್ತದಲ್ಲಿ ಪ್ರೆಸ್‌ಮೀಟ್, ಈ ಮೂಲಕ ಈ ಸೀಸನ್ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಮಾಧ್ಯಮಗಳ (ಪ್ರೆಸ್‌ಮೀಟ್) ಮೂಲಕ ನೀಡುವುದು. ಇತ್ತೀಚೆಗೆ ಈ ಶೋವನ್ನು ಕಲರ್ಸ ಕನ್ನಡವೇ ನಡೆಸಿಕೊಂಡು ಬರುತ್ತಿದೆ. ಹೀಗಾಗಿ ಈಗ ಇದು ಕಲರ್ಸ ಕನ್ನಡದ ಬಿಗ್ ಬಾಸ್. ಈ ಎಲ್ಲದರ ನಡುವೆ ಈ ಸೀಸನ್‌ನಲ್ಲಿ ಕೇಳಿ ಬಾರದಿರುವ ಹೆಸರು 'ಪರಮೇಶ್ವರ್ ಗುಂಡ್ಕಲ್!'
ಹೌದು, ಬಿಗ್ ಬಾಸ್‌ನ ಈ ಹಿಂದಿನ ಎಲ್ಲಾ ಸೀಸನ್‌ಗಳನ್ನು ‘ಮೇನ್ ಪಿಲ್ಲರ್’ ಎಂಬಂತೆ ನಡೆಸಿಕೊಟ್ಟಿದ್ದ ಕಲರ್ಸ್ ವಾಹಿನಿಯ ಆಗಿನ ಬಿಸಿನೆಸ್ ಹೆಡ್ ಪರಮೇಶ್ವರ್ ಗುಂಡ್ಕಲ್ ಈ ಬಾರಿ ‘ಮಿಸ್’ಆಗಿದ್ದಾರೆ. ಈ ಬಗ್ಗೆ ಈಗಾಗಲೇ ಕನ್ನಡನಾಡಿನ ಮನೆಮನೆಗಳಲ್ಲಿ ಚರ್ಚೆ ನಡೆಯುತ್ತಿದೆ. ಕಾರಣ, ಹಿಂದಿನ ಶೋಗಳ ಪ್ರೆಸ್‌ಮೀಟ್ ಹಾಗೂ ಕಲರ್ಸ್ ವಾಹಿನಿಯ ಅಧಿಕೃತ ಸೋಷಿಯಲ್ ಮೀಡಿಯಾ ಹ್ಯಾಂಡಲ್‌ಗಳ ಮೂಲಕ ಮಾತ್ರವಲ್ಲದೇ ತಮ್ಮ ಸ್ವಂತ ಅಕೌಂಟ್‌ಗಳ ಮೂಲಕವೂ ಪರಮೇಶ್ವರ್ ಗುಂಡ್ಕಲ್ ಈ ಬಗ್ಗೆ ಅಧಿಕೃತ ಪ್ರಕಟಣೆ ಹೊರಡಿಸುತ್ತಿದ್ದರು. ಇದನ್ನು ಕಿರುತೆರೆ ವೀಕ್ಷಕವರ್ಗ ಹಾಗೂ ಬಿಗ್ ಬಾಸ್ ಪ್ರಿಯರು ಗಮನಿಸಿದ್ದರು. ಆದರೆ ಈ ಶೋದಲ್ಲಿ ಅವರು ಪ್ರೆಸ್‌ಮೀಟ್ ಅಥವಾ ಬಿಗ್ ಬಾಸ್ ಸುದ್ದಿಯಲ್ಲಿ ಎಲ್ಲೂ ಕಾಣಿಸುತ್ತಿಲ್ಲ. ಇದಕ್ಕಾಗಿ ನಡೆಯುತ್ತಿದೆ ಚರ್ಚೆ, ಇನ್ನೇನಿಲ್ಲ.
ಲಕ್ಷಣ ಮುಗಿದ ಕ್ಷಣಗಳು; ಕಲಾವಿದರ ಕಲರ್‌ಫುಲ್ ಎಕ್ಸ್‌ಪ್ರೆಶನ್ ಝಲಕ್‌ ಹೇಗಿದೆ ನೋಡಿ..!
ಸದ್ಯ ‘ಜಿಯೋ ಸ್ಟೂಡಿಯೋಸ್’ನಲ್ಲಿ ಕೆಲಸ ಮಾಡುತ್ತಿರುವ ಪರಮೇಶ್ವರ್ ಗುಂಡ್ಕಲ್ ಸಹಜವಾಗಿಯೇ ಬಿಗ್ ಬಾಸ್ ಕೆಲಸದಲ್ಲಿ ಇಲ್ಲ. ಹೀಗಾಗಿ ಈ ಬಾರಿಯ ಬಿಗ್ ಬಾಸ್ ಸೀಸನ್-10 ಬೇರೆಯವರ ಜವಾಬ್ದಾರಿಯಲ್ಲಿ ನಡೆಯುತ್ತಿದೆ. ಹೊಸ ಮನೆ, ಹೊಸ ಮನಸ್ಸಿನ 16 ಸ್ಪರ್ಧಿಗಳ ಮೂಲಕ ನಡೆಯಲಿರುವ ಈ ಬಾರಿಯ ಬಿಗ್ ಬಾಸ್‌ನಲ್ಲಿ, ಹೊಸತನವನ್ನು ಕೊಡುವ ಬಗ್ಗೆ ಬಿಗ್ ಬಾಸ್ ಟೀಮ್ ಹೇಳಿಕೊಂಡಿದೆ. ಫಲಿತಾಂಶಕ್ಕಾಗಿ ಸ್ವಲ್ಪ ಟೈಮ್ ಕಾಯಬೇಕಾಗಿದೆ ಅಷ್ಟೇ.
ಊಟದ ಬಂಡಿ ಶುರು ಮಾಡಿದ ಪುಟ್ಟಕ್ಕ: ಮಗ ಮನೆ ಬಿಟ್ಟು ಹೊರಡಲು ಕಾರಣವೇನು?
