Asianet Suvarna News Asianet Suvarna News

ನೀನಾ.. ನನ್​ ಸೊಸೆನಾ? ಪತ್ನಿನೇ ಸರ್ವಶ್ರೇಷ್ಠ ಎಂದು ಅಮ್ಮನ ಕಾಲಿಗೆ ಬೀಳೋ ಟೈಮು ಬಂದೇ ಬಿಡ್ತಾ ತಾಂಡವ್​ಗೆ?

ಭಾಗ್ಯ ಮತ್ತು ತಾಂಡವ್​ ನಡುವೆ ಗಾಳಿಪಟ ಪೈಪೋಟಿ ನಡೆಯುತ್ತಿದೆ. ಸೊಸೆ ಪರ ನಿಂತಿದ್ದಾಳೆ ಕುಸುಮಾ. ಅಮ್ಮ-ಮಗನ ನಡುವೆ ಚಾಲೆಂಜ್​ ಆಗಿದೆ. ಗೆಲುವು ಯಾರಿಗೆ? ಮುಂದೇನು?
 

Kite competition  between Bhagya and Tandav Kusuma with daughter in law  Who will win suc
Author
First Published Jan 26, 2024, 12:44 PM IST

ಇತ್ತ ಅತ್ತೆ ನೀನು ಮೇಲಾ? ನನ್ನ ಮುದ್ದಿನ ಸೊಸೆಯೇ ಮೇಲಾ ಎಂದು ಚಾಲೆಂಜ್​ ಹಾಕಿದ್ದಾಳೆ. ಆಟವೇ  ಆಗಿರಲಿ, ಲೈಫೇ ಆಗಿರಲಿ ಗೆಲ್ಲುವುದು ನಾನೇ ಎಂದು ಮಗ, ಅಮ್ಮನಿಗೇ ಚಾಲೆಂಜ್​ ಮಾಡಿದ್ದಾನೆ. ನಾನು ಸೋಲುವ ಚಾನ್ಸೇ ಇಲ್ಲ ಎಂದಿದ್ದಾನೆ. ಒಂದು ವೇಳೆ ಸೋತರೆ ಎಂದು ಅಮ್ಮ ಕೇಳಿದಾಗ, ಹಾಗೊಂದು ವೇಳೆ ಸೋತರೆ ನೀನು ಆಯ್ಕೆ ಮಾಡಿರುವ ಈ ಸೊಸೆಯೇ ಸರ್ವಶ್ರೇಷ್ಠ ಎಂದು ಒಪ್ಪಿಕೊಂಡು ಕಾಲು ಹಿಡಿದುಕೊಳ್ತೇನೆ ಎಂದಿದ್ದಾನೆ. ಹಾಗಿದ್ದರೆ ಮುಂದೇನು? ಗೆಲುವು ಯಾರಿಗೆ? ಅಮ್ಮನಿಗೋ, ಮಗನಿಗೋ? ಪತ್ನಿಯೇ ಸರ್ವಶ್ರೇಷ್ಠ ಎಂದು ಅಮ್ಮನ ಕಾಲು ಹಿಡಿದುಕೊಳ್ಳುವ ಕಾಲ ಈ ಮಗನಿಗೆ ಬಂದು ಬಿಡ್ತಾ, ಅಥ್ವಾ ಇನ್ನೇನಾದ್ರೂ ಟ್ವಿಸ್ಟ್​ ಇದೆಯಾ?

ಇದು ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗ್ತಿರೋ ಭಾಗ್ಯಲಕ್ಷ್ಮಿಯ ಕಥೆ. ಇದರ ಪ್ರೊಮೋ ರಿಲೀಸ್​ ಆಗಿದ್ದು, ಗೆಲುವು ಯಾರಿಗೆ ಎನ್ನುವ ಕುತೂಹಲ ಮನೆ ಮಾಡಿದೆ. ಅಷ್ಟಕ್ಕೂ ಅಮ್ಮ ಆಯ್ಕೆ ಮಾಡಿರುವ ಹೆಣ್ಣನ್ನು ಮದುವೆಯಾಗಿರುವ ತಾಂಡವ್​ಗೆ ಮೊದಲಿನಿಂದಲೂ ಪತ್ನಿ ಭಾಗ್ಯಳ ಮೇಲೆ ತಾತ್ಸಾರವೇ.  ಇಬ್ಬರು ಮಕ್ಕಳಾದ ಮೇಲೂ ಪತ್ನಿ ಎಂದರೆ ಅಷ್ಟಕ್ಕಷ್ಟೇ. ಅದೇ ಇನ್ನೊಂದೆಡೆ ಶ್ರೇಷ್ಠಾ ಎಂಬಾಕೆ ತಾಂಡವ್​ನನ್ನು ಬುಟ್ಟಿಗೆ ಹಾಕಿಕೊಂಡಿದ್ದಾರೆ. ಅವಳಿಗಾಗಿ ತಾಂಡವ್​ ಅಮ್ಮ ಕುಸುಮಾ, ಪತ್ನಿ ಭಾಗ್ಯ ಸೇರಿದಂತೆ ಇಬ್ಬರು ಮಕ್ಕಳನ್ನು ಬಿಟ್ಟು ಶ್ರೇಷ್ಠಾಳ ಜೊತೆ ನೆಲೆಸಿದ್ದಾನೆ.

ಸಿಹಿಗಿಂದು ಹುಟ್ಟುಹಬ್ಬದ ಸಂಭ್ರಮ: ರಿಯಲ್​ ಲೈಫ್​ನಲ್ಲೂ ನೋವುಂಡ ಪುಟಾಣಿಯ ವಿಶೇಷ ವಿಡಿಯೋ ರಿಲೀಸ್​

ಮಗನ ಈ ಕೃತ್ಯ ತಿಳಿಯುತ್ತಲೇ ಅಮ್ಮ, ಸೊಸೆಯ ಬೆನ್ನೆಲುಬಾಗಿ ನಿಂತಿದ್ದಾಳೆ. ಇದ್ದರೆ ಇಂಥ ಅತ್ತೆ ಇರಬೇಕು ಎಂದು ವೀಕ್ಷಕರು ಅಂದುಕೊಳ್ಳುವ ರೀತಿಯಲ್ಲಿದೆ ಕುಸುಮಾ ಪಾರ್ಟ್​. ಮೊದಲಿನಿಂದಲೂ ಸೊಸೆಯ ಪರವಾಗಿಯೇ ಇರುವ ಕುಸುಮಾ ಕಂಡು ಅದೆಷ್ಟು ಮಂದಿ ಹೊಗಳಿದ್ದಾರೋ.  ಈ ಸೀರಿಯಲ್​ ಹಲವರಿಗೆ ಇಷ್ಟವಾಗುವುದು ಇದೇ ಕಾರಣಕ್ಕೆ. ಸದಾ ಅತ್ತೆ-ಸೊಸೆಯನ್ನು ಹಾವು-ಮುಂಗುಸಿಯಂತೆ ತೋರಿಸುವ ಹೊತ್ತಿನಲ್ಲಿ ಇಂಥದ್ದೊಂದು ಪಾತ್ರ ಲಕ್ಷಾಂತರ ಮಂದಿ ಸೀರಿಯಲ್​ ಪ್ರೇಮಿಗಳಿಗೆ ಹಿಡಿಸಿದೆ. ಅದೆಷ್ಟೋ ಬಾರಿ ಸೊಸೆಗಾಗಿ ಮಗನನ್ನೇ ಎದುರು ಹಾಕಿಕೊಂಡಿದ್ದಾಳೆ ಕುಸುಮಾ. ತನ್ನ ಮಗನಿಗೆ ಇಂಥವಳೇ ಬೇಕು ಎಂದು ಭಾಗ್ಯಳನ್ನು ಹುಡುಕಿ ಮದುವೆಯನ್ನೇನೋ ಮಾಡಿಸಿದ್ದಾಳೆ. ಆದರೆ ಭಾಗ್ಯಳ ಬಾಳು ಮಾತ್ರ ನರಕವೇ. ಅತ್ತೆಯ ಸಪೋರ್ಟ್​ ಇದೆ ಎನ್ನುವುದು ಬಿಟ್ಟರೆ ಪತಿಯ ಪ್ರೀತಿಯಿಂದ ಆಕೆ ವಂಚಿತಳೇ.

ಇದೀಗ ಮನೆ ಬಿಟ್ಟು ಹೋಗಿರುವ ತಾಂಡವ್​ ಮತ್ತು ಭಾಗ್ಯಳ ನಡುವೆ ಗಾಳಿಪಟದ ಆಟ ಶುರುವಾಗಿದೆ. ಶತಾಯುಗತಾಯವಾಗಿಯಾದರೂ ಸೊಸೆಯನ್ನು ಗೆಲ್ಲಿಸುವ ಪಣ ತೊಟ್ಟಿದ್ದಾಳೆ ಅತ್ತೆ ಕುಸುಮಾ. ಆದರೆ ರಿಯಲ್​ ಲೈಫ್​ನಲ್ಲಿ ತಾನೇ ಗೆದ್ದಿರುವುದಾಗಿ ಬೀಗುತ್ತಿರುವ, ಬಿದ್ದರೂ ಮೀಸೆ ಮಣ್ಣಾಗಿಲ್ಲ ಎಂಬಂತಿರುವ ತಾಂಡವ್​ ಮಾತ್ರ ಆಟದಲ್ಲಿಯೂ ತಾನೇ ಗೆಲ್ಲುವುದು ಎಂದಿದ್ದಾನೆ. ಆದರೆ ಕುಸುಮಾಗೆ ಸೊಸೆಯೇ ಗೆಲ್ಲುತ್ತಾಳೆ ಎನ್ನುವ ನಂಬಿಕೆ. ಒಂದು ವೇಳೆ ಸೋತರೆ ಏನು ಮಾಡುತ್ತಿ ಎಂದು ತಾಂಡವ್​ಗೆ ಪ್ರಶ್ನಿಸಿದ್ದಾಳೆ. ಒಂದು ವೇಳೆ ಸೋತರೆ ನೀನೇ ಆಯ್ಕೆ ಮಾಡಿರುವ ಈ ಭಾಗ್ಯಳೇ ಸರ್ವಶ್ರೇಷ್ಠ ಎಂದು ಬಂದು ನಿನ್ನ ಕಾಲು ಹಿಡಿಯುತ್ತೇನೆ ಎಂದಿದ್ದಾನೆ. ಇದೆಲ್ಲವೂ ಮನಸ್ಸಿನಲ್ಲಿಯೇ ಆಡಿರುವ ಮಾತುಗಳು. ಹಾಗಿದ್ದರೆ ಮುಂದೇನು? ಗೆಲುವು ಯಾರದ್ದು ಎನ್ನುವುದೇ ಈಗಿರುವ ಕುತೂಹಲ. 

ರಿಯಲ್​ ಗಂಡನ ಜೊತೆ ಲಾಕ್​ ಅಮೃತಧಾರೆ ಭೂಮಿಕಾ: ಗೌತಮ್​ ಜೊತೆ ಯಾವಾಗ ಲಾಕಾಗೋದು ಕೇಳ್ತಿದ್ದಾರೆ ಫ್ಯಾನ್ಸ್​!

Follow Us:
Download App:
  • android
  • ios